26.1 C
Panjim
Friday, June 25, 2021

पणजी पोटनिवडणुकीत ७५.२५ टक्के मतदान

विधानसभेच्या पणजी मतदारसंघाच्या पोटनिवडणुकीसाठी काल ७५.२५ टक्के मतदान झाले. मतदानाच्या काळात कोणताही अनुचित प्रकार न घडता शांततेत पार पडले, अशी माहिती उत्तर गोवा जिल्हाधिकारी आर. मेनका यांनी पत्रकार परिषदेत काल दिली.

या पोटनिवडणुकीसाठी २२,४८२ मतदारांपैकी १६, ९१८ मतदारांनी मतदान केले. त्यात पुरुष ८११९ आणि महिला ८७९९ मतदारांचा समावेश आहे. २०१७ च्या विधानसभा निवडणुकीत पणजीत ७८.३८ टक्के आणि २०१७ च्या पोट निवडणुकीत ६९.९८ टक्के मतदान झाले होते. मतदानाला सकाळी ७ वाजता प्रारंभ करण्यात आला. संध्याकाळी ६ वाजता मतदान प्रक्रिया पूर्ण करण्यात आली. मतदानापूर्वी घेण्यात येणार्‍या प्रात्यक्षिकांच्या वेळी एकाही मतदान यंत्रामध्ये बिघाड आढळून आला नाही. निवडणुकीच्या प्रत्यक्ष मतदानाला सुरुवात झाल्यानंतर दुपारी १.४५ वाजता मतदान केंद्र ५ मधील मतदान यंत्रात तांत्रिक दोष निर्माण झाल्याने बदलावे लागले. तसेच मतदान केंद्र ६ आणि मतदान केंद्र ९ मधील व्हीव्हीपॅट तांत्रिक दोषामुळे बदलावी लागली, अशी माहिती जिल्हाधिकारी मेनका यांनी दिली.

सर्वाधिक मतदान मतदान केंद्र १६ येथे ८९.८६ टक्के आणि सर्वांत कमी मतदान मतदान केंद्र १५ येथे ६३.९६ टक्के एवढे नोंद झाले आहे. मतदानाच्या काळात एका ठिकाणी मतदान केंद्राच्या बाहेर जमाव गोळा होत असल्याचे आढळून आल्यानंतर पोलिसांनी सदर ठिकाणी जमलेल्या लोकांना २०० मीटरच्या बाहेर जाण्याची सूचना केली.

दत्तप्रसाद नाईक विरुद्ध कॉंग्रेसची तक्रार
कॉंग्रेसच्या उमेदवाराला मतदान न करण्यासाठी भाजपचे कार्यकर्ते दत्तप्रसाद नाईक मतदारांना अडथळा आणि प्रलोभने दाखवत असल्याची तक्रार कॉंग्रेसचे रोहित डिसा यांनी निवडणूक कार्यालयाकडे केली आहे. या तक्रारीची चौकशी सुरू आहे, अशी माहिती जिल्हाधिकारी मेनका यांनी दिली.

पणजीतील मतदान केंद्र ३० मधील काही मतदारांना मतदान करू नका, त्याबदल्यात मतदारांना १० हजार रुपये देतो, असे आमिष दाखविले जात आहे. या प्रकाराची निवडणूक कार्यालयाकडे तक्रार करण्यात आली आहे, अशी माहिती ताळगावच्या आमदार जेनिफर मोन्सेरात यांनी दिली.
कॉंग्रेसच्या तक्रारीनंतर ज्या महिलेला मतदान करू नको अशी सूचना करून आमिष दाखविण्यात आले होते. त्या महिलेला शोधून काढण्यात आले आहे.

१०२ वर्षीय महिलेचे मतदान

पणजी विधानसभा पोटनिवडणुकीत काल मारिया आंतोनेत नामक १०२ वर्षांच्या महिलेने मतदान केले. गोव्याच्या निवडणूक इतिहासात मतदान करणारी ती पहिलीच एवढी वयोवृद्ध महिला असावी, अशी चर्चा तिच्या मतदानानंतर ऐकू येत होती. तिला व्यवस्थितपणे चालता येत नसल्याने तिच्या नातेवाईकांनी तिला चारचाकी वाहनातून मतदान केंद्रस्थळी आणले होते.

STAY CONNECTED

847FansLike
8,000SubscribersSubscribe

TOP STORIES TODAY

सुस्तावाल तर पस्तावाल!

कोरोनाची अत्यंत प्राणघातक ठरलेली दुसरी लाट हळूहळू ओसरत असल्याचे आशादायक चित्र एकीकडे दिसत असतानाच दुसरीकडे कोरोना विषाणूचे ‘डेल्टा प्लस’ हे नवे व...

आता कोरोनाच्या ‘डेल्टा प्लस’चा धोका

>> केंद्र सरकारचा महाराष्ट्रासह केरळ, मध्यप्रदेशला इशारा >> देशभरातील २८ पैकी महाराष्ट्रात २१ रुग्ण कोरोनाच्या दुसर्‍या...

लशीचे दोन्ही डोस घेतलेल्यांनाच राज्यात प्रवेश द्यावा : लोबो

गोव्यात एकदा संचारबंदी हटवल्यानंतर राज्यात पर्यटन उद्योग सुरू होणार आहे. अशावेळी कोविड लशीचे दोन्ही डोस घेतलेल्यांना तसेच कोविड निगेटिव्ह प्रमाणपत्र असलेल्यांना राज्यात...

सीबीएसई, आयसीएसईच्या १०वी/१२ वीच्या परीक्षा रद्दच

>> सर्वोच्च न्यायालयाचे शिक्कामोर्तब कोरोना विषाणूच्या पार्श्‍वभूमीवर केंद्र सरकारने सीबीएसई आणि आयसीएसईच्या दहावीच्या परीक्षांसोबतच बारावीच्या परीक्षादेखील रद्द करण्याचा निर्णय...

राज्यात कोरोना बळींची संख्या तीन हजारांपार

>> चोवीस तासांत ११ मृत्यू, ३०३ नवे बाधित राज्यात कोरोना विषाणमुळे काल मंगळवारी ११ जणांचा मृत्यू झाला. त्यामुळे राज्यात...

ALSO IN THIS SECTION

आता कोरोनाच्या ‘डेल्टा प्लस’चा धोका

>> केंद्र सरकारचा महाराष्ट्रासह केरळ, मध्यप्रदेशला इशारा >> देशभरातील २८ पैकी महाराष्ट्रात २१ रुग्ण कोरोनाच्या दुसर्‍या...

लशीचे दोन्ही डोस घेतलेल्यांनाच राज्यात प्रवेश द्यावा : लोबो

गोव्यात एकदा संचारबंदी हटवल्यानंतर राज्यात पर्यटन उद्योग सुरू होणार आहे. अशावेळी कोविड लशीचे दोन्ही डोस घेतलेल्यांना तसेच कोविड निगेटिव्ह प्रमाणपत्र असलेल्यांना राज्यात...

सीबीएसई, आयसीएसईच्या १०वी/१२ वीच्या परीक्षा रद्दच

>> सर्वोच्च न्यायालयाचे शिक्कामोर्तब कोरोना विषाणूच्या पार्श्‍वभूमीवर केंद्र सरकारने सीबीएसई आणि आयसीएसईच्या दहावीच्या परीक्षांसोबतच बारावीच्या परीक्षादेखील रद्द करण्याचा निर्णय...

राज्यात कोरोना बळींची संख्या तीन हजारांपार

>> चोवीस तासांत ११ मृत्यू, ३०३ नवे बाधित राज्यात कोरोना विषाणमुळे काल मंगळवारी ११ जणांचा मृत्यू झाला. त्यामुळे राज्यात...

शेळ-मेळावली आंदोलकांवरील त्वरित मागे घ्या : कॉंग्रेस

गोवा सरकारने शेळ -मेळावली येथील आयआयटी आंदोलनाच्यावेळी आंदोलनकर्त्यांवर जे खटले दाखल केले होते ते त्वरित मागे घ्यावेत अशी मागणी विरोधी पक्षनेते दिगंबर...