28 C
Panjim
Sunday, September 27, 2020

पर्रीकरांच्या मिरामारवरील समाधी उभारणीची कोनशीला डिसेंबरमध्ये

>> १० कोटी रु. ची अर्थसंकल्पात तरतूद

गोव्याचे दिवंगत माजी मुख्यमंत्री मनोहर पर्रीकर यांचे आगळे-वेगळे असे समाधी स्थळ मिरामार येथे ज्या ठिकाणी त्यांच्यावर अंत्यसंस्कार करण्यात आले तेथे आकार घेणार असून त्याची कोनशीला पर्रीकर यांच्या जन्मदिनाचे औचित्य साधून येत्या १३ डिसेंबर रोजी बसवण्यात येणार असल्याची माहिती मुख्यमंत्री प्रमोद सावंत यांनी काल पत्रकारांशी बोलताना दिली.

सुमारे १० कोटी रु. खर्चून हे समाधी स्थळ उभारण्यात येणार असून पर्रीकर यांचे संपूर्ण जीवन व कार्य याची माहिती देणारे एक दालनही या समाधी स्थळावर असेल. त्यात पर्रीकर यांचे बालपण व पुढे ते राष्ट्रीय नेते म्हणून कसे उदयास आले याविषयीची इत्यंभूत माहिती असेल, असे सावंत यांनी स्पष्ट केले. या समाधी स्थळाचे सल्लागार म्हणून वास्तुविशारद चिराग जैन (यूसीजे कंपनी) यांची काल निवड झाल्याची माहिती सावंत यांनी दिली.

या समाधी स्थळाची रचना कशी असावी यासाठी आम्ही वास्तुशिल्प तज्ज्ञांकडून प्रस्ताव मागितले होते. त्यासाठी पाच जणांनी आपले प्रस्ताव पाठवले होते. त्यापैकी चार जणांनी काल पर्वरी येथे मंत्रालयात उच्चस्तरीय समितीपुढे आपले प्रस्ताव ठेवले असता चिराग जैन यांच्या प्रस्तावाची निवड झाल्याने समाधी स्थळासाठीचे सल्लागार म्हणून त्यांनी नियुक्ती करण्याचा सरकारने निर्णय घेतल्याचे मुख्यमंत्री म्हणाले. १३ डिसेंबर रोजी कोनशीला बसवल्यानंतर पुढील सहा महिन्यांत हे समाधी स्थळ उभे राहणार असल्याची माहिती सावंत यांनी दिली. या समाधी स्थळासाठीची निविदा लवकरच काढण्यात येणार आहे. समाधी स्थळासाठी सरकारने अर्थसंकल्पात १० कोटी रु. ची तरतूद केलेली आहे, अशी माहितीही पर्रीकर यांनी यावेळी दिली.

भाऊंच्या समाधी स्थळालाही नवा साज
दरम्यान, गोव्याचे पहिले मुख्यमंत्री दयानंद बांदोडकर (भाऊसाहेब) यांच्या समाधीलाही यानिमित्त नवा साज चढवण्यात येणार आहे. ही समाधी बांधण्यात आली त्याला कित्येक वर्षे झाली आहेत. त्यामुळे या समाधीचे नुतनीकरण करण्यात येणार असल्याचे सावंत म्हणाले. भाऊंच्या स्मृतींनाही त्यामुळे उजाळा मिळू शकणार असल्याचे सावंत यावेळी म्हणाले.

STAY CONNECTED

845FansLike
8,000SubscribersSubscribe

TOP STORIES TODAY

पर्यटनावर कोरोनाचे सावट

सौ. प्रतिभा वासुदेव कारंजकरफोंडा खरं तर बरेच महिने घरात राहून लोक उबगले आहेत. पण बाहेर कुठे पडायला घाबरत...

गारवा तुझ्या आठवणींचा

सुरज गायकवाड ‘‘आई, दूध उतू चाललंय! आणि ती खिडकी बंद कर ना, पावसाचं पाणी सर्वत्र ओट्यावर पसरलंय.’’ निशाचा...

कावळ्याची शिकवण

पल्लवी भांडणकरफोंडा कावळासुद्धा किती निसर्गप्रेमी आहे ना! माणसाप्रमाणे स्वार्थी नाही काही. झाडाला कुठेही न दुखावता आपल्याला हवी असलेली...

‘मानसिकता’ बदलायला हवी ः ल्यूक कुतिन्हो

समग्र आरोग्यसेवेच्या क्षेत्रात जागतिक कीर्ती मिळवलेले आणि जीवनशैली प्रशिक्षक असलेले ल्यूक कुतिन्हो मारिया फर्नांडिस यांनी बालपणीचे जीवन परदेशात निरनिराळ्या ठिकाणी व्यतीत...

विदारक साटेलोटे

सुशांतसिंह राजपूत मृत्यू प्रकरणाच्या तपासातून बाहेर निघालेली अमली पदार्थ व्यवहाराची भुते आता बॉलिवूडमधील बड्या बड्यांचे बुरखे फाडत निघालेली आहेत. आतापर्यंत दीपिका पडुकोण,...

ALSO IN THIS SECTION

ड्रग्जप्रकरणी आज दीपिकाची चौकशी

>> एनसीबीचा दीपिका ड्रग्ज ग्रुप ऍडमिन असल्याचा संशय अभिनेता सुशांतसिंह राजूपत आत्महत्या प्रकरणी अमली पदार्थविरोधी पथकाने समन्स बजावलेल्या अभिनेत्री...

प्रसिद्ध पार्श्‍वगायक एस. पी. बालसुब्रह्मण्यम यांचे निधन

प्रसिद्ध पार्श्वगायक एस. पी. बालसुब्रह्मण्यम (७४) यांचे काल निधन झाले.बालसुब्रह्मण्यम यांना गेल्या महिन्यात कोरोनाची लागण झाली होती. त्यामुळे ५ ऑगस्ट रोजी त्यांना...

२५ हजारांवर कोरोनामुक्त

>> काल ७२४ बरे, ३ मृत्यू, ५१९ पॉझिटिव्ह राज्यात चोवीस तासांत कोरोना पॉझिटिव्ह ७२४ रुग्ण बरे झाले असून आतापर्यंत...

पणजी परिसरात नवे २२ रुग्ण

पणजी महानगरपालिका क्षेत्रात नवे २२ रुग्ण आढळून आले असून कोरोना रुग्णांची संख्या ३४० एवढी झाली आहे. सांतइनेज, मिरामार, कांपाल, सांतइनेज बांध, आल्तिनो,...

केंद्र सरकारकडून कदंबला १०० इलेक्ट्रिक बसगाड्या

>> प्रकाश जावडेकर यांची माहिती केंद्र सरकारच्या एका योजनेअंतर्गत गोवा राज्य कदंब प्रवासी वाहतूक महामंडळाला १०० इलेक्ट्रिक ई बसगाड्या...