>> पोलिसांकडून तिघांना अटक
बांबोळी येथील कुजिरा शिक्षण संकुलातील एका महाविद्यालयीन विद्यार्थ्यावरील खुनी हल्ला प्रकरणी तिघांना आगशी पोलिसांनी काल अटक केली आहे.
पोलिसांनी ज्योशुआ झेवियर, झाएकुल्ला काझी आणि शोएब बेग (सर्व करंजाळे) या तिघांना खुनाचा प्रयत्न केल्याच्या आरोपाखाली अटक केली आहे.
कुजिरा येथील शिक्षण संकुलात पूर्ववैमनस्यातून एका महाविद्यालयीन विद्यार्थ्यावर सुरीच्या साहाय्याने हल्ला करण्यात आला. सदर विद्यार्थ्याच्या काही मित्रांनी मदतीसाठी धाव घेतली. यात तिघे विद्यार्थी किरकोळ जखमी झाले आहेत. एक युवक हातात सुरी घेऊन विद्यार्थ्यांना धमकावत होता. कुजिरा येथे सुरा घेऊन धुमाकूळ घालणाऱ्या युवकाचा व्हिडिओ सोशल मिडियावर व्हायरल झाल्यानंतर पोलिसांनी घटनास्थळी धाव घेतली. तथापि, संशयितांनी घटनास्थळावरून पलायन केले. परंतु संशयितांना फोंडा येथे ताब्यात घेण्यात पोलिसांना यश मिळाले.
