28.1 C
Panjim
Sunday, September 26, 2021

हवामान बदलामुळे पावसाचे स्वरूपच बदलले : साहू

पणजी (बबन भगत यांजकडून)
मान्सून आता पूर्वीसारखा राहिला नसून हवामान बदलामुळे पावसाचे एकूण स्वरूपच बदलून गेले आहे, असे पणजी वेधशाळेचे संचालक मोहनलाल साहू यांनी या प्रतिनिधीशी बोलताना सांगितले.
यासंबंधी अधिक माहिती देताना ते म्हणाले की आता जो पाऊस पडतो व पूर्वी जो पाऊस पडायचा यात बराच फरक आहे. ७० व ८० च्या दशकात एकदा पाऊस सुरू झाला की तो तीन-तीन, चार-चार दिवस व कधी कधी आठ-आठ दिवसही पाऊस थांबायचे नाव घ्यायचा नाही. सतत धो-धो पाऊस कोसळत रहायचा. तेव्हा पावसाला सातत्य होतं.
पण आता हवामान बदलामुळे पावसाचे एकूण स्वरूपच बदलून गेलेले आहे. मात्र, त्यात अचानक बदल झालेला नसून हवामान बदलामुळे कालानुरूप हा बदल होत गेलेला असल्याचे ते म्हणाले. आता ७०,८० च्या दशकाप्रमाणे सतत काही दिवस पाऊस पडत नाही. पण पडला तर एकदम पूर येईपर्यंत तो पडत असतो. आणि दडी मारली तर पुन्हा येण्याचं नाव घेत नाही. मानव जातीने निसर्गाशी जो खेळ मांडला आहे त्यामुळे पावसाचे गणित बदलले आहे आणि पर्यायाने त्याचे स्वरूपही बदलले आहे असे शास्त्रज्ञ असलेले मोहनलाल साहू म्हणाले.
वन संपदा व पाऊस याचे जवळचे नाते आहे याची मानवजातीला जाणीव आहे. पण तरीही विकासाच्या नावाखाली मोठ्या प्रमाणात झाडांची कत्तल केली जात आहे.
कॉंक्रिटीकरणामुळे भूगर्भात
पाणी मुरत नाही : साहू
विकासासाठी सध्या सर्वत्र कॉंक्रिटीकरण केले जाते. मात्र, कॉंक्रिटचे रस्ते, कॉंक्रिटची गटारे यामुळे भुगर्भातील पाण्याची पातळी व साठवण कमी होत जाणार असल्याचे त्यांनी स्पष्ट केले. पाऊस पडल्यानंतर पावसाचे पाणी जमीनीत मुरत असते. पण कॉंक्रिटचे रस्ते व कॉंक्रिटची गटारे यामुळे हे पावसाचे पाणी भूगर्भात जाऊ शकत नाही. ते वरच राहते व नंतर वाहून समुद्रात जाते असे साहू म्हणाले. पूर्वी कॉंक्रिटची गटारे व रस्ते नव्हते. त्यामुळे मोठा पाऊस आला की पाणी वाहून न जाता ते जमिनीवर साठून रहायचे व नंतर ते पाणी भूगर्भात जात असे. त्यामुळे भूगर्भात पाण्याची पातळी वाढत असे. पर्यायाने गावातील विहिरींत मुबलक पाणी मिळत असे. पाणी वाहून न जाता ज्या ज्या गावात पाणी साठून राहते ते गाव पाण्याच्या बाबतीत समृद्ध असतात, असे साहू यांनी स्पष्ट केले.
हवामान अंदाजासाठी
डॉप्लर रडार महत्त्वाचे
पणजी हवामान खात्यात आठवडाभरात डॉप्लर रडार बसवण्यात येणार असून या रडारमुळे हवामानाचा अचूक अंदाज बांधता येणार असल्याचे ते म्हणाले. या रडारमुळे आकाशातील ढगाचा वेग व हालचाली यांचे अचूक असे मोजमाप डॉप्लर रडारद्वारे होणार असून त्यामुळे पाऊस व हवामान याचे अचूक असे अंदाज बांधता येतील. गोव्यापासून ३०० ते ५०० कि.मी. अंतरापर्यंतचा वेध हे रडार घेऊ शकेल. ३०० कि.मी. पर्यंतच्या अंतराचा अगदी अचूक तर त्यापुढील अंतराचा कमी पण बर्‍यापैकी वेध हे रडार घेऊ शकणार असल्याचे साहू यांनी स्पष्ट केले.

STAY CONNECTED

847FansLike
8,000SubscribersSubscribe

TOP STORIES TODAY

महिलांचे अर्थार्जन

नीना नाईक दोन वर्षांत यश-अपयश, बेरीज-वजाबाकी यात प्रेम, द्वेष, आत्मीयता हे उघड झाले. कुठलाही व्यवसाय करताना… कोरोनाने हे...

‘डिटॉक्स डाएट’ म्हणजे काय?

वर्षा भिडे(आहारतज्ज्ञ) डिटॉक्स आहाराची गरज असेल तरच आणि व्यावसायिक तज्ज्ञांच्या मार्गदर्शनाखालीच त्याचा अवलंब करा, अन्यथा ते प्रकृतीसाठी त्रासदायक...

‘कॉलेजविश्व’

शुभंकर जोगजीव्हीएम्स जीजीपीआर कॉलेज ऑफ इकॉनॉमिक्स, फर्मागुडी मागची काही वर्षे आपण बघतोय ही कोरोना महामारी चालू आहे ज्यामुळे आपल्याला...

गोव्यातही खेला होबे!

अरविंद केजरीवाल यांच्या आम आदमी पक्षाने सध्या लोकप्रिय घोषणांच्या आतषबाजीत गोव्याचे राजकीय वातावरण ढवळून काढलेले असताना तृणमूल कॉंग्रेसच्या अध्यक्ष ममता बॅनर्जी यांनीही...

कॉंग्रेस, राष्ट्रवादी, तृणमूलच्या युतीसाठी शरद पवार प्रयत्नशील

>> राज्यातील नेत्यांनी मुंबईत घेतली भेट ममता बॅनर्जी यांच्या तृणमूल कॉंग्रेसने गोवा विधानसभा निवडणुकीच्या रिंगणात उतरण्याचा विचार चालवल्याच्या पार्श्‍वभूमीवर...

ALSO IN THIS SECTION

कॉंग्रेस, राष्ट्रवादी, तृणमूलच्या युतीसाठी शरद पवार प्रयत्नशील

>> राज्यातील नेत्यांनी मुंबईत घेतली भेट ममता बॅनर्जी यांच्या तृणमूल कॉंग्रेसने गोवा विधानसभा निवडणुकीच्या रिंगणात उतरण्याचा विचार चालवल्याच्या पार्श्‍वभूमीवर...

सीझेडएमपी मसुदा सादरीकरणासाठी आणखी ६ महिन्यांची मुदतवाढ द्या

>> सरकारची राष्ट्रीय हरित लवादाकडे मागणी किनारपट्टी क्षेत्र व्यवस्थापन आराखड्याचा (सीझेडएमपी) मसुदा तयार करण्यासाठी आणखी ६ महिन्यांचा कालावधी वाढवून...

भारत-अमेरिकेतील संबंध मजबूत करणार : बायडन

पंतप्रधान नरेंद्र मोदी हे अमेरिका दौर्‍यावर असून, काल त्यांनी द्विपक्षीय बैठकीत अमेरिकेचे राष्ट्राध्यक्ष जो बायडन यांची भेट घेतली. यावेळी बायडन यांनी भारत...

आयपीएल सट्टेबाजीप्रकरणी सहा जणांना ठोकल्या बेड्या

>> वास्को पोलिसांची कारवाई; लॅपटॉप,मोबाईलसह अन्य साहित्य जप्त वास्को पोलिसांनी एका माहितीच्या आधारे वाडे-वास्को येथील ‘सुशीला सी विंग’च्या एका...

राज्यातील ५० टक्के पात्र नागरिकांनी घेतले दोन्ही डोस

>> मुख्यमंत्री कार्यालयाची माहिती; लसीकरणाला वेग राज्यात सध्या लसीकरण मोहिमेला वेग आला असून, कोविड प्रतिबंधक लसीचे डोस घेण्यासाठी पात्र...