28 C
Panjim
Tuesday, September 22, 2020

शिवसेनेला १७० आमदारांचा पाठिंबा

>> संजय राऊत : भाजपशी चर्चा मुख्यमंत्रिपदाबाबतच

महाराष्ट्रात सरकार स्थापनेचा तिढा कायम असतानाच काल शिवसेनेेचे ज्येष्ठ नेते संजय राऊत यांनी शिवसेनेला १७० आमदारांचा पाठिंबा असल्याचा दावा करून त्या जोरावर शिवसेना सरकार स्थापन करण्यास सक्षम असल्याचे पत्रकार परिषदेत स्पष्ट केले. या पार्श्‍वभूमीवर शिवसेना भाजपकडे केवळ मुख्यमंत्रिपदाच्या मुद्द्यावरच चर्चा करेल असेही त्यांनी यावेळी सांगितले.

‘आम्हाला १७० हून अधिक आमदारांचा पाठिंबा आहे. ही संख्या १७५ वरही जाऊ शकते’, असा दावाही राऊत यांनी केला. ही विधानसभा निवडणूक शिवसेना-भाजप यांनी महायुती करुन लढविली असली तरी निकालानंतर मुख्यमंत्रिपदाच्या मुद्द्यावरून सरकार स्थापनेचा तिढा निर्माण झाला आहे.

दरम्यान, राऊत यांनी यावेळी माहिती दिली की, पक्ष प्रमुख उध्दव ठाकरे औरंगाबादमधील झालेल्या अवेळच्या पावसामुळे झालेल्या नुकसानीचा आढावा घेण्यासाठी तेथे काल गेले आहेत. सामनामधून राऊत यांनी भाजपला महाराष्ट्रात राष्ट्रपती राजवट लागू करुन दाखवावी असे आव्हानही दिले आहे. तसे केल्यास या शतकातील सर्वात मोठा पराभव ठरेल असेही त्यांनी म्हटले आहे.

शिवसेना-राष्ट्रवादी कॉंग्रेस
हातमिळवणी शक्य
सध्या महाराष्ट्रात सरकार स्थापनेविषयी तर्कवितर्क सुरू असून शिवसेना सरकार स्थापन करण्यासाठी राष्ट्रवादी कॉंग्रेस पक्षाशी हातमिळवणी करणार असल्याची चर्चा आहे. तसेच या सरकारला कॉंग्रेस बाहेरुन पाठिंबा देईल असा अंदाज वर्तविण्यात येत आहे. या अनुषंगाने राज्यातील काही कॉंग्रेस नेत्यांचे मत भाजपला सत्तेबाहेर ठेवण्यासाठी कॉंग्रेसने शिवसेनेला पाठिंबा द्यावा असे असल्याची चर्चाही आहे.
२८८ सदस्यीय महाराष्ट्र विधानसभेवर १०५ जागांसह भाजप सर्वात मोठा पक्ष आहे. शिवसेनेचे ५६, राष्ट्रवादी कॉंग्रेसचे ५४ तर कॉंग्रेसचे ४४ आमदार आहेत.

STAY CONNECTED

845FansLike
8,000SubscribersSubscribe

TOP STORIES TODAY

अल्झायमरला दूर ठेवण्यासाठी….

डॉ. गजानन पाणंदीकर(न्युरॉलॉजिस्ट- हेल्थवे हॉस्पिटल) २१ सप्टेंबर हा जागतिक अल्झायमर दिन म्हणून साजरा केला जातो. अल्झायमर या रोगाचा...

कोरोना विरोधात रसायन द्रव्ये

डॉ. मनाली म. पवार(सांतइनेज, पणजी) २०२० वर्ष फक्त जगायचे, आरोग्य सांभाळायचे. बस्स..! कोणतीच चिंता नको, कसे होईल ही...

भाजणे : लक्षणे, कारणे, उपचार भाग – २

डॉ. सुरज सदाशिव पाटलेकर(श्रीव्यंकटेश आयुर्वेद, मडगांव) कित्येक लोकांचा असा गैरसमज असतो की भाजलेल्या जखमेवर टूथपेस्ट, क्रीम, बटर इत्यादी...

गायीचे दूध आणि त्याचे स्वरूप भाग – ३

वैद्य स्वाती हे. अणवेकरम्हापसा आपल्या देशी गाईंचे संगोपन अगदी कमी खर्चात होते. म्हणून त्यांना बेवारशासारख्या रस्त्यावर न सोडता...

हडेलहप्पी नको

संसदेचे पावसाळी अधिवेशन मोदी सरकारच्या कृषी विधेयकांवरून वादळी ठरले आहे. रविवारी राज्यसभेमध्ये जो काही प्रकार घडला तो अशोभनीय होता. विरोधी पक्षांच्या सदस्यांनी...

ALSO IN THIS SECTION

मुसळधार पावसाने गोवा जलमय

>> आजही मुसळधार पावसाची शक्यता आजवर १५३.४८ इंच पाऊससरासरीच्या ३५ टक्के अधिकसांग्यात सात इंच पावसाची नोंदफोंडा, सत्तरी, केप्यालाही झोडपले

साडे बारा हजार रुग्ण होम आयसोलेशनखाली

राज्यात कोरोनाबाधितांकडून होम आयसोलेशन घेण्याचे प्रमाण वाढत असून सौम्य लक्षणे असलेल्या आणखी ४८५ रुग्णांनी काल होम आयसोलेशनचा पर्याय स्वीकारला. त्यामुळे होम आयसोलेशनखालील...

कृषी विधेयके ही २१ व्या शतकाची गरज : मोदी

सरकारने रविवारी संसदेत संमत केलेली तिन्ही कृषी विधेयके ही भारताची एकविसाव्या शतकाची गरज असल्याचे प्रतिपादन पंतप्रधान नरेंद्र मोदी यांनी काल केले. विरोधी...

निलंबित राज्यसभा सदस्यांचा सभागृहातून जाण्यास नकार

केंद्र सरकारने संमत केलेल्या कृषी विधेयकांना विरोध करताना असांसदीय वर्तणूक केल्याप्रकरणी राज्यसभेतून निलंबित करण्यात आलेल्या आठ खासदारांनी काल सभागृह सोडण्यास नकार दिल्याने...

केंद्र सरकारकडून रब्बी पिकांच्या किमान आधारभूत किंमतीत वाढ

शेतकर्‍यांना दिलासा देण्यासाठी केंद्र सरकारने काल रब्बी पिकांच्या किमान आधारभूत किंमतींत क्विंटलमागे ५० रू. ते ३०० रू. वाढ घोषित केली. लोकसभेत कृषीमंत्री...