दिल्लीत राजपथावरील प्रजासत्ताक दिनाच्या संचलनात उत्तर प्रदेशचा चित्ररथ सर्वोत्कृष्ट ठरला आहे, तर लोकप्रिय निवड गटात महाराष्ट्राच्या चित्ररथाने बाजी मारली आहे. याशिवाय सर्वोत्कृष्ट मार्चिंग पथक म्हणून सीआयएसएफची निवड करण्यात आली आहे. संरक्षण मंत्रालयाने ही माहिती दिली. संरक्षण सेवेत भारतीय नौदलाचे पथक सर्वोत्कृष्ट ठरले. त्याचबरोबर भारतीय हवाई दलाने लोकप्रिय निवड गटात बाजी मारली. अन्य एका गटात शिक्षण मंत्रालय आणि नागरी विमान वाहतूक मंत्रालय यांना संयुक्त विजेते घोषित करण्यात आले आहे.
