अयोध्येतील राम मंदिरावर बॉम्ब हल्ला करण्याची धमकी देण्यात आली आहे. सोमवारी रात्री राम जन्मभूमी ट्रस्टला एक ई-मेल आला होता. धमकी मिळाल्यानंतर, जन्मस्थान संकुल आणि आसपासच्या परिसरात सुरक्षा दलांची गस्त वाढवण्यात आली. इलेक्ट्रॉनिक देखरेख प्रणाली अधिक सक्रिय करण्यात आली आहे. तसेच पोलिसांनी मंदिराजवळ शोधमोहीम राबवली. याशिवाय बाराबंकी, चंदौली आणि अलीगढसह अनेक जिल्ह्यांच्या जिल्हा दंडाधिकाऱ्यांनाही धमकीचे ई-मेल आले आहेत. त्यामध्ये डीएम कार्यालयावर बॉम्ब हल्ला करण्याची धमकी देण्यात आली आहे. हे सर्व मेल तामिळनाडूहून पाठवण्यात आले आहेत.
