28 C
Panjim
Monday, September 28, 2020

भाजप, कॉंग्रेसचे सभापतीपदाचे उमेदवार आज अर्ज भरणार

गोवा विधानसभेच्या सभापतींची निवड करण्यासाठी मंगळवार ४ जून २०१९ रोजी सकाळी ११.३० वाजता विधानसभेचे खास अधिवेशन घेतले जाणार असून आज सोमवारी ३ जून रोजी दुपारी १२ वाजेपर्यंत सभापतिपदासाठी उमेदवारी अर्ज स्वीकारले जाणार आहेत. सभापती निवडणुकीच्या पार्श्‍वभूमीवर राजकीय हालचालींना गती प्राप्त झाली आहे. भाजप आणि कॉंग्रेस पक्ष सभापतिपदासाठी उमेदवार निश्‍चित करण्याच्या तयारीला लागले आहेत.

भाजपमध्ये सभापतिपदासाठी चुरस लागलेली आहे. भाजपच्या प्रदेश समितीने सभापतीसाठी उमेदवार निश्‍चित करण्यासाठी चर्चा सुरू केली आहे. सभापतिपदासाठी भाजपचे डिचोलीचे आमदार राजेश पाटणेकर यांचे नाव घेतले जात होते. परंतु, आता शिरोड्याचे आमदार सुभाष शिरोडकर यांचेही नाव चर्चेत आहे. सभापतिपदी कुणाची वर्णी लागते, याकडे सर्वांचे लक्ष लागले आहे. भाजपचे प्रदेशाध्यक्ष विनय तेंडुलकर यांच्याशी मोबाईलवरून संपर्क साधण्याचा प्रयत्न करण्यात आला. परंतु, त्यांच्याशी संपर्क होऊ शकला नाही. विद्यमान उपसभापती तथा कार्यवाहू सभापती मायकल लोबो यांनी आपण सभापतीपदासाठी इच्छुक नसल्याचे याआधीच जाहीरपणे सांगितले आहे.

कॉंग्रेस पक्ष सभापतिपदासाठी आपला उमेदवार सोमवारी निश्‍चित करणार आहे. कॉंग्रेस पक्षाच्या विधिमंडळ गटाची बैठक आज सोमवार ३ रोजी सकाळी ९.३० घेतली जाणार आहे. या बैठकीत सभापतिपदासाठी उमेदवार निश्‍चित करून उमेदवारी अर्ज सादर केला जाणार आहे, अशी माहिती विरोधी पक्षनेते चंद्रकांत कवळेकर यांनी दिली.

STAY CONNECTED

845FansLike
8,000SubscribersSubscribe

TOP STORIES TODAY

संत मोहनदास

ऍड. रमाकांत खलप अशा या संताची १५० वी जयंती २ ऑक्टोबर २०२० रोजी जगभर साजरी केली जाईल. सत्याग्रह...

ततो युद्धाय युज्यस्व…

मीना समुद्र कोरोनाचे संकट हे पूर्णपणे माणसाने आपल्या करणीमुळे ओढवून घेतलेले आहे. स्वतःच्या स्वार्थापायी आणि भोगवादी, चंगळवादी, बेदरकार...

सृष्टीच्या रहस्याचा वेध

डॉ. सोमनाथ कोमरपंत रूढार्थाने हे क्रमिक पुस्तक नसून त्याचे उद्दिष्ट काहीसे निराळे आहे. विद्यार्थ्यांना काव्यमाधुरी स्वतंत्र चाखता यावी;...

आश्विन

पौर्णिमा केरकर भातकापणी करून ती पेंडके खळ्यावर तर कधी घराच्या पडवीत आडवी करून ठेवली जायची. त्यावेळी आश्विन घरात...

ALSO IN THIS SECTION

बळींची संख्या ४०० पार

>> राज्यात आणखी १० जणांचा मृत्यू, २७ दिवसांत २०९ बळी राज्यात कोरोना रुग्णांच्या बळींचा आकडा ४०० पार झाला असून...

माजी केंद्रीय मंत्री जसवंतसिंह यांचे निधन

माजी केंद्रीयमंत्री जसवंतसिंह (८२) यांचे काल रविवारी दिल्लीत निधन झाले. केंद्रीय संरक्षणमंत्री राजनाथ सिंह यांनी ट्विटद्वारे याबाबत माहिती दिली. गेल्या सहा वर्षांपासून...

कुंकळ्ळीत युवतीचा संशयास्पद मृत्यू

>> केपे येथे युवकाची आत्महत्या खेडे - पाडी - कुंकळ्ळी येथे नाल्यात युवतीचा संशयास्पद मृत्यू आणि केपे येथे युवकाची...

राज्यात यंदा ४३ टक्के जास्त पाऊस

राज्यात मोसमी पावसाची आत्तापर्यंत सरासरीपेक्षा ४३ टक्के जास्त नोंद झाली आहे. यावर्षी राज्यात विक्रमी पावसाची नोंद झाली असून आत्तापर्यंत १६५.२१ इंच पावसाची...

देवसू-पेडणे येथे अपघातात दुचाकीवरील महिलेचा मृत्यू

काल रविवार दि. २७ रोजी सकाळी ११.३० वाजता प्रज्ञा हायस्कूल देवसू येथे दुचाकीवर मागे बसलेल्या महिलेचा रस्त्यावर गतिरोधकावरून उसळून पडल्याने डोक्याला गंभीर...