28 C
Panjim
Monday, March 1, 2021

उद्यापर्यंत खाण अवलंबितांना एक लाख द्या; अन्यथा आंदोलन

>> पिळये येथे खाण मंचच्या सभेत सरकारला इशारा

राज्यातील खाणी बंद झाल्यामुळे खाण अवलंबितांची रोजीरोटी बंद झाली आहे. गणेश चतुर्थी कशी साजरी करायची हा प्रश्‍न निर्माण झाला असून सरकारने खाण अवलंबितांच्या बँक खात्यात प्रत्येकी एक लाख रुपये २९ ऑगस्टपूर्वी घालावेत, अन्यथा शुक्रवारी ३० रोजी मुख्यमंत्र्यांच्या घरासमोर खाण अवलंबित धरणे आंदोलन छेडतील असा इशारा गोवा खाण मंचच्या सभेत देण्यात आला. कामगार नेते पुती गावकर यांनी यासंबंधी माहिती दिली. या सभेला ट्रक, मशिनरी, बार्ज संघटनांचे प्रतिनिधी तसेच खाणींवर काम करणारे कामगार आणि प्रत्यक्ष किंवा अप्रत्यक्षपणे खाणींवर अवलंबून असलेले नागरिक उपस्थित होते.

तिस्क – पिळये येथील गोमंतक विद्यालय सभागृहात काल (मंगळवारी) गोवा खाण मंचच्या बॅनरखाली खाण अवलंबितांची सभा झाली. या सभेत कामगार नेते पुती गावकर तसेच मंचच्या अन्य पदाधिकार्‍यांनी मार्गदर्शन केले.

लोकांना झुलवत ठेवू नका
राज्यातील खाणी दुसर्‍यांदा बंद झाल्यानंतर सरकारकडून आतापर्यंत फक्त आश्‍वासनेच मिळाली आहेत. खाणी सुरू होणार की नाही हे स्पष्टपणे सांगा, लोकांना झुलवत ठेवू नका. ज्या खाण कंपन्यातील कामगारांना काढून टाकण्यात आले, काही कामगारांना अर्ध्या पगारावर ठेवण्यात आले आहे. तर काहीजणांना पगारच देण्यात आलेला नाही. त्यांना तसेच बार्ज कामगार, मशिनरी कामगार व खाणींवर अवलंबून असलेल्या प्रत्येक खाण अवलंबिताला महिना प्रत्येकी पंचवीस हजार रुपये घरखर्च म्हणून द्यावे. तसेच कर्जफेडीसाठी चतुर्थीपूर्वी त्वरित एक लाख रुपये खाण अवलंबितांना अदा करावेत, अन्यथा मुख्यमंत्र्यांच्या घरासमोर खाण अवलंबित धरणे आंदोलन छेडतील, असा इशारा पुती गावकर यांनी दिला.

भाजप सरकार असूनही
कार्यवाही नसल्याने नाराजी
राज्यातील खाणी सुरू करण्यासाठी केंद्रात आणि राज्यात भाजप सरकार असूनही योग्य कार्यवाही होत नसल्याने उपस्थित खाण मंचच्या पदाधिकार्‍यांनी तीव्र नाराजी व्यक्त केली. खाण अवलंबितांना केवळ आश्‍वासनेच देण्यात येत आहेत. प्रत्यक्षात कार्यवाही होताना दिसत नाही. मागच्या काळात पंतप्रधान नरेंद्र मोदी तसेच भाजपचे अध्यक्ष अमित शहा यांनी गोव्यातील खाणी सुरू करण्यासाठी लवकरच कार्यवाही करण्यात येईल, असे सांगितले होते, पण आता चतुर्थी जवळ आली तरी अजून कोणतीच कार्यवाही झालेली नाही. त्यामुळे खाण बंदीच्या समस्येचा पाठपुरावा करण्यासाठी पंतप्रधान नरेंद्र मोदी, केंद्रीय गृहमंत्री अमित शहा यांची भेट घेण्यासाठी मुख्यमंत्री प्रमोद सावंत यांनी सहकार्य करावे असे आवाहन यावेळी करण्यात आले. मुख्यमंत्री प्रमोद सावंत यांच्याशी भेट घेण्याबाबत मागणी केली असली तरी अजून भेट झाली नसल्याचेही यावेळी सांगण्यात आले.

STAY CONNECTED

845FansLike
8,000SubscribersSubscribe

TOP STORIES TODAY

आगामी विधानसभा निवडणुकांचे पडघम

दत्ता भि. नाईक आगामी मार्च-एप्रिलच्या काळात आसाम, प. बंगाल, तामिळनाडू व पुदुचेरी अशा तीन राज्यांत व एका छोट्याशा...

‘एलआयसी’ अंतर्बाह्य कशी आहे?

शशांक मो. गुळगुळे आतापर्यंत खाजगी कंपन्यांच्या भागभांडवल विक्रीपेक्षा सरकारी कंपन्यांच्या भागभांडवल विक्रीला चांगला प्रतिसाद मिळाला आहे आणि या...

खांडेकर-कुसुमाग्रज-बोरकर अनोखा त्रिवेणी संगम

राम देशपांडे भाऊंनी पन्नास वर्षांहून अधिक काळ मराठी साहित्याच्या क्षेत्रावर अधिराज्य केले. स्वतःचा असा एक वेगळा ठसा मराठी मनावर...

अस्त

अंजली आमोणकर देहोपनिषद सिद्ध झालं म्हणजे देहकथा पूर्ण झाली. विसर्जनाची वेळ झाली. गीतेत म्हटले आहे- ‘तू त्रिगुणातीत हो!’...

फुटीच्या दिशेने?

कॉंग्रेस पक्षामधील असंतोष पुन्हा खदखदू लागला आहे. शनिवारी जम्मूमध्ये गुलाम नबी आझाद यांच्या राज्यसभेतील निवृत्तीच्या निमित्ताने आयोजित ‘शांती संमेलना’तील ज्येष्ठ कॉंग्रेस नेते...

ALSO IN THIS SECTION

आजपासून कोरोना लसीकरणाचा दुसरा टप्पा

>> राज्यात ३७ केंद्रांची व्यवस्था, ज्येष्ठ नागरिकांना लस देणार राज्यात कोरोना प्रतिबंधक लसीकरणाची व्याप्ती १ मार्च २०२१ पासून वाढविण्यात...

पालिका निवडणुकीसाठी आजपासून उमेदवारी अर्ज वाढण्याची अपेक्षा

>> आतापर्यंत २६ अर्ज दाखल, ४ मार्चपर्यंत मुदत राज्यातील पणजी महानगरपालिका, अकरा नगरपालिकांच्या २० मार्च २०२१ रोजी होणार्‍या निवडणुकीसाठी...

नावेली पोटनिवडणुकीसाठी कॉंग्रेसची कुतिन्होंना उमेदवारी

दक्षिण गोवा जिल्हा पंचायतीच्या नावेली मतदारसंघातील पोटनिवडणुकीसाठी कॉंग्रेस पक्षाची उमेदवारी गोवा प्रदेश महिला कॉंग्रेसच्या अध्यक्ष प्रतिमा कुतिन्हो यांना काल जाहीर करण्यात आली.गोवा...

पालिका आरक्षणाबाबत आज निवाड्याची शक्यता

राज्यातील अकरा नगरपालिका निवडणुकीतील आरक्षण आणि फेररचनेला आव्हान देणार्‍या याचिकांवर मुंबई उच्च न्यायालयाचे गोवा खंडपीठ सोमवार १ मार्च २०२१ रोजी निवाडा देण्याची...

जलशक्ती मंत्रालय राबवणारजलसंधारण मोहीम ः मोदी

>> ‘मन की बात’मध्ये पंतप्रधानांची माहिती पंतप्रधान नरेंद्र मोदींनी काल रविवारी सकाळी ११ वाजता आपल्या मासिक ‘मन की बात’च्या...