28.1 C
Panjim
Sunday, September 26, 2021

पाकिस्तानचे पंतप्रधान नवाझ शरीफ अपात्र

>> बेनामी मालमत्ता प्रकरणी कोर्टाचा दणका
>> राजीनामा सादर

पाकिस्तानचे पंतप्रधान नवाझ शरीफ यांना पनामा पेपर्स प्रकरणी पाकिस्तानच्या सर्वोच्च न्यायालयाने दोषी असल्याचा निवाडा दिला असून पंतप्रधानपदी राहण्यास अपात्र ठरवले आहे. दरम्यान, न्यायालयाच्या दणक्यानंतर नवाझ शरीफ यांनी पंतप्रधानपदाचा राजीनामा दिला असून त्यांच्याजागी नवाझ शरीफ यांचे भाऊ शहबाज शरीफ यांची वर्णी लागण्याची चिन्हे आहेत.

पाच न्यायाधीशांच्या खंडपीठाने हा ऐतिहासिक निकाल देताना शरीफ यांच्याविरोधात गुन्हेगारी खटला दाखल करण्यात यावा, असेही आदेशात म्हटले आहे. विशेष म्हणजे पाच सदस्यांच्या खंडपीठाने शरीफ यांना दोषी ठरवताना एकमताने निर्णय दिला आहे. शरीफ यांना पंतप्रधानपद सोडावे लागणार आहे, असे न्या. एजाज अफजल खान यांनी निकाल देताना म्हटले. या निकालाचे संकेत न्यायालयाने १८ जुलै रोजी झालेल्या सुनावणीवेळी दिले होते.
पाकिस्तानच्या सर्वोच्च न्यायालयाने शरीफ यांच्यासह मुले हसन, हुसैन व मरियम यांनाही दोषी ठरवले आहे. त्यांच्याविरोधात प्रकरणांची चौकशी ‘नॅब’कडे (नॅशनल अकाउंटेबिलिटी ब्यूरो) देण्यात आली आहे. याशिवाय चौकशी समितीद्वारे जमा केलेले सर्व दस्तऐवज सहा आठवड्यांच्या आत ‘नॅब’कडे सोपवावेत व सुनावणी सुरू झाल्यापासून महिन्याच्या आत या प्रकरणी निकाल देण्याचा आदेशही नॅबला देण्यात आला आहे.
शरीफ यांच्यावर लंडनमध्ये बेनामी मालमत्ता जमवल्याचा आरोप होता. पनामा पेपर प्रकरण उघडकीस आल्यानंतर सर्वोच्च न्यायालयाने चौकशीसाठी संयुक्त समिती स्थापन केली होती. या समितीने १० जुलै रोजी सादर केलेल्या अहवालात शरीफ यांच्यावर ठपका ठेवण्यात आला होता. शरीफ कुटुंबीयांच्या व्यावसायिक व्यवहारांचा तपास करणार्‍या या समितीने शरीफ यांच्यासह त्यांची मुले हसन व हुसेन तसेच मुलगी मरयम नवाझ यांच्याविरोधात नॅशनल अकाउंटेबिलिटी ब्यूरो अध्यादेश १९९९ खाली गुन्हा दाखल करावा, अशी शिफारस केली होती.पाकिस्तानात पुढील वर्षी सार्वत्रिक निवडणुका होणार असून तोपर्यंत सत्ता कुणाकडे सोपवण्यात यावी याची गणिते शरीफ मांडीत आहेत. सद्यःस्थितीत त्यांचे भाऊ शहबाज शरीफ यांचे नाव अग्रणी आहे. दरम्यान, न्यायालयाच्या निकालानंतर खबरदारी म्हणून इस्लामाबाद व रावळपिंडीमधील बंदोबस्तात वाढ करण्यात आली आहे. पोलीस व सुरक्षा दलाच्या अतिरिक्त तुकड्या शहरांत तैनात करण्यात आल्या आहेत.

STAY CONNECTED

847FansLike
8,000SubscribersSubscribe

TOP STORIES TODAY

महिलांचे अर्थार्जन

नीना नाईक दोन वर्षांत यश-अपयश, बेरीज-वजाबाकी यात प्रेम, द्वेष, आत्मीयता हे उघड झाले. कुठलाही व्यवसाय करताना… कोरोनाने हे...

‘डिटॉक्स डाएट’ म्हणजे काय?

वर्षा भिडे(आहारतज्ज्ञ) डिटॉक्स आहाराची गरज असेल तरच आणि व्यावसायिक तज्ज्ञांच्या मार्गदर्शनाखालीच त्याचा अवलंब करा, अन्यथा ते प्रकृतीसाठी त्रासदायक...

‘कॉलेजविश्व’

शुभंकर जोगजीव्हीएम्स जीजीपीआर कॉलेज ऑफ इकॉनॉमिक्स, फर्मागुडी मागची काही वर्षे आपण बघतोय ही कोरोना महामारी चालू आहे ज्यामुळे आपल्याला...

गोव्यातही खेला होबे!

अरविंद केजरीवाल यांच्या आम आदमी पक्षाने सध्या लोकप्रिय घोषणांच्या आतषबाजीत गोव्याचे राजकीय वातावरण ढवळून काढलेले असताना तृणमूल कॉंग्रेसच्या अध्यक्ष ममता बॅनर्जी यांनीही...

कॉंग्रेस, राष्ट्रवादी, तृणमूलच्या युतीसाठी शरद पवार प्रयत्नशील

>> राज्यातील नेत्यांनी मुंबईत घेतली भेट ममता बॅनर्जी यांच्या तृणमूल कॉंग्रेसने गोवा विधानसभा निवडणुकीच्या रिंगणात उतरण्याचा विचार चालवल्याच्या पार्श्‍वभूमीवर...

ALSO IN THIS SECTION

कॉंग्रेस, राष्ट्रवादी, तृणमूलच्या युतीसाठी शरद पवार प्रयत्नशील

>> राज्यातील नेत्यांनी मुंबईत घेतली भेट ममता बॅनर्जी यांच्या तृणमूल कॉंग्रेसने गोवा विधानसभा निवडणुकीच्या रिंगणात उतरण्याचा विचार चालवल्याच्या पार्श्‍वभूमीवर...

सीझेडएमपी मसुदा सादरीकरणासाठी आणखी ६ महिन्यांची मुदतवाढ द्या

>> सरकारची राष्ट्रीय हरित लवादाकडे मागणी किनारपट्टी क्षेत्र व्यवस्थापन आराखड्याचा (सीझेडएमपी) मसुदा तयार करण्यासाठी आणखी ६ महिन्यांचा कालावधी वाढवून...

भारत-अमेरिकेतील संबंध मजबूत करणार : बायडन

पंतप्रधान नरेंद्र मोदी हे अमेरिका दौर्‍यावर असून, काल त्यांनी द्विपक्षीय बैठकीत अमेरिकेचे राष्ट्राध्यक्ष जो बायडन यांची भेट घेतली. यावेळी बायडन यांनी भारत...

आयपीएल सट्टेबाजीप्रकरणी सहा जणांना ठोकल्या बेड्या

>> वास्को पोलिसांची कारवाई; लॅपटॉप,मोबाईलसह अन्य साहित्य जप्त वास्को पोलिसांनी एका माहितीच्या आधारे वाडे-वास्को येथील ‘सुशीला सी विंग’च्या एका...

राज्यातील ५० टक्के पात्र नागरिकांनी घेतले दोन्ही डोस

>> मुख्यमंत्री कार्यालयाची माहिती; लसीकरणाला वेग राज्यात सध्या लसीकरण मोहिमेला वेग आला असून, कोविड प्रतिबंधक लसीचे डोस घेण्यासाठी पात्र...