26 C
Panjim
Thursday, December 3, 2020

कोळसा हाताळणी क्षमता वाढवल्याचे पुरावे सादर करा

>> दिगंबर कामत यांचे मुख्यमंत्र्यांना आव्हान

मुरगाव बंदरातील कोळसा हाताळणीची क्षमता मी वाढवली असा मुख्यमंत्री डॉ. प्रमोद सावंत यांनी जो माझ्यावर आरोप केला आहे त्या संबंधीचे पुरावे त्यांनी सादर करावेत असे आव्हान विरोधी पक्षनेते दिगंबर कामत यांनी काल मुख्यमंत्र्यांना दिले.

मुरगाव बंदरातील कोळसा हाताळणीत वाढ करू देण्यासाठी मी सही केलेली कागदपत्रे जर मुख्यमंत्र्यांकडे असतील तर त्यातील एक तरी कागद त्यांनी दाखवावा. कागदपत्र खिशात ठेवून आरोप करून काहीही साध्य होणार नसल्याचे कामत यांनी सांगितले. आपल्या कार्यकाळात आपण कधीही मुरगाव बंदरात कोळसा हाताळणीसाठीची क्षमता वाढवून दिली नसल्याचे कामत यांनी स्पष्ट केले.मुख्यमंत्री डॉ. सावंत यांनी आपणावर केलेले आरोप हे खोटे व बिनबुडाचे असल्याचे सांगून यापूर्वीही आपल्यावर असे खोटे आरोप करण्यात आले होते असे कामत म्हणाले. माझ्यावर यापूर्वीच्या काळात कित्येक प्रकारचे नको ते आरोप करून मला संपवण्याचे प्रयत्न करण्यात आले मात्र मला कुणाचेही नाव घ्यायचे नाही असेही कामत पुढे म्हणाले.

२००७ ते २०१२ या दरम्यान, दिगंबर कामत सरकारच्या काळात मुरगाव बंदरावर कोळसा हाताळणीत दोनदा वाढ करण्यात आल्याचा आरोप मुख्यमंत्री डॉ. सावंत यांनी केला होता. २०११ मध्ये सत्तेवर असलेल्या कॉंग्रेसच्या नेतृत्वाखालील सरकारने मुरगाव बंदरात कोळसा हाताळणीत वाढ करण्याचा दोनदा निर्णय घेतला होता व दोन्ही वेळा त्याला गोवा राज्य प्रदूषण नियंत्रण मंडळाने पर्यावरणीय मंजुरी दिली होती असे मुख्यमंत्री डॉ. सावंत यांनी म्हटले होते.

आव्हान स्वीकारले
मुरगांव बंदरावर कोळसा हाताळणीत आपण वाढ केल्याचा लेखी पुरावा मुख्यमंत्री डॉ. प्रमोद सावंत यानी सादर करावा असे जे आव्हान विरोधी पक्ष नेते दिगंबर कामत यांनी दिले आहे ते आपण स्वीकारले आहे. सदर पुरावा आपण पुढील अधिवेशनात सादर करणार असल्याचे मुख्यमंत्री डॉ. सावंत यांनी काल पत्रकारांशी बोलताना सांगितले.

STAY CONNECTED

845FansLike
8,000SubscribersSubscribe

TOP STORIES TODAY

खाणप्रश्‍नी केंद्र सरकार सकारात्मक ः मुख्यमंत्री

>> ह्या आठवड्यात दोन वेळा होणार बैठका गोव्यातील बंद पडलेला खाण उद्योग पुन्हा सुरू करण्याबाबत केंद्र सरकार सकारात्मक असल्याची...

शाळा सुरू करताना…

विलास सतरकर(मुख्याध्यापक, डॉ. के. ब. हेडगेवार विद्यालय, बांबोळी) गोव्यात ऑनलाईन शिक्षण व्यवस्थितपणे चालू आहे आणि या कोविडच्या पार्श्‍वभूमीवर...

पीएमसी बँकेच्या ठेवीदारांची परवड

शशांक मो. गुळगुळे गेल्या १४ महिन्यांत पीएमसी बँकेकडून मिळालेल्या ‘शॉक’ने पाचजण मृत्युमुखी पडले, तर त्यांपैकी चार जणांनी जगण्यासाठी...

दुरपती

पौर्णिमा केरकर आम्ही घरी परतण्यासाठी उठलो. कृतज्ञता व्यक्त करण्यासाठी शब्द नव्हते. मी तिला तिचं नाव विचारलं… तिनं सांगितलं...

कार्तिकातला दीपराग

मीना समुद्र आकाशातल्या नक्षत्रतारका सोनेरी वेष घालून पणतीच्या टोकावर विराजमान झाल्या आणि खाली यायला तयार नसलेल्या चांदण्यांना टुक्‌टुक्...

ALSO IN THIS SECTION

खाणप्रश्‍नी केंद्र सरकार सकारात्मक ः मुख्यमंत्री

>> ह्या आठवड्यात दोन वेळा होणार बैठका गोव्यातील बंद पडलेला खाण उद्योग पुन्हा सुरू करण्याबाबत केंद्र सरकार सकारात्मक असल्याची...

फक्त सोहळा नको

गोवा मुक्तीचे हीरक महोत्सवी वर्ष उत्सवी कार्यक्रमांनिशी साजरे करण्याचा निर्णय राज्य सरकारने घेतला घेतला आहे आणि त्यासाठी केंद्र सरकारपाशी शंभर कोटी रुपयांची...

कोविडमुळे नुकसान झालेल्यांना १०० कोटींचे पॅकेज जाहीर करा

>> म्हापशातील बैठकीत दिगंबर कामत यांची मागणी कोविड काळात राज्य सरकार गोवा मुक्ती दिनाला साठ वर्षे पूर्ण होणार असल्याने...

नोकरभरतीसाठी अर्थसंकल्पात सरकारची तरतूद नाही ः कॉंग्रेस

मुख्यमंत्री डॉ. प्रमोद सावंत यांनी दहा हजार नोकर्‍या देण्याचे जाहीर केले आहे. परंतु, नोकर्‍या देण्यासाठी अर्थसंकल्पात आर्थिक तरतूद केलेली नाही. आगामी निवडणुकीत...

आंदोलक शेतकर्‍यांनी फेटाळला अमित शहांचा चर्चेचा प्रस्ताव

केंद्रीय कृषी कायद्यांविरोधात रस्त्यावर उतरलेल्या पंजाब आणि हरयाणातील शेतकर्‍यांचे काल चौथ्या दिवशीही दिल्ली सीमेवर आंदोलन सुरू होते. दरम्यान, केंद्रीय गृहमंत्री अमित शहा...