27 C
Panjim
Tuesday, October 27, 2020

आत्महत्येमागील गुंता

बॉलिवूड अभिनेता सुशांतसिंह राजपूत आत्महत्या प्रकरण दिवसेंदिवस अधिकाधिक गुंतागुंतीचे बनत चालले आहे. आतापावेतो जो तो या आत्महत्या प्रकरणातून स्वतःचे हिशेब पूर्ण करण्यामागे लागलेला दिसतो आहे. या आत्महत्या प्रकरणातून अनेक गोष्टी प्रकाशात आल्या. बाह्य झगमगाटाखाली दडलेले हिंदी चित्रपटसृष्टीमधील अंतर्गत खुनशी राजकारण, हेवेदावे, व्यावसायिक मक्तेदारीचे प्रयत्न याचेही विरूप दर्शन रसिकांना घडले. सुशांत आत्महत्या प्रकरणामध्ये आतापावेतो अनेक कारणे पुढे केली गेली आहेत. व्यावसायिक दुष्मनीपासून त्याची मैत्रीण रिया चक्रवर्ती, काही दिवस आधी इमारतीच्या चौदाव्या मजल्यावरून पडून ठार झालेली व्यवस्थापक दिशा, ते थेट मुंबईस्थित एका बड्या युवा नेत्यापर्यंत अनेकांशी या आत्महत्येचा संबंध जोडण्याचा प्रयत्न विविध घटकांकडून होत आला आहे, तर कोणी त्याच्या आत्महत्येचा संबंध तो घेत असलेल्या मानसोपचारांशीही लावून मोकळे झाले आहे.
सुशांतसिंह आत्महत्या प्रकरणामध्ये पोलीस तपास सुरू आहे, त्यामुळे त्यामधून सत्य बाहेर येईल अशी आशा आहे, परंतु या निमित्ताने ज्या अनेक गोष्टी उजेडात आल्या आहेत, त्या विदारक आहेत. विशेषतः बॉलिवूडमधील घाणेरडे राजकारण यानिमित्ताने रसिकांसमोर आले. सुशांतसिंहने यशराज फिल्म्सशी तीन चित्रपटांसाठी २०१२ मध्ये करार केला. त्यापैकी ‘शुद्ध देसी रोमान्स’ आणि ‘ब्योमकेश बक्षी’ प्रदर्शित झाले, परंतु तिसरा चित्रपट ‘पानी’ काही पूर्ण होऊ शकला नाही. त्यामुळे त्यानंतर सुशांतसिंहने करार मोडला. परंतु तत्पूर्वी त्याच्यासाठी संजय लीला भन्साली ‘बाजीराव मस्तानी’ चित्रपटाचा प्रस्ताव घेऊन आले असता ‘यशराज’ने त्याला त्यात काम करू दिले नाही हा जो आरोप आहे, त्याला मिळणारे समर्थन लक्षात घेता बॉलिवूडमध्ये सारे काही आलबेल नाही हे लक्षात येते. कंगना रानावतपासून शत्रुघ्न सिन्हांपर्यंत जेव्हा या गलीच्छ राजकारणाविषयी बोलतात तेव्हा ते दुर्लक्षिण्याजोगे नक्कीच नसेल. सुशांतच्या आत्महत्येचे नेमके कारण स्पष्ट नाही. मृत्यूपूर्वी त्याने ‘वेदनारहित मृत्यू’ अशा शोध गुगलवर घेतला होता असे काल पोलिसांनी जाहीर केले आहे. आपली आधीची व्यवस्थापक दिशा हिचे नावही त्याने गुगलवर पाहिले होते असे पोलिसांचे म्हणणे आहे. दिशाच्या मृत्यूने तो व्यथित होता व त्यामुळे त्याने आत्महत्येचा मार्ग सुचवला असे यातून सूचित होते, परंतु त्यामुळे त्याची मैत्रीण रिया चक्रवर्ती हिने आणि तिच्या भावाने त्याच्या खात्यामधून काढलेल्या पैशांसंदर्भात स्पष्टीकरण मिळत नाही. सुशांतच्या वडिलांनी दाखल केलेल्या पोलीस तक्रारीचीही शहानिशा होण्याची गरज आहे. सुशांतच्या बँक खात्यामधून पंधरा कोटी रुपये उडवले गेले असे त्यांचे म्हणणे आहे.
हे सगळे दोषारोप होत असतानाच मुंबईस्थित एका बड्या राजकीय नेत्याच्या पुत्राला या वादामध्ये ओढण्याचा प्रयत्नही झाला. एका पार्टीत सहभागी असल्याचे कारण देत या आत्महत्या प्रकरणाशी त्या युवा नेत्याचा संबंध जोडून यातून राजकारण खेळण्याचा हा प्रकार सोशल मीडियावर सध्या रंगलेला आहे. यातून आपले राजकीय हिशेब पूर्ण करून घेण्याची काहींना फार घाई झालेली दिसते.
एकूण हे प्रकरण एखाद्या चित्रपटापेक्षाही गुंतागुंतीचे आहे. अनेक कंगोरे त्यातून समोर येतात. सुशांत हा काही काळापूर्वी मानसोपचार घेत होता असेही आढळून आलेले आहे. त्यामुळे या सर्वातून नेमके काय कारण घडले की आपली यशस्वीततेकडे वाटचाल करणारी चित्रपट कारकीर्द तो अशी अर्ध्यावर सोडून का गेला हे कळायला मार्ग नाही. परंतु एक उमलता गुणी कलाकार दिशाहीन भरकटत असा अकाली काळाच्या पडद्याआड गेला ही मात्र चित्रपटरसिकांची मोठी हानी आहे. असे काय कारण घडले की त्याला ‘वेदनारहित मृत्यू’ ला जवळ करावेसे वाटले? चित्रपटाची दुनिया रंगबिरंगी जरूर आहे, परंतु मिळणार्‍या यशाची धुंदी चढली, त्यातून दिशा भरकटली वा इतरांच्या असूयेच्या आणि मत्सराच्या भोवर्‍यात अडकली तर एखादी उमलणारी कारकीर्दही अकाली रसातळाला जाऊ शकते याचे सुशांतसिंह राजपूत हे उदाहरण आहे. चित्रपटसृष्टीत पाऊल टाकणार्‍या प्रत्येकासाठी त्याची आत्महत्या हा एक धडा आहे. येथे एका रात्रीत लोक तारे – तारका जरूर होतात, परंतु येथे पाय रोवून उभे राहणे आणि टिकणे सोपे नाही. त्यासाठी कष्ट, साधना आणि अविचल ध्येयनिष्ठा यांना पर्याय नाही हेच सुशांत आत्महत्या प्रकरण सांगते आहे.

STAY CONNECTED

845FansLike
8,000SubscribersSubscribe

TOP STORIES TODAY

दसरा आणि सीमोल्लंघन

प्रा. रमेश सप्रे पूर्वीची सांस्कृतिक कोवळीक जाऊन आजकाल याला बाजारू स्वरूप आलंय. संस्कृती कुठे नि केव्हा निसटली हे...

सांवल्यांचें गाणें

डॉ. सोमनाथ कोमरपंत जास्तीत जास्त सुलभ शब्दांमधून भाषेचा गोडवा अनुभवायला लावणारी, अवतीभवतीच्या निसर्गाविषयी ओढ लावणारी, मुलांच्या कल्पनाशक्तीला वाव...

घसरलेल्या व्याजदरांमुळे वैयक्तिक बचतीत घसरण

शशांक मो. गुळगुळे अर्थव्यवस्थेला उभारी मिळावी म्हणून घसरलेल्या व्याजदरांमुळे जनतेचे उत्पन्न कमी झाले आहे. पण उद्योगधंद्याना उभारी मिळावी...

मीलन प्रकृती-पुरुषाचे

पौर्णिमा केरकर जमिनीत जे पिकलेले आहे त्याला मातृतत्त्व आणि पुरुषतत्त्वांच्या मीलनाची पार्श्वभूमी लाभलेली आहे. ग्रामदेवी सातेरी स्त्रीतत्त्वाचे प्रतीक...

दसरा सण मोठा…

मीना समुद्र घट हे मानवी देहाचेच प्रतीक आणि तेवता दीप म्हणजे त्या देहात जागणारे चैतन्य. ते चैतन्य कामाधामातून...

ALSO IN THIS SECTION

प्लाझ्मा थेरपी हवीच

कोरोनाविरुद्धच्या लढ्यामध्ये अगदी सुरवातीपासून नवप्रभा अग्रेसर राहिला आहे. भले कोणी त्याला ‘कोविड योद्धा’ म्हटले नसेल, परंतु पावलोपावली गोमंतकीय जनतेच्या सुरक्षिततेसाठी सरकारला भानावर...

अपरिहार्य

गंभीर आर्थिक संकटाला सतत सामोरे जात असलेल्या राज्य सरकारने अखेर लाडली लक्ष्मी या आपल्या लोकप्रिय योजनेसाठीची वार्षिक उत्पन्न मर्यादा आठ लाख रुपयांवरून...

वजाबाकी

आयआयटी प्रकल्पावरून झालेल्या आरोप - प्रत्यारोपांनंतर अपक्ष आमदार प्रसाद गावकर यांनी राज्यातील डॉ. प्रमोद सावंत सरकारचा पाठिंबा काढून घेतला. अर्थात, सत्तावीस आमदारांचे...

पंतप्रधानांचा इशारा

पक्की खेत देखिके, गरब किया किसान | अजहूं झोला बहुत है, घर आवै तब जान ॥ हा कबिराचा दोहा उद्धृत करीत पंतप्रधान...

विषवल्ली

केरी - पेडणे येथे एक कोटीचा अमली पदार्थ नुकताच जप्त करण्यात आला. घरामध्येच अमली वनस्पतींची लागवड करून मालामाल होण्याचे हे तंत्र आजवर...