25.9 C
Panjim
Monday, March 1, 2021

राष्ट्रवादी विरोधकाची भूमिका बजावणार

>> महाराष्ट्रात भाजप-शिवसेनेने सरकार स्थापन करावे ः शरद पवार

महाराष्ट्र विधानसभेत राष्ट्रवादी कॉंग्रेस व कॉंग्रेस जबाबदार विरोधी पक्षाची भूमिका बजावणार असल्याचे राष्ट्रवादी कॉंग्रेसचे प्रमुख शरद पवार यांनी काल पत्रकार परिषदेत जाहीर केले. तसेच सरकार स्थापनेचा जनादेश मिळालेल्या भाजप व शिवसेना यांनी लवकरात लवकर सरकार स्थापन करावे, अशी मागणीही पवार यांनी यावेळी केली.

शिवसेन नेते व राज्यसभा खासदार संजय राऊत यांची भेट घेतल्यानंतर आयोजित पत्रकार परिषदेत बोलताना पवार यांनी कॉंग्रेसच्या बाहेरून पाठिंब्यासह शिवसेनेबरोबर राष्ट्रवादी कॉंग्रेस सरकार स्थापन करण्याची शक्यता फेटाळून लावली.
पवार म्हणाले, ‘आम्ही सरकार स्थापन करण्याचा प्रश्‍न येतोच कुठे? भाजप व शिवसेना यांची गेली २५ वर्षे युती आहे आणि ते आज – उद्या एकत्र येतील’ आमच्याकडे सरकार स्थापनेसाठी आवश्यक संख्याबळ असते तर आम्ही कोणाचीही वाट पाहिली नसती. कॉंग्रेस – राष्ट्रवादी कॉंग्रेस यांनी १०० पेक्षा जास्त जागा मिळवलेल्या नाहीत… अशा वेळी आम्ही जबाबदार विरोधकाची जबाबदारी पार पाडणार आहोत, असे पवार यांनी पत्रकारांसमोर स्पष्ट केले.

भाजप आणि शिवसेना यांना सरकार स्थापनेचा आदेश मतदारांनी दिलेला आहे. त्यामुळे त्यांनी विनाविलंब नवे सरकार स्थापन करून राज्यात कोणताही घटनात्मक पेच निर्माण होणार नाही याची खबरदारी घ्यावी. जनतेने आम्हाला जो आदेश दिला आहे तो निभावण्याची संधी भाजप-शिवसेनेने आम्हाला द्यावी अशा शब्दात पवार यांनी आपल्या पक्षाची भूमिका स्पष्ट केली.

पुन्हा मुख्यमंत्री होण्यात
स्वारस्य नाही ः पवार
आपण पुन्हा महाराष्ट्राचे मुख्यमंत्री म्हणून पुनरागमन करणार असल्याबाबत वर्तविले जाणार तर्कही पवार यांनी फेटाळले. ‘मी चार वेळा महाराष्ट्राचा मुख्यमंत्री म्हणून काम केले आहे आणि आता मला त्या पदाबाबत स्वारस्य राहिलेले नाही’ असे पवार म्हणाले.

भाजप नेते आज भेटणार राज्यपालांना
महाराष्ट्र सरकारमधील एक मंत्री मुनगंटीवार यांनी राज्यातील सत्ता स्थापनेचा तिढा संपण्याचे संकेत दिले असून आज भाजप नेते या विषयावर राज्यपालांना भेटणार असल्याचे सांगितले. आमचा फॉर्म्युला ठरला आहे. जी नाराजी आहे ती दूर होणार आहे. महाराष्ट्राच्या जनतेने महायुतीला जनादेश दिलेला आहे. त्यामुळे सरकार आमचेच येणार आहे. भाजप प्रदेशाध्यक्ष चंद्रकांत पाटील व आपण आज (गुरुवारी) राज्यपालांची भेट घेणार आहोत, अशी माहिती मुनगंटीवार यांनी दिली.

STAY CONNECTED

845FansLike
8,000SubscribersSubscribe

TOP STORIES TODAY

आगामी विधानसभा निवडणुकांचे पडघम

दत्ता भि. नाईक आगामी मार्च-एप्रिलच्या काळात आसाम, प. बंगाल, तामिळनाडू व पुदुचेरी अशा तीन राज्यांत व एका छोट्याशा...

‘एलआयसी’ अंतर्बाह्य कशी आहे?

शशांक मो. गुळगुळे आतापर्यंत खाजगी कंपन्यांच्या भागभांडवल विक्रीपेक्षा सरकारी कंपन्यांच्या भागभांडवल विक्रीला चांगला प्रतिसाद मिळाला आहे आणि या...

खांडेकर-कुसुमाग्रज-बोरकर अनोखा त्रिवेणी संगम

राम देशपांडे भाऊंनी पन्नास वर्षांहून अधिक काळ मराठी साहित्याच्या क्षेत्रावर अधिराज्य केले. स्वतःचा असा एक वेगळा ठसा मराठी मनावर...

अस्त

अंजली आमोणकर देहोपनिषद सिद्ध झालं म्हणजे देहकथा पूर्ण झाली. विसर्जनाची वेळ झाली. गीतेत म्हटले आहे- ‘तू त्रिगुणातीत हो!’...

फुटीच्या दिशेने?

कॉंग्रेस पक्षामधील असंतोष पुन्हा खदखदू लागला आहे. शनिवारी जम्मूमध्ये गुलाम नबी आझाद यांच्या राज्यसभेतील निवृत्तीच्या निमित्ताने आयोजित ‘शांती संमेलना’तील ज्येष्ठ कॉंग्रेस नेते...

ALSO IN THIS SECTION

आजपासून कोरोना लसीकरणाचा दुसरा टप्पा

>> राज्यात ३७ केंद्रांची व्यवस्था, ज्येष्ठ नागरिकांना लस देणार राज्यात कोरोना प्रतिबंधक लसीकरणाची व्याप्ती १ मार्च २०२१ पासून वाढविण्यात...

पालिका निवडणुकीसाठी आजपासून उमेदवारी अर्ज वाढण्याची अपेक्षा

>> आतापर्यंत २६ अर्ज दाखल, ४ मार्चपर्यंत मुदत राज्यातील पणजी महानगरपालिका, अकरा नगरपालिकांच्या २० मार्च २०२१ रोजी होणार्‍या निवडणुकीसाठी...

नावेली पोटनिवडणुकीसाठी कॉंग्रेसची कुतिन्होंना उमेदवारी

दक्षिण गोवा जिल्हा पंचायतीच्या नावेली मतदारसंघातील पोटनिवडणुकीसाठी कॉंग्रेस पक्षाची उमेदवारी गोवा प्रदेश महिला कॉंग्रेसच्या अध्यक्ष प्रतिमा कुतिन्हो यांना काल जाहीर करण्यात आली.गोवा...

पालिका आरक्षणाबाबत आज निवाड्याची शक्यता

राज्यातील अकरा नगरपालिका निवडणुकीतील आरक्षण आणि फेररचनेला आव्हान देणार्‍या याचिकांवर मुंबई उच्च न्यायालयाचे गोवा खंडपीठ सोमवार १ मार्च २०२१ रोजी निवाडा देण्याची...

जलशक्ती मंत्रालय राबवणारजलसंधारण मोहीम ः मोदी

>> ‘मन की बात’मध्ये पंतप्रधानांची माहिती पंतप्रधान नरेंद्र मोदींनी काल रविवारी सकाळी ११ वाजता आपल्या मासिक ‘मन की बात’च्या...