29.1 C
Panjim
Wednesday, October 20, 2021

राज्यात नवीन ७० कोरोनाबाधित

>> जुवारीनगरमध्ये नवे २४ तर राज्यात एकूण पॉझिटिव्ह रुग्णसंख्या ११९८

राज्यात काल नवीन ७० कोरोना पॉझिटिव्ह रुग्ण आढळून आले असून सध्याच्या कोरोना पॉझिटिव्ह रुग्णांची संख्या ७१७ झाली आहे. दरम्यान, ५८ कोरोना पॉझिटिव्ह रुग्ण बरे झाले आहेत, अशी माहिती आरोग्य खात्याने दिली.
राज्यातील कोरोना पॉझिटिव्ह रुग्णांची एकूण संख्या ११९८ वर पोहोचली असून त्यातील ४७८ रुग्ण बरे झाले आहेत. राज्यात आत्तापर्यंत कोरोना विषाणूने ३ जणांचा मृत्यू झाला आहे.

जुवारीनगरात २४ रुग्ण
वास्कोतील इतर भागानंतर आत्ता जुवारीनगर येथे २४ कोरोना पॉझिटिव्ह रुग्ण आढळून आले आहेत. मांगूर हिलनंतर वास्कोतील बायणा, सडा, नवेवाडे या भागात मोठ्या संख्येने कोरोना पॉझिटिव्ह रुग्ण आढळून येत आहेत. आता, राज्यातील मोठी झोपडपट्टी म्हणून ओळखल्या जाणार्‍या जुवारीनगरात कोरोना पॉझिटिव्ह रुग्ण आढळून येऊ लागले आहेत.

साखळीत नवीन २ रुग्ण
देसाईनगर साखळी येथे नवीन २ कोरोना पॉझिटिव्ह रुग्ण आढळून आले आहेत. पोलिसांकडून देसाईनगर साखळी येथील भागातील प्रवेशावर निर्बंध घालण्यात आले आहेत. साखळी भागातील कोरोना पॉझिटिव्ह रुग्णांची संख्या ८ वर पोहोचली आहे. साळ – डिचोली येथे ३, काणकोण येथे आत्तापर्यंत ५ तर गंगानगर म्हापसा येथे आत्तापर्यंत ६ रुग्ण आढळले आहेत.

चिंबलमध्ये आणखी २ रुग्ण
इंदिरानगर चिंबल येथे आणखी १ पॉझिटिव्ह रुग्ण सापडला असून येथील रुग्णसंख्या आता ५ झाली आहे. तसेच चिंबल येथे आणखी १ रुग्ण आढळला असून येथील पॉझिटिव्ह रुग्णांची संख्या २६ झाली आहे.
मोर्लेत आणखी एक रुग्ण
मोर्ले-सत्तरीत आणखी एक रुग्ण आढळल्याने येथील रुग्णसंख्या २२ झाली आहे. सास़ष्टीमधील मडगावात १४, कुडतरीत ३१, आंबावलीत ३१, लोटलीत ११, नावेलीत ६ रुग्ण आढळून आले आहेत. मांगूर हिलशी संबंधित नवीन १८ रुग्ण आढळून आले.

आकड्यांचा घोळ
राज्याच्या आरोग्य संचालनालयाच्या कोविड रुग्णांबाबत दैनंदिन माहिती देण्यासाठी जारी करण्यात येत असलेल्या पत्रकामध्ये आकडेवारीचा घोळ दिसून येत आहे. राज्यात रविवार २८ जूनला नवीन ७० रुग्ण आढळून आल्याची माहिती पत्रकातून देण्यात आली आहे. परंतु, हे नवीन ७० रुग्ण कुठल्या कुठल्या भागात आढळून आले आहेत याची सविस्तर माहिती देण्यात आलेली नाही. सरकारी पत्रकातून देण्यात आलेल्या आकडेवारीमध्ये प्रवासी ६, साखळी २, मोर्ले, चिंबल, इंदिरानगर, नावेली, काणकोण येथे प्रत्येकी १ रूग्ण मिळून एकूण १३ रुग्णांची संख्या होते. तर, मांगूर हिलशी संबंधित नवीन १८ रुग्णांचा समावेश आहे. अशा प्रकारे नवीन ३१ कोरोना पॉझिटिव्ह रुग्णांबाबत माहिती पत्रकातून मिळत आहे.

..तर म्हापशात
लॉकडाऊन ः मुख्यमंत्री
म्हापशात गरज भासल्यास लॉकडाऊन केले जाणार आहे, अशी ग्वाही मुख्यमंत्री डॉ. प्रमोद सावंत यांनी एका कार्यक्रमात बोलताना काल दिली.

‘त्या’ महिलेवर अंत्यसंस्कार
कोरोनाचा बळी ठरलेल्या फातोर्डा येथील महिलेवर मडगाव येथील स्मशानभूमीत काल अंत्यसंस्कार करण्यात आला आहे. अंत्यसंस्काराच्या वेळी मृत महिलेच्या कुटुंबीयांची उपस्थिती होती.

कुंकळ्ळीत उत्स्फूर्त बंद
कुंकळ्ळी परिसरात कोरोना रुग्ण सापडल्याने तेथील नागरिकांनी स्वयंस्फूर्तीने बंद पाळला. तेथील दुकानदारांनीही आपले सर्व व्यवहार बंद ठेवल्याने बाजारपेठेत सामसूम दिसत होती.

माजी आरोग्यमंत्र्यांची प्रकृती स्थिर ः राणे
मडगावच्या कोविड इस्पितळात उपचार घेणार्‍या माजी आरोग्यमंत्र्यांची प्रकृती स्थिर आहे, असा खुलासा आरोग्यमंत्री विश्‍वजित राणे यांनी केला आहे. या माजी आरोग्यमंत्र्याची प्रकृती स्थिर असल्याची माहिती इस्पितळाकडून देण्यात आली आहे. नागरिकांनी अफवांवर विश्वास ठेवू नये. तसेच कुणीही विनाकारण अफवा पसरवू नये, असा आवाहन आरोग्यमंत्री राणे यांनी केले आहे.

STAY CONNECTED

847FansLike
8,000SubscribersSubscribe

TOP STORIES TODAY

प्रश्न खड्‌ड्यांचा

रस्त्यांना पडलेल्या खड्‌ड्यांवरून आणि नव्याने बांधकाम होत असलेल्या महामार्गांच्या दुर्दशेवरून विरोधकांनी काल राज्य विधानसभेत सरकारला घेरले. राज्यातील रस्त्यांच्या दुरवस्थेसंबंधी आम्हीही वेळोवेळी आवाज...

खराब महामार्गामुळे विधानसभेत गदारोळ

>> कंत्राटदाराला नोटीस पाठवल्याची मुख्यमंत्र्यांची माहिती पत्रादेवी ते काणकोण या सहापदरी राष्ट्रीय महामार्गाच्या निकृष्ट कामावरून काल विधानसभेत विरोधकांनी गोंधळ...

भंडारी समाजाला ओबीसीच्या कोट्यातून आरक्षण नाही

>> पालयेकर यांचा विधानसभेत आरोप ओबीसीसाठी जे आरक्षण आहे त्या कोट्यातून भंडारी समाजाला जेवढे आरक्षण मिळायला हवे तेवढे ते...

नोकरभरतीसाठी कंत्राटी कामगारांना प्राधान्य देण्याची खंवटेंची मागणी

विविध सरकारी खात्यांत नव्याने नोकरभरती करण्यापूर्वी त्या त्या खात्यांत गेल्या कित्येक वर्षांपासून कंत्राटी पद्धतीवर काम करणार्‍या कर्मचार्‍यांना अगोदर सेवेत कायम केले जावे,...

भारतात कोरोनाचे ९९ कोटी लसीकरण

>> केंद्रीय आरोग्य मंत्रालयाची माहिती भारतात १६ जानेवारीपासून सुरू करण्यात आलेल्या लसीकरण मोहिमेने काल तब्बल ९९ कोटींचा टप्पा गाठला...

ALSO IN THIS SECTION

खराब महामार्गामुळे विधानसभेत गदारोळ

>> कंत्राटदाराला नोटीस पाठवल्याची मुख्यमंत्र्यांची माहिती पत्रादेवी ते काणकोण या सहापदरी राष्ट्रीय महामार्गाच्या निकृष्ट कामावरून काल विधानसभेत विरोधकांनी गोंधळ...

भंडारी समाजाला ओबीसीच्या कोट्यातून आरक्षण नाही

>> पालयेकर यांचा विधानसभेत आरोप ओबीसीसाठी जे आरक्षण आहे त्या कोट्यातून भंडारी समाजाला जेवढे आरक्षण मिळायला हवे तेवढे ते...

नोकरभरतीसाठी कंत्राटी कामगारांना प्राधान्य देण्याची खंवटेंची मागणी

विविध सरकारी खात्यांत नव्याने नोकरभरती करण्यापूर्वी त्या त्या खात्यांत गेल्या कित्येक वर्षांपासून कंत्राटी पद्धतीवर काम करणार्‍या कर्मचार्‍यांना अगोदर सेवेत कायम केले जावे,...

भारतात कोरोनाचे ९९ कोटी लसीकरण

>> केंद्रीय आरोग्य मंत्रालयाची माहिती भारतात १६ जानेवारीपासून सुरू करण्यात आलेल्या लसीकरण मोहिमेने काल तब्बल ९९ कोटींचा टप्पा गाठला...

भूमिपुत्र विधेयक राज्यपालांकडे पाठवणार नाही ः मुख्यमंत्री

गेल्या पावसाळी अधिवेशनात गोवा विधानसभेत संमत करण्यात आलेले भूमिपुत्र अधिकारिणी विधेयक हे अद्याप कायदा खात्याकडेच आहे व ते मंजुरीसाठी राज्यपालांकडे पाठवणार नसल्याचा...