तेलुगू देसम पार्टीचे (टीडीपी) अध्यक्ष एन. चंद्राबाबू नायडू हे बुधवार दि. 12 जून रोजी आंध्र प्रदेशचे मुख्यमंत्री म्हणून शपथ घेणार आहेत. नायडू यांचा शपथविधी सोहळा अमरावतीत होणार आहे. यावेळी नरेंद्र मोदी आणि नव्या केंद्रीय मंत्रिमंडळातील अनेक मंत्र्यांची उपस्थिती असेल.
रू शकतात. हैदराबादला तेलंगणा आणि आंध्र प्रदेशची संयुक्त राजधानी म्हणून ठेवण्याचा 10 वर्षांचा करार 2 जून रोजी संपला. सध्या आंध्र हे देशातील एकमेव राज्य आहे ज्याची राजधानी नाही.
चंद्राबाबू नायडू चौथ्यांदा राज्याचे मुख्यमंत्री होणार आहेत. यापूर्वी त्यांनी 1 सप्टेंबर 1995, 11 ऑक्टोबर 1999 आणि 8 जून 2014 रोजी तीन वेळा मुख्यमंत्रिपदाची शपथ घेतली होती. 2019 मध्ये वाएसआरसीपीचे अध्यक्ष जगन्मोहन रेड्डी यांनी विजयाची नोंद करून त्यांच्याकडून सत्ता हिसकावून घेतली होती.
2024 च्या विधानसभा निवडणुकीत एनडीएने आंध्र प्रदेशात प्रचंड बहुमताने विजय मिळवला. विधानसभेच्या 175 जागांपैकी नायडूंच्या टीडीपीला 135 जागा, पवन कल्याणच्या जनसेनेला 21 आणि भाजपला 8 जागा मिळाल्या आहेत. या तिन्ही पक्षांची युती आहे. दरम्यान, जगन्मोहन रेड्डी यांच्या वायएसआरसीपीला केवळ 12 जागा मिळाल्या. 2019 मध्ये वायएसआरसीपीने 175 पैकी 151 जागा जिंकल्या होत्या.
