26 C
Panjim
Tuesday, September 21, 2021

खड्डे बुजविण्यासाठी आवश्यक प्रक्रिया पूण

>> मंत्री दीपक पाऊसकर : कामत यांचे आरोप बिनबुडाचे

राज्यातील रस्त्यांवरील खड्डे मशीनद्वारे बुजविण्याचे काम हाती घेताना आवश्यक प्रक्रिया पूर्ण करण्यात आलेली आहे.
राज्य सरकार डांबराची आयात करणार नाही. तर, भारत पेट्रोलियम, इंडियन ऑईल या सरकारी एजन्सी किंवा कंत्राटदारांकडून विदेशातून डांबराची आयात केली जाणार आहे, असे स्पष्टीकरण सार्वजनिक बांधकाम मंत्री दीपक पाऊसकर यांनी काल केले.
गोवा फॉरवर्डचे उपाध्यक्ष दुर्गादास कामत यांनी रस्त्यावरील खड्डे बुजविणे आणि डांबर आयातीबाबत केलेले आरोप बिनबुडाचे आणि दिशाभूल करणारे आहेत, असा दावा मंत्री पाऊसकर यांनी केला.

रस्त्यावरील खड्डे बुजविण्याचे काम हे आपत्कालीन काम असून हे काम करण्यासाठी आवश्यक प्रक्रिया पूर्ण करण्यात आलेली आहे. या मशीनच्या माध्यमातून दरदिवशी १५ क्युबिक मीटर खड्‌ड्यांची दुरुस्ती केली जाणार आहे. रस्त्यावरील खड्‌ड्यांमुळे वाहन चालक व नागरिकांना त्रास सहन करावा लागत आहे. बांधकाम खात्याकडून कंत्राटदारांमार्फत रस्त्यावरील खड्डे बुजविण्याचे काम हाती घेतलेले आहे. परंतु, पावसामुळे रस्त्यावर पुन्हा खड्डे तयार होतात. दुरुस्त केलेले खड्डे सुध्दा पुन्हा तयार होतात. आगामी दसरोत्सवापर्यंत पाऊस पडण्याची शक्यता आहे. खात्याच्या रस्ता विभागाकडून रस्त्यावरील खड्डे दुरुस्तीला प्राधान्य दिलेले आहे. महामार्गावरील खड्डे बुजविण्यासाठी आवश्यक सूचना करण्यात आलेल्या आहेत, असेही मंत्री पाऊसकर यांनी सांगितले.

केंद्र सरकारच्या विदेशी धोरणाच्या विरोधात जाऊन कोणताही निर्णय घेतला जाणार नाही. देशात जास्तीत जास्त डांबर आखाती देशातून आणले जाते. केंद्र सरकारने राष्ट्रीय महामार्ग सिमेंट कॉंक्रिटचा करण्याचा निर्णय घेतला आहे. राज्य सरकार सुध्दा काही रस्ते सिमेंट कॉक्रिटचे करण्याचा निर्णय घेऊ शकते, असेही मंत्री पाऊसकर यांनी सांगितले.

राज्यातील रस्त्याच्या कामासाठी दरवर्षी सुमारे ५० हजार मॅट्रिक टन डांबराची आवश्यकता भासते. गतवर्षी योग्य प्रमाणात डांबर उपलब्ध न झाल्याने ३५ टक्के रस्त्याच्या डांबरीकरणाची कामे होऊ शकली नाहीत. सरकारी एजन्सी किंवा कंत्राटदारांमार्फत आवश्यक डांबराची आयात करण्याचा विचार सुरू आहे, असेही मंत्री पाऊसकर यांनी सांगितले.

निविदेविना खड्डे बुजविण्याचे काम

गोवा फॉरवर्डचा आरोप

सार्वजनिक बांधकाम खात्याने रस्त्यावरील खड्डे बुजविण्यासाठी आणलेल्या मशीनसाठी निविदा जारी केलेली नाही. निविदा जारी न करता खड्डे बुजविण्याचे काम हाती घेऊन कायद्याचे उल्लंघन केले आहे, असा आरोप गोवा फॉरवर्डचे उपाध्यक्ष दुर्गादास कामत यांनी गोवा फॉरवर्डच्या कार्यालयात घेतलेल्या पत्रकार परिषदेत काल केला.

राज्यातील रस्त्यावरील खड्डे बुजविण्याची मुख्यमंत्री डॉ. प्रमोद सावंत, सार्वजनिक बांधकाम मंत्री दीपक पाऊसकर यांनी दिलेली आश्‍वासने हवेत विरली आहेत. आता, रस्त्यावरील खड्डे बुजविण्यासाठी एक मशीन आणण्यात आले आहे. सदर मशीन भाडेपट्टीवर घेताना कायदेशीर कार्यवाही केलेली नाही. नुवे मतदारसंघातून बुधवारपासून मशीनच्या साहाय्याने रस्त्यावरील खड्डे बुजविण्याचे काम हाती घेतले आहे, असेही कामत यांनी सांगितले.

राज्य सरकारने २०११ मध्ये एक परिपत्रक जारी करून ५ लाखांपेक्षा जास्त रक्कमेच्या कामासाठी ई निविदा जारी करण्याची अट घातलेली आहे. बांधकाम खात्याने कायदेशीर प्रक्रिया पूर्ण न करता मशीन आणले आहे. या मशीनच्या माध्यमातून दर दिवशी केवळ १५ क्युबिक मीटर रस्त्यावरील खड्डे बुजविले जाणार आहेत. त्यामुळे राज्यातील रस्त्यावरील खड्डे बुजविण्याच्या कामाला उशीर होऊ शकतो, असा दावा कामत यांनी केला.

STAY CONNECTED

847FansLike
8,000SubscribersSubscribe

TOP STORIES TODAY

‘आयपीएल’चा तडका आजपासून आखातात

सुधाकर रामचंद्र नाईक ‘कोविड-१९’च्या मृत्युतांडवामुळे आकस्मिकपणे अनिश्‍चित कालावधीसाठी लांबणीवर टाकण्यात आलेल्या बहुचर्चित तथा देश-विदेशांत अङ्गाट लोकप्रियता लाभलेल्या ‘इंडियन...

ताण, तणाव आणि आपण

गिरिजा मुरगोडी तुम्ही करत असलेल्या कामावर जर तुमचं प्रेम असेल आणि तुम्हाला माणसांची आवड असेल तर कुठलीच गोष्ट...

मुंगी ः एक किमयागार

अंजली आमोणकर नियमबद्धता, विचारी भाव, बदलत्या परिस्थितीशी सामना करण्याची तयारी असावी हे मुंगी शिकवते. मुंगीचं जीवन मानवासाठी मोठा...

विमा उद्योगाचे खाजगीकरण

शशांक मो. गुळगुळे अलीकडे केंद्र सरकारकडून खाजगीकरणाबाबत बर्‍याच क्रांतिकारक घोषणा करण्यात आल्या. विरोधी पक्ष त्यांचे काम म्हणून याला...

कॅप्टन पदच्युत

राज्यांचे मुख्यमंत्री बदलण्याची सध्या जी मालिका चालली आहे, त्यामध्ये भाजपने उत्तराखंड, कर्नाटक आणि गुजरातच्या मुख्यमंत्र्यांना पायउतार केले, तर कॉंग्रेसने पंजाबचे मुख्यमंत्री कॅप्टन...

ALSO IN THIS SECTION

फडणवीस आजपासून गोवा दौर्‍यावर

>> निवडणूक सहप्रभारी रेड्डी व प्रभारी सी. टी. रवीही येणार महाराष्ट्राचे माजी मुख्यमंत्री तथा महाराष्ट्र विधानसभेचे विद्यमान विरोधी पक्षनेते...

गोव्याला येत्या १९ डिसेंबरपूर्वी स्वयंपूर्ण बनवणार ः मुख्यमंत्री

>> ‘सरकार आपल्या दारी’ योजनेचा शुभारंभ येत्या १९ डिसेंबरपूर्वी म्हणजेच गोवा मुक्तिदिनाच्या ६० व्या वर्धापनदिनापूर्वी गोवा स्वयंपूर्ण बनवण्याचे उद्दिष्ट...

आजपासून ५० टक्के क्षमतेने कॅसिनो, मसाज पार्लर्स सुरू

>> सरकारचा आदेश जारी कोविड महामारीच्या पार्श्‍वभूमीवर राज्यातील बंद असलेले कॅसिनो, स्पा, जलक्रीडा व जलसफरी, मसाज पार्लर्स, वॉटर पार्कस्,...

राज्यात सर्दी व तापाची साथ

>> लहान मुलांसह प्रौढांनाही बाधा राज्यात कोरोनाचा संसर्ग नियंत्रणात असतानाच आता राज्यातील लहान मुलांसह प्रौढांमध्येही सर्दी व तापाची साथ...

माजी खासदार किरीट सोमय्या यांना मुंबईत केले स्थानबद्ध

भाजप नेते आणि माजी खासदार किरीट सोमय्या यांना कोल्हापूर दौर्‍यावर निघण्याआधीच मुंबईत मुलुंड येथील निवासस्थानी स्थानबद्ध करण्यात आले. सोमय्या यांना कोल्हापूर जिल्हा...