पाझरखणी, कुंकळी येथे तीन अतिरेक्यांनी बंदुकीच्या गोळ्या झाडल्याची खोटी माहिती पोलीस नियंत्रण कक्षाला फोन करून दिल्याप्रकरणी पोलिसांनी नेस कुतिन्हो या १९ वर्षांच्या युवकाला अटक केली आहे. सदर युवकाने सकाळी १०.३० वाजता फोन केल्यानंतर पोलीस अधिकार्यांनी फौजफाट्यासह पाझरखणी येथे धाव घेतली. बंदुकीच्या गोळ्या आणि संभाषणाचा आवाज तयार करून पोलिसांना ऐकवण्यात आले होते. पूर्ण तपासाअंती संध्याकाळी ६.३० वाजता ही घटना बनावट असल्याचे निष्पन्न झाले. पोलिसांनी दिलेल्या माहितीनुसार सदर युवक कुंकळी येथे महाविद्यालयात शिकत असून प्रजासत्ताकदिनी दिल्ली येथे संचलनासाठी निवड रद्द झाल्याने त्याने हे नाटक केले. त्याच्या या नाटकामुळे पणजी तसेच मडगावचे वरिष्ठ पोलीस अधिकारी कुंकळीला ठाण मांडून होते.
