27.2 C
Panjim
Monday, April 19, 2021

राज्यात सरासरीहून २१ टक्के अधिक पावसाची झाली नोंद

मागील चार वर्षे सलग तुटीचा मोसमी पाऊस पडल्यानंतर यंदा केवळ ८६ दिवसात सरासरीपेक्षा २१ टक्के जास्त पावसाची नोंद झाली आहे. राज्यात आत्तापर्यंत १२३.६२ इंच पावसाची नोंद झाली असून मोसमी पावसाचे आणखी ३६ दिवस शिल्लक आहेत. त्यामुळे यंदा मोसमी पावसाचे प्रमाण सरासरीपेक्षा जास्त राहणार आहे.

हवामान विभागाच्या अंदाजानुसार गोव्यात सरासरी पावसाचे प्रमाण साधारण ११७ इंच एवढे धरले जात आहे. राज्यात मागील चार वर्षाच्या तुटीच्या मोसमी पावसाची परंपरा यंदा खंडीत झाली आहे. यापूर्वी वर्ष २०१४ मध्ये १२०.५८ इंच पावसाची नोंद झाली. या वर्षी सरासरी पेक्षा साधारण ३ टक्के जादा मोसमी पावसाची नोंद झाली होती.
वर्ष २०१५ मध्ये २० टक्के कमी पावसाची (९४.०३ इंच) नोंद झाली. वर्ष २०१६ मध्ये मोसमी पाऊस सरासरी पावसाच्या जवळ जाऊन ठेपला होता. त्या वर्षी १ टक्के कमी पावसाची (११६.४४ इंच) नोंद झाली. वर्ष २०१७ मध्ये मोसमी पावसाने इंचाचे केवळ शतक (१००.५९ इंच) पूर्ण केले होते. तर, वर्षे २०१८ मध्ये मोसमी पाऊस इंचाच्या शतकाच्या जवळ सुध्दा पोहोचू शकला नाही. मोसमी पावसाचे प्रमाण १९ टक्के कमी होते. केवळ ९४.९० इंच पावसाची नोंद झाली होती.

राज्यात यंदाही मोसमी पावसाचे उशिराने आगमन झाले. त्यामुळे पावसाच्या सरासरी प्रमाणाबाबत प्रश्‍नचिन्ह निर्माण केला जात होता. यंदाही तुटीचा मोसमी पावसाची शक्यता वर्तविली जात होती. तथापि, जुलै आणि ऑगस्ट महिन्याच्या पहिल्या व दुसर्‍या आठवड्यात कोसळलेल्या जारदोर पावसामुळे पावसाचे सरासरी प्रमाण भरून आले आहे. राज्यात जोरदार पावसामुळे विविध भागात पूरस्थिती निर्माण झाली. या पुरामुळे कोट्यवधी रुपयांचे नुकसान झाले आहे. पुरामुळे केवळ शेती, बागायतीचे साधारण ९ कोटी रुपयांचे नुकसान झाले आहे. पुरामुळे घरांची पडझड, वीज खात्याचे मोठ्या प्रमाणात नुकसान झाले आहे.

राज्यातील सर्वच भागात जोरदार पावसाची नोंद झालेली आहे. वाळपई तालुक्यात मोसमी पावसाने इंचाचे दीड शतक ओलांडले आहे. सांगे येथे १४३ इंच, साखळी येथे १३६ इंच, केपे येथे १३० इंच, ओल्ड गोवा येथे १२७ इंच, ओल्ड गोवा येथे १२७ इंच, पेडणे येथे १२५ इंच पावसाची नोंद झाली आहे. आत्तापर्यंत सर्वांत कमी पावसाची नोंद मुरगाव येथे १०१.३३ इंच एवढी झाली आहे.

STAY CONNECTED

849FansLike
8,000SubscribersSubscribe

TOP STORIES TODAY

चैत्रगौरी हळदीकुंकू ः निसर्गपूजा

सौ दीपा जयंत मिरींगकर(फोंडा) गौरीला माहेरपण करणे हे एक निमित्त. निसर्गातील फळाफुलापानांचे रंग, रूप, चवी अनुभवायला आणि लेकीबाळींना...

कालमापनाचे साधन ः ‘पंचांग’

सुमरंग रायसालसेत आम्ही वर्ष, महिना, वार, दिवस जसं लक्षात ठेवतो, तसं पंचांग लक्षात ठेवायला त्रास नाही. ग्रहणाची वेळच सांगते की आमचं पंचांग...

असे व्हायला नको होते, पण…

ज. अ. रेडकर(सांताक्रूझ) ‘‘कुठेही गेले तरी आता पैसे दिल्याशिवाय नोकरी मिळत नाही सर, तेव्हा माझा नाइलाज आहे, निदान...

आईची माया

प्राजक्ता गावकर ‘‘आईची मायाच तशी असते ग पोरी.’’ अपघातात आई गेली पण तिच्या मनात तुला आणि बाळाला पाहायचे...

टॅक्सीचालकांनी संप मागे घेत चर्चेसाठी पुढे यावे ः मुख्यमंत्री

राज्यातील टुरिस्ट टॅक्सीचालकांनी आपला संप मागे घेऊन चर्चेसाठी पुढे यावे, असे आवाहन मुख्यमंत्री डॉ. प्रमोद सावंत यांनी पत्रकारांच्या एका प्रश्‍नावर बोलताना काल...

ALSO IN THIS SECTION

टॅक्सीचालकांनी संप मागे घेत चर्चेसाठी पुढे यावे ः मुख्यमंत्री

राज्यातील टुरिस्ट टॅक्सीचालकांनी आपला संप मागे घेऊन चर्चेसाठी पुढे यावे, असे आवाहन मुख्यमंत्री डॉ. प्रमोद सावंत यांनी पत्रकारांच्या एका प्रश्‍नावर बोलताना काल...

‘आयसीएसई’ बोर्डाची १०/१२वीच्या परीक्षा पुढे

देशात कोरोनाच्या वाढत्या संसर्गाच्या पार्श्‍वभूमीवर आयसीएसई बोर्डाकडून दहावी व बारावीची परीक्षा पुढे ढकलण्याचा निर्णय घेण्यात आला आहे. नुकताच केंद्र सरकारने सीबीएसईच्या दहावी...

चेन्नईने किंग्ज पंजाबला लोळवले

>> दीपक चहरची भेदक गोलंदाजी >> मोईन अलीही चमकला दु्रतगती गोलंदाज दीपक चहरच्या भेदक मार्‍याच्या जोरावर...

मुंबई इंडियन्स-सनरायझर्स हैदराबाद लढत आज रंगणार

मुंबई इंडियन्स आणि सनरायझर्स हैदराबाद यांच्यात आज आयपीएलच्या १४व्या पर्वातील नववी लढत चेन्नईच्या एमए चिदंबरम स्टेडियमवर आज रंगणार आहे.

सार्वजनिक कार्यक्रमांवर निर्बंध ः मुख्यमंत्री

>> मडगावचे ईएसआय इस्पितळ आजपासून पुन्हा सुरू >> शुक्रवारी कोरोनाने ९२७ बाधित, सहाजणांचा मृत्यू राज्यातील कोरोना...