ज्येष्ठ शिवसेना नेते सुधीर जोशी यांचे काल निधन झाले. सुधीर जोशी यांना जानेवारीमध्ये कोरोनाची बाधा झाल्यामुळे मुंबईतील जसलोक रुग्णालयात दाखल करण्यात आले होते. त्यातून बरे झाल्यानंतर त्यांना घरी आणण्यात आले होते. त्यानंतर काल वयाच्या ८१ व्या वर्षी राहत्या घरी त्यांची प्राणज्योत मालवली.
सुधीर जोशी हे शिवसेनाप्रमुख बाळासाहेब ठाकरे यांचे अत्यंत जवळचे सहकारी होते. ते १९७२ मध्ये मुंबईचे महापौर झाले. पुढे पदवीधर मतदारसंघाचे पहिले आमदार, विधान परिषदेचे विरोधी पक्षनेते, महसूलमंत्री आणि शिक्षण मंत्री म्हणून देखील त्यांनी काम पाहिले.
