नुवे येथे काल दुपारी तीन वाहनांमध्ये झालेल्या अपघातात दोन वाहनांची हानी होऊन एकजण गंभीर जखमी होण्याची घटना घडली. काल दुपारी मुंबई येथे जाणारी प्रवासी बस मडगाव येथून पणजीला निघाली होती तर पणजी येथून मडगाव मार्गे टाटा २०७ पिकअप अननस भरून येत होती व त्या पिकअपच्या मागे एक नॅनो कार होती. नुवे येथे पिकअप व बस यांच्यात समोरासमोर टक्कर झाल्यानंतर टाटा पिकअपची धडक नॅनो कारला बसली. त्यात कारचे व टाटा पिकअपच्या दर्शनी भागाचे बरेच नुकसान झाले. या अपघातात टाटा पिकअपचा चालक जॉर्ज थिक्केयेनरी (४३) गंभीर जखमी झाला आहे.
