28 C
Panjim
Monday, September 28, 2020

मद्यपी पतीचा पत्नीनेच केला खून

>> वास्को नौदल
वसाहतीतील प्रकार

वरुणापुरी – वास्को येथे पती-पत्नीच्या भांडणात, पत्नीने पतीचा लाकडी पट्टीने डोक्यावर वार करून खून केला. पत्नीला वास्को पोलिसांनी अटक केली आहे.
वास्को पोलिसांकडून मिळालेल्या माहितीनुसार शनिवारी वरुणापुरी नौदल वसाहतीत राहणार्‍या कौशलेंद्र प्रतापसिंग चौहान (३३) व संध्या चौहान (३२) यांच्यात भांडण झाले. सदर भांडणाचे रुपांतर नंतर हाणामारीत झाले.

कौशलेंद्र चौहान हा दारू पिऊन रोज भांडण करून पत्नीला मारहाण करीत असे. शनिवारी रात्री असाच तो दारू पिऊन आला व त्याने पत्नीशी भांडण केले. या भांडणाचे रुपांतर मारहाणीत झाले. यावेळी त्यांची सात वर्षीय मुलगी भांडण थांबवण्यास गेली असता कौशलेंद्र याने मुलीला ढकलून बाजूला टाकून दिले. हा प्रकार बघून पत्नी संध्या चौहान हिने एक लाकडी पट्टी घेऊन पतीवर मारली. यात पट्टीचे दोन तुकडे झाले. यावरून न थांबता पत्नीने त्या मोडलेल्या पट्टीने पतीच्या डोक्यावर १४ वेळा टोचून टोचून वार केले. यात कौशलेंद्र रक्ताच्या थारोळ्यात पडला.

पहाटे पाच वाजता पत्नी संध्या हिने पतीला उठवण्याचा प्रयत्न केला असता तो उठत नसल्याने तिने सदर माहिती शेजार्‍यांना दिली. शेजार्‍यांनी नौदलाच्या जीवन्ती इस्पितळाच्या रुग्णवाहिकेला पाचारण करून त्याला येथील जीवन्ती इस्पितळात हलविण्यात आले असता तेथे त्याला मृत घोषित करण्यात आले.

कौशलेंद्र चौहान हा मुळ फिरोजाबाद (उत्तर प्रदेश) येथील असून तेथील नौदलात तो एअरक्राफ्ट हॅण्डलर म्हणून कामाला होता. वरुणापूरी येथील नौदल वसाहतीत तो आपली पत्नी व सात वर्षीय मुलीसह राहत होता. कौशलेंद्र याचा मृतदेह गोवा वैद्यकीय महाविद्यालयात शवचिकित्सेसाठी पाठविण्यात आला असून त्याचा परिवार गोव्यात आल्यानंतर तो त्यांच्या ताब्यात देणार असल्याची माहिती पोलीस उपअधीक्षक सुनिता सावंत यांनी दिली. वास्को पोलीस पुढील तपास करीत आहे.

STAY CONNECTED

845FansLike
8,000SubscribersSubscribe

TOP STORIES TODAY

संत मोहनदास

ऍड. रमाकांत खलप अशा या संताची १५० वी जयंती २ ऑक्टोबर २०२० रोजी जगभर साजरी केली जाईल. सत्याग्रह...

ततो युद्धाय युज्यस्व…

मीना समुद्र कोरोनाचे संकट हे पूर्णपणे माणसाने आपल्या करणीमुळे ओढवून घेतलेले आहे. स्वतःच्या स्वार्थापायी आणि भोगवादी, चंगळवादी, बेदरकार...

सृष्टीच्या रहस्याचा वेध

डॉ. सोमनाथ कोमरपंत रूढार्थाने हे क्रमिक पुस्तक नसून त्याचे उद्दिष्ट काहीसे निराळे आहे. विद्यार्थ्यांना काव्यमाधुरी स्वतंत्र चाखता यावी;...

आश्विन

पौर्णिमा केरकर भातकापणी करून ती पेंडके खळ्यावर तर कधी घराच्या पडवीत आडवी करून ठेवली जायची. त्यावेळी आश्विन घरात...

ALSO IN THIS SECTION

बळींची संख्या ४०० पार

>> राज्यात आणखी १० जणांचा मृत्यू, २७ दिवसांत २०९ बळी राज्यात कोरोना रुग्णांच्या बळींचा आकडा ४०० पार झाला असून...

माजी केंद्रीय मंत्री जसवंतसिंह यांचे निधन

माजी केंद्रीयमंत्री जसवंतसिंह (८२) यांचे काल रविवारी दिल्लीत निधन झाले. केंद्रीय संरक्षणमंत्री राजनाथ सिंह यांनी ट्विटद्वारे याबाबत माहिती दिली. गेल्या सहा वर्षांपासून...

कुंकळ्ळीत युवतीचा संशयास्पद मृत्यू

>> केपे येथे युवकाची आत्महत्या खेडे - पाडी - कुंकळ्ळी येथे नाल्यात युवतीचा संशयास्पद मृत्यू आणि केपे येथे युवकाची...

राज्यात यंदा ४३ टक्के जास्त पाऊस

राज्यात मोसमी पावसाची आत्तापर्यंत सरासरीपेक्षा ४३ टक्के जास्त नोंद झाली आहे. यावर्षी राज्यात विक्रमी पावसाची नोंद झाली असून आत्तापर्यंत १६५.२१ इंच पावसाची...

देवसू-पेडणे येथे अपघातात दुचाकीवरील महिलेचा मृत्यू

काल रविवार दि. २७ रोजी सकाळी ११.३० वाजता प्रज्ञा हायस्कूल देवसू येथे दुचाकीवर मागे बसलेल्या महिलेचा रस्त्यावर गतिरोधकावरून उसळून पडल्याने डोक्याला गंभीर...