वारखंड-पेडणे येथील नारायण बर्वे (वय ४९) यांना अज्ञात वाहनाने धडक दिल्याने ते जागीच ठार झाले. पेडणे पोलिसांनी दिलेल्या माहितीनुसार काल सकाळी १०.३० च्या दरम्यान जीए ०३ एल ९८०३ या आपल्या दुचाकीने बर्वे मालपे-मार्गे वारखंड येथे जात असताना अज्ञात वाहनाने धडक दिली. यावेळी त्यांच्या डोक्यावर मागचे चाक गेल्याने ते जागीच ठार झाले, असा संशय पोलिसांनी व्यक्त केला. अज्ञात वाहनाचा तपास चालू असल्याची माहिती पोलिसांनी दिली. पोलीस निरीक्षक तुषार लोटलीकर यांच्या मार्गदर्शनाखाली पोलीस उपनिरीक्षक भाई नाईक पुढील तपास करीत आहेत.
