पाकिस्तानच्या सुरक्षा दलांनी बलुचिस्तानच्या खारान जिल्ह्यात एक मोठी लष्करी कारवाई सुरू केली आहे. लज्जे परिसरात भूदल तैनात केले जात असून, त्याचबरोबर हल्ला करणारी हेलिकॉप्टर्स आणि लष्करी द्रोन्सच्या साहाय्याने मोठा हवाई हल्लाही केला जात आहे. या कारवाईत एक स्थानिक शेतकरी ठार झाला, तर इतर अनेक नागरिक जखमी झाल्याची भीती व्यक्त केली जात आहे. मृतांची आणि जखमींची संख्या अजून निश्चित कळालेली नाही. पाकने बलुचिस्तानच्या इतर अनेक संवेदनशील जिल्ह्यांमध्येही जमिनीवरील आणि हवाई हल्ल्यांची व्याप्ती वाढवली आहे. दहशतवाद्यांना लक्ष्य करण्याच्या नावाखाली चालवल्या जात असलेल्या या कारवाईत नागरिक आणि मेंढपाळांनाही लक्ष्य केले जात आहे. या भागातील सततच्या लष्करी हालचाली आणि हल्ल्यांमुळे मृतांचा आकडा आणखी वाढू शकत.
