28.1 C
Panjim
Sunday, September 26, 2021

स्थानिक उद्रेक

मांगूर हिलमध्ये जे घडल्याची भीती होती, ते कोरोनाचे स्थानिक संक्रमण झाल्याचे आजवर झालेल्या चाचण्यांच्या निष्कर्षांतून समोर आलेले आहे. जसजशा चाचण्या वाढतील, तशी कोरोनाबाधितांची ही संख्या वाढू शकते. हे केवळ मांगूरहिल परिसरापुरते हे स्थानिक संक्रमण किंवा ‘लोकल ट्रान्समिशन’ आहे की आतापर्यंत ते बाहेरील भागांमध्ये सामाजिक संक्रमणाच्या म्हणजे ‘कम्युनिटी ट्रान्समिशन’च्या रूपात पसरले आहे हे अजून स्पष्ट नाही. ज्या मच्छिमारी कुटुंबातील व्यक्तीमध्ये सर्वप्रथम कोरोनाची लक्षणे आढळली, त्याच्याकडूनच हा संसर्ग त्या परिसरात पसरला असही ठामपणे सांगता येत नाही. कोरोना फैलावाचा मूळ स्त्रोत कोणी वेगळाही असू शकतो. कोरोनाच्या बाबतीत पुन्हा पुन्हा स्मरण करून देण्याजोगी बाब म्हणजे त्या विषाणूची बाधा झालेल्यांपैकी बहुतेक लोक हे ‘एसिप्म्टोमॅटिक’ म्हणजे लक्षणविरहित असल्याने त्यांना आपण कोरोनाबाधित आहोत आणि आपल्यामुळे तो आजूबाजूच्या लोकांत पसरू शकतो ही कल्पनाच नसते. त्यामुळे ते स्वतःच्याही नकळत कोरोनाचे वाहक बनलेले असतात. मांगूर हिलमध्ये कोरोना अशाच व्यक्तींद्वारे पसरत गेला आहे.
कोरोनाचे सामाजिक संक्रमण हे सर्वांत धोकादायक असते, कारण त्यात तो कोणाकडून कसा कुठे संक्रमित झाला हे शोधणे शक्य नसते. त्याचे मूळही सापडत नाही आणि तो कोठवर पोहोचला आहे हेही कळत नाही. त्यामुळे त्याचा प्रसार रोखणेही कठीण असते. त्या पूर्वीचा टप्पा ज्याला मानले जाते, त्या स्थानिक संक्रमणाच्या बाबतीत ज्या परिसरात असा कोरोनाचा उद्रेक झाला आहे, त्याला निर्बंधित क्षेत्र घोषित करून तेथील लोकांना बाहेर पडण्यास प्रतिबंध करता येतो. मांगूर हिलमध्ये मच्छिमारी कुटुंब कोरोनाबाधित आढळताच राज्य सरकारने सर्वप्रथम त्या परिसराला सीलबंद केले. त्यामुळे आता जे रुग्ण सापडले आहेत, ते त्या परिसरातील लोकांच्या केलेल्या कोविड तपासण्यांत सापडलेले आहेत. अर्थात, यापैकी बरेचजण हे कोठे ना कोठे नोकरीला असतील. व्यवसायानिमित्त वा अन्य कारणांनी गावाबाहेर पडलेले असतील. त्यामुळे कोरोना विषाणूचा धारणा-काळ असलेल्या चौदा दिवसांत यापैकी किती लोक कुठे कुठे वावरले, त्यांच्या नजीकच्या संपर्कात कोण आले हे सगळे आता शोधावे लागणार आहे. कोरोनाचा सामाजिक संसर्ग झालेला आहे की नाही हे त्यानंतरच स्पष्ट होईल.
कोरोनाबाबत जागतिक आरोग्य संघटनेने घालून दिलेल्या नियमावलीनुसार त्याने बाधित झालेल्या रुग्णांची नावे सहसा जाहीर केली जात नाहीत. तसे केल्यास त्यांच्यावर सामाजिक बहिष्कारासारखे पाऊल समाजाकडून उचलले जाऊ शकते हे त्याचे कारण आहे. परंतु नावे जाहीर न करण्यातील धोका असा की त्यांच्या संपर्कात आलेल्यांपर्यंत ती माहिती न पोचल्याने ते स्वतःहून पुढे येऊ शकत नाहीत व आपण कोरोनाबाधित असू शकतो याबाबत अनभिज्ञच राहतात. यावेळी जनतेला किमान हे रुग्ण मांगूरहिलचे असल्याचे तरी सांगण्यात आले. राज्यात सुरवातीच्या काळात जे रुग्ण सापडले होते, ते नेमके कोणत्या भागातील आहेत हेदेखील सांगितले गेले नव्हते.
मांगूर हिलमध्ये कोरोना संक्रमितांची जी मोठी संख्या अचानक पुढे आली, त्यामुळे गोमंतकीय जनता हादरून गेलेली दिसते आहे. ही भीती अनाठायी नाही, परंतु असे प्रकार कोणाच्या ना कोणाच्या बेफिकिरीमुळे अधूनमधून घडतील हे वास्तव आता आपल्याला स्वीकारावेच लागेल आणि त्यानुसार अधिक खबरदारीही बाळगावी लागेल. सरकारकडून दरदिवशी दिल्या जाणार्‍या अधिकृत आकडेवारीवर विसंबून जनतेने निर्धास्त आणि बेफिकिर राहणे आत्मघातकी ठरू शकते. आरोग्य खात्याकडून रोज जी आकडेवारी जाहीर केली जाते, ती गोवा वैद्यकीय महाविद्यालयात करण्यात आलेल्या आरटी-पीसीआर चाचणीत दुजोरा मिळालेल्या कोरोनाबाधितांची असते. त्या आधी सर्वसामान्यपणे केल्या जाणार्‍या ट्रूनॅट चाचणी अहवालाच्या निष्कर्षांचा त्यात समावेश नसतो, कारण ती चाचणी तेवढी खात्रीशीर नाही. काणकाचे उदाहरण तर समोर आहेच. आरोग्यमंत्री मात्र जनतेला सावध करण्यासाठी म्हणा अथवा स्वतःची सक्रियता दाखविण्याच्या नादात म्हणा, ट्रूनॅट चाचणीचे आकडेही ट्वीट करीत असतात. मात्र, त्यामुळे जनतेच्या मनामध्ये सरकारच्या आकडेवारीप्रती संभ्रम आणि अविश्वास निर्माण होत असतो हेही लक्षात घेणे जरूरी आहे. आरोग्य खात्याची दैनंदिन पत्रकार परिषद नीला मोहनन फार चांगल्या प्रकारे हाताळत आहेत. कोरोनाच्या वस्तुस्थितीबाबत जनतेला त्यातून माहिती मिळत असते. ही माहिती जेवढी विस्तृत आणि वास्तववादी असेल, तेवढे जनतेच्या आणि सरकारच्याही हिताचेच ठरेल.
कोरोनाने राज्यात उचल खाल्लेली असताना भारतीय जनता पक्ष मात्र स्वतःच्या केंद्रातील सरकारच्या वर्षपूर्तीचा डांगोरा पिटण्याच्या प्रयत्नात आहे. चिनी वस्तूंवर बहिष्काराचे आवाहनही भाजप प्रदेशाध्यक्षांनी जनतेला नुकतेच केले. चीनची पूर्व सीमेवरील आगळीक निश्‍चितपणे निषेधार्ह आहे, परंतु बहिष्काराचे हे आवाहन वुहानपासून ममलापुरमपर्यंत उभय देशांत जे मैत्रिपर्व चालले होते त्याच्याशी आणि ‘मेक इन इंडिया’खाली चिनी कंपन्यांसाठी सरकारने ज्या पायघड्या अंथरलेल्या आहेत, त्याच्याशी विसंगत नाही काय? चिनी वस्तूंवर बहिष्कार घालायचा असेल तर त्यासाठी आधी केंद्र सरकारला आपली परराष्ट्र नीती बदलावी लागेल आणि ते सोपे नसते. त्यामुळे केवळ पक्षपातळीवरील हे बहिष्काराचे आवाहन हा कोरोनापासून जनतेचे लक्ष अन्यत्र वळवण्याचा खटाटोप तर नाही ना? सद्यपरिस्थितीत मोदी सरकारच्या गेल्या वर्षभरातील कामगिरीचे ढोल पिटण्याचा प्रयत्न भाजपने न करणेच हिताचे ठरेल, कारण आज जनतेचे लक्ष केवळ कोरोना या विषयावर केंद्रित झालेले आहे. सद्यपरिस्थिती केंद्रातील आणि राज्यातील सरकार कसे हाताळते आहे ते जनता बारकाईने पाहते आहे. चांगल्या गोष्टींचे कौतुक करते आहे आणि चुकांबद्दल बोटेही मोडते आहे. त्यामुळे सरकारच्या यशापयशाचे मोजमाप तूर्त तरी कोरोनासंदर्भातील उपाययोजनांच्या आधारेच आम जनता करणार आहे.

STAY CONNECTED

847FansLike
8,000SubscribersSubscribe

TOP STORIES TODAY

महिलांचे अर्थार्जन

नीना नाईक दोन वर्षांत यश-अपयश, बेरीज-वजाबाकी यात प्रेम, द्वेष, आत्मीयता हे उघड झाले. कुठलाही व्यवसाय करताना… कोरोनाने हे...

‘डिटॉक्स डाएट’ म्हणजे काय?

वर्षा भिडे(आहारतज्ज्ञ) डिटॉक्स आहाराची गरज असेल तरच आणि व्यावसायिक तज्ज्ञांच्या मार्गदर्शनाखालीच त्याचा अवलंब करा, अन्यथा ते प्रकृतीसाठी त्रासदायक...

‘कॉलेजविश्व’

शुभंकर जोगजीव्हीएम्स जीजीपीआर कॉलेज ऑफ इकॉनॉमिक्स, फर्मागुडी मागची काही वर्षे आपण बघतोय ही कोरोना महामारी चालू आहे ज्यामुळे आपल्याला...

गोव्यातही खेला होबे!

अरविंद केजरीवाल यांच्या आम आदमी पक्षाने सध्या लोकप्रिय घोषणांच्या आतषबाजीत गोव्याचे राजकीय वातावरण ढवळून काढलेले असताना तृणमूल कॉंग्रेसच्या अध्यक्ष ममता बॅनर्जी यांनीही...

कॉंग्रेस, राष्ट्रवादी, तृणमूलच्या युतीसाठी शरद पवार प्रयत्नशील

>> राज्यातील नेत्यांनी मुंबईत घेतली भेट ममता बॅनर्जी यांच्या तृणमूल कॉंग्रेसने गोवा विधानसभा निवडणुकीच्या रिंगणात उतरण्याचा विचार चालवल्याच्या पार्श्‍वभूमीवर...

ALSO IN THIS SECTION

गोव्यातही खेला होबे!

अरविंद केजरीवाल यांच्या आम आदमी पक्षाने सध्या लोकप्रिय घोषणांच्या आतषबाजीत गोव्याचे राजकीय वातावरण ढवळून काढलेले असताना तृणमूल कॉंग्रेसच्या अध्यक्ष ममता बॅनर्जी यांनीही...

गोमंतशाहीर

(विशेष संपादकीय) ही माझी कविता मिरविते |माझ्या गोव्याचीच मिरास ॥स्वर्गाला लाथाडून घेईन |इथल्या मातीचाच सुवास ॥गोव्यावरचे आणि गावावरचे आपले...

फडणवीस दौर्‍याचे फलित

भारतीय जनता पक्षाचे गोवा प्रभारी देवेंद्र फडणवीस यांनी आपल्या दोन दिवशीय गोवा भेटीमध्ये आगामी विधानसभा निवडणुकीच्या दृष्टीने पक्षाला नवी ऊर्जा आणि चेतना...

घोषणाच घोषणा!

आम आदमी पक्षाने आगामी विधानसभा निवडणुकीसंदर्भात काल गोव्यातील बेरोजगार, खाण व पर्यटन अवलंबितांना मासिक भत्त्याची घोषणा करून सत्ताधारी भारतीय जनता पक्षाला दुसरा...

आधी शाळा की कॅसिनो?

राज्य सरकारने गोमंतकीय जनतेचे पहिल्या डोसचे शंभर टक्के कोरोना लसीकरण झाल्याचा जो दावा केला, त्यामागे कॅसिनो, मसाज पार्लर आणि नाईट क्लब सुरू...