28.1 C
Panjim
Sunday, September 26, 2021

‘संजीवनी’ कायमचा बंद करणार नाही

>> प्रशासकांच्या इशार्‍यावर सरकारचे स्पष्टीकरण

संजीवनी साखर कारखाना बंद करण्याबाबत कोणताही निर्णय घेतलेला नाही, असा खुलासा सरकारने केला आहे. तर दुसरीकडे दयानंदनगर – धारबांदोडा येथील संजीवनी सहकारी साखर कारखाना नुकसानीत चालत असल्याने हा कारखाना या वर्षापासून बंद करण्याचा निर्णय कारखान्याचे प्रशासक तारीक थॉमस यांनी ऊस उत्पादकांच्या बैठकीत घेतला. बुधवारी ऊस उत्पादक शेतकर्‍यांची संजीवनीच्या प्रशासकांसमवेत प्रकल्पाच्या परिषद सभागृहात बैठक झाली, त्यात ही माहिती देण्यात आली. यावेळी गोमंतक ऊस उत्पादक शेतकरी संघटनेचे अध्यक्ष राजेंद्र देसाई, उपाध्यक्ष हर्षद प्रभुदेसाई व इतर संघटनेचे पदाधिकारी उपस्थित होते.
संजीवनी बंद करण्याच्या सरकारच्या या निर्णयामुळे ऊस उत्पादकांत खळबळ उडाली असून संजीवनी बंद करण्याबाबत लेखी काय ते द्या, आणि धोरण स्पष्ट करा, अन्यथा संजीवनीसमोर उपोषण करण्याचा निर्णय ऊस उत्पादकांनी घेतला आहे.

ऊस उत्पादकांची रक्कम
सरकारकडून येणे बाकी
ऊस उत्पादकांना अजून टनामागे २४०० सरकारकडून यायचे शिल्लक आहेत. आधीच कर्जबाजारी झालेल्या ऊस उत्पादकांना वेळेवर पैसे दिले जात नाहीत. त्यामुळे कुटुंब चालवायचे कसे, असा सवालही या शेतकर्‍यांनी केला.
वर्षभरापासूनच संजीवनी साखर कारखाना बंद केला जाणार असल्याचे ऐकू येत होते. मात्र, सरकारने विधानसभेत विरोधकांना कारखाना कोणत्याही परिस्थितीत बंद केला जाणार नसल्याचे आश्‍वासन दिले होते. गेल्या गळीत हंगामात कारखाना बंदच होता. त्याविषयी विरोधकांनी विधानसभेत विचारलेल्या प्रश्‍नांची उत्तरे देताना सहकार खात्याचे मंत्री गोविंद गावडे यांनी कारखाना लवकरच सुरू करण्यात येणार असल्याचे आश्‍वासन दिले होते.
आम्ही ऊसाऐवजी नवे पीक घेऊ. पण त्यातून आम्हाला उत्पादन मिळेपर्यंत आम्हाला ऊस उत्पादनासाठी जशी मदत केली जात होती, तशी मदत केली जावी, असा प्रस्ताव उत्पादकांनी दिला होता.

सरकारकडून खुलासा
राज्य सरकारने याबाबत खुलासा करताना सरकारने संजीवनी साखर कारखाना बंद करण्याबाबत कोणताही निर्णय घेतलेला नाही. कारखान्यासंदर्भात शेतकर्‍यांनी दिलेल्या वेगवेगळ्या पर्यायांवर चर्चा करण्यासाठी शेतकर्‍यांसोबत कारखान्यात सभा झाली, अशी माहिती प्रशासकांनी दिली असल्याचे माहिती खात्याच्या प्रसिद्धी पत्रकात म्हटले आहे.

सावंत यांचे मुख्यमंत्रिपद
धोक्यात : सुदिन
जर मुख्यमंत्री डॉ. प्रमोद सावंत यांनी संजीवनी साखर कारखाना बंद केला तर त्यांचे मुख्यमंत्रीपद धोक्यात आहे. हा कारखाना बंद करणे म्हणजे शेतकर्‍यांवर घाला घालणे आहे, अशी संतप्त प्रतिक्रिया सुदिन ढवळीकर यांनी दिली.

निर्णय धक्कादायक ः कामत
संजीवनी साखर कारखाना कायमचा बंद करण्याचा निर्णय धक्कादायक असून तेथे कारभार हाताळण्यासाठी नेमलेला प्रशासक हे जाहीर करतो यामागे भाजपचे कपट असल्याचे उघड होत आहे. बहुजन समाजाचे नेते स्व. भाऊसाहेब बांदोडकर यांचा वारसा कायमचा पुसून टाकण्याचा भाजपचा डाव असल्याचा आरोप विरोधी पक्षनेते दिगंबर कामत यांनी केला आहे.
संजीवनी साखर कारखान्याची जागा खूप मोठी असून, कारखाना बंद करून तेथे एखादा वेगळा प्रकल्प आणण्याचा सरकारचा प्रयत्न असू शकतो. सहकारमंत्री गोविंद गावडे यांनी सर्व शेतकर्‍यांना विश्वासात घेऊनच व त्यांच्या संमतीनेच पुढील निर्णय घ्यावा, अशी मागणी कामत यांनी केली आहे.

STAY CONNECTED

847FansLike
8,000SubscribersSubscribe

TOP STORIES TODAY

महिलांचे अर्थार्जन

नीना नाईक दोन वर्षांत यश-अपयश, बेरीज-वजाबाकी यात प्रेम, द्वेष, आत्मीयता हे उघड झाले. कुठलाही व्यवसाय करताना… कोरोनाने हे...

‘डिटॉक्स डाएट’ म्हणजे काय?

वर्षा भिडे(आहारतज्ज्ञ) डिटॉक्स आहाराची गरज असेल तरच आणि व्यावसायिक तज्ज्ञांच्या मार्गदर्शनाखालीच त्याचा अवलंब करा, अन्यथा ते प्रकृतीसाठी त्रासदायक...

‘कॉलेजविश्व’

शुभंकर जोगजीव्हीएम्स जीजीपीआर कॉलेज ऑफ इकॉनॉमिक्स, फर्मागुडी मागची काही वर्षे आपण बघतोय ही कोरोना महामारी चालू आहे ज्यामुळे आपल्याला...

गोव्यातही खेला होबे!

अरविंद केजरीवाल यांच्या आम आदमी पक्षाने सध्या लोकप्रिय घोषणांच्या आतषबाजीत गोव्याचे राजकीय वातावरण ढवळून काढलेले असताना तृणमूल कॉंग्रेसच्या अध्यक्ष ममता बॅनर्जी यांनीही...

कॉंग्रेस, राष्ट्रवादी, तृणमूलच्या युतीसाठी शरद पवार प्रयत्नशील

>> राज्यातील नेत्यांनी मुंबईत घेतली भेट ममता बॅनर्जी यांच्या तृणमूल कॉंग्रेसने गोवा विधानसभा निवडणुकीच्या रिंगणात उतरण्याचा विचार चालवल्याच्या पार्श्‍वभूमीवर...

ALSO IN THIS SECTION

कॉंग्रेस, राष्ट्रवादी, तृणमूलच्या युतीसाठी शरद पवार प्रयत्नशील

>> राज्यातील नेत्यांनी मुंबईत घेतली भेट ममता बॅनर्जी यांच्या तृणमूल कॉंग्रेसने गोवा विधानसभा निवडणुकीच्या रिंगणात उतरण्याचा विचार चालवल्याच्या पार्श्‍वभूमीवर...

सीझेडएमपी मसुदा सादरीकरणासाठी आणखी ६ महिन्यांची मुदतवाढ द्या

>> सरकारची राष्ट्रीय हरित लवादाकडे मागणी किनारपट्टी क्षेत्र व्यवस्थापन आराखड्याचा (सीझेडएमपी) मसुदा तयार करण्यासाठी आणखी ६ महिन्यांचा कालावधी वाढवून...

भारत-अमेरिकेतील संबंध मजबूत करणार : बायडन

पंतप्रधान नरेंद्र मोदी हे अमेरिका दौर्‍यावर असून, काल त्यांनी द्विपक्षीय बैठकीत अमेरिकेचे राष्ट्राध्यक्ष जो बायडन यांची भेट घेतली. यावेळी बायडन यांनी भारत...

आयपीएल सट्टेबाजीप्रकरणी सहा जणांना ठोकल्या बेड्या

>> वास्को पोलिसांची कारवाई; लॅपटॉप,मोबाईलसह अन्य साहित्य जप्त वास्को पोलिसांनी एका माहितीच्या आधारे वाडे-वास्को येथील ‘सुशीला सी विंग’च्या एका...

राज्यातील ५० टक्के पात्र नागरिकांनी घेतले दोन्ही डोस

>> मुख्यमंत्री कार्यालयाची माहिती; लसीकरणाला वेग राज्यात सध्या लसीकरण मोहिमेला वेग आला असून, कोविड प्रतिबंधक लसीचे डोस घेण्यासाठी पात्र...