28 C
Panjim
Wednesday, December 2, 2020

बिहारात सत्तापालट?

बिहार विधानसभा निवडणुकीचा निकाल उद्या लागेल. यच्चयावत मतदानोत्तर पाहण्यांनी यावेळी बिहारमध्ये राष्ट्रीय जनता दलाचे तरुण नेते तेजस्वी यादव यांच्या नेतृत्वाखाली महागठबंधनचे सरकार बनेल असे भाकीत केलेले आहे. महागठबंधनला १२० ते १८० जागा आणि जेडीयू – भाजप प्रणित राष्ट्रीय लोकशाही आघाडीला ५५ ते ११६ जागा असे अनुमान या पाहण्यांत काढण्यात आले आहे. मतदानोत्तर पाहण्यांचे निष्कर्ष नेहमीच बरोबर येतात असे नाही. बिहारमध्येच यापूर्वीच्या विधानसभा निवडणुकीमध्ये ते सपशेल खोटे ठरलेले होते. पण यावेळी खरोखरच बिहारचे निकाल तसे लागले तर मुख्यमंत्री नितीशकुमार आणि राष्ट्रीय लोकशाही आघाडीसाठी तो ङ्गार मोठा झटका ठरेल. नितीशकुमार यांच्या सत्तेला तर तो हादरा असेलच, शिवाय पंतप्रधान नरेंद्र मोदी यांच्या कोरोना कालखंडातील कामगिरीचे मोजमाप म्हणूनही या निकालाकडे पाहिले जात असल्याने भारतीय जनता पक्षासाठीही बिहारचा निकाल ही प्रतिष्ठेची बाब बनलेली आहे.
नितीशकुमार यांच्या लोकप्रियतेला ओहटी का लागली हा विचार करण्यासारखा प्रश्न आहे. ज्या लालूप्रसाद यादवांच्या जंगलराजचा नायनाट करीत नितीशकुमार यांनी विकासाचे राजकारण केले, त्यांच्यावर जर लालूपुत्राकडूनच सत्ताभ्रष्ट होण्याची वेळ येणार असेल तर हे का घडले हा विषय निश्‍चितच कुतूहलाचा ठरेल. सत्तेवर असलेल्या नितीशकुमार यांना यावेळी अँटी इन्कम्बन्सीला सामोरे जावे लागले हे तर उघड आहेच, परंतु केवळ तेवढ्याने या पराभवाची मीमांसा करणे वा पराभवाचे खापर त्यांच्या एकट्यावर ङ्गोडणे पुरेसे ठरणार नाही. या पराभवामध्ये भाजपही वाटेकरी असेल.
ऐन निवडणुकीच्या तोंडावर दलित नेते चिराग पास्वान नितीशकुमारांशी संघर्ष करीत आपल्या लोकजनशक्ती पक्षाला रालोआबाहेर काढले. बिहारसारख्या जातीपातींच्या राजकारणाने लडबडलेल्या या निवडणुकीमध्ये पासवान यांच्या जेडीयू – भाजपपासून दूर जाण्याने दलित – मागास – अतिमागासांमध्ये जो संदेश गेला, तो राष्ट्रीय लोकशाही आघाडीला जड गेला असाही वरील निकालाचा अर्थ असेल.
जेडीयूला पाठबळ देणार्‍या भारतीय जनता पक्षाच्या केंद्रातील सरकारने कोरोनामुळे केलेल्या लॉकडाऊनचा सर्वाधिक ङ्गटका ज्या स्थलांतरित मजुरांना बसला तेही मतदानयंत्रातून वचपा काढणार का हे पाहणेही औत्सुक्याचे आहे. रोजगाराचा जो ङ्गार मोठा प्रश्न आज देशात निर्माण झालेला आहे, त्याला तेजस्वी यांनी आपल्या प्रचाराचा प्रमुख मुद्दा बनविले होते हे येथे उल्लेखनीय आहे. याउलट भारतीय जनता पक्ष – अगदी पंतप्रधान मोदी देखील राममंदिर, पुलवामा अशा भावनिक विषयांमध्येच मतदारांना गुंगवताना दिसले.
तेजस्वी यादव यांच्या नेतृत्वाखालील राष्ट्रीय जनता दलाकडे आज बिहारची जनता पर्याय म्हणून पाहते आहे असे या मतदानोत्तर पाहण्यांचे निकाल सुचवित आहेत. या निवडणुकीमध्ये तेजस्वी यांनी बिहार जवळजवळ ढवळून काढला. तब्बल अडीचशे प्रचारसभांना त्यांनी संबोधित केले. दिवसाला सरासरी पंधरा – वीस सभांचा धडाका त्यांनी लावला. या मंथनातून सत्तेचा अमृतकुंभ त्यांच्या हाती लागेल असा अंदाज एकमताने सर्वत्र वर्तवला जाताना दिसतो आहे. राजदसाठी हे मोठे पुनरागमन ठरेल. वडील लालूप्रसाद, आई राबडीदेवींनतर मुलगा तेजस्वीही मुख्यमंत्रिपदाच्या खुर्चीत बसणार असेल तर व्यक्तिगत पातळीवरही तो एक विक्रम ठरेल. लालूप्रसाद यांच्यासारखी तेजस्वी यांची छबी भ्रष्ट नाही. उलट आजच्या तरुणांचा आवाज बनून त्यांच्या जिव्हाळ्याचे मुद्देच ते उठवीत आले आहेत. पंतप्रधान मोदींनी भले त्यांना जंगलराजका युवराज म्हणून हिणवले असले तरी बिहारसारख्या राज्यात जिथे जवळजवळ साठ टक्के लोकसंख्या ही तरुणांची आहे, तिथे तेजस्वी यांच्या तेजाची भुरळ तरुणाईला पडली तर आश्चर्य वाटू नये. नितीशकुमार यांची छबी अलीकडच्या काळात मलीन झाली आहे. जाहीर सभेमध्ये त्यांच्यावर कांदे ङ्गेकण्यापर्यंत मतदारांची मजल गेलेली या निवडणुकीत दिसली. नितीश यांनाही पराभवाची चाहुल लागली असावी, कारण आपल्या अखेरच्या प्रचारसभेत ही आपली शेवटची निवडणूक असल्याची भावनिक साद त्यांनी घातली. आपल्या अखेरच्या निवडणुकीत ते सत्ता गमावणार की राखणार हे उद्या दिसेलच.

STAY CONNECTED

845FansLike
8,000SubscribersSubscribe

TOP STORIES TODAY

खाणप्रश्‍नी केंद्र सरकार सकारात्मक ः मुख्यमंत्री

>> ह्या आठवड्यात दोन वेळा होणार बैठका गोव्यातील बंद पडलेला खाण उद्योग पुन्हा सुरू करण्याबाबत केंद्र सरकार सकारात्मक असल्याची...

शाळा सुरू करताना…

विलास सतरकर(मुख्याध्यापक, डॉ. के. ब. हेडगेवार विद्यालय, बांबोळी) गोव्यात ऑनलाईन शिक्षण व्यवस्थितपणे चालू आहे आणि या कोविडच्या पार्श्‍वभूमीवर...

पीएमसी बँकेच्या ठेवीदारांची परवड

शशांक मो. गुळगुळे गेल्या १४ महिन्यांत पीएमसी बँकेकडून मिळालेल्या ‘शॉक’ने पाचजण मृत्युमुखी पडले, तर त्यांपैकी चार जणांनी जगण्यासाठी...

दुरपती

पौर्णिमा केरकर आम्ही घरी परतण्यासाठी उठलो. कृतज्ञता व्यक्त करण्यासाठी शब्द नव्हते. मी तिला तिचं नाव विचारलं… तिनं सांगितलं...

कार्तिकातला दीपराग

मीना समुद्र आकाशातल्या नक्षत्रतारका सोनेरी वेष घालून पणतीच्या टोकावर विराजमान झाल्या आणि खाली यायला तयार नसलेल्या चांदण्यांना टुक्‌टुक्...

ALSO IN THIS SECTION

खाणप्रश्‍नी केंद्र सरकार सकारात्मक ः मुख्यमंत्री

>> ह्या आठवड्यात दोन वेळा होणार बैठका गोव्यातील बंद पडलेला खाण उद्योग पुन्हा सुरू करण्याबाबत केंद्र सरकार सकारात्मक असल्याची...

फक्त सोहळा नको

गोवा मुक्तीचे हीरक महोत्सवी वर्ष उत्सवी कार्यक्रमांनिशी साजरे करण्याचा निर्णय राज्य सरकारने घेतला घेतला आहे आणि त्यासाठी केंद्र सरकारपाशी शंभर कोटी रुपयांची...

कोविडमुळे नुकसान झालेल्यांना १०० कोटींचे पॅकेज जाहीर करा

>> म्हापशातील बैठकीत दिगंबर कामत यांची मागणी कोविड काळात राज्य सरकार गोवा मुक्ती दिनाला साठ वर्षे पूर्ण होणार असल्याने...

नोकरभरतीसाठी अर्थसंकल्पात सरकारची तरतूद नाही ः कॉंग्रेस

मुख्यमंत्री डॉ. प्रमोद सावंत यांनी दहा हजार नोकर्‍या देण्याचे जाहीर केले आहे. परंतु, नोकर्‍या देण्यासाठी अर्थसंकल्पात आर्थिक तरतूद केलेली नाही. आगामी निवडणुकीत...

स्पष्टतेची गरज

दिल्लीच्या सीमांवर काल आजूबाजूच्या राज्यांतील शेतकर्‍यांनी जोरदार धडक मारली. त्यांना रोखण्यासाठी बळाचा वापर झाला. लाठीमार, अश्रुधूर, पाण्याचा मारा या सगळ्यातून शेतकर्‍यांचे हे...