29 C
Panjim
Sunday, October 25, 2020

राज्यात कोरोनाबाधितांची संख्या ९ हजार पार

>> आणखी ३१७ जण सापडले पॉझिटिव्ह

>> दिवसभरात ५ रुग्णांचा झाला मृत्यू

राज्यातील कोरोनाबाधितांच्या संख्येने काल नऊ हजारांचा टप्पा पार केला असून एकूण रुग्णसंख्या ९०२९ झाली आहे. काल सोमवारी नवीन ३१७ रुग्ण आढळून आले आहेत. यामुळे सध्याची रुग्णांची संख्या २७४१ झाली आहे. काल दिवसभरात आणखीन पाच रुग्णांचे निधन झाले असून कोरोना बळींची संख्या ८० झाली आहे. आणखी २१३ रुग्ण बरे झाले असून आत्तापर्यंत बरे झालेल्या रुग्णांची संख्या ६२०८ एवढी झाली आहे. दरम्यान, राज्यात कोरोना पॉझिटिव्ह रुग्णांची संख्या वाढत असताना रुग्णांच्या मृत्यूचे प्रमाणसुद्धा वाढत असल्याने जनता धास्तावली आहे.

आके, मडगाव येथील ४९ वर्षांच्या महिला रुग्णाचे कोविड हॉस्पिटलमध्ये रविवारी मध्यरात्री निधन झाले. केपे येथील ७३ वर्षीय पुरुष रुग्णाचे आणि झुवारीनगर येथील ४७ वर्षीय पुरुष रुग्णाचे कोविड हॉस्पिटलमध्ये काल निधन झाले आहे. इंदिरानगर, चिंबल येथील ५५ वर्षीय पुरुष रुग्णांचे आणि माशेल येथील ७४ वर्षीय महिलेचे बांबोळी येथील गोमेकॉमध्ये उपचार सुरू असताना निधन झाले आहे.

बांबोळी येथील कोविड प्रयोगशाळेत २३४८ स्वॅबच्या नमुन्यांची तपासणी करण्यात आली. त्यात ३१७ नमुने पॉझिटिव्ह आढळून आले आहेत. प्रयोगशाळेत ७३० नमुने तपासणीच्या प्रतीक्षेत आहेत. आरोग्य खात्याने आणखीन १८९८ स्वॅबचे नमुने तपासणीसाठी पाठविले आहेत.

बांबोळी येथील गोमेकॉच्या खास कोरोना वॉर्डात कोरोना संशयित ९२ रुग्णांना सोमवारी दाखल करण्यात आले आहेत. राज्यात कोरोनाचे रुग्ण वाढत आहेत. त्याचबरोबर कोरोना संशयितांची संख्याही वाढत चालली आहे.

मनपाचा शिपाई पॉझिटिव्ह
महानगरपालिकेतील एक शिपाई कोरोना पॉझिटिव्ह आढळून आला आहे. तो मागील आठ दिवस कामाला आला नव्हता. महानगरपालिका कार्यालयाचे निर्जंतुकीकरण करण्यात आले आहे. महानगरपालिकेत कामासाठी येणार्‍या नागरिकांवर काही प्रमाणात निर्बंध घालण्यात आले आहेत. केवळ तातडीचे काम असल्यास नागरिकांनी कार्यालयात यावे, असे आवाहन महापौर उदय मडकईकर यांनी केले आहे. दरम्यान, ताळगाव येथील कोरोनाने मृत्यू झालेल्या रुग्णावर सांतइनेज येथील स्मशानभूमीत अंत्यसंस्कार करण्यात आले आहेत, अशी माहिती सूत्रांनी दिली.

पणजी शहरात १२ नवे रुग्ण
पणजी शहरात काल नवीन १२ रुग्ण आढळून आले असून शहरातील एकूण रुग्णसंख्या १०३ झाली आहे. उच्च प्राथमिक आरोग्य केंद्राजवळ एका निवासी इमारतीमध्ये एक रुग्ण सापडला आहे. मिरामार, कांपाल, रायबंदर, आल्तिनो, करंझाळे, मळा, सांतइनेज या भागात नवे रुग्ण आढळले आहेत.

STAY CONNECTED

845FansLike
8,000SubscribersSubscribe

TOP STORIES TODAY

वैज्ञानिक दृष्टिकोन व आत्मनिर्भर भारत

प्रदीप गोविंद मसुरकर(मुख्याध्यापक) प्रत्येक मुलामध्ये वेगवेगळ्या क्षमता आणि आवडीनिवडी असतात. त्याप्रमाणे आम्ही डोळसपणे वातावरणनिर्मिती केल्यास ते चांगले वक्ते,...

रंग पत्रांचे…

सौ. प्राजक्ता प्र. गावकर(नगरगाव-वाळपई) पत्र ते पत्रच. त्याची जागा कुणीही घेऊ शकणार नाही. सीमेवर तैनात असलेल्या प्रत्येक जवानाला...

शुभाशुभ शकुन (?)

नारायण बर्वे शुभाशुभ शकुन होतच असतात. आपल्याला पूर्वकल्पना येते येवढेच. असेकाही पूर्वसंकेत मिळाले तरी घाबरून न जाता संकटाशी...

थोडं मुक्त.. थोडं बद्ध..

सौ. माधुरी रं. शे. उसगावकर(फोंडा) स्त्रीने खरं तर स्त्रीच असावं. तिने पुरुषाप्रमाणे वागूच नये. जुन्या चालीरीती झुगारून देऊ...

अपरिहार्य

गंभीर आर्थिक संकटाला सतत सामोरे जात असलेल्या राज्य सरकारने अखेर लाडली लक्ष्मी या आपल्या लोकप्रिय योजनेसाठीची वार्षिक उत्पन्न मर्यादा आठ लाख रुपयांवरून...

ALSO IN THIS SECTION

प्लाझ्मा उपचार पद्धती चालूच ठेवणार

>> आरोग्यमंत्र्यांची माहिती, २६३ जणांवर प्लाझ्मा थेरपी गंभीर अवस्थेतील कोरोना रुग्णांचे प्राण वाचवण्यासाठी प्लाझ्मा उपचार पद्धतीचा बराच फायदा होत...

गृहआधार योजनेसाठी दरवर्षी उत्पन्न, हयात दाखल्याची सक्ती

>> महिला, बाल कल्याण खात्याचा निर्णय महिला आणि बाल कल्याण खात्याने गृहआधार योजनेच्या लाभार्थींंना दरवर्षी उत्पन्न आणि हयात दाखला...

मध्यप्रदेशातील कोळसा खाणीसाठी सल्लागार कंपनीची निवड ः मुख्यमंत्री

>> पीपीपी सुकाणू समितीच्या बैठकीत निर्णय मुख्यमंत्री डॉ. प्रमोद सावंत यांच्या अध्यक्षतेखालील पीपीपी सुकाणू समितीच्या काल घेण्यात आलेल्या बैठकीत...

लुटणार्‍यांना पुन्हा संधी नको ः मोदी

>> बिहारमध्ये पंतप्रधानांच्या तीन प्रचार सभा बिहारला लुटणार्‍या लोकांना पुन्हा राज्यात संधी देऊ नका असे आवाहन पंतप्रधान नरेंद्र मोदी...

एकनाथ खडसे यांचा राष्ट्रवादी कॉंग्रेसमध्ये रीतसर प्रवेश

भाजपच्या सदस्यत्वासह सर्व पदांचा राजीनामा दिलेल्या एकनाथ खडसे यांनी काल शुक्रवारी अखेर राष्ट्रवादी कॉंग्रेसमध्ये शरद पवारांच्या उपस्थितीत रीतसर प्रवेश केला. राष्ट्रवादी कॉंग्रेसमधील...