केंद्रीय खाण मंत्रालयाने राज्य पातळीवर खाण क्षेत्रातील सुधारणांना प्रोत्साहन देण्यासाठी एक महत्त्वाचे पाऊल उचलले आहे. केंद्र सरकारने राज्य खाण तयारी निर्देशांक (एसएमआरआय) आणि राज्य क्रमवारी जाहीर केली आहे, यामुळे राज्यांमध्ये खाण क्षेत्रातील सुधारणांना प्रोत्साहन मिळणार आहे. गोवा राज्याचा श्रेणी ‘ब’मध्ये शीर्ष स्थानी समावेश आहे.
केंद्रीय अर्थसंकल्प 2025-26 अंतर्गत केलेल्या घोषणेनुसार ही सुधारणा करण्यात आली आहे. निर्देशांकाच्या रचनेत लिलाव कामगिरी, लवकर खाण कार्यान्वित करणे, कोळसा नसलेल्या खनिजांशी संबंधित शोध आणि शाश्वत खाणकाम यासारखे निर्देशक समाविष्ट आहेत.
एसएमआरआय अंतर्गत, राज्यांना त्यांच्या खनिज देणगीच्या आधारावर तीन श्रेणींमध्ये गटबद्ध करण्यात आले आहे. श्रेणी ‘अ’मध्ये मध्यप्रदेश, राजस्थान आणि गुजरात या शीर्ष तीन राज्यांचा समावेश आहे. श्रेणी ‘ब’मध्ये गोवा, उत्तर प्रदेश आणि आसाम या राज्यांनी शीर्ष तीनमध्ये स्थान मिळवले आहे. तर, श्रेणी ‘क’मध्ये शीर्ष तीन क्रमांक पंजाब, उत्तराखंड आणि त्रिपुरा यांनी मिळवले आहेत.
