31 C
Panjim
Thursday, April 22, 2021

स्मिथने दाखवला इंग्लंडला इंगा!

>> ८ बाद १२२ वरून ऑस्ट्रेलियाची मजल २८४ पर्यंत

ऍशेस कसोटी मालिकेतील पहिल्या सामन्याच्या पहिला दिवस ऑस्ट्रेलियाचा माजी कर्णधार स्टीव स्मिथने गाजवला. संकटमोचनाची भूमिका पार पाडताना स्मिथने संघाला २८४ धावांपर्यंत पोहोचवत १४४ धावांची धीरोदात्त खेळी केली.
संघ ८ बाद १२२ असा चाचपडत असताना तळातील दोन खेळाडूंनी हाताशी धरून स्मिथने इंग्लंडच्या तोंडाला फेस आणला.

नाणेफेकीचा कौल जिंकून ऑस्ट्रेलियाचा कर्णधार टिम पेन याने प्रथम फलंदाजीचा निर्णय घेतला. कांगारूंनी मिचेल स्टार्क व जोश हेझलवूड यांना बाहेर बसवत पीटर सिडल व जेम्स पॅटिन्सन यांचा संघात समावेश केला. कांगारूंच्या डावाची सुरुवात भयावह झाली. भरवशाचा सलामीवीर डेव्हिड वॉर्नर केवळ २ धावा करून माघारी परतला. ‘रिव्ह्यू’चा वापर केला असता तर त्याला आपली विकेट राखणे शक्य झाले असते. बॅन्क्रॉफ्ट व ख्वाजा यांनादेखील प्रभाव पाडता आला नाही. त्यामुळे पाहुणा संघ ३ बाद ३५ अशा संकटात सापडला. स्मिथने यानंतर ट्रेव्हिस हेड (३५) याच्यासह चौथ्या गड्यासाठी ६४ धावांची भागीदारी केली.

संघाचे शतक फलकावर लागण्यापूर्वीच हेड माघारी परतला. या विकेटनंतर कांगारूंच्या डावाला गळती लागली. ३ बाद ९९ अशा स्थितीतून त्यांची ८ बाद १२२ अशी केविलवाणी स्थिती झाली. स्मिथ एका बाजूने नांगर टाकून उभा असताना दुसर्‍या टोकाने केवळ हजेरी लावण्याचे काम फलंदाजांनी केले. पीडर सिडल (४४) याने स्मिथला चांगली साथ दिली.

या द्वयीने नवव्या गड्यासाठी ८८ धावांची भागीदारी रचत संघाला दोनशेपार नेले. स्मिथने यानंतर नॅथन लायन (१२) याला सोबतीला घेत शेवटच्या गड्यासाठी ७४ धावा जोडल्या. या दरम्यान त्याने आपले २४वे कसोटी शतक पूर्ण केले. आपली शतकी खेळी त्याने १६ चौकार व २ षटकारांनी सजवली. इंग्लंडकडून स्टुअर्ट ब्रॉड सर्वांत यशस्वी गोलंदाज ठरला. त्याने ८६ धावांत पाच गडी बाद केले. कसोटीच्या एका डावात पाच किंवा जास्त बळी घेण्याची त्याची ही १७वी वेळ ठरली.

धावफलक
ऑस्ट्रेलिया पहिला डावः कॅमेरून बॅन्क्रॉफ्ट झे. रुट गो. ब्रॉड ८, डेव्हिड वॉर्नर पायचीत गो. ब्रॉड २, उस्मान ख्वाजा झे. बॅअरस्टोव गो. वोक्स १३, स्टीव स्मिथ त्रि. गो. ब्रॉड १४४, ट्रेव्हिस हेड पायचीत गो. वोक्स ३५, मॅथ्यू वेड पायचीत गो. वोक्स १, टिम पेन झे. बर्न्स गो. ब्रॉड ५, जेम्स पॅटिन्सन पायचीत गो. ब्रॉड ०, पॅट कमिन्स पायचीत गो. स्टोक्स ५, पीटर सिडल झे. बटलर गो. अली ४४, नॅथन लायन नाबाद १२, अवांतर १५, एकूण ८०.४ षटकांत सर्वबाद २८४
गोलंदाजी ः जेम्स अँडरसन ४-३-१-०, स्टुअर्ट ब्रॉड २२.४-४-८६-५, ख्रिस वोक्स २१-२-५८-३, बेन स्टोक्स १८-१-७७-१, मोईन अली १३-३-४२-१, ज्यो डेन्ली २-१-७-०
इंग्लंड पहिला डाव ः रॉरी बर्न्स नाबाद ४, जेसन रॉय नाबाद ६, अवांतर ०, एकूण २ षटकांत बिनबाद १०
गोलंदाजी ः पॅट कमिन्स १-०-३-०, जेम्स पॅटिन्सन १-०-७-०

जेम्स अँडरसन जायबंदी
इंग्लंडचा ३७ वर्षीय स्विंग गोलंदाज जेम्स अँडरसन जायबंदी झाला आहे. इंग्लंडच्या पहिल्या डावात केवळ चार षटके गोलंदाजी केल्यानंतर त्याने मैदान सोडले. पोटरीचा स्नायू दुखावल्यामु्‌ळे त्याने पुढे गोलंदाजी केली नाही. त्याच्या दुखापतीबाबत इंग्लंड संघाने अजून अधिकृत काहीही जाहीर केलेले नाही.

STAY CONNECTED

848FansLike
8,000SubscribersSubscribe

TOP STORIES TODAY

चैत्रगौरी हळदीकुंकू ः निसर्गपूजा

सौ दीपा जयंत मिरींगकर(फोंडा) गौरीला माहेरपण करणे हे एक निमित्त. निसर्गातील फळाफुलापानांचे रंग, रूप, चवी अनुभवायला आणि लेकीबाळींना...

कालमापनाचे साधन ः ‘पंचांग’

सुमरंग रायसालसेत आम्ही वर्ष, महिना, वार, दिवस जसं लक्षात ठेवतो, तसं पंचांग लक्षात ठेवायला त्रास नाही. ग्रहणाची वेळच सांगते की आमचं पंचांग...

असे व्हायला नको होते, पण…

ज. अ. रेडकर(सांताक्रूझ) ‘‘कुठेही गेले तरी आता पैसे दिल्याशिवाय नोकरी मिळत नाही सर, तेव्हा माझा नाइलाज आहे, निदान...

आईची माया

प्राजक्ता गावकर ‘‘आईची मायाच तशी असते ग पोरी.’’ अपघातात आई गेली पण तिच्या मनात तुला आणि बाळाला पाहायचे...

टॅक्सीचालकांनी संप मागे घेत चर्चेसाठी पुढे यावे ः मुख्यमंत्री

राज्यातील टुरिस्ट टॅक्सीचालकांनी आपला संप मागे घेऊन चर्चेसाठी पुढे यावे, असे आवाहन मुख्यमंत्री डॉ. प्रमोद सावंत यांनी पत्रकारांच्या एका प्रश्‍नावर बोलताना काल...

ALSO IN THIS SECTION

टॅक्सीचालकांनी संप मागे घेत चर्चेसाठी पुढे यावे ः मुख्यमंत्री

राज्यातील टुरिस्ट टॅक्सीचालकांनी आपला संप मागे घेऊन चर्चेसाठी पुढे यावे, असे आवाहन मुख्यमंत्री डॉ. प्रमोद सावंत यांनी पत्रकारांच्या एका प्रश्‍नावर बोलताना काल...

‘आयसीएसई’ बोर्डाची १०/१२वीच्या परीक्षा पुढे

देशात कोरोनाच्या वाढत्या संसर्गाच्या पार्श्‍वभूमीवर आयसीएसई बोर्डाकडून दहावी व बारावीची परीक्षा पुढे ढकलण्याचा निर्णय घेण्यात आला आहे. नुकताच केंद्र सरकारने सीबीएसईच्या दहावी...

चेन्नईने किंग्ज पंजाबला लोळवले

>> दीपक चहरची भेदक गोलंदाजी >> मोईन अलीही चमकला दु्रतगती गोलंदाज दीपक चहरच्या भेदक मार्‍याच्या जोरावर...

मुंबई इंडियन्स-सनरायझर्स हैदराबाद लढत आज रंगणार

मुंबई इंडियन्स आणि सनरायझर्स हैदराबाद यांच्यात आज आयपीएलच्या १४व्या पर्वातील नववी लढत चेन्नईच्या एमए चिदंबरम स्टेडियमवर आज रंगणार आहे.

सार्वजनिक कार्यक्रमांवर निर्बंध ः मुख्यमंत्री

>> मडगावचे ईएसआय इस्पितळ आजपासून पुन्हा सुरू >> शुक्रवारी कोरोनाने ९२७ बाधित, सहाजणांचा मृत्यू राज्यातील कोरोना...