28.1 C
Panjim
Sunday, September 26, 2021

लांच्छनास्पद

आपल्या संपन्नतेचा आणि सुसंस्कृततेचा सदोदित टेंभा मिरवणार्‍या गोवेकरांना लाजेने खाली मान घालायला लावणार्‍या दोन घटना गेल्या दोन दिवसांत गोव्यात घडल्या. मेरशीच्या एका प्रतिष्ठित राजकारणी कुटुंबाने आपल्या सुनेचा हुंड्यासाठी छळ चालवल्याचे बिंग सदर पीडितेच्या आईने पोलिसांत धाव घेतल्याने फुटले आणि दुसरीकडे कांदोळी येथे आपल्या सख्ख्या बहिणीलाच तब्बल पंधरा वर्षे गलीच्छ, अंधार्‍या खोलीत डांबून ठेवणार्‍या दोघा नराधमांच्या पापाचा घडा भरला. या दोन्ही घटना गोमंतकीय समाजमानसाला सुन्न करून गेल्या आहेत. राजकारणापासून समाजकारणापर्यंत प्रतिष्ठेचे बुरखे पांघरून आजवर वावरत आलेल्या एखाद्या कुटुंबामध्ये सुनेचा हुंड्यासाठी छळ होणे, तिला मारबडव होणे हे खरे असेल तर लांच्छनास्पद आहे. राज्यात भाजपाचे सरकार असूनही संबंधित पदाधिकार्‍याविरुद्ध गुन्हा नोंदवला गेला ही बाब दिलासादायक असली, तरी वकिली कौशल्य वापरून वा राजकीय अथवा आर्थिक दडपणाद्वारे या प्रकरणावर पडदा तर टाकला जाणार नाही ना अशी शंकाही व्यक्त होताना दिसते आहे. कोणतीही आई आपल्या मुलीचे वैवाहिक आयुष्य उद्ध्वस्त करणारे पाऊल काही कारण नसताना उचलणार नाही. त्यामुळे ‘हे घरगुती प्रकरण आहे आणि दोन चार दिवसांत मिटेल’ असे म्हणून त्यावर पडदा ओढण्याची जी काही घाई चालली आहे, त्यातून तक्रारीचे गांभीर्य तीळमात्र कमी होत नाही. यासंदर्भात तत्परतेने तपास झाला पाहिजे आणि खरोखरीच छळणूक झालेली असेल तर संबंधिताच्या पदाचा वा प्रतिष्ठेचा कोणताही मुलाहिजा न राखता कायद्यानुसार कारवाई झाली पाहिजे. कांदोळी येथील दुसर्‍या प्रकरणात तर जे काही समोर आले ते अतिशय विषण्ण करणारे आहे. गोव्यासारख्या पुढारलेल्या राज्यामध्ये अशा प्रकारचे काही घडले असेल यावर विश्वास बसत नाही एवढे भयावह हे एकंदर कृत्य आहे. आजवर देशाच्या इतर भागांत अशा प्रकारे एखाद्याला जिवंतपणी मरणयातना भोगायला लावल्या गेल्याच्या वा स्वतःहून कोंडून घेतल्याच्या घटना अनेकदा उघडकीस आल्या, परंतु सुसंस्कृत गोव्यामध्ये कांदोळीसारख्या गावामध्ये असे काही घडत असेल याची कल्पनाही कोणी केली नसेल. ज्या व्यक्तीने सामाजिक संघटनेशी संपर्क साधून या प्रकाराला वाचा फोडली ती प्रशंसेस पात्र आहे. एक फार मोठे सामाजिक कर्तव्य त्या व्यक्तीने पार पाडले आणि सदर स्वयंसेवी संघटनेनेही तत्परतेने त्या दुर्दैवी महिलेची सुटका केली. केवळ वैवाहिक आयुष्य अपयशी ठरले म्हणून आपल्याच सख्ख्या बहिणीला अशा नरकयातना देणार्‍या या दोघा भावांना नराधम नाही तर दुसरे काय म्हणावे? आपल्या या अत्यंत घृणास्पद कृत्याची या महाभागांना लाज वाटायला हवी. आज जग कुठे चालले आहे! वैवाहिक जीवन अपयशी ठरल्याने आपल्या बहिणीला मानसिक धक्का बसला असेल, मनावर परिणाम झाला असेल तर समुपदेशनापासून मानसोपचारापर्यंत तिला त्या अंधारातून बाहेर काढण्याच्या सार्‍या सोयीसुविधा गोव्यामध्ये अगदी सहजपणे उपलब्ध असताना या दोघा बंधूंनी तिला जिवंतपणी नरकयातना भोगायला लावल्या हे आकलनापलीकडचे आहे. त्यांच्या नातेवाईकांनाही या प्रकाराची कल्पना नसावी हे तर आश्चर्यकारकच म्हणावे लागेल. सदर महिलेची रवानगी आता प्रोव्हेदोरियाच्या आधाराश्रमात करण्यात आलेली आहे. एवढा प्रदीर्घ काळ असे तुरुंगवत जिणे नशिबी आल्याने ग्रासलेल्या व्याधींतून ती बाहेर यावी, तिच्या मानसिक स्थितीमध्ये सुधारणा घडावी आणि पुन्हा जीवनानंद निर्माण व्हावा यासाठी आवश्यक प्रयत्न आता झाले पाहिजेत. गोव्याच्या भाळी आलेले हे लांच्छन जेवढेे लवकर पुसले जाईल तेवढे बरे!

STAY CONNECTED

847FansLike
8,000SubscribersSubscribe

TOP STORIES TODAY

महिलांचे अर्थार्जन

नीना नाईक दोन वर्षांत यश-अपयश, बेरीज-वजाबाकी यात प्रेम, द्वेष, आत्मीयता हे उघड झाले. कुठलाही व्यवसाय करताना… कोरोनाने हे...

‘डिटॉक्स डाएट’ म्हणजे काय?

वर्षा भिडे(आहारतज्ज्ञ) डिटॉक्स आहाराची गरज असेल तरच आणि व्यावसायिक तज्ज्ञांच्या मार्गदर्शनाखालीच त्याचा अवलंब करा, अन्यथा ते प्रकृतीसाठी त्रासदायक...

‘कॉलेजविश्व’

शुभंकर जोगजीव्हीएम्स जीजीपीआर कॉलेज ऑफ इकॉनॉमिक्स, फर्मागुडी मागची काही वर्षे आपण बघतोय ही कोरोना महामारी चालू आहे ज्यामुळे आपल्याला...

गोव्यातही खेला होबे!

अरविंद केजरीवाल यांच्या आम आदमी पक्षाने सध्या लोकप्रिय घोषणांच्या आतषबाजीत गोव्याचे राजकीय वातावरण ढवळून काढलेले असताना तृणमूल कॉंग्रेसच्या अध्यक्ष ममता बॅनर्जी यांनीही...

कॉंग्रेस, राष्ट्रवादी, तृणमूलच्या युतीसाठी शरद पवार प्रयत्नशील

>> राज्यातील नेत्यांनी मुंबईत घेतली भेट ममता बॅनर्जी यांच्या तृणमूल कॉंग्रेसने गोवा विधानसभा निवडणुकीच्या रिंगणात उतरण्याचा विचार चालवल्याच्या पार्श्‍वभूमीवर...

ALSO IN THIS SECTION

गोव्यातही खेला होबे!

अरविंद केजरीवाल यांच्या आम आदमी पक्षाने सध्या लोकप्रिय घोषणांच्या आतषबाजीत गोव्याचे राजकीय वातावरण ढवळून काढलेले असताना तृणमूल कॉंग्रेसच्या अध्यक्ष ममता बॅनर्जी यांनीही...

गोमंतशाहीर

(विशेष संपादकीय) ही माझी कविता मिरविते |माझ्या गोव्याचीच मिरास ॥स्वर्गाला लाथाडून घेईन |इथल्या मातीचाच सुवास ॥गोव्यावरचे आणि गावावरचे आपले...

फडणवीस दौर्‍याचे फलित

भारतीय जनता पक्षाचे गोवा प्रभारी देवेंद्र फडणवीस यांनी आपल्या दोन दिवशीय गोवा भेटीमध्ये आगामी विधानसभा निवडणुकीच्या दृष्टीने पक्षाला नवी ऊर्जा आणि चेतना...

घोषणाच घोषणा!

आम आदमी पक्षाने आगामी विधानसभा निवडणुकीसंदर्भात काल गोव्यातील बेरोजगार, खाण व पर्यटन अवलंबितांना मासिक भत्त्याची घोषणा करून सत्ताधारी भारतीय जनता पक्षाला दुसरा...

आधी शाळा की कॅसिनो?

राज्य सरकारने गोमंतकीय जनतेचे पहिल्या डोसचे शंभर टक्के कोरोना लसीकरण झाल्याचा जो दावा केला, त्यामागे कॅसिनो, मसाज पार्लर आणि नाईट क्लब सुरू...