28 C
Panjim
Tuesday, September 22, 2020

बांगलादेशचा टीम इंडियाला धक्का

>> धवन-राहुलची संथगती फलंदाजी नडली

>> खलील अहमदचा स्वैर मारा

बांगलादेशने पहिल्या टी-ट्वेंटी सामन्यात टीम इंडियाचा ७ गडी व ३ चेंडू राखून पराभव केला. भारताचा डाव १४८ धावांपर्यंत मर्यादित ठेवल्यानंतर बांगलादेशने रहीमच्या समयोचित अर्धशतकावर आरुढ होत विजयाची चव चाखली. आंतरराष्ट्रीय टी-ट्वेंटीमध्ये बांगलादेशने नवव्या प्रयत्नात टीम इंडियावर मिळविलेला हा पहिलाच विजय ठरला. आंतरराष्ट्रीय टी-ट्वेंटीमधील हा १००० वा सामना होता.

बांगलादेशचा कर्णधार महमुदुल्ला याने या लढतीत नाणेफेक जिंकून भारताला प्रथम फलंदाजीचे निमंत्रण दिले. कर्णधार रोहित शर्माला केवळ ९ धावांवर माघारी धाडत बांगलादेशने चांगली सुरुवात केली. लोकेश राहुल (१७ चेंडूंत १५) व शिखर धवन यांनी यानंतर कूर्मगती फलंदाजी करत पॉवरप्लेचा लाभ उठवला नाही. पॉवरप्ले संपल्यानंतर राहुल परतला. धवनने आपले घरचे मैदान असूनही आक्रमकतेला मुरड घालत संथ खेळी केली. ४२ चेंडूंत ४१ धावा करून त्याने तंबूची वाट धरली. श्रेयस अय्यरने १३ चेंडूंत २२ धावा जमवून चांगली सुरुवात केली होती. परंतु, त्याची खेळी यापलीकडे गेली नाही. ऋषभ पंत यालादेखील धावा करण्यासाठी झगडावे लागले. कृणाल पंड्या (८ चेंडूंत नाबाद १५) व सुंदर (५ चेंडूंत नाबाद १४) यांनी अखेरच्या काही षटकांत आक्रमकता दाखवल्याने धावसंख्या १४८ पर्यंत गेली.

लक्ष्य विशाल नसल्याचे हेरून बांगलादेशी फलंदाजांनी मोजून मापून खेळ केला. अधिक धोके न पत्करल्याने भारताला गडी बाद करण्याच्या फारशा संधी मिळाल्या नाहीत. तर काही मोजक्या संधींचा लाभ उठवण्यात भारतीय संघ कमी पडला. अठराव्या षटकात कृणालने चहलच्या गोलंदाजीवर रहीमला जीवदान दिले. याच रहीमने डावातील १९व्या षटकात खलीलला सलग चार चौकार ठोकत बांगलादेशला विजयाच्या दारात नेेले. त्यामुळे शेवटचे षटक टाकणार्‍याकडे धावांचे पुरेसे पाठबळ मिळाले नाही. मालिकेतील दुसरा सामना ७ रोजी राजकोट येथे खेळविला जाणार आहे.

धावफलक
भारत ः रोहित शर्मा पायचीत गो. शफिउल ९, शिखर धवन धावबाद ४१, लोकेश राहुल झे. महमुदुल्ला गो. अमिनूल १५, श्रेयस अय्यर झे. नईम गो. अमिनूल २२, ऋषभ पंत झे. नईम गो. शफिउल २७, शिवम दुबे झे. व गो. अफिफ १, कृणाल पंड्या नाबाद १५, वॉशिंग्टन सुंदर नाबाद १४, अवांतर ४, एकूण २० षटकांत ६ बाद १४८
गोलंदाजी ः शफिउल इस्लाम ४-०-३६-२, अल अमिन हुसेन ४-०-२७-०, मुस्तफिझुर रहमान २-०-१५-०, अमिनूल इस्लाम ३-०-२२-२, सौम्य सरकार २-०-१६-०, अफिफ हुसेन ३-०-११-१, मोसद्देक हुसेन १-०-८-०, महमुदुल्ला १-०-१०-०
बांगलादेश ः लिटन दास झे. राहुल गो. चहर ७, मोहम्मद नईम झे. धवन गो. चहल २६, सौम्य सरकार त्रि. गो. खलील ३९, मुश्फिकुर रहीम नाबाद ६० (४३ चेंडू, ८ चौकार, १ षटकार), महमुदुल्ला नाबाद १५, अवांतर ७, एकूण १९.३ षटकांत ३ बाद १५४
गोलंदाजी ः दीपक चहर ३-०-२४-१, वॉशिंग्टन सुंदर ४-०-२५-०, खलील अहमद ४-०-३७-१, युजवेंद्र चहल ४-०-२४-१, कृणाल पंड्या ४-०-३२-०, शिवम दुबे ०.३-०-९-०

STAY CONNECTED

845FansLike
8,000SubscribersSubscribe

TOP STORIES TODAY

अल्झायमरला दूर ठेवण्यासाठी….

डॉ. गजानन पाणंदीकर(न्युरॉलॉजिस्ट- हेल्थवे हॉस्पिटल) २१ सप्टेंबर हा जागतिक अल्झायमर दिन म्हणून साजरा केला जातो. अल्झायमर या रोगाचा...

कोरोना विरोधात रसायन द्रव्ये

डॉ. मनाली म. पवार(सांतइनेज, पणजी) २०२० वर्ष फक्त जगायचे, आरोग्य सांभाळायचे. बस्स..! कोणतीच चिंता नको, कसे होईल ही...

भाजणे : लक्षणे, कारणे, उपचार भाग – २

डॉ. सुरज सदाशिव पाटलेकर(श्रीव्यंकटेश आयुर्वेद, मडगांव) कित्येक लोकांचा असा गैरसमज असतो की भाजलेल्या जखमेवर टूथपेस्ट, क्रीम, बटर इत्यादी...

गायीचे दूध आणि त्याचे स्वरूप भाग – ३

वैद्य स्वाती हे. अणवेकरम्हापसा आपल्या देशी गाईंचे संगोपन अगदी कमी खर्चात होते. म्हणून त्यांना बेवारशासारख्या रस्त्यावर न सोडता...

हडेलहप्पी नको

संसदेचे पावसाळी अधिवेशन मोदी सरकारच्या कृषी विधेयकांवरून वादळी ठरले आहे. रविवारी राज्यसभेमध्ये जो काही प्रकार घडला तो अशोभनीय होता. विरोधी पक्षांच्या सदस्यांनी...

ALSO IN THIS SECTION

मुसळधार पावसाने गोवा जलमय

>> आजही मुसळधार पावसाची शक्यता आजवर १५३.४८ इंच पाऊससरासरीच्या ३५ टक्के अधिकसांग्यात सात इंच पावसाची नोंदफोंडा, सत्तरी, केप्यालाही झोडपले

साडे बारा हजार रुग्ण होम आयसोलेशनखाली

राज्यात कोरोनाबाधितांकडून होम आयसोलेशन घेण्याचे प्रमाण वाढत असून सौम्य लक्षणे असलेल्या आणखी ४८५ रुग्णांनी काल होम आयसोलेशनचा पर्याय स्वीकारला. त्यामुळे होम आयसोलेशनखालील...

कृषी विधेयके ही २१ व्या शतकाची गरज : मोदी

सरकारने रविवारी संसदेत संमत केलेली तिन्ही कृषी विधेयके ही भारताची एकविसाव्या शतकाची गरज असल्याचे प्रतिपादन पंतप्रधान नरेंद्र मोदी यांनी काल केले. विरोधी...

निलंबित राज्यसभा सदस्यांचा सभागृहातून जाण्यास नकार

केंद्र सरकारने संमत केलेल्या कृषी विधेयकांना विरोध करताना असांसदीय वर्तणूक केल्याप्रकरणी राज्यसभेतून निलंबित करण्यात आलेल्या आठ खासदारांनी काल सभागृह सोडण्यास नकार दिल्याने...

केंद्र सरकारकडून रब्बी पिकांच्या किमान आधारभूत किंमतीत वाढ

शेतकर्‍यांना दिलासा देण्यासाठी केंद्र सरकारने काल रब्बी पिकांच्या किमान आधारभूत किंमतींत क्विंटलमागे ५० रू. ते ३०० रू. वाढ घोषित केली. लोकसभेत कृषीमंत्री...