25 C
Panjim
Wednesday, September 30, 2020

मजुरांसाठी आज थिवीहून रेल्वे सुटणार

>> मुख्यमंत्र्यांनी व्यक्त केली शक्यता

राज्यात अडकून पडलेल्या मजुरांना त्यांच्या राज्यात परत पोचविण्यासाठी खास रेल्वेगाडी थिवी रेल्वे स्टेशनवरून शुक्रवारी सोडली जाण्याची दाट शक्यता आहे. रेल्वे मंत्रालयाकडून खास रेल्वेगाडीच्या वेळापत्रकाबाबत माहिती मिळविण्याचे काम सुरू आहे. या रेल्वेगाडीबाबत गुरूवारी उशिरापर्यंत माहिती मिळणार आहे, अशी माहिती मुख्यमंत्री डॉ. प्रमोद सावंत यांनी पत्रकारांशी बोलताना काल दिली.

उत्तर आणि दक्षिण गोवा जिल्हा प्रशासनाकडून परराज्यात जाण्यासाठी नोंदणी केलेल्या मध्यप्रदेश, बिहार आदी राज्यांतील मजुरांना म्हापसा येथील पेडे स्टेडियममध्ये पाठविले जात आहेत.

गोवा विमानतळ खुला करण्याची मागणी
विदेशातून येणार्‍या गोमंतकीय नागरिकांच्या सोयीसाठी गोवा विमानतळ खुला करण्याची विनंती केंद्रीय गृहमंत्रालय, केंद्रीय विदेश मंत्रालयाकडे करण्यात आली आहे, अशी माहिती मुख्यमंत्री डॉ. सावंत यांनी दिली.

राज्याचा हरित विभागात समावेश असल्याने सरकारी व खासगी विविध कामांना सुरुवात झाली आहे. त्यामुळे मजुरांना काम मिळू शकते. आम्हांला मजुरांना परत पाठविण्याची घाई नाही. मजुरांनी येथे राहून काम करावे. मजुरांच्या घरवापसीमुळे विविध प्रकारच्या विकासकामांवर परिणाम होऊ शकतो. त्यामुळे मजुरांचे मतपरिवर्तन करण्याची गरज आहे, असेही मुख्यमंत्री डॉ. सावंत यांनी सांगितले.
राज्य प्रशासनाने देशातील विविध भागात अडकून पडलेल्या १६८ गोमंतकीयांना खास बसगाड्यांतून राज्यात आज आणले आहेत. विविध राज्यात अडकून पडलेल्या गोमंतकीयांना आणण्याचे काम सुरूच राहणार आहे, अशी माहिती मुख्यमंत्री डॉ. सावंत यांनी दिली.
मुख्यमंत्री डॉ. सावंत यांनी एकमेकांवर आरोप- प्रत्यारोप करणार्‍या उपमुख्यमंत्री मनोहर आजगावकर आणि बंदर कप्तानमंत्री मायकल लोबो यांच्याशी काल चर्चा करून दोघांतील वाद मिटविण्याची सूचना केली.

दक्षिण गोवा जिल्हाधिकारी मध्यप्रदेशात जाणास इच्छुक असलेल्या मजुरांच्या प्रश्‍नाबाबत मध्यप्रदेश प्रशासनाच्या संपर्कात आहेत. कर्नाटकात जाण्यास इच्छुक असलेल्या मजुरांना आधारकार्ड नसल्याने नोंदणीसाठी अडचण येत आहे. दक्षिण गोव्यातील निवारा केंद्रात असलेल्या कर्नाटकातील मजुरांकडे आधारकार्ड नाहीत, असे आढळून आले आहे.

प्रधानमंत्री गरीब कल्याण योजनेखालील मंजूर धान्य न उचललेल्या तीन स्वस्त धान्य दुकान मालकांवर कारवाईची प्रक्रिया सुरू करण्यात आली आहे, अशी माहिती नागरी पुरवठा खात्याच्या सचिवांनी राज्य कार्यकारी समितीच्या बैठकीत दिली आहे.
राज्यातील कोविड चाचण्यांच्या तपासणीला गती देण्यासाठी आणखी कर्मचार्‍यांना कोविड तपासणीचे प्रशिक्षण देण्याची गरज आहे, अशी माहिती आरोग्य सचिवांनी दिली.

पत्रादेवी पेडणे येथील मुख्य तपासणी नाक्यावरील वाहन प्रवेश प्रक्रियेत सुसूत्रता आणण्याची सूचना उत्तर गोवा जिल्हाधिकार्‍यांना करण्यात आली आहे. राज्यात प्रवेश करणार्‍या वाहन चालकांना तपासणी नाक्यावर जास्त वेळ ताटकळत राहावे लागत आहे.
बार्ज मालक संघटनेने बार्जवरील कर्मचार्‍यांच्या कोविड तपासणीचे शुल्क देण्याची तयारी दर्शविली आहे. तथापि, बार्ज कर्मचार्‍यांचा १४ दिवसांचा क्वारंटाईन बार्जवर करण्यास मान्यता देण्याची मागणी केली आहे.

परराज्यात जाणार्‍या ७५०
मजुरांची यादी तयार
दक्षिण गोवा जिल्हाधिकार्‍यांनी परराज्यात जाण्यास इच्छुक असलेल्या ७५० मजुरांची एक यादी तयार केली असून पहिल्या खास रेल्वेगाडीतून या मजुरांना परत पाठविण्यासाठी रेल्वे प्रशासनाशी बोलणी सुरू आहेत, अशी माहिती राज्य कार्यकारी समितीच्या बैठकीत देण्यात आली.

STAY CONNECTED

845FansLike
8,000SubscribersSubscribe

TOP STORIES TODAY

हृदय महत्त्वाचे आहे! निरोगी हृदयाला कोविडचा धोका नाही

डॉ. शिरीष एस. बोरकर(एम.एस. एम.सीएच. डी.एन.बी.)कार्डिओव्हास्न्युलर आणि थोरासिक सर्जरी- विभाग प्रमुख आणि प्राध्यापक, गो.मे.कॉ. ज्या रुग्णांना हृदयरोगाच्या समस्या...

हृदयास सांभाळा…!

डॉ. राजेंद्र रा. साखरदांडेसाखळी हृदयविकार असलेल्या लोकांनीही स्वतःची स्वतः काळजी घेणे अत्यंत गरजेचे आहे....

बाल हृदयरोग : समज/गैरसमज

- डॉ. रवींद्र पवार(बालरोग व गर्भाच्या हृदयरोग तज्ज्ञहेल्थवे हॉ.) बाल हृदयरोगाबद्दलची सर्वात सुंदर गोष्ट हीच आहे की, बहुतांशी...

बिहारचा कौल

कोरोनाच्या विळख्यातून देश अद्याप मुक्त झालेला नसतानाच बिहार विधानसभा निवडणुकीचे बिगूल वाजले आहेत. विधानसभेची मुदत नोव्हेंबरमध्ये संपते आहे हे खरे असले तरी...

जुवारी पुलावरील चौपदरी मार्ग एप्रिलपर्यंत खुला : पाऊसकर

जुवारी पुलावरील चारपदरी रस्ते येत्या एप्रिल २०२१ पर्यंत वाहतुकीसाठी खुले करण्यात येणार असल्याची माहिती काल बांधकाममंत्री दीपक पाऊसकर यांनी अनधिकृतरित्या पत्रकारांशी बोलताना...

ALSO IN THIS SECTION

जुवारी पुलावरील चौपदरी मार्ग एप्रिलपर्यंत खुला : पाऊसकर

जुवारी पुलावरील चारपदरी रस्ते येत्या एप्रिल २०२१ पर्यंत वाहतुकीसाठी खुले करण्यात येणार असल्याची माहिती काल बांधकाममंत्री दीपक पाऊसकर यांनी अनधिकृतरित्या पत्रकारांशी बोलताना...

आयआयटीचा प्रश्‍न मुख्यमंत्र्यांनी मेळावली येथे येऊन सोडवावा

>> पणजीतील बैठकीत स्थानिकांची मागणी काल सोमवारी पणजी येथे आयआयटीबाबत मेळावली येथील ग्रामस्थांसोबत झालेल्या बैठकीतील चर्चेबाबत मेळावलीवासीयांनी असमाधान व्यक्त...

केपेतील ‘त्या’ युवतीचा खून

>> पोलीस अधीक्षकांची माहिती खेडे, पाडी, केपे येथे रविवारी ओहळात संशयास्पदरीत्या मृतावस्थेत सापडलेली हनिशा महादेव वेळीप (१९) या युवतीचा...

नोकर भरतीबाबत मुख्यमंत्र्यांनी स्पष्टीकरण द्यावे : ढवळीकर

सरकार खरोखरच नोकर भरतीचे काम हाती घेऊन पाच हजार पदे भरणार आहे की निवडणुकीच्या पार्श्‍वभूमीवर ते सरकारने केलेले एक राजकीय वक्तव्य आहे,...

कोरोनाने ६ मृत्यू, ४३८ पॉझिटिव्ह

राज्यात नवे ४३८ कोरोना पॉझिटिव्ह रुग्ण आढळून आले असून आणखी ६ कोरोना पॉझिटिव्ह रुग्णांचा मृत्यू झाला असून कोरोना बळींची एकूण संख्या ४०७...