26 C
Panjim
Monday, January 18, 2021

दिवेलागण…

  • गौरी भालचंद्र

एक सांगू तुम्हाला…वातावरणात प्रसन्नपणा आणण्याचं सामर्थ्य तिन्हीसांजेत असतं हेच खरं… आणि घरातील खेळीमेळीचे वातावरण त्याच्या जोडीला असेल तर क्या बात है, लाजवाब..!

तिन्हीसांजेला दिवेलागण झाली की लहान मुले-मुली बैठकीत श्‍लोक परवचा म्हणत आणि इकडे देवापुढे दिवा लावून आजी एक दिवा तुळशी वृंदावनाजवळ लावून परत देवघरात येऊन अगदी शांतपणे दिव्याच्या मंद प्रकाशात देवाकडे स्थिर मनाने आपल्या घरासाठी आणि आपल्या माणसांसाठी बरे मागायची…
संध्याकाळी मंद प्रकाशात क्षणभर डोळे मिटून दिवेलागणीच्या वेळी मनापासून देवापुढे आपण नतमस्तक होतो… आमच्यासोबत शुभंकरोती म्हणताना… आम्हाला शिकवताना आजीचा चेहरा तर समईसारखा उजळायचा अगदी.
पूर्वीच्या काळात गावाला कंदिलाच्या काचा साफ करणे, बाकीच्या दिव्यातील वाती साफ करणे हा रोजचा उद्योग असायचा आमच्या आजोबांचा… या दिवेलागणीला अनेक संदर्भ होते. या वेळेच्या आत मुलांनी खेळ आटोपून घरात यावे, हातपाय धुऊन शुभंकरोती म्हणावे आणि अभ्यासाला लागावे, अशी शिस्त होती. सांजवात करणे, तुळशीसमोर दिवा लावणे हेही होतेच. तिन्हीसांजेला दिवेलागण, धूप घालून झाला की माझे आजोबा खळ्यात आरामखुर्चीत बसून पोथी वाचत बसत…
माझी आजी सांगायची… संध्याकाळचे जेवण तयार झाले की मुलांनी पाटपाणी घ्यायची प्रथा होती. अगदी ताटाखाली आणि टेकायला पाट नसला तरी बसण्यासाठी एक पाट असायचाच. आता जमिनीवर बसण्यासाठी आपण सतरंजी वगैरे अंथरतो. पण त्या काळात अगदी आमच्याकडेही पाटावर बसण्याचीच प्रथा होती. पाणी घ्यायचे म्हणजे माठातील गार पाणी तांब्यात काढून घ्यायचे. पेल्याला फुलपात्र किंवा भांडे असा शब्द खास करून आमच्या घरी वापरात होता.

रात्रीचे जेवण झाले की बायकांचे अत्यावश्यक काम असायचे ते म्हणजे फ्रीज नसल्याने उरलेली भाजी- आमटी, दुसर्‍या भांड्यात काढून ती थंड पाण्याच्या परातीमध्ये… व्यवस्थित झाकून ठेवावी लागे. तापवलेले दूध थंड करून त्यावर जाळीचे झाकण ठेवणे, विरजण लावणे पण करावे लागे. दूधदुभत्यासाठी जाळीचे कपाट असे. रात्री कुठे बाहेर जायचे असेल किंवा अगदी अंगणात गप्पा मारत बसायचे असेल तर आईला हे सगळे आटपूनच यावे लागे.
आमचे आजोबा म्हणत, तिन्हीसांज ही पवित्र मानली जाते. त्यावेळी अवकाशात आढळणारा संधिप्रकाश कसा मनाला सुखावून जात असतो… प्रसन्न करत असतो. एक सांगू तुम्हाला… वातावरणात प्रसन्नपणा आणण्याचं सामर्थ्य तिन्हीसांजेत असतं हेच खरं… आणि घरातील खेळीमेळीचे वातावरण त्याच्या जोडीला असले तर क्या बात है, लाजवाब..!

STAY CONNECTED

845FansLike
8,000SubscribersSubscribe

TOP STORIES TODAY

मागणी मान्य

अखेर मेळावलीवासीयांची मागणी मान्य झाली. त्यांनी स्थानिक आमदार विश्वजित राणे यांना नमवले. विश्वजितनी सरकारला नमवले आणि मेळावलीतून आयआयटी प्रकल्प अन्यत्र हलविण्यास सरकार...

मेळावलीतील आयआयटी प्रकल्पाचे

>> मुख्यमंत्र्यांची पत्रकार परिषदेत माहिती, आंदोलकांवरील गुन्हे मागे घेणार शेळ-मेळावली येथील आयआयटी प्रकल्पाला स्थानिक लोकांचा असलेला तीव्र विरोध लक्षात...

आजपासून देशात कोरोना लसीकरण

>> गोव्यात ७०० जणांना लस आज शनिवार दि. १६ जानेवारीपासून देशात कोरोना प्रतिबंधक लसीकरण सुरू होणार आहे. पंतप्रधान नरेंद्र...

आजपासून देशात कोरोना लसीकरण

>> गोव्यात ७०० जणांना लस आज शनिवार दि. १६ जानेवारीपासून देशात कोरोना प्रतिबंधक लसीकरण सुरू होणार आहे. पंतप्रधान नरेंद्र...

पंतप्रधानांनी फोनद्वारे केली श्रीपादभाऊंची विचारपूस

अंकोल्याजवळ अपघातात जखमी झालेले व सध्या गोमेकॉमध्ये उपचार घेणारे केंद्रीय आयुषमंत्री श्रीपाद नाईक यांच्याशी काल पंतप्रधान नरेंद्र मोदी यांनी दूरध्वनीवरून संपर्क साधून...

ALSO IN THIS SECTION

उरल्या सगळ्या त्या आठवणी…

सोमवारी रात्री गोकर्णला देवदर्शनासाठी जाताना केंद्रीय संरक्षण व आयुष राज्यमंत्री व उत्तर गोव्याचे खासदार श्रीपाद नाईक यांच्या गाडीला अंकोल्याजवळ झालेल्या अपघातात...

शाणी

प्राजक्ता प्र. गावकर(नगरगाव- वाळपई) आबालवृद्धांना त्याच्याबद्दल विलक्षण आपुलकी आहे. कुणाच्याही घरी काही कार्य असेल तर त्याचे पान ठरलेले...

विश्‍वशांतीचे प्रतिनिधी ः स्वामी विवेकानंद

डॉ. लता स. नाईक ‘‘माय डियर ब्रदर्स अँड सिस्टर्स’’ म्हणून त्यांनी सर्व श्रोतृवृंदाला संबोधले व सभागृहात अजरामर असा...

अहंकाराचा वारा न लागो …

ज.अ. रेडकर.(सांताक्रूझ) गैर व भ्रष्ट मार्गाने मिळवलेली संपत्ती तर कधीच सुख आणि समाधान देऊ शकत नाही. सत्ता आज...

निराधारांचे आश्रयस्थान ः मातृछाया

सुरेखा दीक्षित आज शनिवार दि. ९ जानेवारी २०२१ रोजी सायंकाळी ४.०० वा.तळावली, फोंडा येथे मातृछाया ट्रस्टच्या मातृछाया बालिका...