23 C
Panjim
Thursday, December 3, 2020

वेळेचा सदुपयोग

  •  डॉ. रेखा पौडवाल
    (बांबोळी)

संपूर्ण दिवस घराच्या चार भिंतीत दडून राहून करायचं तरी काय? आमच्या अवतीभवती दाटत असलेल्या या निराशामय व नकारात्मक वलयातून बाहेर काढण्यासाठी सकारात्मक व बुद्धीला चालना देणारा उपाय शोधून काढला आहे तो म्हणजे ऑनलाईन बुद्धीबळाच्या सामन्यांचे आयोजन.

‘कोरोना’ हा केवळ शब्द जरी कानी पडला तरी आजच्या घटकेला माणूस भीतीने थरथर कापतो आहे. या संपूर्ण जगाला गिळंकृत करणार्‍या विषाणूने माणसाची झोप घालवली आहे. या जीवघेण्या सूक्ष्म जीवाने सार्‍या विश्‍वाला दहशत बसवली आहे. संपूर्ण जगाबरोबर भारतातही कोरोनाने हाहाःकार माजवला आहे. मुंबई, दिल्ली, पुणे, नागपूर, उत्तर प्रदेश या शहरांमध्ये कोरोनाने मृत्युचे तांडव चालवले आहे. आपला जीव मुठीत धरून भयाच्या सावलीत माणूस स्वतःला घरात कोंडून घेत आहे. पूर्वी प्राणी पिंजर्‍यामध्ये बंद असायचे व माणसं फिरताना दिसायची. आज मात्र कोरोनाच्या भीतीने चित्र पालटले आहे. मनुष्य घराच्या चार भिंतीत बंदिस्त आहे व पशू-प्राणी अगदी मजेत बिनधास्त मोकाट फिरताना दिसताहेत.
शाळा, कॉलेज, ऑफिस, दुकान, मॉल, समुद्रकिनारे सारं काही बंद आहे. माणूस हा समाजप्रिय आहे. एक वेळ खायला-प्यायला नसेल तर चालेल मात्र त्याला दुसर्‍यांशी बोलायला हवं. आता निरुपाय म्हणून जबरदस्तीने त्याला घरी राहावं लागतं आहे. बरं.., एक- दोन दिवसांची गोष्ट नाहीये, हा लॉकडाऊन मारुतीच्या शेपटीसारखा ‘वाढता वाढता.. वाढे…. आहे. मग दिवसभर घरी बसून करायचं तरी काय? मनाला विरंगुळा हा तर हवाच ना! मग वेळ घालवण्यासाठी टीव्ही लावला तर काय? मनोरंजन तर होत नाहीच उलट कोरोनाने मृत पावलेल्या रुग्णांचा आकडा पाहून उगाचच मनाला नैराश्य येतं. असा नकारात्मक कार्यक्रम बघण्यापेक्षा टीव्हीचे बटन बंद केलेलेच बरे, असा मनात विचार येतो आणि शेवटी मग हे कोरोनाचं संकट केव्हा टळेल व सारं पूर्ववत केव्हा सुरू होईल याची माणूस वाट पाहतो आहे.

आनंदाची बाब म्हणजे आमचा गोवा ‘ग्रीन झोन’ म्हणून घोषित झाला आहे. आजच्या घटकेला गोव्यात एकही कोरोनाने बाधित रुग्ण नाही… ही जरी सत्य स्थिती असली तरी .. ‘मन चिंती ते वैरी न चिंती’ या उक्तीप्रमाणे गोव्याच्या जवळचे राज्य म्हणजे बेळगाव आणि बेळगाव शहरात कोरोनाने बाधित झालेल्या रुग्णांची बरीच मोठी संख्या आहे. तेथील कुण्या कोरोना बाधित रुग्णाने चोरून, लपून, पळवाटेने येऊन गोव्यात शिरकाव केला नसेल ना? आणि तो संशयित रुग्ण आपल्या आजुबाजूला भटकत तर नसेल ना… अशी अमंगळ शंका मनात डोकावल्याशिवाय राहात नाही.

मग या संभाव्य धोक्यापासून सुरक्षित राहायचं असेल तर घरातच राहणे हा सर्वोत्तम उपाय. परत प्रश्‍न उभा राहतो तो संपूर्ण दिवस घराच्या चार भिंतीत दडून राहून करायचं तरी काय? आमच्या अवतीभवती दाटत असलेल्या या निराशामय व नकारात्मक वलयातून बाहेर काढण्यासाठी डॉ. रुपा बेलुरकर या महिलेने एक छानसा सकारात्मक व बुद्धीला चालना देणारा उपाय शोधून काढला आहे तो म्हणजे तिने ऑनलाईन बुद्धीबळाचे सामने आयोजित केले.
प्रथम ते बुद्धीबळाचे सामने गोव्याच्या खेळाडूंपुरतेच मर्यादित ठेवले गेले. ‘क्वीन्स चेस क्लब’ या संस्थेतर्फे मग राष्ट्रीय पातळीवरही ऑनलाईन बुद्धीबळ सामने आयोजित केले. दोन्ही सामन्यांना भरभरून प्रतिसाद मिळाला. असा अगळावेगळा बुद्धीला चालना देणारा उपक्रम सुरू करण्याची कल्पना त्यांना सुचली याबद्दल डॉ. रुपा यांचे जेवढे कौतुक करावे तेवढे कमीच. अशाच नवीन कल्पनांच्या माध्यमाने थोडा वेळ का होईना पण कोरोनाच्या भीतिपासून लोकांना मुक्त करतील यात शंका नाही. हा वेळेचा सदुपयोग स्पृहणीय आहे.

STAY CONNECTED

845FansLike
8,000SubscribersSubscribe

TOP STORIES TODAY

खाणप्रश्‍नी केंद्र सरकार सकारात्मक ः मुख्यमंत्री

>> ह्या आठवड्यात दोन वेळा होणार बैठका गोव्यातील बंद पडलेला खाण उद्योग पुन्हा सुरू करण्याबाबत केंद्र सरकार सकारात्मक असल्याची...

शाळा सुरू करताना…

विलास सतरकर(मुख्याध्यापक, डॉ. के. ब. हेडगेवार विद्यालय, बांबोळी) गोव्यात ऑनलाईन शिक्षण व्यवस्थितपणे चालू आहे आणि या कोविडच्या पार्श्‍वभूमीवर...

पीएमसी बँकेच्या ठेवीदारांची परवड

शशांक मो. गुळगुळे गेल्या १४ महिन्यांत पीएमसी बँकेकडून मिळालेल्या ‘शॉक’ने पाचजण मृत्युमुखी पडले, तर त्यांपैकी चार जणांनी जगण्यासाठी...

दुरपती

पौर्णिमा केरकर आम्ही घरी परतण्यासाठी उठलो. कृतज्ञता व्यक्त करण्यासाठी शब्द नव्हते. मी तिला तिचं नाव विचारलं… तिनं सांगितलं...

कार्तिकातला दीपराग

मीना समुद्र आकाशातल्या नक्षत्रतारका सोनेरी वेष घालून पणतीच्या टोकावर विराजमान झाल्या आणि खाली यायला तयार नसलेल्या चांदण्यांना टुक्‌टुक्...

ALSO IN THIS SECTION

तुळशी विवाह

श्री. तुळशीदास गांजेकर तुळशी विवाह झाल्यानंतर चातुर्मासात जी व्रते घेतलेली असतील, त्या सर्वांची सांगता करतात. चातुर्मासात जे पदार्थ...

भगवंत चराचरात आहे…

पल्लवी दि. भांडणकर माणसाच्या स्वभावातील प्रेम, जिव्हाळा, आदर, खरेपणा हे सर्व गुण म्हणजे साक्षात भगवंतच आहे. आपल्या मनात...

गाठ कापून टाकावी

ज.अ. ऊर्फ शरदचंद्र रेडकर.(सांताक्रूझ) जीवनात अशी अनेक माणसे येतात. ती आपली सहप्रवासी असतात. प्रत्येकाचे उतरण्याचे स्टेशन ठरलेले असते....

श्रम एव देव

नागेश गोसावी(मुख्याध्यापक, वळपे-विर्नोडा) त्यांच्या एकंदरीत कामकाजावरून माझ्या लक्षात आले की ते फार मोठ्या पदावर नाहीत पण जनसामान्यांच्या मनात...

टेलिव्हिजन – टेलिविषम् की टेलिअमृतम्?

प्रा. रमेश सप्रे सदैव काहीतरी मागायच्या- घ्यायच्या टोकाला (डिसिव्हिंग किंवा बेगिंग एंड)ला बसल्यामुळे स्वतंत्र विचारबुद्धी, निर्णयक्षमता, जीवनातले चढउतार...