23 C
Panjim
Thursday, December 3, 2020

‘वायू’ चक्रीवादळामुळे राज्यात सर्वत्र पडझड

अरबी समुद्रात निर्माण झालेल्या वायू या चक्रीवादळामुळे राज्यातील विविध भागात जोरदार पावसाची नोंद झाली असून सोसाट्याच्या वार्‍यामुळे विविध ठिकाणी झाडांची मोठ्या प्रमाणात पडझड झाल्याने मोठे नुकसान झाले आहे. अनेक ठिकाणी वीज पुरवठ्यावर विपरीत परिणाम झाला आहे. राज्यभरात झाडांच्या पडझडीच्या शंभर पेक्षा जास्त कॉल्सची नोंद अग्निशामक दलाकडे झाली आहे. मागील चोवीस तासात फोंडा येथे सर्वाधिक ५६.० मिलिमीटर, मडगाव येथे ५१.३ मिलिमीटर पावसाची नोंद झाली आहे, अशी माहिती वेधशाळेने दिली आहे.

राज्यभरात वायू चक्रीवादळामुळे जोरदार वारे वाहत आहे. तसेच विविध भागात जोरदार पाऊस पडत आहे. फर्मागुडी, फोंडा येथे एका कारगाडीवर झाड कोसळल्याने नुकसान झाले आहे. पावसामुळे विविध भागात गटारातील गाळ, माती रस्त्यावर पसरल्याने वाहन चालकांना त्रास सहन करावा लागत आहे. झाडांच्या पडझडीमुळे विविध भागात विजेचा लपंडाव सुरू झाला आहे. पावसामुळे कमाल तापमानात थोडीशी घट नोंद झाली आहे.

मागील चोवीस तासात म्हापसा येथे २०.२ मिलिमीटर, पेडणे येथे ४३.२ मिलिमीटर, फोंडा येथे ५६ मिलिमीटर, पणजी येथे ३३.३ मिलिमीटर, ओल्ड गोवा येथे २०.८ मिलिमीटर, साखळी येथे २४.८ मिलिमीटर, वाळपई येथे २८.९ मिलिमीटर, काणकोण येथे ३२.८ मिलिमीटर, दाबोळी येथे १६.८ मिलिमीटर, मडगाव येथे ५१.३ मिलिमीटर, मुरगाव येथे ११.८ मिलिमीटर, केपे येथे १७ मिलिमीटर, सांगे येथे २०.८ मिलिमीटर पावसाची नोंद झाली आहे.

अग्निशामक दलाचे कर्मचारी कोसळलेली झाडे हटविण्याच्या कामात गुंतले आहे. उत्तर गोव्यातून सुमारे ४० ते ४५ कॉल्सची नोंद झाल्याची माहिती पणजी येथील कार्यालयातून देण्यात आली आहे. मडगाव परिसरात १४ कॉल्स व सावर्डे, सांगे, कुडचडे , वेर्णा या परिसरात मोठ्या प्रमाणात झाडांची पडझड झाली आहे. या भागातील कॉल्सची सविस्तर माहिती मिळू शकली नाही. तरीही, पन्नास ते साठ कॉल्सची नोंद होण्याची शक्यता मडगाव येथील अग्निशामक दलाच्या कार्यालयाकडून व्यक्त करण्यात आली आहे.

STAY CONNECTED

845FansLike
8,000SubscribersSubscribe

TOP STORIES TODAY

खाणप्रश्‍नी केंद्र सरकार सकारात्मक ः मुख्यमंत्री

>> ह्या आठवड्यात दोन वेळा होणार बैठका गोव्यातील बंद पडलेला खाण उद्योग पुन्हा सुरू करण्याबाबत केंद्र सरकार सकारात्मक असल्याची...

शाळा सुरू करताना…

विलास सतरकर(मुख्याध्यापक, डॉ. के. ब. हेडगेवार विद्यालय, बांबोळी) गोव्यात ऑनलाईन शिक्षण व्यवस्थितपणे चालू आहे आणि या कोविडच्या पार्श्‍वभूमीवर...

पीएमसी बँकेच्या ठेवीदारांची परवड

शशांक मो. गुळगुळे गेल्या १४ महिन्यांत पीएमसी बँकेकडून मिळालेल्या ‘शॉक’ने पाचजण मृत्युमुखी पडले, तर त्यांपैकी चार जणांनी जगण्यासाठी...

दुरपती

पौर्णिमा केरकर आम्ही घरी परतण्यासाठी उठलो. कृतज्ञता व्यक्त करण्यासाठी शब्द नव्हते. मी तिला तिचं नाव विचारलं… तिनं सांगितलं...

कार्तिकातला दीपराग

मीना समुद्र आकाशातल्या नक्षत्रतारका सोनेरी वेष घालून पणतीच्या टोकावर विराजमान झाल्या आणि खाली यायला तयार नसलेल्या चांदण्यांना टुक्‌टुक्...

ALSO IN THIS SECTION

खाणप्रश्‍नी केंद्र सरकार सकारात्मक ः मुख्यमंत्री

>> ह्या आठवड्यात दोन वेळा होणार बैठका गोव्यातील बंद पडलेला खाण उद्योग पुन्हा सुरू करण्याबाबत केंद्र सरकार सकारात्मक असल्याची...

कोविडमुळे नुकसान झालेल्यांना १०० कोटींचे पॅकेज जाहीर करा

>> म्हापशातील बैठकीत दिगंबर कामत यांची मागणी कोविड काळात राज्य सरकार गोवा मुक्ती दिनाला साठ वर्षे पूर्ण होणार असल्याने...

नोकरभरतीसाठी अर्थसंकल्पात सरकारची तरतूद नाही ः कॉंग्रेस

मुख्यमंत्री डॉ. प्रमोद सावंत यांनी दहा हजार नोकर्‍या देण्याचे जाहीर केले आहे. परंतु, नोकर्‍या देण्यासाठी अर्थसंकल्पात आर्थिक तरतूद केलेली नाही. आगामी निवडणुकीत...

आंदोलक शेतकर्‍यांनी फेटाळला अमित शहांचा चर्चेचा प्रस्ताव

केंद्रीय कृषी कायद्यांविरोधात रस्त्यावर उतरलेल्या पंजाब आणि हरयाणातील शेतकर्‍यांचे काल चौथ्या दिवशीही दिल्ली सीमेवर आंदोलन सुरू होते. दरम्यान, केंद्रीय गृहमंत्री अमित शहा...

पेडण्यात ३५ लाखांचे अमली पदार्थ जप्त

गोवा पोलिसांच्या अमली पदार्थविरोधी विभागाने शनिवारी मध्यरात्री पेडणे तालुक्यात तीन ठिकाणी छापे टाकत अमली पदार्थ विक्रीमध्ये गुंतलेल्या ३ जणांना अटक केली. यावेळी...