30 C
Panjim
Monday, September 28, 2020

कोरोनाचे नवे १३६ रुग्ण

>> साखळीतील रुग्णसंख्या ५० वर : २ हजारांचा टप्पा केला पार

राज्यातील कोरोना पॉझिटिव्ह रुग्णांचे प्रमाणात वाढत आहे. पुन्हा एकदा एकाच दिवशी आत्तापर्यतचे सर्वाधिक नवीन १३६ कोरोना पॉझिटिव्ह रुग्ण काल आढळून आले आहेत. कोरोना पॉझिटिव्ह रुग्णांच्या एकूण संख्येने दोन हजाराचा टप्पा पार केला आहे. राज्यातील एकूण कोरोना पॉझिटिव्ह रुग्णांची संख्या २०३९ एवढी झाली असून त्यातील १२०७ रुग्ण बरे झाले आहेत. राज्यातील ऍक्टीव्ह रुग्णांची संख्या ८२४ एवढी आहे.

कांदोळी, पर्रा, करमळी, मोती डोंगर या ठिकाणी नवीन कोरोना पॉझिटिव्ह रुग्ण आढळून आले आहेत. करमळी येथे ३ रुग्ण, कांदोळी येथे २ रुग्ण, पर्रा – म्हापसा येथे २ रुग्ण आढळून आले आहेत. मोती डोंगर येथे १४ रुग्ण आढळून आले आहेत.

कुंकळ्ळी, सांगे, केपेत नवीन रुग्ण
कुंकळ्ळी येथे नवीन ८ रुग्ण आढळून आले असून रुग्णांची एकूण संख्या १४ झाली आहे. केपे येथे ४ रुग्ण आढळून आले असून रुग्णांची संख्या १६ झाली आहे. सांगे येथे नवीन १ रुग्ण आढळून आला असून रुग्णांची संख्या ४ झाली आहे.

साखळीत ६ रुग्ण
साखळी परिसरात ६ रुग्ण आढळून आले असून रुग्णांची एकूण संख्या ५० वर पोहोचली आहे. विर्डी, साखळी परिसरात नवीन ५ रुग्ण आढळून आले आहेत.

काणकोण, पेडणे, वाळपईत रुग्ण
काणकोण येथे नवीन १ रुग्ण आढळून आला असून रुग्णांची संख्या ८ झाली आहे. पेडणे येथे १ रुग्ण आढळून आला आहे. वाळपई येथे १ रुग्ण आढळून आला आहे.

फोंड्यात ३ रुग्ण
फोंड्यात नवीन ३ रुग्ण आढळून आले असून रुग्णांची एकूण संख्या ३२ वर पोहोचली आहे. मंडूर येथे १ रुग्ण आढळून आला असून रुग्णांची संख्या १३ झाली आहे.

वास्को परिसरात रुग्ण
सडा, वास्को येथे नवीन ५ रुग्ण आढळले असून रुग्णसंख्या ७८ झाली आहे. बायणा येथे आणखी ११ रुग्ण आढळून आले असून रुग्णसंख्या ८५ झाली आहे. न्यूववाडे येथे नवीन ७ रुग्ण आढळले असून रुग्णसंख्या ६८ झाली आहे. खारीवाडा येथे ११ रुग्ण आढळले आहेत. जुवारीनगरात आणखी ५ रुग्ण आढळले असून रुग्णसंख्या १०६ झाली आहे.

बाळ्ळी, चिंबल येथे रुग्ण
बाळ्ळी येथे नवीन ३ रुग्ण आढळून आले असून रुग्णसंख्या २७ झाली आहे. चिंबल येथे १ रुग्ण आढळून आला असून रुग्णसंख्या ५४ झाली आहे.

नेरूल येथे १ आयसोलेटेड कोरोना पॉझिटिव्ह रुग्ण आढळला आहे. तसेच कुंभारजुवा आणि बाणावली येथे प्रत्येकी १ आयसोलेटेड रुग्ण आढळून आला आहे.

कांदोळी येथील एका खासगी इस्पितळामधील पेशंट अटेंडंट कोरोना पॉझिटिव्ह मिळाल्याने हॉस्पिटल बंद करण्यात आले असून डॉक्टर व कर्मचार्‍यांना होम क्वारंटाइन झाले आहेत, अशी माहिती सूत्रांनी दिली.

वेर्ला, काणका, म्हापसा येथील सासू आणि सुनेला कोरोना विषाणूची बाधा झाली आहे. वेर्णा येथील औषध निर्मिती कंपनीत सून कामाला आहे. त्यांच्या कुटुंबियांना घरीच क्वारंटाईन करून ठेवण्यात आले आहे.

जेलगार्ड कोरोना पॉझिटिव्ह
पोलीस, अग्निशमन दलानंतर आता कारागृहात कोरोना विषाणूचा फैलाव झाला आहे. कोलवाळ येथील मध्यवर्ती कारागृहातील एक जेलगार्ड कोरोना पॉझिटिव्ह असल्याचे आढळून आले आहे. हा जेलगार्ड चिखली, वास्को येथील रहिवासी आहे. गेल्या रविवारी हा जेलगार्ड कामाला आला होता. कोलवाळ कारागृहातील सर्व जेलगार्डची कोविड चाचणी केली जात आहे.

STAY CONNECTED

845FansLike
8,000SubscribersSubscribe

TOP STORIES TODAY

संत मोहनदास

ऍड. रमाकांत खलप अशा या संताची १५० वी जयंती २ ऑक्टोबर २०२० रोजी जगभर साजरी केली जाईल. सत्याग्रह...

ततो युद्धाय युज्यस्व…

मीना समुद्र कोरोनाचे संकट हे पूर्णपणे माणसाने आपल्या करणीमुळे ओढवून घेतलेले आहे. स्वतःच्या स्वार्थापायी आणि भोगवादी, चंगळवादी, बेदरकार...

सृष्टीच्या रहस्याचा वेध

डॉ. सोमनाथ कोमरपंत रूढार्थाने हे क्रमिक पुस्तक नसून त्याचे उद्दिष्ट काहीसे निराळे आहे. विद्यार्थ्यांना काव्यमाधुरी स्वतंत्र चाखता यावी;...

आश्विन

पौर्णिमा केरकर भातकापणी करून ती पेंडके खळ्यावर तर कधी घराच्या पडवीत आडवी करून ठेवली जायची. त्यावेळी आश्विन घरात...

ALSO IN THIS SECTION

बळींची संख्या ४०० पार

>> राज्यात आणखी १० जणांचा मृत्यू, २७ दिवसांत २०९ बळी राज्यात कोरोना रुग्णांच्या बळींचा आकडा ४०० पार झाला असून...

माजी केंद्रीय मंत्री जसवंतसिंह यांचे निधन

माजी केंद्रीयमंत्री जसवंतसिंह (८२) यांचे काल रविवारी दिल्लीत निधन झाले. केंद्रीय संरक्षणमंत्री राजनाथ सिंह यांनी ट्विटद्वारे याबाबत माहिती दिली. गेल्या सहा वर्षांपासून...

कुंकळ्ळीत युवतीचा संशयास्पद मृत्यू

>> केपे येथे युवकाची आत्महत्या खेडे - पाडी - कुंकळ्ळी येथे नाल्यात युवतीचा संशयास्पद मृत्यू आणि केपे येथे युवकाची...

राज्यात यंदा ४३ टक्के जास्त पाऊस

राज्यात मोसमी पावसाची आत्तापर्यंत सरासरीपेक्षा ४३ टक्के जास्त नोंद झाली आहे. यावर्षी राज्यात विक्रमी पावसाची नोंद झाली असून आत्तापर्यंत १६५.२१ इंच पावसाची...

देवसू-पेडणे येथे अपघातात दुचाकीवरील महिलेचा मृत्यू

काल रविवार दि. २७ रोजी सकाळी ११.३० वाजता प्रज्ञा हायस्कूल देवसू येथे दुचाकीवर मागे बसलेल्या महिलेचा रस्त्यावर गतिरोधकावरून उसळून पडल्याने डोक्याला गंभीर...