राज्यात चोवीस तासांत नवीन ३२ कोरोनाबाधित आढळून आले असून, आणखी २ कोरोना बळींची नोंद झाली आहे. राज्यातील कोरोना बळींच्या एकूण संख्या ३८०० एवढी झाली आहे. राज्यात कोरोना रुग्ण आढळून येण्याचे प्रमाण १.२३ टक्के एवढे असून, राज्यातील सक्रिय रूग्णसंख्या ३४७ एवढी झाली आहे. राज्यात फेब्रुवारी महिन्यात आत्तापर्यंत १०७ कोरोनाबाधितांचा बळी गेला आहे. राज्यातील नवीन कोरोनाबाधिताच्या संख्येत घट होत आहे. गेल्या चोवीस तासांत २५८७ स्वॅबची तपासणी करण्यात आली, त्यातील ३२ स्वॅबचे नमुने बाधित आढळून आले. राज्यात मागील चोवीस तासांत आणखी ९० जण कोरोनामुक्त झाले असून, रुग्ण बरे होण्याचे प्रमाण ९८.३१ टक्के एवढे आहे.
