>> ब्रह्मांडाच्या वयापासून ते वैद्यकीय तपासण्यांपर्यंत उपयोगी संशोधनाबद्दल सन्मान
यावर्षीचा भौतिकशास्त्रातील नोबेल पुरस्कार तीन वैज्ञानिकांना जाहीर झाला आहे. अमेरिकेचे शास्त्रज्ञ पियरे अगोस्तिनी, जर्मनीचे फेरेन्स क्रॉज आणि स्वीडनच्या ॲनी एल. हुईलर यांना यंदाचा भौतिकशास्त्रातील नोबेल पुरस्कार दिला जाणार आहे. या तीन शास्त्रज्ञांनी अशी उपकरणे विकसित केली आहेत, ज्याद्वारे ॲटोसेकंदात इलेक्ट्रॉनचे जग पाहता येईल. ॲटोसेकंद म्हणजे 1/1,000,000,000,000,000 वा भाग. याद्वारे त्यांनी ब्रम्हांडाचे वय शोधून काढले. ब्रह्मांडाचे वय जाणून घेण्यापासून ते आरोग्य तपासण्यांपर्यंत अनेक गोष्टींसाठी अगोस्तिनी, क्रॉज आणि हुईलर यांचे संशोधन कामी आले आहे.
ॲनी एल. हुईलर यांनी 1987 मध्ये एक निरीक्षण नोंदवले की, जेव्हा नोबल गॅसमधून इन्फ्रारेड लेजर लाईट टाकली जाते, तेव्हा प्रकाशाचे अनेक ओव्हरटोन दिसतात. प्रत्येक ओव्हरटोनची वेगळी सायकल आहे. जेव्हा एखाद्या वायूच्या अणूंवर प्रकाश पडतो, तेव्हा असे घडते. त्यामुळे अणूंच्या इलेक्ट्रॉन्सना ऊर्जा मिळते. त्यामुळे ते अणू प्रकाशित होतात.
पियरे अगोस्तिनी यांनी 2001 मध्ये प्रकाशाशी संबंधित एक प्रयोग केला. या प्रयोगाद्वारे त्यांना इलेक्ट्रॉन्सचे जग समजून घेता आले. इलेक्ट्रॉन्सवर अशा प्रकारचा प्रयोग याआधी कोणीच केला नव्हता. हा प्रयोग करताना त्यांनी ॲनी एल. हुईलर यांच्या प्रयोगांचाही आधार घेतला होता.
पुढील नोबेल पुरस्कारांची घोषणा कधी?
यानंतर रसायनशास्त्रातील विजेत्यांची 4 ऑक्टोबर रोजी घोषणा केली जाईल. साहित्यातील पारितोषिक 5 ऑक्टोबरला, नोबेल शांतता पुरस्काराची घोषणा 6 ऑक्टोबर रोजी होणार आहे. त्यानंतर 9 ऑक्टोबर रोजी अर्थशास्त्राठीतील नोबेल पुरस्कार विजेत्यांची घोषणा केली जाईल.
