महाशिवरात्रीच्या मुहूर्तावर शिवभक्तांसाठी एका आनंदाची बातमी समोर आली. केदारनाथ धामचे दरवाजे ६ मे २०२२ रोजी सकाळी ६.२५ वाजता भाविकांसाठी खुले होणार आहेत. महाशिवरात्रीनिमित्त पारंपारिक पूजापाठानंतर केंदारनाथ मंदिराचे दरवाजे उघडण्याची तारीख व वेळ जाहीर करण्यात आली. श्री बद्रीनाथ-केदारनाथ मंदिर समितीचे पीआरओ डॉ. हरीश गौर यांनी ही माहिती दिली. उखीमठ येथून ठरलेल्या वेळापत्रकानुसार भगवान श्री केदारनाथांची पंचमुखी उत्सव डोली २ मे रोजी पंचकेदार गद्दी येथील ओंकारेश्वर मंदिरातून केदारनाथसाठी निघेल. त्यानंतर केदारनाथ धामचे दरवाजे ६ मे रोजी उघडतील.
