28.1 C
Panjim
Sunday, September 26, 2021

मुसळधार पावसाने झोडपल

>> वादळी वार्‍यामुळे अनेक ठिकाणी पडझड, वीजपुरवठा खंडित

अरबी समुद्रात तयार झालेल्या कमी दाबाच्या क्षेत्राचे मंगळवारी दुपारी चक्रीवादळात रूपांतर झाल्याने मंगळवारपासून राज्यात जोरदार पावसाबरोबरच वादळी वारा सुटला. परिणामी उत्तर गोव्यापासून दक्षिण गोव्यापर्यंत मंगळवारी रात्रीपासून बुधवारी पहाटेपर्यंत मोठी पडझड झाली. ‘निसर्ग’ वादळामुळे राजधानी पणजीसह सर्व शहरे तसेच ग्रामीण भागात मिळून राज्यभर शेकडो वृक्ष व झाडे उन्मळून पडली.

त्यामुळे वाहतुकीला अडथळा होण्याबरोबरच वीजपुरवठा खंडित होण्याच्या घटना घडल्या. मात्र, राज्यात कुठेही जीवितहानी होण्याची घटना घडली नसल्याचे अग्निशामक दल व पोलीस सूत्रांनी माहिती देताना सांगितले.
वास्को शहरासह अन्य काही ठिकाणी झाडे वाहनांवर कोसळून वाहनांची मोडतोड होण्याच्या घटना घडल्या. वास्को येथे एक होंडा सिटी गाडी व मारूती गाडीवर झाड कोसळण्याची घटना घडली. तसेच दाबोळी येथे विमानतळ रस्त्यावर माड उन्मळून पडल्याने वाहतूक खोळंबली.

पणजी अग्निशामक दलाने दिलेल्या माहितीनुसार मेरशी व ताळगाव येथे निवासी घरांवर वृक्ष कोसळला. तसेच मेरशी ते चिंबल या दरम्यान मारूती मंदिराजवळ वीज ट्रान्स्फॉर्मवर वृक्ष कोसळल्याने वीजपुरवठा खंडित झाला.

हणजूण, पर्रा व हळदोणा येथे तीन ठिकाणी घरांवर झाडे कोसळली तर पिळर्ण येथे एका बांधकाम चालू असलेल्या घरावर झाड कोसळले. वेर्णे दांड्यावर येथे (वेर्णे सर्कलजवळ) एका घरावर वृक्ष कोसळला. दरम्यान, जोरदार पावसामुळे काल बांबोळी येथील महामार्गाच्या खालच्या भुयारी मार्गात प्रचंड पाणी शिरल्याने या भुयारी मार्गाला तळ्याचे रूप प्राप्त झाले हाते.

गोव्यात मोसमी पावसाचे उद्या आगमन
दरम्यान, मोसमी पावसाचे केरळमध्ये आगमन झालेले असून उद्या ५ जूनपर्यंत मान्सूनचे गोव्यात आगमन होणार असल्याचे हवामान खात्यातील सूत्रांनी सांगितले.

पणजीत ५ इंच पाऊस
राजधानी पणजी शहरात मंगळवारी सकाळी ८.३० ते बुधवारी सकाळी ८.३० या २४ तासांच्या काळात ५ इंच एवढा पाऊस झाल्याचे पणजी हवामान खात्यातील सूत्रांनी काल सांगितले. राज्यातील अन्य भागांतही ‘निसर्ग’ चक्रीवादळाच्या जोरामुळे मुसळधार पाऊस कोसळला. त्यामुळे राज्यातील जनजीवन विस्कळीत झाले. आज ४ रोजीही उत्तर व दक्षिण गोव्यातील काही भागात जोरदार पावसाची शक्यता पणजी हवामान खात्याने व्यक्त केली आहे.

STAY CONNECTED

847FansLike
8,000SubscribersSubscribe

TOP STORIES TODAY

महिलांचे अर्थार्जन

नीना नाईक दोन वर्षांत यश-अपयश, बेरीज-वजाबाकी यात प्रेम, द्वेष, आत्मीयता हे उघड झाले. कुठलाही व्यवसाय करताना… कोरोनाने हे...

‘डिटॉक्स डाएट’ म्हणजे काय?

वर्षा भिडे(आहारतज्ज्ञ) डिटॉक्स आहाराची गरज असेल तरच आणि व्यावसायिक तज्ज्ञांच्या मार्गदर्शनाखालीच त्याचा अवलंब करा, अन्यथा ते प्रकृतीसाठी त्रासदायक...

‘कॉलेजविश्व’

शुभंकर जोगजीव्हीएम्स जीजीपीआर कॉलेज ऑफ इकॉनॉमिक्स, फर्मागुडी मागची काही वर्षे आपण बघतोय ही कोरोना महामारी चालू आहे ज्यामुळे आपल्याला...

गोव्यातही खेला होबे!

अरविंद केजरीवाल यांच्या आम आदमी पक्षाने सध्या लोकप्रिय घोषणांच्या आतषबाजीत गोव्याचे राजकीय वातावरण ढवळून काढलेले असताना तृणमूल कॉंग्रेसच्या अध्यक्ष ममता बॅनर्जी यांनीही...

कॉंग्रेस, राष्ट्रवादी, तृणमूलच्या युतीसाठी शरद पवार प्रयत्नशील

>> राज्यातील नेत्यांनी मुंबईत घेतली भेट ममता बॅनर्जी यांच्या तृणमूल कॉंग्रेसने गोवा विधानसभा निवडणुकीच्या रिंगणात उतरण्याचा विचार चालवल्याच्या पार्श्‍वभूमीवर...

ALSO IN THIS SECTION

कॉंग्रेस, राष्ट्रवादी, तृणमूलच्या युतीसाठी शरद पवार प्रयत्नशील

>> राज्यातील नेत्यांनी मुंबईत घेतली भेट ममता बॅनर्जी यांच्या तृणमूल कॉंग्रेसने गोवा विधानसभा निवडणुकीच्या रिंगणात उतरण्याचा विचार चालवल्याच्या पार्श्‍वभूमीवर...

सीझेडएमपी मसुदा सादरीकरणासाठी आणखी ६ महिन्यांची मुदतवाढ द्या

>> सरकारची राष्ट्रीय हरित लवादाकडे मागणी किनारपट्टी क्षेत्र व्यवस्थापन आराखड्याचा (सीझेडएमपी) मसुदा तयार करण्यासाठी आणखी ६ महिन्यांचा कालावधी वाढवून...

भारत-अमेरिकेतील संबंध मजबूत करणार : बायडन

पंतप्रधान नरेंद्र मोदी हे अमेरिका दौर्‍यावर असून, काल त्यांनी द्विपक्षीय बैठकीत अमेरिकेचे राष्ट्राध्यक्ष जो बायडन यांची भेट घेतली. यावेळी बायडन यांनी भारत...

आयपीएल सट्टेबाजीप्रकरणी सहा जणांना ठोकल्या बेड्या

>> वास्को पोलिसांची कारवाई; लॅपटॉप,मोबाईलसह अन्य साहित्य जप्त वास्को पोलिसांनी एका माहितीच्या आधारे वाडे-वास्को येथील ‘सुशीला सी विंग’च्या एका...

राज्यातील ५० टक्के पात्र नागरिकांनी घेतले दोन्ही डोस

>> मुख्यमंत्री कार्यालयाची माहिती; लसीकरणाला वेग राज्यात सध्या लसीकरण मोहिमेला वेग आला असून, कोविड प्रतिबंधक लसीचे डोस घेण्यासाठी पात्र...