31 C
Panjim
Thursday, April 22, 2021

गँगवॉरमध्ये पंजा छाटलेल्या जखमीचा गोमेकॉत मृत्यू

>> संशयितांविरुद्ध खुनाचा गुन्हा नोंद

रायबंदर येथे रविवार ७ जुलैला रात्री झालेल्या दोन गटातील गँगवॉरमध्ये धारदार शस्त्राच्या साहाय्याने उजव्या हाताचा पंजा शरीरापासून विभक्त करण्यात आलेल्या कृष्णा कुर्टीकर (ताळगाव) याचे गोवा वैद्यकीय महाविद्यालय हॉस्पिटलमध्ये उपचार सुरू असताना काल निधन झाले. दरम्यान, या गँगवॉर प्रकरणामध्ये पणजी पोलिसांनी आणखीन एका संशयिताला काल अटक केली आहे. दिपेश गावस (नागाळी, ताळगाव) असे संशयिताचे नाव आहे.

मयत कृष्णा कुर्टीकर आपल्या भावावरील हल्ल्याचा जाब विचारण्यासाठी हल्लेखोरांचा पाठलाग करीत होता. त्यावेळी रायबंदर येथे हल्लेखोरांनी धारदार शस्त्र आणि दगडाने केलेल्या प्राणघातक हल्ल्यात कृष्णा याच्या उजव्या हाताचा पंजा शरीरापासून वेगळा झाला होता. गंभीर जखमी कृष्णा याच्यावर बांबोळी येथील गोमेकॉमध्ये उपचार सुरू होते. ओल्ड गोवा पोलिसांनी रायबंदर येथील प्राणघातक हल्ला प्रकरणी चार संशयितांविरोधात आता खुनाचा गुन्हा दाखल केला आहे. या प्रकरणी ओल्ड गोवा पोलिसांनी तिघांना अटक केली. तर, पणजी पोलिसांनी एकाला अटक केली आहे. संशयितांना सात दिवस पोलीस कोठडीत ठेवण्याचा आदेश न्यायालयाने दिला आहे.

गुंडांवर रासुकाखाली
कारवाईचा विचार सुरू
तिसवाडी तालुक्यात मागील महिनाभरात गुंडांच्या टोळक्याने डोके वर काढले आहे. गेल्या महिन्याभरात ५ जीवघेण्या हल्ल्यांची नोंद झाली आहे. या प्रकरणी पोलिसांनी अनेकांना अटक केलेली आहे. रायबंदर गँगवॉर प्रकरणी जॅक डायगो ओलिवेरा (३०, ताळगाव), कमलेश चंद्रकांत कुंडईकर (२६, ताळगाव), मनीष राजू हडफडकर (२२, चोडण) या तिघांना ओल्ड गोवा पोलिसांनी अटक केली आहे. गौरीश बांदोडकर (२८, नागाळी) याला पणजी पोलिसांनी अटक केली आहे.

पोलीस प्रशासन राजधानीच्या आसपासच्या भागातील वाढत्या गुंडगिरीला आळा घालण्यासाठी विविध पर्यायावर विचार करीत आहे. या परिसरातील गुंडांना राष्ट्रीय सुरक्षा कायद्याखाली (रासुका) कारवाई करण्यावर विचार सुरू आहे.

STAY CONNECTED

848FansLike
8,000SubscribersSubscribe

TOP STORIES TODAY

चैत्रगौरी हळदीकुंकू ः निसर्गपूजा

सौ दीपा जयंत मिरींगकर(फोंडा) गौरीला माहेरपण करणे हे एक निमित्त. निसर्गातील फळाफुलापानांचे रंग, रूप, चवी अनुभवायला आणि लेकीबाळींना...

कालमापनाचे साधन ः ‘पंचांग’

सुमरंग रायसालसेत आम्ही वर्ष, महिना, वार, दिवस जसं लक्षात ठेवतो, तसं पंचांग लक्षात ठेवायला त्रास नाही. ग्रहणाची वेळच सांगते की आमचं पंचांग...

असे व्हायला नको होते, पण…

ज. अ. रेडकर(सांताक्रूझ) ‘‘कुठेही गेले तरी आता पैसे दिल्याशिवाय नोकरी मिळत नाही सर, तेव्हा माझा नाइलाज आहे, निदान...

आईची माया

प्राजक्ता गावकर ‘‘आईची मायाच तशी असते ग पोरी.’’ अपघातात आई गेली पण तिच्या मनात तुला आणि बाळाला पाहायचे...

टॅक्सीचालकांनी संप मागे घेत चर्चेसाठी पुढे यावे ः मुख्यमंत्री

राज्यातील टुरिस्ट टॅक्सीचालकांनी आपला संप मागे घेऊन चर्चेसाठी पुढे यावे, असे आवाहन मुख्यमंत्री डॉ. प्रमोद सावंत यांनी पत्रकारांच्या एका प्रश्‍नावर बोलताना काल...

ALSO IN THIS SECTION

टॅक्सीचालकांनी संप मागे घेत चर्चेसाठी पुढे यावे ः मुख्यमंत्री

राज्यातील टुरिस्ट टॅक्सीचालकांनी आपला संप मागे घेऊन चर्चेसाठी पुढे यावे, असे आवाहन मुख्यमंत्री डॉ. प्रमोद सावंत यांनी पत्रकारांच्या एका प्रश्‍नावर बोलताना काल...

‘आयसीएसई’ बोर्डाची १०/१२वीच्या परीक्षा पुढे

देशात कोरोनाच्या वाढत्या संसर्गाच्या पार्श्‍वभूमीवर आयसीएसई बोर्डाकडून दहावी व बारावीची परीक्षा पुढे ढकलण्याचा निर्णय घेण्यात आला आहे. नुकताच केंद्र सरकारने सीबीएसईच्या दहावी...

चेन्नईने किंग्ज पंजाबला लोळवले

>> दीपक चहरची भेदक गोलंदाजी >> मोईन अलीही चमकला दु्रतगती गोलंदाज दीपक चहरच्या भेदक मार्‍याच्या जोरावर...

मुंबई इंडियन्स-सनरायझर्स हैदराबाद लढत आज रंगणार

मुंबई इंडियन्स आणि सनरायझर्स हैदराबाद यांच्यात आज आयपीएलच्या १४व्या पर्वातील नववी लढत चेन्नईच्या एमए चिदंबरम स्टेडियमवर आज रंगणार आहे.

सार्वजनिक कार्यक्रमांवर निर्बंध ः मुख्यमंत्री

>> मडगावचे ईएसआय इस्पितळ आजपासून पुन्हा सुरू >> शुक्रवारी कोरोनाने ९२७ बाधित, सहाजणांचा मृत्यू राज्यातील कोरोना...