टिकरी व संघू सीमा तात्पुरती खुली

>> शेतकरी आंदोलनाला 13 दिवस पूर्ण

शेतकरी आंदोलनाला काल रविवारी 13 दिवस पूर्ण झाले असून शेतकऱ्यांचा दिल्लीकडे मोर्चा पाहता 11 दिवस बंद असलेली दिल्लीची टिकरी बॉर्डर आणि सिंघू बॉर्डर तात्पुरती उघडण्यात आली आहे. दिल्ली पोलिसांनी टिकरी सीमेवर लावलेले कंटेनर आणि दगड हटवले आहेत. पंजाबचे शेतकरी शंभू आणि खनौरी सीमेवर उभे आहेत. त्यांनी 29 फेब्रुवारीपर्यंत दिल्लीकडे मोर्चाचा निर्णय पुढे ढकलला आहे. जोपर्यंत मागण्या पूर्ण होत नाहीत तोपर्यंत घरी परतणार नसल्याचे शेतकऱ्यांचे म्हणणे आहे.

दुसरीकडे, हरियाणातील 7 जिल्ह्यांमध्ये मोबाइल इंटरनेटवरील बंदी उठवण्यात आली आहे. अंबाला, कुरुक्षेत्र, कैथल, जिंद, हिस्सार, फतेहाबाद आणि सिरसा येथे 11 फेब्रुवारीला सकाळी 6 वाजेपासून इंटरनेट बंद करण्यात आले होते.
दिल्ली पोलिसांनी टिकरी व संघू सीमेवरील सुरुवातीला एक बाजूचा रस्ता खुला करण्यात आला आहे. याशिवाय झारौडा सीमेवरही बाजूच्या हालचाली सुरू झाल्या आहेत. त्यामुळे दिल्लीत ये-जा करणाऱ्या नागरिकांना दिलासा मिळाला आहे.

शेतकरी नेते जगजित सिंग डल्लेवाल यांनी मंचावर बोलताना म्हटले की, आमचे प्रकरण वादळ निर्माण करू शकते. आमच्या शेतकऱ्यांवर गोळ्या झाडणाऱ्यांवर सरकारने कारवाई करावी. पंजाबच्या हद्दीत घुसून शेतकऱ्यांचे अपहरण करणाऱ्यांवर कारवाई करण्याची, त्यांना मारहाण करणाऱ्या आणि शेतकऱ्यांचे ट्रॅक्टर फोडणाऱ्यांवर कारवाई करण्याची मागणी डल्लेवाल यांनी केली आहे. तसेच आमचे संरक्षण करण्याची जबाबदारी पंजाब सरकारची असल्याचे डल्लेवाल यांनी सांगितले. शेतकरी नेते पंढेर यांनी, एका पत्रकार परिषदेत सरकारशी पुन्हा चर्चेचे संकेत दिले आणि सरकार सिंघू-गाझीपूर सीमा आणि इंटरनेट उघडण्याचे काम करत असल्याचे सांगितले. आता या वातावरणात योग्य चर्चा होऊ शकते असे सांगितले. पंजाबमधील 7 जिल्ह्यांतील 19 भागात 26 फेब्रुवारीपर्यंत इंटरनेट बंद राहणार असल्याचे यावेळी स्पष्ट करण्यात आले.