हैदराबादमधील चारमिनारजवळील गुलजार हाऊसमधील एका इमारतीला काल रविवारी सकाळी आग लागली. या आगीत आतापर्यंत 8 मुलांसह 17 जणांचा मृत्यू झाला आहे. यावेळी 10 ते 15 लोकांना सुरक्षितपणे बाहेर काढण्यात आले आहे. काही लोक अजूनही ढिगाऱ्यात अडकले असून बचावकार्य सुरू आहे. आगीचे कारण शॉर्ट सर्किट असल्याचे सांगितले जात आहे, परंतु अद्याप अधिकृतपणे याबाबत माहिती उपलब्ध झालेली नाही.
ही इमारत तीन मजली होती आणि आग तळमजल्यावर लागली. मृत्युमुखी पडलेले सर्व लोक याच मजल्यावर राहत होते. सकाळी साडेसहाच्या सुमारास अग्निशमन विभागाला आगीची माहिती देण्यात आली. त्यानंतर पथक घटनास्थळी पोहोचले आणि बचावकार्य सुरू केले. अनेक लोक बेशुद्ध अवस्थेत आढळले आणि सुमारे 10 जणांना रुग्णालयात दाखल करण्यात आले आहे. मृतांचा आकडा वाढू शकतो.
अपघाताच्या वेळी चारमिनार परिसरात काळ्या धुराचे ढग तयार झाले होते. आगीमुळे इमारतीतील सर्व काही जळून खाक झाले आहे. अपघातानंतर अग्निशमन दलाच्या 11 गाड्या घटनास्थळी पोहोचल्या. घटनेनंतर लोकांनी जखमींना गाड्यांमधून रुग्णालयात नेले. मुख्यमंत्री रेवंत रेड्डी यांनी अपघाताबद्दल दुःख व्यक्त केले आणि जखमींना त्वरित उपचार देण्याचे निर्देश दिले.
पंतप्रधान मोदींनी व्यक्त केला शोक
पंतप्रधान मोदींनी या घटनेबद्दल तीव्र दुःख व्यक्त केले आहे. हैदराबाद आगीच्या घटनेत झालेल्या जीवितहानीमुळे खूप दुःख झाले. ज्यांनी आपल्या प्रियजनांना गमावले आहे त्यांच्याबद्दल संवेदना.
पंतप्रधान मदत निधीतून मृतांच्या कुटुंबियांना प्रत्येकी 2 लाख रुपये आणि जखमींना प्रत्येकी 50,000 रुपये दिले जातील असे मोदींनी म्हटले आहे. तेलंगणाच्या मंत्री पन्नम प्रभाकर यांनी अग्निशामक दल सकाळी 6:16 वाजता घटनास्थळी पोहोचले. टीमने सर्वांना वाचवण्याचा प्रयत्न केला, पण आग खूप वेगाने पसरली होती. या इमारतीत राहणारे बहुतेक लोक मरण पावले आहेत. मुख्यमंत्र्यांनी पीडितेच्या कुटुंबाशी बोलून त्यांना सरकारकडून सर्वतोपरी मदत करण्याचे आश्वासन दिले अ
