उत्तराखंडमधील रुद्रप्रयाग येथे केदारनाथ यात्रेच्या मार्गावर दरड कोसळल्याने सुमारे 4,000 भाविक अडकले आहेत. डोंगरावरून सतत कोसळणाऱ्या दरडींमुळे रस्ता मोकळा करण्याच्या कामात अडथळे येत आहेत. खराब हवामानामुळे केदारनाथ यात्रा स्थगित करण्यात आली असून हेलिकॉप्टर सेवाही बंद ठेवण्यात आली आहे.
उत्तर प्रदेशातील लखनौ, कानपूर, उन्नाव, बाराबंकी, अयोध्या आणि जौनपूरसह 45 शहरांमध्ये गेल्या 65 तासांपासून मुसळधार पाऊस पडत आहे. ताशी 30 ते 40 किमी वेगाने वारे वाहत आहेत. 22 जिल्ह्यांमध्ये अचानक पूर येण्याचा धोका निर्माण झाला आहे. गेल्या दोन दिवसांत वादळ आणि पावसामुळे 57 जणांचा मृत्यू झाला आहे.
