28.1 C
Panjim
Sunday, September 26, 2021

पुरामुळे घरे कोसळलेल्यांना १५ ऑगस्टपूर्वी भरपाई : मुख्यमंत्री

हल्लीच आलेल्या पुरामुळे राज्यात ज्या लोकांची घरे कोसळली त्यांना १५ ऑगस्टपूर्वी घरे बांधण्यासाठी नुकसानभरपाई देण्यात येणार असल्याचे मुख्यमंत्री डॉ. प्रमोद सावंत यांनी काल त्यासंबंधीच्या लक्षवेधी सूचनेवर उत्तर देताना सांगितले. ज्यांची मातीची घरे होती त्यांना प्रत्येकी २ लाख रु. एवढी भरपाई देण्यात येईल.

ज्यांची घरे कोसळलेली नाहीत पण घरांचे मोठे नुकसान झालेले आहे अशा लोकांना १ लाख रु. पर्यंतची मदत देण्यात येणार आहे. तर ज्यांच्या घरांचे किरकोळ स्वरूपाचे नुकसान झालेले आहे अशा लोकांना प्रत्येकी २५ हजार रु. एवढी नुकसानभरपाई देण्यात येणार असल्याचे ते म्हणाले. पुरामुळे दोघांचा मृत्यू झालेला असून या मृतांच्या कुटुंबियांना प्रत्येकी ४ लाख रु. एवढी नुकसानभरपाई देण्यात येणार असल्याची माहिती मुख्यमंत्र्यानी दिली.

घरे बांधण्यासाठी लोकांना १५ ऑगस्टपर्यंत मदत देण्यात येणार असून ज्यांचे कमी स्वरूपाचे नुकसान झालेले आहे त्यांना सप्टेंबर महिन्यापर्यंत भरपाई देण्यात येणार असल्याची माहिती सावंत यांनी दिली. ज्यांची घरे कोसळल्याने सगळे काही ढिगार्‍याखाली गेले अशा लोकांना यापूर्वीच सरकारने अन्नधान्य, कपडे. चादरी व अन्य आवश्यक ते साहित्य पुरविले असल्याचे सावंत यांनी यावेळी सांगितले.

सरकारने पुरामुळे झालेल्या नुकसानाचा अंदाज खर्च तयार केलेला असून तो ९२ लाख रु. एवढा असल्याची माहिती सावंत यांनी दिली. पूरग्रस्तांना नुकसानभरपाई देता यावी यासाठी सरकारने केंद्राकडे निधीची मागणी केली असल्याची माहितीही सावंत यांनी यावेळी दिली.

यावेळी बोलताना विरोधी आमदारांनी सरकारकडे लोकांना तुटपुंजी नुकसानभरपाई न देता त्यांचे जेवढे नुकसान झालेले आहे ते लक्षात घेऊन त्यानुसार भरपाई देण्याची मागणी केली. तौक्ते चक्रीवादळाच्या वेळी ज्या लोकांचे नुकसान झाले होते त्यांना अद्याप भरपाई मिळाली नसल्याचेही विरोधी आमदारांनी सांगितले. यावेळी बोलताना विजय सरदेसाई यांनी, पुरामुळे जनतेचे कोट्यवधी रु.चे नुकसान झालेले असताना सरकारने नुकसानाचा आकडा केवळ ९२ लाख रु. कसा काय ठरवला, असा प्रश्‍न उपस्थित केला. मृतांच्या कुटुंबियांना ४ लाख रु. नुकसानभरपाई देणे ही त्यांची थट्टा असून त्यांना जास्त भरपाई द्यायला हवी, अशी सूचना आमदार रोहन खंवटे यांनी केली.

सुदिन ढवळीकर यांनी दोन लाख रु. घर बांधणे शक्य नसून ज्यांची घरे कोसळली आहेत त्यांना जास्त नुकसानभरपाई द्यावी अशी मागणी केली. रवी नाईक, दिगंबर कामत, प्रतापसिंह राणे आदींनीही यावेळी महत्त्वाच्या सूचना केल्या.सगळ्यांचे म्हणणे ऐकून घेतल्यानंतर लोकांना योग्य तेवढी नुकसानभरपाई देण्यात येईल असे आश्‍वासन यावेळी मुख्यमंत्र्यांनी दिले.

STAY CONNECTED

847FansLike
8,000SubscribersSubscribe

TOP STORIES TODAY

महिलांचे अर्थार्जन

नीना नाईक दोन वर्षांत यश-अपयश, बेरीज-वजाबाकी यात प्रेम, द्वेष, आत्मीयता हे उघड झाले. कुठलाही व्यवसाय करताना… कोरोनाने हे...

‘डिटॉक्स डाएट’ म्हणजे काय?

वर्षा भिडे(आहारतज्ज्ञ) डिटॉक्स आहाराची गरज असेल तरच आणि व्यावसायिक तज्ज्ञांच्या मार्गदर्शनाखालीच त्याचा अवलंब करा, अन्यथा ते प्रकृतीसाठी त्रासदायक...

‘कॉलेजविश्व’

शुभंकर जोगजीव्हीएम्स जीजीपीआर कॉलेज ऑफ इकॉनॉमिक्स, फर्मागुडी मागची काही वर्षे आपण बघतोय ही कोरोना महामारी चालू आहे ज्यामुळे आपल्याला...

गोव्यातही खेला होबे!

अरविंद केजरीवाल यांच्या आम आदमी पक्षाने सध्या लोकप्रिय घोषणांच्या आतषबाजीत गोव्याचे राजकीय वातावरण ढवळून काढलेले असताना तृणमूल कॉंग्रेसच्या अध्यक्ष ममता बॅनर्जी यांनीही...

कॉंग्रेस, राष्ट्रवादी, तृणमूलच्या युतीसाठी शरद पवार प्रयत्नशील

>> राज्यातील नेत्यांनी मुंबईत घेतली भेट ममता बॅनर्जी यांच्या तृणमूल कॉंग्रेसने गोवा विधानसभा निवडणुकीच्या रिंगणात उतरण्याचा विचार चालवल्याच्या पार्श्‍वभूमीवर...

ALSO IN THIS SECTION

गोव्यातही खेला होबे!

अरविंद केजरीवाल यांच्या आम आदमी पक्षाने सध्या लोकप्रिय घोषणांच्या आतषबाजीत गोव्याचे राजकीय वातावरण ढवळून काढलेले असताना तृणमूल कॉंग्रेसच्या अध्यक्ष ममता बॅनर्जी यांनीही...

कॉंग्रेस, राष्ट्रवादी, तृणमूलच्या युतीसाठी शरद पवार प्रयत्नशील

>> राज्यातील नेत्यांनी मुंबईत घेतली भेट ममता बॅनर्जी यांच्या तृणमूल कॉंग्रेसने गोवा विधानसभा निवडणुकीच्या रिंगणात उतरण्याचा विचार चालवल्याच्या पार्श्‍वभूमीवर...

सीझेडएमपी मसुदा सादरीकरणासाठी आणखी ६ महिन्यांची मुदतवाढ द्या

>> सरकारची राष्ट्रीय हरित लवादाकडे मागणी किनारपट्टी क्षेत्र व्यवस्थापन आराखड्याचा (सीझेडएमपी) मसुदा तयार करण्यासाठी आणखी ६ महिन्यांचा कालावधी वाढवून...

भारत-अमेरिकेतील संबंध मजबूत करणार : बायडन

पंतप्रधान नरेंद्र मोदी हे अमेरिका दौर्‍यावर असून, काल त्यांनी द्विपक्षीय बैठकीत अमेरिकेचे राष्ट्राध्यक्ष जो बायडन यांची भेट घेतली. यावेळी बायडन यांनी भारत...

आयपीएल सट्टेबाजीप्रकरणी सहा जणांना ठोकल्या बेड्या

>> वास्को पोलिसांची कारवाई; लॅपटॉप,मोबाईलसह अन्य साहित्य जप्त वास्को पोलिसांनी एका माहितीच्या आधारे वाडे-वास्को येथील ‘सुशीला सी विंग’च्या एका...