31 C
Panjim
Thursday, April 22, 2021

सिंधू चॅम्पियन

>> विश्‍व अजिंक्यपद स्पर्धेतील भारताचा सुवर्ण दुष्काळ संपवला

भारताची स्टार बॅडमिंटनपटू पी. व्ही. सिंधूने काल रविवारी विश्‍व बॅडमिंटन अजिंक्यपद स्पर्धेच्या महिला एकेरीच्या अंतिम फेरीत जपानच्या नोझोमी ओकुहाराला एकतर्फी लढतीत २१-७, २१-७ असे पराभूत केले. विश्‍व अजिंक्यपदावर मोहोर उमटवणारी सिंधू पहिली भारतीय खेळाडू आहे. सिंधूने चीनची स्टार झांग निंग हिच्या विक्रमाशी बरोबरी साधली. विश्‍व अजिंक्यपद स्पर्धेत निंग हिच्याप्रमाणेच सिंधूने १ सुवर्ण, २ रौप्य व २ कांस्यपदके पटकावली आहेत. या विजयासोबतच सिंधूने ओकुहाराविरुद्धचा जय-पराजयाचा रेकॉर्ड ९-७ असा केला आहे.

अंतिम सामन्याची सुरुवात २२ फटक्यांच्या दीर्घ रॅलीने झाली. सिंधूने नेटलगत चूक केल्याने पहिला गुण ओकुहाराने मिळविला. प्रारंभीची ही सकारात्मक बाब सोडल्यास ओकुहाराला पहिल्या गेममध्ये प्रभाव पाडता आला नाही. ओकुहाराला कोर्टच्या कोपर्‍यांत ढकलल्यानंतर जोरदार स्मॅशचा वापर करत सिंधूने वेगवान खेळ दाखवला. ओकुहाराने स्मॅश परतवलीच तर नेटलगत अलगद फटका खेळून सिंधूने ओकुहाराला अक्षरशः नाचवले. सिंधूने पहिल्या गेममध्ये दोनवेळा लागोपाठ आठ गुणांची कमाई केली. सर्वप्रथम ८-१ अशी व यानंतर १६-२ अशी आघाडी सिंधूने घेतली. सिंधूने काही वेळ हलके घेतल्यानंतर ओकुहाराने काही गुण घेत सन्मानजनक स्थिती गाठली. परंतु, या पलीकडे तिला काही जमले नाही.

दुसर्‍या गेममध्ये ओकुहाराने आपल्या खेळाच्या गतीत बदल करत सिंधूवर दबाव टाकण्याच्या प्रयत्न केले. परंतु, सिंधूने ही रणनीती ओळखत ओकुहाराला वरचढ होऊ दिले नाही. दुसर्‍या गेमच्या प्रारंभीच सिंधने ९-२ अशी मोठी आघाडी घेतली. यानंतर पुढील नऊ पैकी सात गुण आपल्या खात्यात जमा करत अंतर १६-४ असे फुगवले. अंतिम रेषेजवळ सिंधूने लगावलेला जोरदार स्मॅश परतवताना नेट ओलांडता न आल्याने ओकुहाराचा खेळ खल्लास झाला. यापूर्वी विश्‍व अजिंक्यपद स्पर्धेत विजेतेपदाने सिंधूला दोनवेळा हुलकावणी दिली होती. मात्र मागील अपयशावर मात करीत सिंधूने अखेर जेतेपदाला गवसणी घातली. १९७७ साली या स्पर्धेला सुरुवात झाल्यानंतर भारताला सुवर्णपदकापासून दूर रहावे लागले होते. कालच्या विजयासह सिंधूने सुवर्ण दुष्काळ संपुष्टात आणला. विजयानंतर सिंधूने प्रशिक्षक किम जी ह्यून व पुल्लेला गोपीचंद यांचे आभार मानले. सिंधूने आपला हा ऐतिहासिक विजय आई विजया हिला समर्पित केला.

STAY CONNECTED

848FansLike
8,000SubscribersSubscribe

TOP STORIES TODAY

चैत्रगौरी हळदीकुंकू ः निसर्गपूजा

सौ दीपा जयंत मिरींगकर(फोंडा) गौरीला माहेरपण करणे हे एक निमित्त. निसर्गातील फळाफुलापानांचे रंग, रूप, चवी अनुभवायला आणि लेकीबाळींना...

कालमापनाचे साधन ः ‘पंचांग’

सुमरंग रायसालसेत आम्ही वर्ष, महिना, वार, दिवस जसं लक्षात ठेवतो, तसं पंचांग लक्षात ठेवायला त्रास नाही. ग्रहणाची वेळच सांगते की आमचं पंचांग...

असे व्हायला नको होते, पण…

ज. अ. रेडकर(सांताक्रूझ) ‘‘कुठेही गेले तरी आता पैसे दिल्याशिवाय नोकरी मिळत नाही सर, तेव्हा माझा नाइलाज आहे, निदान...

आईची माया

प्राजक्ता गावकर ‘‘आईची मायाच तशी असते ग पोरी.’’ अपघातात आई गेली पण तिच्या मनात तुला आणि बाळाला पाहायचे...

टॅक्सीचालकांनी संप मागे घेत चर्चेसाठी पुढे यावे ः मुख्यमंत्री

राज्यातील टुरिस्ट टॅक्सीचालकांनी आपला संप मागे घेऊन चर्चेसाठी पुढे यावे, असे आवाहन मुख्यमंत्री डॉ. प्रमोद सावंत यांनी पत्रकारांच्या एका प्रश्‍नावर बोलताना काल...

ALSO IN THIS SECTION

टॅक्सीचालकांनी संप मागे घेत चर्चेसाठी पुढे यावे ः मुख्यमंत्री

राज्यातील टुरिस्ट टॅक्सीचालकांनी आपला संप मागे घेऊन चर्चेसाठी पुढे यावे, असे आवाहन मुख्यमंत्री डॉ. प्रमोद सावंत यांनी पत्रकारांच्या एका प्रश्‍नावर बोलताना काल...

‘आयसीएसई’ बोर्डाची १०/१२वीच्या परीक्षा पुढे

देशात कोरोनाच्या वाढत्या संसर्गाच्या पार्श्‍वभूमीवर आयसीएसई बोर्डाकडून दहावी व बारावीची परीक्षा पुढे ढकलण्याचा निर्णय घेण्यात आला आहे. नुकताच केंद्र सरकारने सीबीएसईच्या दहावी...

चेन्नईने किंग्ज पंजाबला लोळवले

>> दीपक चहरची भेदक गोलंदाजी >> मोईन अलीही चमकला दु्रतगती गोलंदाज दीपक चहरच्या भेदक मार्‍याच्या जोरावर...

मुंबई इंडियन्स-सनरायझर्स हैदराबाद लढत आज रंगणार

मुंबई इंडियन्स आणि सनरायझर्स हैदराबाद यांच्यात आज आयपीएलच्या १४व्या पर्वातील नववी लढत चेन्नईच्या एमए चिदंबरम स्टेडियमवर आज रंगणार आहे.

सार्वजनिक कार्यक्रमांवर निर्बंध ः मुख्यमंत्री

>> मडगावचे ईएसआय इस्पितळ आजपासून पुन्हा सुरू >> शुक्रवारी कोरोनाने ९२७ बाधित, सहाजणांचा मृत्यू राज्यातील कोरोना...