29 C
Panjim
Sunday, October 25, 2020

खासगी इस्पितळांच्या कोरोना शुल्कात कपात

राज्य सरकारने खासगी इस्पितळांना कोविड उपचारांसाठी निश्‍चित केलेल्या शुल्कात दुरुस्ती करण्यात आली असून उपचार शुल्कात किरकोळ प्रमाणात कपात करण्यात आली आहे. राज्य सरकारने खासगी इस्पितळात कोविड रुग्णांवर उपचारांसाठी जारी केलेल्या शुल्काच्या विरोधात आवाज उठविल्यानंतर मुख्यमंत्री डॉ. प्रमोद सावंत यांनी शुल्काचा फेरआढावा घेण्याची घोषणा केली होती.

सरकारच्या सार्वजनिक आरोग्य विभागाने खासगी इस्पितळांना कोविड उपचारांसाठी जारी शुल्काचा पूर्वीचा आदेश मागे घेऊन शुल्कासंबंधी नवीन आदेश सोमवारी जारी केला. या आदेशात सर्वसाधारण वॉर्डासाठी १० हजार रुपये प्रतिदिन, ट्‌वीन शेअरिंगसाठी १३ हजार रुपये प्रतिदिन, प्रायव्हेट (एकेरी) रूमसाठी १६००० रुपये प्रतिदिन, आयसीयू व्हेंटिलेटरसह २४ हजार रुपये प्रतिदिन असा दर निश्‍चित करण्यात आला आहे. खासगी इस्पितळातील कोविड उपचारांसाठी तयार केलेल्या पॅकेजमध्ये सरकार रुग्णाला ४० सुविधांचा लाभ मिळवून देणार आहे. पॅकेजमध्ये इस्पितळातील विविध प्रकारचे शुल्क, एक्स-रे, इजीसी, यूएसजी, वैद्यकीय उपकरणे, औषधे आदींचा समावेश करण्यात आलेला आहे. तर, सर्जरी, डायगोनॉस्टीक इंटवेंन्शन, विशेष औषधे, उपचारांसाठी खास उपकरणे, अतिरिक्त ऑक्सिजनसाठी रुग्णांकडून अतिरिक्त शुल्क आकारले जाणार आहे, असे आदेशात नमूद करण्यात आले आहे.

खासगी इस्पितळाच्या शुल्कात रुग्णांसाठी आवश्यक औषधे, वैद्यकीय उपकरणे बाहेर ठेवण्यात आली होती. आता, नव्या दुरुस्तीमध्ये काही वैद्यकीय उपकरणे, औषधांचा समावेश करण्यात आला आहे, अशी माहिती आरोग्यमंत्री विश्‍वजित राणे यांनी दिली.
बांबोळीत २२७ रुग्णांवर उपचार सुरू आहेत. फोंडा येथील इस्पितळातील खाटा भरल्या आहेत. गोमेकॉच्या दोन वॉर्डमध्ये आणखी ६० रुग्णांना सामावून घेतले जाईल. होम आयसोलेशनसाठी नवीन प्रोटोकॉल निश्‍चित करण्यात आला आहे, असेही मंत्री राणे यांनी सांगितले. राज्य सरकार कोविड उपचारांचा दीनदयाळ सामाजिक आरोग्य योजनेमध्ये समावेश करण्याचा विचार करीत आहे. त्यानंतर खासगी इस्पितळे या कार्डावर कोविड रुग्णांवर उपचार करू शकतील, अशी माहिती आरोग्यमंत्र्यांनी दिली.

गोमेकॉत वॉर्ड वाढवणार
राज्यातील कोरोना पॉझिटिव्ह रुग्णांच्या वाढत्या संख्येमुळे सरकारी इस्पितळातील खाटा अपुर्‍या पडत आहे. गोमेकॉमध्ये आणखी दोन वॉर्डमध्ये रुग्णांना सामावून घेण्यासाठी प्रयत्न सुरू करण्यात आला आहे. कोरोना गंभीर आजारी रुग्णांवर उपचार करण्यासाठी आवश्यक वैद्यकीय उपकरणे खरेदीची प्रक्रिया सुरू झाली असून वैद्यकीय उपकरणांच्या खरेदीसाठी आदेश जारी करण्यात आले आहे, अशी माहिती आरोग्यमंत्री राणे यांनी मुख्यमंत्री डॉ. सावंत यांच्याशी झालेल्या एका बैठकीनंतर दिली.

STAY CONNECTED

845FansLike
8,000SubscribersSubscribe

TOP STORIES TODAY

वैज्ञानिक दृष्टिकोन व आत्मनिर्भर भारत

प्रदीप गोविंद मसुरकर(मुख्याध्यापक) प्रत्येक मुलामध्ये वेगवेगळ्या क्षमता आणि आवडीनिवडी असतात. त्याप्रमाणे आम्ही डोळसपणे वातावरणनिर्मिती केल्यास ते चांगले वक्ते,...

रंग पत्रांचे…

सौ. प्राजक्ता प्र. गावकर(नगरगाव-वाळपई) पत्र ते पत्रच. त्याची जागा कुणीही घेऊ शकणार नाही. सीमेवर तैनात असलेल्या प्रत्येक जवानाला...

शुभाशुभ शकुन (?)

नारायण बर्वे शुभाशुभ शकुन होतच असतात. आपल्याला पूर्वकल्पना येते येवढेच. असेकाही पूर्वसंकेत मिळाले तरी घाबरून न जाता संकटाशी...

थोडं मुक्त.. थोडं बद्ध..

सौ. माधुरी रं. शे. उसगावकर(फोंडा) स्त्रीने खरं तर स्त्रीच असावं. तिने पुरुषाप्रमाणे वागूच नये. जुन्या चालीरीती झुगारून देऊ...

अपरिहार्य

गंभीर आर्थिक संकटाला सतत सामोरे जात असलेल्या राज्य सरकारने अखेर लाडली लक्ष्मी या आपल्या लोकप्रिय योजनेसाठीची वार्षिक उत्पन्न मर्यादा आठ लाख रुपयांवरून...

ALSO IN THIS SECTION

अपरिहार्य

गंभीर आर्थिक संकटाला सतत सामोरे जात असलेल्या राज्य सरकारने अखेर लाडली लक्ष्मी या आपल्या लोकप्रिय योजनेसाठीची वार्षिक उत्पन्न मर्यादा आठ लाख रुपयांवरून...

प्लाझ्मा उपचार पद्धती चालूच ठेवणार

>> आरोग्यमंत्र्यांची माहिती, २६३ जणांवर प्लाझ्मा थेरपी गंभीर अवस्थेतील कोरोना रुग्णांचे प्राण वाचवण्यासाठी प्लाझ्मा उपचार पद्धतीचा बराच फायदा होत...

गृहआधार योजनेसाठी दरवर्षी उत्पन्न, हयात दाखल्याची सक्ती

>> महिला, बाल कल्याण खात्याचा निर्णय महिला आणि बाल कल्याण खात्याने गृहआधार योजनेच्या लाभार्थींंना दरवर्षी उत्पन्न आणि हयात दाखला...

मध्यप्रदेशातील कोळसा खाणीसाठी सल्लागार कंपनीची निवड ः मुख्यमंत्री

>> पीपीपी सुकाणू समितीच्या बैठकीत निर्णय मुख्यमंत्री डॉ. प्रमोद सावंत यांच्या अध्यक्षतेखालील पीपीपी सुकाणू समितीच्या काल घेण्यात आलेल्या बैठकीत...

लुटणार्‍यांना पुन्हा संधी नको ः मोदी

>> बिहारमध्ये पंतप्रधानांच्या तीन प्रचार सभा बिहारला लुटणार्‍या लोकांना पुन्हा राज्यात संधी देऊ नका असे आवाहन पंतप्रधान नरेंद्र मोदी...