कॉंग्रेसला हव्या असलेल्या उमेदवारांना उमेदवारी मिळवून देण्यासाठी राष्ट्रवादी कॉंग्रेसला आणखी दोन मतदारसंघ मिळण्याची शक्यता आहे.

पणजी मतदारसंघाची कॉंग्रेसची उमेदवारी महापौर यतीन पारेख यांना देण्याचा कॉंग्रेसने विचार चालविला असून त्यासाठी पारेख यांना काल तातडीने दिल्लीला बोलावून घेतले आहे.

निवडणुकीच्या पार्श्‍वभूमीवरील कारवाईने खळबळ

राज्यातील दहा उद्योजकांवर काल आयकर खात्याने छापा मारून महत्त्वाची कागदपत्रे जप्त केल्याने खळबळ निर्माण झाली आहे. आयकर अधिकार्‍यांनी मिरामार, वास्को, पर्वरी आदी एकुण १८ ठिकाणी छापे टाकल्याचे कळते. रात्री उशीरापर्यंत कारवाई चालू होती.

अनुसूचित जमातींना विधानसभेत १२ टक्के आरक्षण या तत्त्वानुसार त्यांच्यासाठी ५ मतदारसंघ आरक्षित करण्यात यायला हवे होते, असे विरोधी पक्ष नेते मनोहर पर्रीकर यांनी काल पत्रकारांशी बोलताना सांगितले.

अग्नीशामन दलाचे बंब उशिरा पोचल्याने बांदेकरवाडा मोरजी येथील शशिकला आस्कांवकर यांची खोली भस्मसात होऊन दीड लाख रुपयांचे नुकसान झाले, शेवटी स्थानिक लोकांनीच आग विझवली.

निर्मला सावंत यांचा आरोप

कुंभारजुवे मतदारसंघातील धुळापी, जुने गोवे या परिसरात मिळून सुमारे हजारांवर ‘बनावट’ मतदारांची नोंदणी झालेली असून या प्रकरणाची माहिती हक्क कायद्याखाली अर्ज करूनही माहिती देण्यास टाळाटाळ करीत असल्याचे माजी वीजमंत्री तथा कुंभारजुवे मतदारसंघातील इच्छुक उमेदवार निर्मला सावंत यांनी काल पत्रकार परिषदेत सांगितले.

पंतप्रधान मनमोहनसिंग पुन्हा एकदा पेचात सापडले आहेत. तत्कालीन दूरसंचार मंत्री ए. राजा यांच्यावर २ जी प्रकरणी कारवाई करण्याची मागणी जनता पक्षाचे अध्यक्ष सुब्रह्मण्यम स्वामी यांनी केली असता पंतप्रधानांना त्यांच्या कार्यालयातील अधिकार्‍यांनी यथायोग्य सल्ला दिला नाही, असे ताशेरे काल सुप्रीम कोर्टाने ओढले.

नारायण राणेंचा अजित पवारना इशारा

महाराष्ट्रातील आघाडी सरकारमध्ये कॉंग्रेस-राष्ट्रवादी यांच्यातील संबंधात बिघाड तीव्र होत चालला आहे. काल कॉंग्रेसचे आमदार व महाराष्ट्राचे उद्योगमंत्री नारायण राणे यांनी कुडाळ येथील जाहीर सभेत राष्ट्रवादीचे उपमुख्यमंत्री अजित पवार व गृहमंत्री आर. आर. पाटील यांना टीकेचे लक्ष्य केले.

- दिलीप बोरकर

अमेरिकेच्या राष्ट्राध्यक्षपदाच्या निवडणुकीतील रिपब्लिकन पक्षाचे उमेदवार न्युट गिंग्रिच यांनी एक भन्नाट आश्‍वासन आपल्या मतदारांना दिलेले आहे. आपणास निवडून दिल्यास चंद्रावर अमेरिकेची वसाहत स्थापन करू असे ते आश्‍वासन आहे. न्युट यांनी अलिकडेच साऊथ कॅरोलिनामधून प्राथमिक निवडणूक जिंकलेली आहे, असे गृहीत धरल्यास अमेरिकेच्या मतदारांचे कौतुकच करायला हवे. सत्यसृष्टीत उतरू न शकणार्‍या आश्‍वासनाने हुरळून जाऊन मतदान करणारे मतदार अमेरिकेत भलेही असतील, पण गोव्यातील सरकारने पूर्व प्राथमिक शाळांचे माध्यम इंग्रजी केले असले तरी, अमेरिकन मतदारांचे हात गोमंतकीय मतदारांच्या डोक्यावर येतील असे काही वाटत नाही, कारण अमेरिकन उमेदवारांची आश्‍वासने आणि गोमंतकीय उमेदवारांची आश्‍वासने यात जमीन - अस्मानाचा फरक आहे. अमेरिकी राष्ट्राध्यक्षपदाच्या निवडणुकीतील उमेदवाराचा अमेरिकेच्या भौतिक विकासावर आणि तंत्रज्ञानावर विश्‍वास आहे. एक दिवस अमेरिका नक्कीच चंद्रावर वसाहत स्थापन करेल असा तो आश्‍वासक शब्द आहे. न्युटच्या कारकिर्दीत जरी ते शक्य होणारे नसले तरी अशा प्रकारची स्वप्ने रंगविणारे उमेदवार अमेरिकेत आहेत, पण सध्याच्या निवडणूक रणधुमाळीत गोमंतकीय उमेदवार, मतदारांना जी काही आश्‍वासने देत आहेत, त्याला ‘आगापिछा’ असल्याचे दिसत नाही.

कॉंग्रेसशी जवळजवळ साडे चार वर्षे शय्यासोबत करून झाल्यानंतर आता महाराष्ट्रवादी गोमंतक पक्षाला कॉंग्रेसच्या पांघरुणाखालून बाजूला होण्याची पश्‍चात्‌बुद्धी सुचली आहे. तत्त्व, भूमिका, धोरण अशा गोष्टींशी या पक्षाचा आणि त्याच्या नेत्यांचा सुतराम संबंध नसावा अशा प्रकारे मगोची एकंदर वाटचाल चालली आहे. त्यामुळे या पक्षाच्या जनमानसातील आजवरच्या प्रतिमेला आणि पक्षाप्रतीच्या बहुजनसमाजाच्या श्रद्धेला तडा जातो आहे याचे भानही पक्षनेतृत्वाला असल्याचे दिसत नाही. आताही एक सुस्पष्ट भूमिका घेण्याऐवजी पक्षाचे दोन आमदार बंधू असूनही परस्परविरोधी भूमिका सोयिस्कररीत्या स्वीकारून सहा मार्चनंतरच्या घटनाक्रमातील स्वतःचे स्थान अबाधित राखण्याच्या प्रयत्नात असल्याचे दिसते. वास्तविक राज्यात शैक्षणिक माध्यमाचा प्रश्न उपस्थित झाला, तेव्हाच मगो पक्षाने मराठी - कोकणी भाषांच्या बाजूने राहणे हे स्वाभाविक ठरले असते, कारण पक्षाची स्थापनेपासूनची भूमिका आणि परंपरा यांच्याशी ते सुसंगत होते. दीपक ढवळीकरांनी तेव्हा आपण व आपला पक्ष माध्यमप्रश्नावर देशी भाषांच्या बाजूने असल्याचे घोषितही केले होते. परंतु सत्तेच्या हव्यासामुळे म्हणा वा अन्य कारणांनी म्हणा, मगो नेतृत्व माध्यम प्रश्नावर या बोटावरची थुंकी त्या बोटांवर करीत तटस्थ राहिले.

- डॉ. सीताकांत घाणेकर

जगात हरतर्‍हेच्या व्यक्ती आहेत. त्यात काही सज्जन तर काही दुर्जन. बहुतांशी असे दिसते की कोणत्याही कारणास्तव दुर्जन लगेच एकत्र येतात. एकमेकांना सहकार्य करतात. पण सज्जन एकत्र येतीलच याची सहसा खात्री नसते. त्याला कारणे अनेक असतात. सज्जन सत्यमार्गाने जाऊन धर्माचे पालन वेळोवेळी करण्याचा प्रयत्न करतात. कधी कधी सत्य, धर्म ह्या तत्त्वांचा अतिरेक होतो. त्यामुळे अनेक वाईट घटना घडत असताना सुद्धा तथाकथित सज्जन त्या घटनेविरुद्ध आवाज उठवीत नाहीत. तेव्हा दुर्जनांचे बळ वाढते. ते आणखी अत्याचार करतात. म्हणूनच सत्य, धर्म ह्यांसारखी तत्त्वे अंगीकारीत असताना आपल्या ‘‘भ्रांत धर्माचा’’ इतरांना त्रास होत नाही ना, आपल्या तत्त्वांमुळे काही विपरीत घडत नाही ना ह्याचा विचार प्रत्येक सज्जनाने करायला हवा. पण सहसा असे घडलेले दिसत नाही.

- प्रा. रमेश सप्रे

‘अरे, जरा सोडव रे हिच्या हाताची ही पकड!’ असं म्हणताना आश्‍चर्य वाटायचं.. एवढासा हा जीव, पण कुठून शक्ती येते एवढी? एक नवी आलेली पाचवीची छोटीशी मुलगी इतका घट्ट हात पकडायची की कधी कधी शिपायाची मदत घेऊन तिची पकड सोडवावी लागे. गंमत म्हणजे ही पोर रडायची.. पण केव्हा? शाळेत येताना नव्हे, तर शाळेतून जाताना!

मुख्य निवडणूक आयुक्त १ रोजी गोव्यात

३ मार्च रोजी होणार्‍या गोवा विधानसभा निवडणुकीसाठी ‘निवडणूक आयकॉन’ म्हणून निवडणूक आयोगाने प्रख्यात पॉप गायक रेमो फर्नांडिस यांची नियुक्ती केली आहे. ते वेगवेगळ्या माध्यमांतून मतदारांना मतदान करण्यासाठी आवाहन करतील, अशी माहिती संयुक्त मुख्य निवडणूक अधिकारी नारायण नावती यांनी काल पत्रकारांना दिली.

विधानसभा निवडणुकीत पंजाबात ७७% तर उत्तराखंडमध्ये ७०% मतदान झाल्याची माहिती निवडणूक अधिकार्‍यांनी दिली. पंजाबात भाजप-अकाली दल संयुक्तपणे निवडणुका लढवत आहे. या दोन्ही राज्यांत भाजपप्रणित राष्ट्रीय लोकशाही आघाडीची सत्ता आहे. तुरळक घटना वगळता दोन्ही राज्यांत शांततापूर्ण वातावरणात मतदान झाले. पंजाबात एकेठिकाणी झालेल्या भांडणात पिस्तुलाने गोळी झाडून एकाचा खून केल्याचे वृत्त होते.

बुडालेले ६ जण सुखरूप

आमोणा येथील मांडवी नदीच्या पात्रात रेती उपसा करणार्‍या फायबर बोटीला एका मालवाहू बार्जची धडक बसल्याने बोट उलटून सहाजण मांडवी नदीन बुडाले मात्र सर्वांनाच पोहता येत असल्याने त्यांनी लागलीच नदीतून वर येऊन बाजूच्या बोटींचा आसरा घेतला. हा प्रकार घडल्यानंतर कोणत्याही प्रकारची तक्रार न नोंदवता हे प्रकरण सामजंस्याने मिटवण्यात आले.

जुने गोवे येथे गेल्या बुधवारी ख्रिश्‍चन वस्तूसंग्रहालयातील लाखो रु. किमतीच्या पुरातन वस्तूंची लूट व तेथील सुरक्षा रक्षकाचा खून करण्याची जी घटना घडली होती त्या प्रकरणातील आरोपींना अटक करण्यासाठी गोवा पोलिसांचे एक पथक मुंबईला तर आणखी एक पथक ओरिसा येथील सुंदरगडला रवाना झाले असल्याचे येथील उपविभागीय पोलीस अधिकारी गजानन प्रभुदेसाई यांनी काल पत्रकारांशी बोलताना दिली.

माडकोवाडो, कळंगुट येथील एका शॅकवर काम करणार्‍या दोघा युवकांमध्ये कामावरून शाब्दिक चकमक उडाल्याने त्याचे पर्यावसन भांडणात होऊन एकाने दुसर्‍याच्या पोटात सुरा खुपसण्याची घटना रविवारी २९ जानेवारी रोजी रात्री ११ वाजता घडली. या प्रकरणी एकास अटक करण्यात आली आहे.

अबकारी खात्याने काल दिवसभरात गोव्यातील ११ ठिकाणी छापे मारले. मात्र, फक्त बार्देश व पेडणे येथेच मद्य हाती लागल्याचे खात्यातील सूत्रांनी सांगितले.

- विजय प्रभू पार्सेकर देसाई, पेडणे.

पेडण्यात एक सरकारी कार्यालय संकुल आहे. येथे पूर्वी आदमिनिस्त्रादोर सिव्हील दी कोंसेल्यु दे पेरनेमची कचेरी आणि निवासस्थान होते. येथेच माटा (ङ्गॉरेस्ट) कोमुनिदादी आणि देवालय विभागाची कार्यालये होती. या सर्वांचा प्रमुख आदमिनिस्त्रादोर असे. तोच नगरपालिकेचा अध्यक्ष असे. रेजिदोरी आणि ‘जुंता लोकाल’ पण त्याच्याच अधिकाराखाली होते. रेपारतीसांव दे ङ्गाझेंदा (महसूल खाते) स्वतंत्र इमारतीत होते. आज ही इमारत अस्तित्वात आहे. आदमिनिस्त्रादोर हा डिरेक्टोर दे आदमिनिस्त्रासांव सिव्हीलच्या अधिकारक्षेत्राखाली, तर ङ्गाझेंद डिरेक्टोर दे ङ्गाझेंदाच्या अधिकारक्षेत्राखाली असे.

भाजपाची पर्वरीची उमेदवारी नाकारली गेलेल्या श्रीपाद नाईकांनी पुन्हा एकदा दिल्लीमध्ये पक्षश्रेष्ठींशी चर्चा केली. ते गेल्या काही महिन्यांतील घडामोडींनी नाराज आहेत आणि पक्षशिस्तीचा भंग होऊ न देता व आपल्या पक्षातली धुणी चव्हाट्यावर न धुता, पक्षाच्याच व्यासपीठावर ती वेळोवेळी मांडत आले आहेत. ही त्यांची दिल्ली भेटही त्याच संदर्भात होती यात शंका नाही. ‘पक्षात गोव्यात काय चालले आहे, त्यावर लक्ष असू द्या’ अशी विनंती त्यांनी केंद्रीय नेतृत्वाला केली. अर्थात, त्यांच्या या भेटीतून विशेष काही निष्पन्न होईल असे नाही, पण प्रदेश भाजपात ‘ऑल इज नॉट वेल’ असा संदेश मात्र त्यातून जनतेपर्यंत जातो आहे. श्रीपाद यांचे गोव्यातील पक्ष उभारणीतील स्थान कोणालाही हिरावून घेता येणार नाही. त्यांच्या स्वभावानुरुप त्यांना आक्रमकता दाखवता आली नसेल आणि त्यामुळे पक्षकार्यही तेव्हा विस्तारू शकले नसेल, परंतु त्याचा दोष सर्वस्वी त्यांच्या माथी मारता येणार नाही, कारण तत्कालीन राजकीय परिस्थिती व समिकरणेही आजच्यापेक्षा फार वेगळी होती.

राष्ट्रवादी कॉंग्रेसच्या उमेदवारांची निवड करण्यासाठी केंद्रीय विमान वाहतूक मंत्री व राष्ट्रवादीचे सरचिटणीस प्रफुल्ल पटेल दि. २ फेब्रुवारी रोजी गोव्यात येत आहेत.

संरक्षण मंत्रालयाने केले स्पष्ट

लष्कर प्रमुख जनरल व्ही. के. सिंग यांच्याशी प्रशासकीय तडजोड करण्यात येणार नसून हा प्रश्‍न सरकार सुप्रीम कोर्टातच सोडवेल असे संरक्षण मंत्रालयाने काल स्पष्ट केले. या प्रकरणी दि. ३ फेब्रुवारी रोजी सर्वोच्च न्यायालयात सुनावणी होणार आहे.

लष्कर प्रमुखांच्या जन्मवर्षाबाबत दुरुस्ती करण्याचे लष्कराच्या ऍडजुटंट जनरलना सांगिल्याचा त्यांनी नकार दिला.

पेडणे अबकारी खात्याच्या अधिकार्‍यांनी सुकेकुळण येथे आज सायंकाळी उशीरा देशी बनावटीची सुफारे २० हजार किफतीची दारु जप्त केली. सुकेकुळण येथील बसशेडच्या मागे ही दारू ठेवण्यात आली होती.

यंदा भारतीय लष्कर सुमारे २० मित्र राष्ट्रांच्या लष्कराशी युद्ध सराव करणार आहे. यात अमेरिका, रशिया, फ्रांस व ब्रिटन यांच्याबरोबरच बांगलादेश, म्यानमार, नेपाळ या शेजारी राष्ट्रांचाही समावेश असेल. उभय राष्ट्रांत तंत्राच्या देवाण घेवाणीतून युद्धसज्जता वाढवणे हा या सरावांचा हेतू आहे.

थिवी मतदारसंघातून भाजप उमेदवारी न मिळाल्यास आपण अपक्ष म्हणून निवडणूक लढविणार असल्याचे भाजपचे इच्छुक उमेदवार किरण कांदोळकर यांनी सांगितले.

कुडतरी येथील राजू सोनार (४०) हे काल सायंकाळी दुचाकी अपघात ठार झाले. मयत राजू काल दुपारी जीए ०८ पी ०१६६ या मोटरसायकल वरून चांदर येथून कुडतरी येथे घरी निघाले होते.

गोमंतकीयत्व, गोव्याची संस्कृती व निसर्ग संपदा तसेच गोव्यातील लोकांचे हित सांभाळण्याचे काम कॉंग्रेस सरकारने या ५० वर्षांत केलेले नाही. ते हित व गोमंतकीयत्व जपण्यासाठी गोवा विकास पार्टी व यूजीडीपी या दोन पक्षांनी युती घडविली असून गोव्यातील ४० ही मतदारसंघांत उमेदवार उभे करणार असून जनता खात्रीने या युतीचे सरकार सत्तेवर आणील असा विश्‍वास गोवा विकास पार्टीचे सर्वेसर्वा मिकी पाशेको यांनी युतीचे सात उमेदवार जाहीर केल्यानंतर काल पत्रकार परिषदेत सांगितले.

कोणत्या पक्षातर्फे निवडणूक लढणार हेच सांगणे अवघड

कॉंग्रेस, भाजप, राष्ट्रवादी कॉंग्रेस व मगो या चारही प्रमुख राजकीय पक्षांच्या उमेदवारांची नावे अद्याप जाहीर न झाल्याने गेल्या बर्‍याच दिवसांपासून प्रचारकार्यास सुरुवात केलेल्या इच्छुक उमेदवारांना आपण कोणत्या पक्षाच्या तिकिटावर निवडणूक लढविणार आहोत हेच ठामपणे सांगणे शक्य होत नसल्याने त्यांची मतदारांसमोर गेल्यानंतर तारांबळ उडत आहे.

जनता दल युनायटेडच्या गोवा शाखेने दि. ३ मार्च रोजी होणार्‍या विधानसभा निवडणुकीत १५ उमेदवार उभे करण्याचे ठरविले असून पक्षाचे राष्ट्रीय सरचिटणीस जावेद रझा यांनी काल घेतलेल्या पत्रकार परिषदेत पणजी, वास्को व केपे या तीन मतदारसंघांच्या उमेदवारांची नावे जाहीर केली.

पाजीफोंड येथे चोरट्यांनी घरात घुसून सुमारे १ लाख ८० हजार रुपये किंमतीचे सोन्याचे दागिने पळवल्याची तक्रार हरीश मकवाना यांनी मडगाव शहर पोलिस स्थानकात केली आहे.पोलिसांनी दिलेल्या माहितीनुसार चोरट्यांनी घरात घुसून सोन्याच्या बांगड्या तसेच मंगळसूत्र मिळून सुमारे १ लाख ८० हजार रुपये किंमतीचे दागिने पळवल्याची माहिती पोलिस अधिकार्‍यांनी दिली.

कळंगुट, बागा व सिकेरी समुद्रकिनार्‍यावरील दृष्टीच्या जीवरक्षकांनी सात महाराष्ट्रीय अधिकार्‍यांना समुद्रात बुडण्यापासून वाचवले. यातील नागपूरच्या पराग कवळे (३९) याला तर दृष्टीचे अधिकारी शिंदे यांनी मृत्यूच्या दाढेतून प्राणवायूचे डोस देत बाहेर काढले. बागा येथे समुद्रात बुडताना सर्वण कुमार, पुणे (३८), याला जीवरक्षक संतोष पाटील याने, रुपेश पाटील (२३), रोहन रेपाळ (२३), विवेक फडके (२४) सर्व मुंबई यांना जीवरक्षक रुपेश गावस व पर्यवेक्षक विठ्ठल च्यारी यांनी वाचवले.

कळंगुट येथील बाजारातील ‘कळंगुट सुपर मार्केट’च्या शटरचे टाळे तोडून शुक्रवारी रात्री काही अज्ञात चोरट्यांनी सोन्याचे दागिने आणि इतर वस्तू मिळून अंदाजे सहा लाख रुपयांचा माल लंपास केल्याची घटना घडली.

चाळीस वर्षांपूर्वी ‘पद्मश्री’ किताब दिलेल्यालाच पुन्हा यंदा ‘पद्मश्री’ किताबाने सन्मानित करण्याचा अजब प्रकार ‘इंडियन एक्स्प्रेस’ या वृत्तपत्राने उघडकीस आणला आहे. नेहरूंच्या काळातील एक जुनेजाणते छायाचित्रकार सुनील जनाह यांना यंदा ‘पद्मश्री’ जाहीर झाला आहे. विशेष म्हणजे चाळीस वर्षांपूर्वी त्यांना ‘पद्मश्री’ने सन्मानित केले गेलेले आहेच. तेव्हा इंदिरा गांधी पंतप्रधान असताना त्यांना ‘पद्मश्री’ किताब देण्यात आला होता. तेव्हा त्यांच्या आडनावाचे स्पेलिंग ‘जनथ’ असे केले गेले होते व त्यांचे वास्तव्याचे ठिकाण दिल्ली दाखवले गेले होते. मात्र ते मूळचे आसामचे आहेत, अशी माहितीही या संदर्भातील बातमीत देण्यात आली आहे.

निवडणूक आयोगाच्या कार्यालयात पोलीस, अबकारी खाते व वाणिज्य खात्याचे अधिकारी यांच्या संयुक्त बैठकीत खानावळीवरील वेळेची मर्यादा मागे घेण्याचा तर बार दहा वाजेपर्यंतच बंद करण्याचा निर्णय घेण्यात आला.

- रमेश सावईकर

लोकशाही शासनप्रणालीत तीच्या योग्यतेनुसार सरकार प्राप्त होते असे म्हटले जाते.(द पीपल गेट द गव्हर्न्मेंट, दे डिझर्व) राज्यशास्त्रातील एक प्रमेय म्हणून हे खरे असले तरी, बदलत्या काळानुरूप त्यातील तथ्य कमी होत आहे, असे म्हणण्यासारखी परिस्थिती आज आपल्या भारत देशात निर्माण झाली आहे. आपले गोवा राज्यही याच प्रवाहात सामील झाले आहे, असे खेदाने म्हणावे लागते.

‘आधार’ ओळखपत्र आणि राष्ट्रीय लोकसंख्या नोंदणी या केंद्र सरकारच्याच दोन महत्त्वाकांक्षी योजनांमधील पुनरुक्तीसंदर्भात अखेर सरकारने मध्यममार्ग काढला. त्यामुळे ‘आधार’ योजना बारगळण्यापासून वाचली. नागरिकापाशी जर ‘आधार’ चा क्रमांक असेल, तर त्याला लोकसंख्या नोंदणी करताना पुन्हा आपली ‘बायोमेट्रिक’ माहिती देण्याची गरज नसेल, असे केंद्रीय गृहमंत्र्यांनी स्पष्ट केले आहे. मात्र, संसदेच्या स्थायी समितीने व नियोजन आयोगाचे उपाध्यक्ष मोंटेकसिंग अहलुवालिया यांनी घेतलेले आक्षेप यामुळे सरकारने हा मध्यममार्ग काढीपर्यंत या दोन्ही योजनांखाली एकाच प्रकारची माहिती गोळा करून कोट्यवधी रुपये वाया घालवले गेले त्याचे काय? या उधळपट्टीचे साधे गणित मांडायचे तर प्रत्येक ‘आधार’ कार्डामागे साधारणतः दीडशे रुपये खर्च येतो. त्यापैकी केवळ बायोमेट्रिक माहिती गोळा करण्यामागील खर्च ३० ते ३५ रुपये आहे. राष्ट्रीय लोकसंख्या नोंदणीसाठी हीच बायामेट्रिक माहिती गोळा करण्याचा खर्च मात्र त्याहून कमी म्हणजे २५ ते २८ रुपये आहे.

- अनिल पै

गोमंतपुत्रांनी कला, साहित्य, शिक्षण, उद्योग, आरोग्य, विज्ञान व तंत्रज्ञान तसेच अनेक क्षेत्रांत आपल्या ज्ञानाने व विद्वत्तेने जगात कीर्ती मिळवलेली आहे व गोव्याबरोबर भारताचे नाव जगात उज्ज्वल केलेले आहे. त्यांतीलच एक आंतरराष्ट्रीय ख्यातीचे विद्वान पद्मभूषण डॉ. जुझे परेरा. प्रकांड पंडित, विद्वान, इतिहास संशोधक, धर्म-संस्कृती व कलेचे अभ्यासक, कोंकणीचे निष्ठावंत भक्त असलेल्या डॉ. जुझे परेरा यांना भारत सरकारने पद्मभूषण देऊन त्यांचा जो गौरव केलेला आहे तो यथोचितच आहे. तसे पाहू गेल्यास त्यांना हा पुरस्कार यापूर्वीच मिळायला हवा होता.

- कॅजिटन परेरा

सत्तरी तालुक्यातील स्वातंत्र्यसैनिक जयसिंगराव व्यंकटराव राणे यांना अखेरचा सलाम करण्यासाठी आम्ही काही समाजवादी मित्रमंडळी गेल्या मंगळवारी त्यांच्या अंत्यदर्शनाला जाऊन आलो. त्यावेळी झटकन त्यांचा जीवनपट नजरेसमोर येऊन गेला.

- रामकृष्ण कामत

भारतीय शिक्षण मूल्यांनी युक्त आदर्श संस्कार व स्वाभिमानी नागरिक घडविणे हे भारतीय शिक्षण प्रणालीचा मूल मंत्र होय. भारतीय संस्कृती जपणारे पारंपरिक संस्कार मुलांवर बिंबविण्यासाठी शिक्षकांबरोबर पालकांचीही भूमिका महत्त्वाची आहे, हे प्रयोगसिद्ध आहे. अगदी हेच महत्त्वाचे तंत्र विकसित व्हावे यासाठी पणजी येथील डॉ. केशव बळीराम हेडगेवार शिक्षण प्रसारक मंडळ ही संस्था क्रियाशील आहे. १९९० हे वर्ष या संस्थेचे प्रारंभी वर्ष. पूर्व प्राथमिक शाळा इथपासून १० वी पर्यंत विद्यालय असे आज या संस्थेचे स्वरूप आहे. गेल्या ६ वर्षांपासून १० वीचा निकाल १०० % लागत आहे. शिक्षणाबरोबरच कला, क्रीडा, सांस्कृतिक अशा मुलांचा सर्वांगीण विकास साधणार्‍या क्षेत्रात या संस्थेने नेहमीच राज्यस्तरावर उल्लेखनीय यश मिळवले आहे.

- लाडोजी परब

मालवण (जि. सिंधुदुर्ग) पासून अवघ्या आठ कि. मी. अंतरावर असलेले कांदळगाव! गावाला ऐतिहासिक महत्त्व आहे. छत्रपती शिवाजी महाराजांच्या पदस्पर्शाने पावन झालेली ही भूमी. कांदळगावचे रामेश्‍वर हे ग्रामदैवत. दर तीन वर्षांनी हा रामेश्‍वर आपल्या पंचायतनासह सिंधुदुर्ग किल्ल्याच्या भेटीला जातो. हा सोहळा अविस्मरणीय असतो. या सोहळ्याचा इतिहास जाणून घेताना अनेक गोष्टींचा उलगडा होतो. छत्रपती शिवाजी महाराजांचे वर्चस्व आणि त्यांचे सामर्थ्य वाढत असतानाच सागरी मार्ग मजबूत केल्यावर आपले राष्ट्र अधिक सुरक्षित होईल, या विचाराने छत्रपतींनी जंजिरा किल्ला काबीज करण्याचा दोन वेळा प्रयत्न केला. मात्र शिवाजीराजांना अपेक्षित यश मिळाले नाही. १६व्या शतकात मालवण समुद्रातून प्रवास करताना चारही बाजूने पाणी असलेले कुरटे बेट महाराजांच्या दृष्टीस पडले.

मोपा हरित विमानतळ घोषित करू : पर्रीकर

पेडण्याचे नगराध्यक्ष डॉ. वासुदेव देशप्रभू यांच्यासह पेडणे पालिकेच्या सहा नगरसेवकांनी काल भाजपात प्रवेश केला. एकेकाळचे बाबू आजगावकर यांचे खंदे समर्थक गणले जाणारे धारगळचे माजी सरपंच प्रदीप ऊर्फ भूषण नाईक यांनीही भाजपात प्रवेश केला आहे. भाजपा प्रदेशाध्यक्ष लक्ष्मीकांत पार्सेकर यांनी त्यांचे पुष्पहार घालून पक्षात स्वागत केले. पेडणे पालिकेचे नगरसेवक उपेंद्र देशप्रभू, माधव शेणवी देसाई, गजानन सावळ देसाई, नगरसेविका नूतन आरोसकर व अमिता माशेलकर यांनी भाजपात प्रवेश केला आहे.

बाबल्याखळी कुर्टी फोंडा येथे ४५ वर्षे वयाच्या इसमाचा खून झाल्याची घटना उघडकीस आली असून आरोपी सापडलेला नाही. सुभाष ऑनवंत असे मयताचे नाव समजले आहे. पोलिसांना खबर मिळाल्यानंतर फोंडा पोलीस स्टेशनचे निरीक्षक सिध्दांत शिरोडकर यांनी पंचनामा करून प्रेत उत्तरीय तपासणीसाठी पाठवले आहे.

केंद्रीय निवडणूक आयोगाकडे तक्रार करणार

निवडणूक आचारसंहितेचा भंग करून कॉंग्रेसचे मंत्री व आमदार मतदारांना आमीष दाखवण्यासाठी क्रीडा साहित्य, इलेक्ट्रॉनिक वस्तू राजरोसपणे वाटतात, तसेच या दिवसांत औरंगाबाद येथून चाळीस ट्रक बिअरचा साठा गोव्यात पोहोचला आहे. निवडणूक अधिकारी वा भरारी पथकाकडे यासंदर्भात तक्रार करूनही ते वेळेत घटनास्थळी पोहोचत नाहीत यावरून तेही कॉंग्रेसच्या मंत्र्यांचे हस्तक असल्याचा संशय जनतेला येत आहे अशी टीका गोवा विकास पक्षाचे नेते मिकी पाशेको यांनी काल पत्रकार परिषदेत केली. निवडणूक अधिकार्‍यांविरुद्ध केंद्रीय निवडणूक आयोगाकडे तक्रार करणार असल्याचे पाशेको यांनी जाहीर केले.

विलींचे मिस्किंतास प्रत्युत्तर

भाजप व त्यांच्या मित्रपक्षांच्या कार्यकर्त्यांनी चर्चेस जाळल्याच्या आपण केलेल्या आरोपामुळे भाजपाचे पदाधिकारी डॉ. विल्फ्रेड मिस्किता यांनी आपल्या विरुध्द निवडणूक आयोगाकडे तक्रार केली आहे. सत्य घटनांचे कथन करण्यास किंवा त्या सांगण्यास निवडणूक आचारसंहिता लागू होऊ शकत नाही, असे डॉ. विल्फ्रेड डिसौझा यांनी पत्रकार परिषदेत सांगितले. हळदोणे मतदारसंघात पैसे वाटण्याचे प्रकार चालू आहेत.

बागा समुद्रात काल दुपारी २ वाजता बंगळूर येथील सॉफ्टवेअर कंपनीत इंजिनिअर म्हणून नोकरी करणार्‍या दोघा तरुणांना जलसमाधी मिळाली तर तेथील जीवरक्षकांनी एकास जीवदान दिले.

निवडणूक आयोगांकडे तक्रार

गोवा विधानसभा निवडणुकीच्या पार्श्‍वभूमीवर लागू केलेल्या आचारसंहितेचा भंग करीत कॅसिनो तथा काही तारांकीत हॉटेल नव्याने जाहीर केलेल्या मुदतीच्या वेळापत्रकाचे उल्लंघन करीत असल्याची तक्रार राज्य मुख्य निवडणूक अधिकार्‍यांना सादर केली आहे. समुद्रात तथा समुद्राबाहेर असलेल्या कॅसिनोमध्ये व काही तारांकीत हॉटेलात २५ जानेवारी रोजी नव्याने जाहीर केलेल्या बंदीसंदर्भातल्या वेळापत्रकाचे उघडपणे उल्लंघन केले जात असल्याची तक्रार ऍड्. आयरिश रॉड्रिग्ज यांनी केली आहे.

- चरणजित सप्रे, फोंडा

भाजप, म.गो. युती झाली किंवा नाही ह्याला जेवढे महत्त्व आहे तेवढे ती युती झाली नाही तरीही आहे. सुदिन ढवळीकर गेली साडेचार वर्षे कॉंग्रेस सरकारात सत्तेचा उपभोग घेत राहिले त्यावेळी जेव्हा जेव्हा त्यांना युतीविषयी प्रश्‍न केला जात होता तेव्हा तेव्हा ते मूग गिळून गप्प राहायचे. आजही तीच परिस्थिती आहे. सुदिन ढवळीकर ‘धरलं तर चावतं, सोडलं तर पळतं ’ अशा स्थितीत अडकले आहेत.

लोकपालवरून देशात मोठे वादळ उठवल्यानंतर अण्णा हजारेंनी आता पुन्हा एकदा रणशिंग फुंकले आहे. ग्रामसभांना संसदेहून सर्वोच्च स्थान देणारा कायदा करा अशी मागणी त्यांनी सरकारकडे केली आहे आणि ती मान्य केली जावी यासाठी व्यापक आंदोलनास सज्ज राहण्याचे आवाहनही आपल्या अनुयायांना केले आहे. संसद किंवा विधानसभा सदस्य हे जनतेचे केवळ सेवक आहेत व जनता मालक आहे ही भूमिका अण्णा सातत्याने मांडत आले आहेत आणि त्याच अनुषंगाने ग्रामसभांना सर्वोच्च स्थान मिळवून देणारा कायदा करा असे त्यांचे म्हणणे आहे. मात्र, ग्रामपंचायती आणि ग्रामसभा यांची आजची स्थिती पाहाता केवळ अशा प्रकारचा कायदा करून काही साध्य होईल हा निव्वळ भ्रम आहे. लोकशाहीत सत्तेच्या विकेंद्रीकरणाचे एक महत्त्वाचे पाऊल म्हणून ७३ वी घटनादुरुस्ती केली गेली आणि पंचायतीराजचे वारे देशात वाहू लागले. परंतु पंचायतीराजच्या उदात्त संकल्पनेत जे अपेक्षित होते, त्याची पूर्ती तर होऊ शकलेली नाहीच, परंतु आपण तिच्यापासून अद्याप कोसों योजने दूर आहोत हे वास्तव आहे. ग्रामसभांना पंचायतीराज व्यवस्थेमध्ये महत्त्व दिले गेले आहे.

जुने गोवे येथे असलेल्या ख्रिश्‍चन वस्तूसंग्रहालयातील लाखो रुपये मूल्याच्या पुरातन वस्तू लुटण्याची घटना घडली होती. येथील सुरक्षा रक्षकाचाही खून झाल्याचे आढळून आले होते. या प्रकरणी पोलिसांनी चार सुरक्षा रक्षकांना अटक करून चौकशी सुरू केली आहे, मात्र निश्‍चित धागेदोेरे सापडलेले नाहीत. पुरातन मूल्याच्या सोन्याच्या क्रॉससह अन्य वस्तू चोरांनी लुटून नेल्या आहेत.

सार्झोरा गुडी येथील क्रशरजवळ टाटा टिपरने दुचाकीला धडक दिल्याने झालेल्या अपघातात असोल्डा येथील नेल्सन आलवेस मोर (२७) हा दुचाकीस्वार ठार झाला. ही घटना सकाळी १० वाजता घडली.

अण्णा हजारे यांची मागणी

ग्रामसभांना संसदेहून सर्वोच्च स्थान देणारा कायदा सरकारने आणावा अशी मागणी ज्येष्ठ सामाजिक कार्यकर्ते अण्णा हजारे यांनी काल केली. सरकार ग्रामसभांचे सशक्तीकरण करणारा कायदा आणणार नसेल तर जनलोकपालसारखेच व्यापक आंदोलन उभारण्यास सज्ज राहा, असा संदेश त्यांनी आपल्या कार्यकर्त्यांना दिला.

विधानसभा निवडणुकीची आचारसंहिता लागू झाल्यानंतर मडगाव शहरामध्ये रिंग रोडच्या लिंकसाठी पुनर्वसन करण्याकरिता तसेच मलःनिस्सारण प्रक्रिया आराखडा-मडगावचा विस्तार आणि बफर झोन पुरविण्यासाठी भूसंपादन अधिसूचना दि. २५ जानेवारीच्या वर्तमानपत्रात प्रसिद्ध केलेली असल्याने आचारसंहितेचा भंग होतो. आपल्या मतदारांना भूल लावण्यासाठी मुख्यमंत्री दिगंबर कामत यांनी अधिसूचना काढायला लावल्याची तक्रार मडगाव फ्रंट फॉर चेंजचे सावियो कुतिन्हो व इतरांनी जिल्हाधिकार्‍यांकडे केली आहे.

वादग्रस्त विषयांचा उल्लेख टाळणार

येत्या विधानसभा निवडणुकीसाठीचा जाहीरनामा तयार करताना कॉंग्रेसने बेकायदा खाण, शिक्षण माध्यम, प्रादेशिक आराखडा या वादग्रस्त विषयांना स्पर्श न करण्याचा विचार केल्याचे खात्रीलायक सूत्रांनी सांगितले.

एस. टी. बस अंदाधुंदपणे चालवून नऊ जणांचे प्राण घेणारा चालक संतोष माने याची तीन फेब्रुवारीपर्यंत पोलीस कोठडीत रवानगी करण्यात आली आहे.

त्याला काल पुण्यातील सत्र न्यायालयात हजर करण्यात आले. बुधवारी सकाळी पुण्यातील स्वारगेट डेपोतून पुणे - सातारा बस पळवून नेऊन त्याने वाटेत येणार्‍या - जाणार्‍या वाहनांना धडक देत थैमान मांडले होते.

विष्णू वाघ यांचा इशारा

दाबोळी मतदारसंघातून उपसभापती माविन गुदिन्हो याना पराभूत करण्याचे आव्हान आम्ही स्वीकारले आहे, असे भाजपचे प्रवक्ते विष्णू सूर्या वाघ यांनी काल पत्रकार परिषदेत बोलताना सांगितले.

- एन. शिवदास

‘अनार्या’ चे ‘आर्यन’ नरेंद्र बोडके गेले, असा फोन दर्दभेदी आवाजात अवधूत कुडतरकरने केला तेव्हा नरेंद्र मृत्यूचे स्वागत करण्यासाठी परत पुण्यात पोचल्याचे समजले, कारण गोव्यात फ्लॅट घेऊन राहायला येतोय हे सांगण्यासाठी ‘गोवा कोंकणी अकादमीच्या कार्यक्रमात मला भेटायला येत आहे, वाटेवर आहे, तू कुठं आहेस?’ असा नरेंद्रचा फोन मला आला होता व सुदैवाने मीही फर्मागुडीहून कोकणी अकादमीच्या कार्यक्रमात जाण्यासाठी जुन्या गोव्याला पोचलो होतो. मी नरेंद्रला म्हटलं, फक्त दहा मिनिटे थांब, मी लगेच पोचतो व ड्रायव्हरला गाडीची गती वाढवायला सांगितली. गाडीतून उतरून मी थेट नरेंद्रचे स्वागत करायला धावलो. नरेंद्र व गौरीला घेऊन केबिनमध्ये आलो, सोफ्यावर बसता बसता नरेंद्र म्हणाला, ‘मला पातळ भाजी व पाव पाहिजे’. मी लगेच ड्रायव्हरला बोलावून घेतले व नरेंद्र व गौरीसाठी नाश्ता आणायला सांगितला.

येणार्‍या विधानसभा निवडणुकीच्या पार्श्वभूमीवर गोव्यात मतदारांच्या मनात सलणार्‍या विषयांचा कानोसा घेण्याचा एक प्रयत्न ‘नवप्रभे’चे इंग्रजी भावंड असलेल्या ‘नवहिंद टाइम्स’ने आपल्या गावोगावच्या वार्ताहरांमार्फत नुकताच केला. वाढता भ्रष्टाचार हा मुद्दा मतदारांच्या दृष्टीने सर्वाधिक महत्त्वाचा आहे असा या सर्वेक्षणाचा निष्कर्ष आहे. जवळजवळ ६३.१५ टक्के मतदारांनी वाढत्या भ्रष्टाचाराबाबत नापसंती व्यक्त केली आहे. बेकायदेशीर खाणी, शैक्षणिक माध्यम प्रश्न हे विषयही त्या खालोखाल महत्त्वाचे आहेत, असे मत या सर्वेक्षणात सहभागी झालेल्या मतदारांनी व्यक्त केले. आलेले निष्कर्ष खरोखर मनोज्ञ आहेत. केपे, सांगेसारख्या तालुक्यातील खाण पट्‌ट्यातील मतदार हे बहुतांशी तेथील खाण व्यवसायावर अवलंबून असल्याने बेकायदा खाणींविरुद्ध भूमिका घ्यायला तयार नाहीत, पण खनिज वाहतुकीने पीडित इतर भागांतील मतदार मात्र फोफावलेल्या बेकायदा खाण व्यवसायावर नाराज आहेत असे चित्र या सर्वेक्षणातून पुढे आले. शैक्षणिक माध्यमाचा प्रश्न निवडणुकीवर काहीही परिणाम करणार नाही, असे सरकार ठासून सांगत असले तरी जनता शैक्षणिक माध्यमाच्या विषयावर संतप्त आहे, हेही हे सर्वेक्षण सांगते.

लोकशाहीमध्ये कोणत्याही सुधारणा आणताना त्यामुळे लोकशाहीचे स्तंभ असलेल्या संस्था ढासळणार नाहीत, याचीही खबरदारी घेतली गेली पाहिजे, असे सूचक वक्तव्य राष्ट्रपती प्रतिभा पाटील यांनी काल ६३ व्या प्रजासत्ताक दिनाच्या पूर्वसंध्येस राष्ट्राला उद्देशून दिलेल्या संदेशात ‘लोकपाल’च्या संदर्भात केले. ‘‘झाडाला लागलेले वाईट फळ काढण्याच्या नादात झाड हलवीत असताना ते झाडच खाली येणार नाही याची काळजी घ्यावी लागेल’’ असा इशारा त्यांनी दिला.

आमोणे-केपे येथील प्रकाश आमोणकर यांच्या बंद असलेल्या घरात अज्ञात चोरट्यांनी मागील दारातून प्रवेश करून आठ लाखांचा ऐवज लंपास केला. मागील काही दिवसांपूर्वी शिवनगर येथे घडलेल्या चोरीत व या चोरीत साम्य असल्याचा पोलीस अधिकार्‍यांचा कयास आहे. सदर घटना मंगळवारी संध्याकाळच्या सुमारास घडली.

आणखी तीन जागांवर चर्चा होणार

कॉंग्रेस - राष्ट्रवादी यांच्यात जागावाटपावरून चालू असलेल्या घडामोडींबाबत काल प्रदेश राष्ट्रवादीच्या बैठकीत आढावा घेण्यात आला. राष्ट्रवादी कॉंग्रेसचे समन्वयक डॉ. प्रफुल्ल हेदे यांच्या मार्गदर्शनाखाली ही बैठक झाली.

बस पळवून अंदाधुंद चालवली

९ ठार, २७ जखमी

पुण्यात काल सकाळी एका एस. टी. चालकाने स्वारगेट डेपोमध्ये उभी असलेली एक एस. टी. बस पळवून नेऊन अंदाधुंद चालवून रस्त्यावरून जाणार्‍या किमान २५ वाहनांना आणि पादचार्‍यांना धडक देत नऊ जणांना ठार केले, तर २७ जणांस जखमी केले. शेवटी पोलिसांनी व नागरिकांनी बस अडवून चालकाला ताब्यात घेतले. या माथेफिरू चालकाचे नाव संतोष मारुती माने (३०) असे असून जवळजवळ तास - दीड तास त्याने पुण्यातील रस्त्यावर थैमान मांडले. त्याला अटक करण्यात आली आहे.

एदुआर्द फालेरोंविरुद्धही तक्रार

यांनी आपल्या कायदा आयोगाच्या अध्यक्षपदाचा गौरवापर पक्षीय राजकारणासाठी तथा राजकीय प्रचारासाठी केल्याची ऍड. आयरिश रॉड्रिग्ज यांनी केलेल्या तक्रारीची दखल घेत राज्य निवडणूक अधिकार्‍यांनी आज कायदा आयोगाचे अध्यक्ष रमाकांत खलप यांना नोटीस जारी केली आहे.

उमेदवार यादी पुन्हा लांबणीवर

उमेदवारीच्या प्रश्‍नावर काही मतदारसंघात बंडखोरी होण्याची भीती असल्याने कॉंग्रेसला उमेदवारी जाहीर करणे कठीण झाले असून त्यामुळे उमेदवारी भरण्याची मुदत सुरू होण्याच्यावेळी म्हणजे दि. ३ किंवा ४ फेब्रुवारी रोजी उमेदवारांची नावे जाहीर करण्याची कॉंग्रेसने तयारी केली आहे. वरील प्रकारामुळे काही इच्छुक उमेदवार बरेच गोंधळले असून त्यांना उमेदवारीच्या बाबतीत निर्णय घेणे कठीण झाले आहे.

निवृत्त न्या. काटजू : रश्दींचे साहित्य सुमार दर्जाचे

भारतात राहणार्‍या चांगल्या लेखकांना गौण समजणे व केवळ एखादा लेखक ब्रिटन किंवा अमेरिकेत राहतो म्हणून त्याला महान समजणे हा वसाहतवादी न्यूनगंड असल्याचे प्रेस काऊंसिलचे चेअरमन व सर्वोच्च न्यायालयाचे माजी न्यायमूर्ती मार्कंडेय काटजू यांनी सांगितले.

- ऍड. सतीश सोनक

प्रजासत्ताक दिनाच्या निमित्ताने इंडिया अगेन्स्ट करप्शनने, आज पणजीतील हॉटेल मनोशांती सभागृहात संध्याकाळी ४.३० वाजता ‘रिबिल्डींग रिपब्लीक’ म्हणजे ‘प्रजासत्ताकाची पुनर्बांधणी’ या विषयावर स्वर्गीय स्वातंत्र्यसैनिक नारायण हरी नाईक स्मृती व्याख्यान आयोजित केले आहे. या कार्यक्रमास प्रसिद्ध विचारवंत आणि लेखक श्री. विश्राम गुप्ते हे प्रमुख वक्ते म्हणून हजर राहणार आहेत. त्यानिमित्त ः

२८ ऑक्टोबर १९२६ ते २५ जानेवारी २००९ या कालखंडात पोर्तुगीज हुकूमशाहीच्या हातातून सत्ता हिसकावून ती प्रजेच्या हातात देण्यासाठी नारायण नाईक जगले आणि तन-मन-धनाने झुंजलेही! साहजिकच प्रजासत्ताक दिनी नारायण नाईक यांची आठवण येणे अपरिहार्य आहे. महात्मा गांधी व त्यांची १९४२ च्या छोडो भारत आंदोलनातील ‘करेंगे या मरेंगे’ या रणघोषणेने, भारतात स्वातंत्र्यसंग्रामाचा जाळ पेटवला. १८ जून १९४६ रोजी राम मनोहर लोहिया ती ठिणगी घेऊन गोव्यात आल्यावर गोव्यातील तरूणांची मने कमी अधिक प्रमाणात तापू लागली. नारायण नाईक त्यावेळी विद्यार्थी दशेत होते. लोहियांसोबत मडगावला स्थानिक नेत्यांची धरपकड झाल्यावर लायसियममध्ये शिकणारे नाईक पणजीच्या विद्यार्थी निषेध मोर्चात सहभागी झाले व आयुष्यातील पहिली अटक व पहिल्या पोलीस मारहाणीचा अनुभव त्यांनी घेतला. दडपशाहीला विरोध करणार्‍या गोव्यातील देशभक्त विद्यार्थी चळवळीचा तो प्रारंभ होता. गोवा मुक्तीच्या सत्याग्रहाचे प्रशिक्षण देण्यासाठी बेळगाव, पेडण्याच्या हद्दीवर प्रशिक्षणवर्ग भरायचे. त्यातून स्फूर्ती घेतलेल्या तुकड्या दर महिन्याच्या आठव्या, अठराव्या आणि अठ्ठाविसाव्या दिवशी सत्याग्रह करतील असा बेत होता. नाईक यांचा पुढाकार असलेला सांगे - केपेचा सत्याग्रह महात्मा गांधी की जय या जयघोषात सुरू झाला. पोर्तुगीज सैन्याने नाईक यांना पकडून पोलीस कस्टडीत ठेऊन त्यांच्यावर आठवडाभर अमानुष अत्याचार केले. वयाच्या केवळ विशीत असलेले नारायण नाईक डगमगले नाहीत. पण त्यांच्या मनात अहिंसक सत्याग्रहाच्या उपयुक्ततेविषयी शंका येऊ लागल्या. पोर्तुगीज निर्दयी आहेत, निशस्त्र चळवळ पोर्तुगीजांचे हृदयपरिवर्तन करू शकणार नाही असे विचारचक्र नाईक आणि त्यांच्या समविचारी युवकांच्या मनात सुरू झाले. सुभाषबाबूंकडून प्रेरणा घेऊन आझाद हिंद ङ्गौजेसारखी ङ्गौज उभारणे किंवा महाराष्ट्रातील क्रांतिवीर नाना पाटील यांच्याप्रमाणे प्रतिसरकार स्थापणे असे विविध पर्याय गोव्यातील तरूणाईला खुणावू लागले.

‘विद्येविना मती गेली, मतीविना नीती गेली, नीतीविना गती गेली...’ या महात्मा ज्योतिबा फुल्यांच्या सुवचनामध्ये थोडा फेरफार करून ‘मतीविना नीती गेली, नीतीविना युती गेली, युतीविना गती गेली’ असे सध्या गोव्याच्या राजकारणाला पाहून म्हणण्याची पाळी गोमंतकीय मतदारांवर आली आहे. येणार्‍या निवडणुकीच्या पार्श्‍वभूमीवर विविध राजकीय पक्षांमध्ये जी बेशरम सुंदोपसुंदी चालली आहे, ती पाहिली तर गोव्याचे राजकीय भवितव्य किती अंधःकारमय असेल, त्याची चाहूल मिळते. युतीच्या विषयावरून कॉंग्रेस - राष्ट्रवादी कॉंग्रेस आणि भाजपा - मगो यांच्यात चाललेल्या रस्सीखेचीचा निकाल कधी एकदा लागणार आणि आपल्या मतदारसंघात कोण कोण निवडणुकीच्या रिंगणात उतरणार याविषयीची मतदारांची उत्सुकता आता ‘अति झाले नि हसू आले’च्या पातळीवर पोहोचली आहे. एकीकडे विशिष्ट मतदारसंघातील पक्षाची उमेदवारी मिळवण्यासाठी प्रत्येक पक्षात चाललेली चढाओढ, त्यासाठी दाखवले जाणारे स्वतःचे खरे - खोटे बळ, उमेदवारी दिली नाही तर बंडखोरी करण्याचे दिले जाणारे सूचक इशारे आणि दुसरीकडे आपल्याला हवे असलेले मतदारसंघ पदरात पाडून घेण्यासाठी लावलेली शर्थीची बोली या सार्‍या गढूळ वातावरणात आगामी निवडणुकीत मतदारांपुढे काय वाढून ठेवले आहे ते पुरेपूर कळून चुकते.

मगोशी निवडणूकपूर्व युती करण्याच्यादृष्टीने कॉंग्रेसची बोलणी सुरू असून लवकरच त्यासंबंधी जाहीर घोषणा केली जाणार असल्याचे समजते. दरम्यान, मगो कॉंग्रेसशीही बोलणी करीत असल्याचे दुर्दैवी असल्याचे भाजपने काल म्हटले होते.

५० टक्के सवलतीत तिकीट आकारावे लागत असल्यामुळे विद्यार्थ्यांना प्रवेश नाकारणारी पणजी - फोंडा मार्गावरील जीए ०५ टी ६६४४ ही ज्योती नामक बस काल विद्यार्थ्यांनी पणजी बसस्थानकावर अडवून धरल्यानंतर वातावरण तंग बनले.

गेल्या विधानसभा निवडणुकीत कुडचेडतून श्याम सातार्डेकर यांना निवडून आणण्यासाठी महत्त्वाची भूमिका बजावलेले निलेश काब्राल यांनी काल भाजपमध्ये प्रवेश केला. आपण खनिजच नव्हे तर अन्य अनेक व्यवसाय करीत आहोत. खाणीच्या बाबतीत आपल्याला बरेच ज्ञान असून सावर्डे, सांगे या भागातील खनिज साठ्यांची विल्हेवाट लावण्यास सरकारने मान्यता द्यावी, अशी आपली मागणी असल्याचे काब्राल यांनी पत्रकारांना सांगितले.

मंगळवारी रिझर्व्ह बँकेचे गव्हर्नर डी. सुब्बाराव यांनी या तिमाहीसाठीचे पतधोरण जाहीर केले. यात रेपो रेट आणि रिव्हर्स रेपो रेटमध्ये कोणताही बदल केलेले नाही. या दरात कोणतेही बदल न झाल्यामुळे होमलोन, कारलोन आदींवरील व्याजदर सध्या तरी ’जैसे थे’च राहतील.

मुस्लिम संघटनांनी विरोध तीव्र केल्याच्या पार्श्वभूमीवर सलमान रश्दी यांचा व्हिडियो कॉन्फरन्सिंगद्वारे आयोजित केलेला कार्यक्रम जयपूर लिटररी फेस्टिव्हलमध्ये रद्द करण्यात आला.

तृणमूल कॉंग्रेसच्या तिकीटावरून आपण हळदोणे मतदारसंघातून निवडणूक लढविणार असल्याचे पक्षाचे प्रदेश अध्यक्ष डॉ. विल्फ्रेड डिसोझा यांनी काल पत्रकार परिषदेत जाहीर केले.

इशान्य भारतात आयोजित एका कार्यक्रमात केंद्रीय गृहमंत्री पी. चिदंबरम यांच्यासमोर १८५५ नक्षलवाद्यांनी आत्मसमर्पण केले. आसाममधील आदिवासी संथाल गटाचे तसेच कुकीस व हमर गटाचे हे नक्षलवादी आहेत.

राज्यात आचारसंहिता लागू झालेली असताना रमाकांत खलप यांनी आपल्या कायदा आयोगाच्या अध्यक्षपदाचा गौरवापर पक्षीय राजकारणासाठी तथा राजकीय प्रचारासाठी केल्याची तक्रार ऍड. आयरिश रॉड्रिग्ज यांनी राज्य निवडणूक अधिकार्‍यांकडे केली आहे. पक्षाच्या व आपल्या राजकीय महत्त्वाकांक्षेपोटी रमाकांत खलप यांनी आपल्या कायदा आयोगाच्या अध्यक्षपदाचा उघडपणे गैरवापर केल्याचा आरोप ऍड. रॉड्रिग्ज यांनी सादर केलेल्या तक्रारीत केला आहे.

- दिलीप बोरकर

सध्याच्या राजकारणाचे बाजारीकरण झाले आहे. राजकीय नेत्यांना सत्तेची चटक लागलेली आहे. राजकीय पातळीवर चारित्र्य, शिक्षण, निष्ठा, लोकसेवेची आवड या गोष्टींना थारा राहिलेला नाही. थोडक्यात, आजच्या राजकारणाला कोणत्याच प्रकारची नीतिमत्ता राहिलेली नाही अशी ओरड आज समाजमुखातून सातत्याने होत असल्याचे दिसते, तरीसुद्धा प्रत्येक निवडणुकीचा निकाल जाहीर झाल्यावर लोकांना नको असलेलेच उमेदवार निवडून आलेले दिसून येतात. तेव्हा या उमेदवारांना निवडून येण्यासाठी कोण मते देत असतो हाच प्रश्‍न पडल्याशिवाय रहात नाही. एखाद्याने चांगले कार्य केले तर, स्वर्गातून देव पुष्पवृष्टी करायचे असे पुराणात वाचायला मिळते,तसेच आज या नको असलेल्या राजकारण्यांना निवडून येण्यासाठी दैत्य नरकातून ‘मतवृष्टी’ तर करीत नसतील ना?

काट्याचा नायटा व्हावा तसे सलमान रश्दींच्या भारतभेटीचे प्रकरण कुठल्या कुठे चिघळत गेले. ज्या जयपूर साहित्य उत्सवात रश्दी सहभागी होणार होते, तो महोत्सव या सार्‍या वादविवादात नाहक भरडला गेला आहे. रश्दींच्या भारतभेटीचे जे काही राजकारण झाले, तेच या सार्‍या प्रकाराला जबाबदार आहे. आपण भारतात आल्यास आपल्या जिवाला धोका संभवतो असे सरकारने भासवले, त्यामुुळे आपण भारतभेट टाळली असे रश्दींचे म्हणणे आहे. त्यावर खरे तर आपली भूमिका स्पष्ट करीत सरकारने त्यांच्या संरक्षणाची ग्वाही देणे अपेक्षित होते, परंतु उत्तर प्रदेशसारख्या राज्यांत होऊ घातलेल्या निवडणुकांच्या पार्श्वभूमीवर रश्दींच्या भारतभेटीचे राजकारण करण्याचा प्रयत्न सत्ताधार्‍यांनी चालवला आहे हे स्पष्ट दिसून येते. ज्या तर्‍हेने रश्दींना भारतात येण्यापासून परावृत्त केले गेले आणि व्हिडिओ कॉन्फरन्सिंगवरही निर्बंध घालण्याचा प्रयत्न झाला, ते पाहाता सरकारची या विषयात केवळ राजकीय कारणांसाठी कर्मठ शक्तींपुढे लोटांगण घालण्याची वृत्ती स्पष्ट दिसून येते. जे यापूर्वी शाहबानो प्रकरणात घडले, जे अयोध्या प्रकरणात घडले, त्याचीच ही पुनरावृत्ती आहे. रश्दींच्या ‘सॅटनिक व्हर्सेस’ वर राजीव गांधींच्या काळात १९८८ साली बंदी घातली गेली.

डॉ. सीताकांत घाणेकर

अनेकवेळा आपण सहज म्हणतो- ‘‘व्यक्ती तितक्या प्रकृती’’. पण कुणीही सहसा या म्हणींवर विचार करत नाही. पण सखोल चिंतनानंतर यातील सत्य लक्षात येते. जगातील सर्वत्र घडणार्‍या घटनांकडे नजर टाकली तर कळते की ही म्हण खरीच आहे. कुठल्याही एका विषयावर एकमत होणे फारच कठीण. कधी कधी अशा घटना एकदम सामान्य असतात तर इतर वेळा फार गंभीरसुद्धा असतात. कित्येकवेळा अशा वागण्याचा परिणाम भयंकर होतो.

- प्रा. रमेश सप्रे

‘दे कम बाय् अपॉइंटमेंट’ नावाचं एक पुस्तक आहे. डॉ. जॉर्ज साव्हा या लेखकाचं. इंग्लंडमधल्या या प्रसिद्ध शल्यविशारदाचं (सर्जनचं). त्याच्याकडे पेशंटना अपॉइंटमेंट मिळणं हे एक कठीण काम असायचं. असेही काही रुग्ण यायचे, केव्हाही-कुठेही भेटायचे, पण त्यांना पाहून त्यांच्यावर त्वरित शस्त्रक्रियाही करावी लागे. अशा ‘डिव्हाइन अपॉइंटमेंट’नं जीवनात भेटलेल्या रुग्णांच्या मांचकारी कहाण्या या पुस्तकात आहेत. अनय आमच्या जीवनात असाच आला. अगदी अनपेक्षितपणे. पण काही काळ त्यानं काही शिक्षकांचं जीवन व्यापून टाकलं. खूप काही शिकवलं. अन् जीवनाची पौर्णिमा होण्यापूर्वीच...

काल दुपारी अन्न आणि औषध प्रशासनाने शंकरवाडी ताळगाव येथे एम एच ०९ व्हीसी ९१४९ क्रमांकाच्या ट्रकवर छापा टाकून सुमारे ३ लाख रुपये किंमतीचा कोल्हापुरी गुटखा जप्त केला.

पक्षासाठी काम न केलेल्यांना उमेदवारी मिळू नये, असे आपले स्पष्ट मत आहे. येत्या निवडणुकीत मांद्रे मतदारसंघातून निवडणूक लढविण्यास इच्छुक म्हणून आपण अर्ज केलेला आहे, परंतु उमेदवारीवर आपण दावा केलेला नाही व ती न मिळाल्यास अपक्ष किंवा अन्य कोणत्याही पक्षाच्या तिकीटावर आपण निवडणूक लढविणार नसल्याचे माजी केंद्रीय कायदामंत्री तथा कॉंग्रेस प्रवक्ते ऍड. रमाकांत खलप यांनी सांगितले.

येथील दाबोळी विमानतळाच्या धावपट्टीवर टायर फुटून सी-हॅरीयर विमान अडकल्याने सुमारे एक तास हवाई वाहतूक सेवा ठप्प झाली. उपलब्ध माहितीनुसार संध्याकाळी ४.३० वाजण्याच्या सुमारास हा प्रकार घडला.

नार्वेकर यांचा इशारा

पर्वरी मतदारसंघातून मतदारसंघाबाहेरील उमेदवारास कॉंग्रेसने तिकीट दिली किंवा युतीच्या नावाखाली हा मतदारसंघ राष्ट्रवादीला देण्यात आला तर पर्वरी गट कॉंग्रेसचे कार्यकर्ते येत्या निवडणुकीत कॉंग्रेसशी असहकार पुकारतील, असे आमदार दयानंद नार्वेकर यांनी काल पत्रकार परिषदेत स्पष्ट केले.

बिहारमधून दोघांना अटक

गेल्या वर्षी १३ जुलै रोजी मुंबईत झालेल्या तिहेरी बॉम्बस्फोटप्रकरणाच्या कटाचा उलगडा केल्याचा दावा मुंबई पोलिसांच्या दहशतवादविरोधी पथकाने केला असून स्फोट घडवून आणणार्‍या दोघांना बिहारमधून अटक करण्यात आली आहे. मुंबईतील झवेरी बाजार, ऑपेरा हाऊस आणि दादर येथे हे स्फोट झाले होते व त्यात २७ ठार तर १२५ जखमी झाले होते. नकी अहमद वासी अहमद शेख (२२) आणि नदीम अख्तर अश्फाक शेख (२३) अशी आरोपींची नावे आहेत व त्यांना १२ जानेवारीस अटक झाली अशी माहिती दहशतवादविरोधी पथकाचे अधिकारी राकेश मारिया यांनी काल पत्रकार परिषदेत दिली. मुंबईतील या स्फोट मालिकेचा सूत्रधार यासिन भटकळ हा असून तो फरारी असल्याचे त्यांनी सांगितले.

कॉंग्रेस सरचिटणीस राहुल गांधी यांच्यावर येथील प्रचारसभेत बोलताना एकाने बूट फेकून मारला. तो राहुल गांधींपासून दहा मिटर अंतरावर येऊन पडला. या ठिकाणी दोन दिवसांपूर्वी टीम अण्णाच्या सदस्यांना अशाच एका प्रसंगास सामोरे जावे लागले होते.

तीन मार्च रोजी होणार्‍या गोवा विधानसभा निवडणुकीतील कॉंग्रेसच्या जाहीरनाम्यात बिगर गोमंतकीयांना व बिगरशेतकर्‍यांना येथील शेतजमिनी खरेदी करण्यास पूर्णपणे बंदी घालण्याचे आश्‍वासन देणार असल्याचे कॉंग्रेस प्रवक्ते ऍड. रमाकांत खलप यांनी काल पत्रकार परिषदेत सांगितले.

बुद्धीला वैचारिक खाद्य देणारा गोवा राज्य कला आणि संस्कृती संचालनालयाचा ५ वा डी. डी. कोसंबी वैचारिक महोत्सव येत्या ७ ते ११ फेब्रुवारी दरम्यान कांपाल, पणजी येथील कला अकादमीच्या मा. दिनानाथ मंगेशकर सभागृहात होणार आहे. या व्याख्यान महोत्सवात जागतिक कीर्तीच्या नामांकित मान्यवरांना ऐकण्याची संधी गोमंतकीयांना मिळणार आहे.

जयपूर लिटररी फेस्टिव्हल

त्या लेखकांविरुद्ध आणखी तक्रारी

जयपूर लिटररी फेस्टिव्हलमध्ये सलमान रश्दी यांच्या प्रतिबंधित ‘सॅटेनिक व्हर्सेस’ पुस्तकाचे वाचन केलेल्या चार लेखकांविरुद्ध काल आणखी पाच तक्रारी दाखल करण्यात आल्या आहेत. दरम्यान, महोत्सवस्थळी आज आयोजकांनी ठेवलेल्या रश्दी यांच्या व्हिडिओ कॉन्फरन्सींग संवादास राजस्थान सरकारने आक्षेप घेतला असून पूर्वपरवानगीशिवाय हा संवाद आयोजित करू नये, असे स्पष्ट केले आहे.

- शेख इब्राहिम मुसा , म्हापसा

बर्‍याच वर्तमानपत्रांद्वारे, परदेशी कंपन्यांना भारतातील किरकोळ विक्री बाजारपेठेत कोणत्याही परिस्थितीत येऊ देऊ नये, जर या कंपन्या भारतात आल्या तर लहान व्यावसायिकांना त्या कंपन्या संपवतील अशी भूमिका मांडली जात आहे. बाहेरून कमी किमतीत माल आणून तो स्वस्त दरात विकून या कंपन्या भारतातील सर्वच उत्पादनांना कमी करत हळूहळू नष्ट करतील. शेतकर्‍यांना तर खतापासून इतर सर्वच वस्तूंसाठी परदेशी कंपन्यांकडे हात पसरावे लागतील. या कंपन्या आपली दुकाने उघडून येथील लोकांना आपली गिर्‍हाइके बनवतील आणि लहान सहान दुकानवाले आपल्या नियमित ग्राहकांना मुकतील, अशा प्रकारे या कंपन्यांविरोधात जोरदार मतप्रवाह सुरू आहेत.

आपली आपल्या सांस्कृतिक वारशाबद्दलची उदासीनता त्याला उपेक्षेच्या खाईत लोटत असते. त्याच्या जतनासाठी आपण काही तरी करावे, निदान आवाज उठवावा एवढे सामाजिक कर्तव्य पार पाडण्यातही आम जनता कसूर करते, त्यातून कालांतराने हा वारसा मातीमोल होऊन जातो. आपल्या भरजरी भाषावैभवामुळे आजही जुन्या पिढीच्या गळ्यातील ताईत असलेले नाटककार राम गणेश गडकरी यांच्या सावनेर येथील घराची कशी वाताहत झाली आहे, त्यावर मुंबईच्या एका दैनिकाने नुकताच प्रकाश टाकला आहे. ‘एकच प्याला’, ‘भावबंधन’, ‘पुण्यप्रभाव’, ‘प्रेमसंन्यास’ अशा अजरामर नाटकांद्वारे ज्यांनी मराठी रंगभूमी आणि साहित्य समृद्ध केले, त्या गडकर्‍यांच्या घराची भग्नावस्था आपल्या सांस्कृतिक वारशाच्या कल्पना किती बेगडी असतात त्याचेच दर्शन घडवते आहे. काही दिवसांपूर्वी दक्षिणेतील ‘हिंदू’ दैनिकाने बेळगावजवळच्या सुळेभावी या गावी असलेल्या महान शास्त्रीय गायक कुमार गंधर्व यांच्या मूळ घरात उपाहारगृह चालवले जात असल्याचे वृत्त दिले होते. आपल्या बाकीबाबांच्या घरातही हाच प्रकार चालला होता हे वेगळे सांगायला नको.

पेड सुरावली येथे कोस्तासियु मिनीनो डिसिल्वा (७२) या वृध्दाचा खून करून खुनी फरारी झाला. कोलवा पोलिसानी खुनाच्या गुन्ह्याची नोंद करून मृतदेह हॉस्पिसियु हॉस्पिटलातील शवागारांत शवचिकित्सेसाठी ठेवला आहे.

राज्यात होऊ घातलेल्या विधानसभा निवडणुकीच्या पार्श्‍वभूमीवर गोव्यात मद्याचा महापूर वाहणे चालूच असून अबकारी खात्याने परवा शनिवार दि. २१ रोजी विविध ठिकाणी मारलेल्या छाप्यात ६१६१३ रु. एवढ्या किमतीचे मद्य जप्त केले.

केंद्र सरकार लोकपाल विधेयकावर जनतेच्या मागण्यांकडे कानाडोळा करीत असून देशाच्या जनतेचा व संसदेचा विश्वासघात केला आहे, अशी टीका ज्येष्ठ सामाजिक कार्यकर्ते अण्णा हजारे यांनी पंतप्रधानांना पत्र लिहून केली आहे. ‘‘सरकारने आमचा विश्वासघात केला. संसदेत सादर झालेल्या लोकपाल विधेयकात नागरी सनद नाही. कनिष्ठ नोकरशाहीही त्यांच्या कार्यक्षेत्राखाली आणली गेलेली नाही’’ असे अण्णांनी पत्रात लिहिले आहे.

सलमान रश्दींचा आरोप

जयपूर लिटररी फेस्टिव्हलमध्ये सहभागी झाल्यास ठार केले जाईल असा फोन मुंबईतील एका अंडरवर्ल्ड डॉनकडून आल्याचे सांगून आपल्याला भारतापासून दूर ठेवण्याचा कट राजस्थान पोलिसांनी रचल्याचा आरोप काल सलमान रश्दी यांनी केला. याबाबत आपण राजस्थान पोलिसांवर नाराज असल्याचेही त्यांनी ‘ट्विटर’वर नमूद केले आहे.

दोन वर्षापूर्वी मुंबईच्या अमर मेढेकर याचे अपहरण करून, ज्या इनोवा गाडीने गोव्यात आणले होते ती गाडी अपहरणकर्ता कोन्सी फर्नांडीस याच्याकडून ताब्यात घ्यायला मायणा कुडतरी येथे गेले असता कोन्सी याने मायणा कुडतरी पोलीस उपनिरीक्षक सुरज सावंत यांच्यावर हल्ला केला. त्यात मुठ तोंडावर बसून ते जखमी झाला. त्यानंतर झालेल्या झटापटीत कॉन्सी जखमी झाला आहे.

काणकोणचे आमदार विजय पै खोत हे भाजपाच्या जनसंपर्क यात्रेत अनुपस्थित होते. ते कॉंग्रेसमध्ये प्रवेश करण्याच्या तयारीत असल्याची जोरदार चर्चा सध्या चालू आहे. एक दोन दिवसांत कॉंग्रेसवासी होणार असल्याचेही बोलले जात आहे.

ख्रिस्तोफर फ्रान्सिस झेवियर (५६) वर्षीय आंगड-म्हापसा येथील इसमाने आपल्या राहत्या घरात गळफास लावून आत्महत्या केली.

मयताची पत्नी व मुलगी सायंकाळच्या वेळी घराबाहेर गेल्यावेळी ख्रिस्तोफर यांनी आपल्या बेडरूममधील फॅनला बेडशीटचा फास लावून आत्महत्या केली. सायंकाळी ७.३० वाजण्याच्या सुमारास पत्नी व मुलगी घरात आल्या असता आत्महत्येचा प्रकार उघडकीस आला.

आपली पत्नी तसेच घरमालकासह चार जणांना जीवंत गाडणार्‍या ३५ वर्षीय व्यक्तीस छत्तिसगढ पोलिसांनी काल अटक केली.

पर्वरी मतदारसंघातून भाजप पक्षातर्फे उमेदवारीसाठी इच्छुक असलेले उत्तर गोव्याचे भाजपचे खासदार श्रीपाद नाईक यांना केंद्रीय नेत्यांनी उमेदवारीस नकार दिला आहे. खासदार नाईक यांना पर्वरीतून उमेदवारी देण्यास एका स्थानिक गटाने विरोध दर्शवला होता. गेले कित्येक दिवस पर्वरीतून भाजपसाठी श्रीपाद नाईक यांचे नाव चर्चेत होते.

९२ व्या अ. भा. मराठी नाट्यसंमेलनात अमोल पालेकर यांचा सवाल

बालगंधर्वनगरी, सांगली (अजय बुवा यांजकडून)

भारतात एवढ्या कला असताना केवळ नाटक या माध्यमाला सेन्सॉरशीपच्या कात्रीत पकडून त्याची गळचेपी केली जात असून देशातील इतर कोणत्याही भाषेतील नाटकांस अशा सेन्सॉरशीपची भीती नसताना केवळ मराठी नाटकांबाबतच हा दुजाभाव का, असा सवाल ज्येष्ठ रंगकर्मी अमोल पालेकर यांनी काल सांगलीत ९२ व्या अखिल भारतीय मराठी नाट्यसंमेलनाच्या उद्घाटन सोहळ्यात केला. सेन्सॉरशीपसारखी बंधने आपण स्वीकारणे हे आपल्या कचखाऊ वृत्तीचे दर्शन घडवीत असून सर्व नाट्यकलावंतांनी अशा प्रकारच्या गळचेपीविरुद्ध एकजुटीने लढा देऊन सेन्सॉरशीपचा नियम रद्द करून घ्यावा, असे आवाहन त्यांनी यावेळी केले.

मये गट कॉंग्रेस पदाधिकार्‍यांचा इशारा

मये मतदारसंघात कॉंग्रेसचे कार्य गेली साडेचार वर्षे निष्ठेने करताना युवा नेते प्रवीण हरिष झांट्ये यांनी संघटना मजबूत करताना भक्कम स्थान निर्माण केले आहे, असे असताना कॉंग्रेसची उमेदवारी हा प्रवीण झांट्ये यांचाच हक्क असून पक्षश्रेष्ठीवर आमचा पूर्ण विश्‍वास असून झांट्येनाच उमेदवारी मिळायला हवी मात्र यदाकदाचित पक्षश्रेष्ठींनी दगाफटका करण्याचा प्रयत्न केल्यास गट समिती, सेवा दल समिती, महिला समिती बंडाचा पवित्रा घेणार असल्याची घोषणा मये कॉंग्रेस समितीच्या पदाधिकार्‍यांनी काल घेतलेल्या पत्रकार परिषदेत केली.

येत्या प्रजासत्ताक दिनानिमित्ताने दिल्लीत होणार्‍या संचलनात सहभागी होण्यासाठी गोव्याचा चित्ररथ दिल्लीत तयार होत असून त्यावर यंदा ‘किंग मोमो’ची प्रतिमा असणार आहे. ‘गोवा ः अ स्पेक्टॅकल ऑफ जॉय’ ही संकल्पना असलेला यंदाचा हा चित्ररथ गोमंतकीय जनतेचे उत्सवी रूप दाखविणार आहे. कला, संस्कृती, चित्रकला, शिल्पकला, संगीत, नृत्य आदी क्षेत्रांतील ६० कलाकारांनी गेला महिनाभर या चित्ररथाची तयारी चालवली असून पालम विमानतळाजवळच्या कँटोनमेंट विभागात त्याची निर्मिती केली जात आहे.

पेडण्यात पत्रकार परिषदेत इशारा

पेडणे मतदारसंघाची भाजपची उमेदवारी विठू मोरजकर यांना डावलल्यास त्याचे पक्षाला गंभीर परिणाम भोगावे लागतील असा इशारा पेडणे संघातील काही कार्यकर्त्यांनी पेडणे येथे घेतलेल्या पत्रकार परिषदेत काल दिला.

- रमेश सावईकर

राज्य विधानसभेची निवडणूक जवळ येत असल्याने राजकीय वातावरणात आणखी नवनवीन रंग भरू लागले आहेत. सत्ताधारी कॉंग्रेस पक्षात मुख्यमंत्रीपदाचे किमान पाच दावेदार असल्याने निवडणुकीनंतर आपल्याला पाठिंबा देणारे आमदार निवडून आणण्यासाठी हे दावेदार शर्थीचे प्रयत्न करतील. सत्ताधारी कॉंग्रेस पक्षांतर्गत वाढणारी संदोपसुंदी ही आपली जमेची बाजू ठरेल, अशा गोड समजूतीत विरोधी भारतीय जनता पक्षाचे नेते वावरत आहेत.

- अजय बुवा

शनिवार १४ जानेवारी व रविवार १५ जानेवारी हे दोन्ही दिवस रसिक गोवेकरांसाठी मंतरलेले व भारलेले होते. कलारसिक ‘गोंयकार’ दोन्ही दिवस शब्दालंकारांच्या झुल्यावर तन्मयतेने डोलला. एका बाजूला निरंतर येणार्‍या मांडवीच्या लाटा आणि दुसर्‍या बाजूला शेर-शायरीच्या आस्वादक लाटा.... एका बाजूला मदमस्त डोलणारी नारळाची झाडे तर दुसर्‍या बाजूला गझलीच्या प्रत्येक शब्दांना दाद देण्याकरिता डोलणार्‍या माना... सगळेच कसे विहंगम अन् मंत्रमुग्ध करणारे.... कारण होते सहावे अखिल भारतीय मराठी गझल संमेलन!

- राजय पवार

गझल आणि कोंकणी यांचा संबंध तसा खूप जुना नाही. तरीही कोंकणी भाषेच्या ‘नवायती’ बोलीत या काव्यप्रकाराच्या पहिल्यावहिल्या पावलाचा ठसा नजरेस पडतो. या बोलीतील ‘जिव्रा बजाय’ (१८३५) (म्हणजे प्रवचनांची वही) या भक्तिकाव्य संग्रहात ही कोंकणी आणि पर्शियन शब्दांनी नटलेली गझल वाचायला मिळते. या रचनेस कोंकणीच्या बोलीतील पहिली गझल म्हणता येईल. सदर गझलेत एक बाब लक्षात घेण्याजोगी वाटते, ती म्हणजे, या गझलेतील प्रत्येक मिसर्‍यात गझलकाराने अर्धा मिसरा कोंकणी आणि अर्धा पर्शियन भाषेतून लिहिला आहे. जाणीवपूर्वक केलेला हा प्रयोग लक्षात घेण्याजोगा आहे.

गोव्याच्या राजकारणाचे बदलते रंग गेली अनेक वर्षे जवळून पाहात आलेल्या श्रीपाद नाईकांना त्यासरशी स्वतःचे रंग बदलणे मात्र कधी जमले नाही. एक सभ्य, सज्जन असे हे व्यक्तिमत्त्व वेळोवेळी पक्षनेतृत्वाच्या आज्ञा निमूटपणे पाळत आले. वैयक्तिक महत्त्वाकांक्षेपेक्षा पक्ष मोठा या विचारसरणीवर ठाम विश्वास असलेल्या श्रीपादभाऊंनी व्यक्तिगत लाभांच्या संधींना प्राधान्य न देता आपल्या महत्त्वाकांक्षेला वेळोवेळी मुरड घातली आणि त्याविषयी नाराजीचा चकार शब्दही कधी काढला नाही. परंतु त्यांच्या या अशा स्वभावामुळे त्यांना पक्षनेतृत्वाने दर वेळी गृहित धरणे योग्य नव्हे हे भाजपाच्या केंद्रीय नेत्यांना आता तरी कळायला हवे. वास्तविक गेले काही महिने श्रीपाद यांनी स्थानिक राजकारणात सक्रिय व्हावे आणि दुखावलेल्या, दूर गेलेल्यांना पुन्हा जवळ आणावे अशी मागणी भाजपाच्या तळागाळातील कार्यकर्त्यांकडून होत होती. पक्षश्रेष्ठींनीही त्यांना स्थानिक राजकारणात उतरण्यास पूर्वी अनुकूलता दर्शविलेली होती. स्वतः श्रीपाद यांनी काही महिन्यांपूर्वी एका वृत्तवाहिनीस दिलेल्या मुलाखतीत पक्षश्रेष्ठींनी आपल्याला स्थानिक राजकारणात उतरण्यास हिरवा कंदील दर्शवलेला आहे, असे स्पष्टपणे सांगितले होते.

- राजेंद्र पां. केरकर

गोव्याला पक्ष्यांची वैविध्यपूर्ण आणि समृद्ध संपदा लाभलेली आहे. रुबी थ्रोटेड येलो बुलबूल या सुंदर पक्ष्याला राज्य पक्षी होण्याचा सन्मान लाभलेला आहे. उष्णकटिबंध प्रदेशातला स्वर्ग म्हणून ओळख असलेला गोवा पर्यटकांसाठी शेकडो वर्षांपासून जसा आकर्षण ठरलेला आहे, तसाच तो देशविदेशांतील पक्ष्यांसाठीही! शरद - हेमंत ऋतूचे आगमन झाले की विदेशातल्या पक्ष्यांचे गोव्यात आगमन होते. कोकण रेल्वेमार्ग अस्तित्वात येण्यापूर्वी तिसवाडीतील करमळी गावचे तळे बारामाही नानाविविध पक्ष्यांनी गजबजलेले असायचे. आजही देशाच्या वेगवेगळ्या प्रांतांबरोबर विदेशातल्या पाहुण्यांचे इथे आगमन होते.

- लाडोजी परब

धार्मिक आणि ऐतिहासिक परंपरांचा अमूल्य ठेवा गावांनी जपलाय. बर्‍याचदा रूढी आणि परंपरांमुळे गावांचे महत्त्व कमी झाल्याची टीका होते, पण या रूढी आणि परंपरांच्या पाठीमागे असलेल्या चांगल्या कल्पना, वागणूक, संस्कृती या महत्त्वाच्या बाबी विसरता येत नाहीत. गावाला शांतता लाभावी, सुख - समाधान लाभावे ही गावकर्‍यांची इच्छा त्यांच्या कृतीतून जेव्हा स्पष्ट होते तेव्हाच त्यांच्या परंपरांना एक वेगळा साज चढतो. अशीच एक धार्मिक परंपरा म्हणजे ‘गावपळण!’ कोकणात या धार्मिक परंपरेला अनन्यसाधारण महत्त्व आहे. त्यामागे असलेल्या काही गोष्टी अचंबित आणि संशोधन करण्यास भाग पाडणार्‍या आहेत.

गोव्याचाही समावेश

सुरक्षेच्या दृष्टीकोनातून किनारी राज्यांसाठी बनविण्यात आलेल्या स्मार्ट कार्ड योजनेअंतर्गत पहिल्या टप्प्यातील कार्डांचे वितरण आजपासून सरू होणार आहे. अंदमान येथे आयोजित कार्यक्रमात गृहमंत्री पी. चिदंबरम यांच्या हस्ते वितरणाचा शुभारंभ होईल.

राष्ट्रवादी कॉंग्रेसच्या गोवा प्रभारी भारती चव्हाण व प्रदेश राष्ट्रवादी कॉंग्रेसचे अध्यक्ष प्रा. सुरेंद्र सिरसाट यांच्यातील मतभेद पराकोटीला पोचले असून सिरसाट यांनी पक्षहित नजरेसमोर ठेऊन चव्हाण यांच्या कार्यपद्धतीमुळे निर्माण झालेल्या परिस्थितीचा अहवाल पक्षश्रेष्ठींना पाठविण्याचा निर्णय घेतला आहे.

दि. ३ मार्च रोजी होणार्‍या गोवा विधानसभा निवडणुकीच्या आचारसंहितेमुळे अबकारी खात्याला महसूल गोळा करण्याचे उद्दिष्ट पूर्ण करणे कठीण झाले आहे. त्यामुळे मोठ्या प्रमाणात महसूल बुडण्याची शक्यता आहे.

आयकर खात्याने वोडाफोन कंपनीला एका सौद्याचा २.२ अब्ज डॉलर्स कर भरण्याचे आदेश दिले होते. मुंबई उच्च न्यायालयाने हा आदेश उचलून धरला होता मात्र सुप्रीम कोर्टाने काल हा आदेश रद्दबातल ठरवला. त्याचबरोबर अंतरिम आदेशान्वये वोडाफोनला भरावे लागलेले २,५०० कोटी रु. आयकर खात्याने व्याजासकट दोन महिन्यांत परत करावेत तसेच बँक हमी म्हणून घेतलेले रु. ८,५०० कंपनीला परत करण्यात यावेत असे सुप्रीम कोर्टाने आपल्या आदेशात म्हटले आहे.

२६/११च्या मुंबईवरील दहशतवादी हल्ला प्रकरणी पाकिस्तानचे न्यायालयीन पथक फेब्रुवारीत भारत भेटीवर जाणार असल्याची माहिती पाकिस्तानचे गृहमंत्री रेहमान मलिक यांनी दिली आहे.

जयपूर साहित्य महोत्सवात आपण भाग घेणार नसल्याचे ‘बूकर’ विजेते साहित्यिक सलमान रश्दी यांनी काल जाहीर केले. आपल्या लेखनाबद्दल वादग्रस्त असलेले रश्दी यांच्या भारत भेटीस दारुल उलूम देवबंदने आक्षेप घेतला होता.

विहीरीत पडलेल्या एका जर्मन पर्यटकास म्हापसा अग्नीशामक दलाच्या जवानांनी जीवदान दिले.

- डॉ. राजीव कामत, खोर्ली - म्हापसा.

सध्या ‘संगीत’ या पवित्र क्षेत्राचे जोरात व्यापारीकरण चालू आहे. एकीकडे बोलताना हे क्षेत्र कसे पवित्र आहे, पैशांच्या पाठीमागे न धावता या क्षेत्रात पुष्कळ दिग्गजांनी कसे योगदान दिले आहे, केवळ पैसा हाच श्रेष्ठ नसून संगीताचा योग्य प्रसार होणे कसे गरजेचे आहे, यासारखी वक्तव्ये सतत ऐकिवात येतात. संगीत शिकवणारे शिक्षक (गुरू) यांचा पण संसार आहे व संसाराचे रहाटगाडगे चालवायचे म्हणजे पैसा हा असायलाच हवा. मी असे मुळीच म्हणत नाही की, संगीताचा प्रसार करताना पैशाचा विचारच व्हायला नको, पण माझे असे म्हणणे आहे की, हे सर्व करताना थोडे तरी तारतम्य बाळगायलाच हवे. सध्या संगीत प्रसाराच्या नावावर जे काही चालले आहे ते पाहिले की मनाला उबग येतो.

बांगलादेशातील शेख हसीना यांची राजवट उलथवून टाकण्याचे काही आजी - माजी लष्करी अधिकार्‍यांचे कटकारस्थान उधळले गेले हा केवळ त्या देशासाठीच नव्हे तर भारतासाठीही मोठा दिलासा आहे. बांगलादेशमध्ये स्थिरावलेली शेख हसीनांच्या अवामी लीगची राजवट भारताच्या दृष्टीने मित्रत्वाची ठरली आहे आणि दिवसेंदिवस दोन्ही देशांदरम्यानच्या विविध प्रलंबित प्रश्नांच्या सोडवणुकीच्या दिशेने भारत आणि बांगलादेश सरकार पावले टाकत आले आहे. अशा सौहार्दपूर्ण वाटचालीत मिठाचा खडा टाकणारा हा सत्तांतराचा कट उधळला गेला हे ठीकच झाले. बांगलादेशला लष्करी कटकारस्थाने काही नवी नाहीत. त्याच्या स्थापनेपासून आजतागायत सातत्याने अशी बंडाळी होत आली आहे. खुद्द शेख हसीना यांनी त्याची दाहकता अत्यंत जवळून अनुभवली आहे. त्यांचे पिता आणि बांगलादेशचे थोर नेते शेख मुजिबूर रेहमान यांची अशाच एका लष्करी कटकारस्थानाअंती कुटुंबातील सदस्यांसह निर्घृण हत्या करण्यात आली, तेव्हा त्यांच्या कन्या शेख हसीना आणि शेख रेहाना या जर्मनीत असल्यानेच वाचू शकल्या होत्या. २००८ मधील सार्वत्रिक निवडणुकीअंती शेख हसीनांच्या हाती देशाची सत्तासूत्रे आली, तरीही त्यांच्याविरुद्ध बंडाचे प्रयत्न झाले.

राष्ट्रकुल स्पर्धा घोटाळ्यातील आरोपी व त्या स्पर्धांच्या आयोजन समितीचे माजी अध्यक्ष सुरेश कलमाडी यांना काल जामीन मंजूर झाला. पाच लाख रुपयांच्या हमीच्या बदल्यात त्यांना जामीन मिळाला आहे. स्पर्धेच्या आयोजन समितीचे माजी महासंचालक व्ही. के. वर्मा यांनाही न्यायालयाने जामीन दिला. दोघांनाही न्यायालयाच्या पूर्वपरवानगीविना देशाबाहेर जाण्यास मज्जाव करण्यात आला आहे.

अबकारी खात्याचे ठिकठिकाणी छापे

अबकारी खात्याने काल गोव्यातील विविध भागात छापे मारून ११४९ बल्क लिटर्स एवढी दारू जप्त केली. जप्त केलेल्या दारूची किमत १०५५९० रु. एवढी असल्याचे येथील अबकारी खात्यातील सहाय्यक आयुक्त दीपाली नाईक यांनी माहिती देताना सांगितले.

उत्तर गोव्यात ५८३ बल्क लिटर एवढी दारू पकडण्यात आलेली असून त्याची किंमत ५४५९० रु. तर दक्षिण गोव्यात ५६५ बल्क लिटर एवढी दारू पकडण्यात आलेली असून ५१००० रु. असल्याची माहिती नाईक यांनी दिली.

कॉंग्रेस उमेदवार निवडीची प्रक्रिया अंतिम टप्प्यात असून यावेळी बहुतेक नव्या चेहर्‍यांना संधी मिळेल, असे कॉंग्रेसच्या प्रचार समितीचे प्रमुख मावीन गदिन्हो यांनी सांगितले.

भारताचे मुख्य निवडणूक आयुक्त एस. वाय. कुरेशी यांच्या नेतृत्वाखालील पथकांची दि. २३ रोजीची गोवा भेट रद्द झाल्याचे वृत्त आहे.

येथील मुख्य निवडणूक अधिकारी कुमारस्वामी पत्रकारांना माहिती देण्यास टाळत असल्याने पत्रकारांनी दि. २३ रोजी कुरेशी यांच्या निदर्शनास वरील प्रकार आणून देण्याची तयारी केली होती.

इटलीजवळ बुडालेल्या ‘कॉस्ता कॉंकोर्डिया’ या जहाजावरील १० गोमंतकीय कर्मचार्‍यांपैकी सहाजण काल सुखरूप गोव्यात परतले. या जहाजावरील बारा भारतीयांची पहिली तुकडी काल मायदेशी परतली. त्यामध्ये सहाजण गोमंतकीय आहेत.

एकास अटक

सिमेर, कांदोळी येथे एका महिलेला घरात एकटी असल्याची संधी साधून तिघा अज्ञात चोरट्यांनी सुर्‍याचा धाक दाखवून जवळ जवळ दीड लाख रुपयांना लुटले. याप्रकरणी एकास अटक केली आहे. कळंगुट पोलिसांकडून मिळालेल्या माहितीनुसार सदर घटना बुधवारी संध्याकाळी ४.३० वाजता घडली. सिमेर, कांदोळी येथे मिलाग्रीन ब्रागांझा (४५) ही महिला आपल्या घरात एकटीच होती, ती साधून तिघां अज्ञात चोरट्यांनी अचानक घरात प्रवेश केला.

छायाचित्रणाच्या क्षेत्रात जगविख्यात असलेली अमेरिकी कंपनी ईस्टमन कोडॅक दिवाळखोरीच्या उंबरठ्यावर उभी असून काल त्यासंदर्भात प्रक्रिया सुरू करण्यात आली. कंपनीचे सीईओ आंतोनियो पेरेझ यांनी यासंदर्भातील घोषणा केली. शतकाहून अधिक काळाचा इतिहास असलेल्या कोडॅक कंपनीने छायाचित्रण कला जनसामान्यांपर्यंत नेण्यात फार मोठे योगदान दिले. मात्र, आजच्या डिजिटल छायाचित्रणाच्या युगात कंपनीला तीव्र स्पर्धेला तोंड द्यावे लागत असून सातत्याने तोटा सोसावा लागत आहे. सन २००३ पासून आजवर कंपनीला आपली तेरा उत्पादन केंद्रे बंद करावी लागली व ४७ हजार कर्मचार्‍यांना घरी पाठवणे भाग पडले.

- श्रीकांत कासकर

माणसाचे अस्तित्व त्याच्या निघून जाण्याने अधिकच गहिरे होत जाते. त्याच्या आठवणी, त्याचा सहवास, त्याचे व्यक्तीमत्व पावलोपावली खुणावत राहते. जसजसे दिवस उलटू लागतात, तसतसे दुःख आठवणींचा थेंब बनूनच राहते. नरेंद्रच्या बाबतीतही तसेच! त्याच्या जाण्याने आमच्यातील दीर्घकालीन मैत्रीचे मोरपीस गळून पडले. सेंट झेव्हियर कॉलेजमध्ये असल्यापासून त्याच्या व सावंतवाडीच्या कॉलेजमध्ये असल्यापासून माझ्या वाड्‌मयीन चळवळी चालू असायच्या. त्यातूनच आम्ही खूप जवळ आलो. नरेंद्र आणि अवधुत कुडतरकर यांनी म्हापशात ‘नवोदितांची कोरी पाटी’ नावाखाली पहिलेच (व शेवटचेही!) मराठी व कोंकणी कविसंमेलन भरविले होते. त्यात आजचे आघाडीचे पुंडलिक नाईक, हेमा धुमटकर, प्रकाश पाडगावकर, बा. सा. पवार, सीताराम शेट्ये आदी सहभागी झाले होते. गोव्यातील वाड्‌मयीन चळवळीचा हा प्रारंभ होता. गोव्यातील नंतरच्या वाड्‌मयीन चळवळीची, निर्मितीची बीजे या संमेलनातच रूजली होती. आज ही पाटी कोरी राहिलेली नाही, त्याचे बरेचसे श्रेय नरेंद्रकडेच जाते. स्वतः घडत जाणे आणि दुसर्‍याला घडवत जाणे या सततच्या प्रक्रियेत तो गुंतत गेला. संवेदनाच्या तळाशी उत्खननाला सिद्ध व्हावे तसे त्याच्या कवितेतील शब्द अस्वस्थ करून ठेवतात, तेव्हा व्याकुळता अनावर होते.

हिंदी चित्रपटसृष्टीचे सुवर्णयुग गणल्या गेलेल्या चाळीस ते साठच्या दशकातील एकाहून एक मधुर गीतांच्या सुरावटींमध्ये ज्यांनी खरा रंग भरला, ते गोमंतकीय संगीत संयोजक अँथनी गोन्साल्वीस नुकतेच आपल्याला सोडून गेले. हिंदी चित्रपटसृष्टीला रामराम ठोकून अमेरिकेत एका विद्यापीठाच्या शिष्यवृत्तीवर गेलेले गोन्साल्वीस भारतात परतल्यानंतर पुन्हा हिंदी चित्रपटसृष्टीकडे वळले नाहीत आणि मतलबी चित्रसृष्टीनेही त्यांचा शोध घेण्याचा कधी प्रयत्न केला नाही. त्यामुळे उर्वरित कालखंड त्यांनी आपल्या माजोर्ड्याच्या घरामध्ये विविध व्याधींशी सामना करीत कठीण परिस्थितीत घालवला. नाही म्हणायला श्रीकांत जोशींसारख्या रसिकाने गोन्साल्वीस यांच्या कर्तृत्वाची उंची ठाऊक असल्याने ‘अँथनी गोन्साल्वीस ः दि म्यूझिक लिजंड’ या लघुपटाची निर्मिती करून त्यांची ओळख नव्या पिढीला घडवण्याचे मौलिक कार्य केले आणि त्यांच्या आयुष्याच्या उत्तरार्धात त्यांना जमेल तेवढी साथ दिली. बाकी अँथनींच्या वाट्याला आली ती केवळ उपेक्षाच. आज नानाविध प्रगत सॉफ्टवेअरच्या जमान्यात संगीत संयोजकांची गरज चित्रपटसृष्टीला उरलेली नाही, परंतु एक काळ असा होता, जेव्हा अरेंजरविना चित्रपटसृष्टीचे पान हलत नसे.

संगीतकार अँथनी गोन्साल्विस यांचे काल दीर्घ आजारानंतर निधन झाले. ते ८४ वर्षांचे होते. त्यांच्या पश्‍चात मुलगा किरण व मुलगी लक्ष्मी आहे. ते माजोर्डा येथे राहत होते.

हिंदी चित्रपटाच्या सुवर्णकाळात त्यांनी अनेक गीतांना संगीत दिले होते. लक्ष्मीकांत प्यारेलाल या प्रसिद्ध संगीतकार जोडीपैकी प्यारेलाल यांनी अँथनी यांच्याकडूनच व्हायोलिन शिकले होते.

राज्य विधानसभा निवडणुकीसाठीची आचारसंहिता लागू झाल्यानंतर मागची तारीख घालून विविध सरकारी खात्यांत नोकर्‍यांसाठीची नियुक्तीपत्रे काढण्यात आल्याचा आरोप खोटा व निराधार असल्याचे गोव्याचे मुख्य सचिव संजय श्रीवास्तव यांनी काल सांगितले.

राज्य निवडणूक आयोग कार्यालयातील मुख्य निवडणूक अधिकारी कुमार स्वामी यांनी काल पत्रकारांना आयोगाकडे आलेल्या तक्रारींसंबंधीची माहिती न दिल्याच्या निषेधार्थ पत्रकारांनी आयोगाच्या आल्तिनो येथील कार्यालयात धरणे धरून घोषणा दिल्या.

पोरस्कडे पेडणे राष्ट्रीय महामार्ग क्र. १७ रस्त्यावर हिरोहोंडा मोटरसायकलची धडक बसून अनंत बाळा हळदणकर (६०) ठार झाले तर मोटरसायकलस्वार किशोर जाधव व पांडुरंग महाले हे दोघेजण जखमी झाले.

निवडणूक आयुक्तांनी मायावतीना फटकारले

मायावतीने निवडणूक आयोगाच्या निर्णयांवर टीका करताना विचार करून बोलावे, असे मुख्य निवडणूक आयुक्त एस. वाय. कुरेशी यांनी कडक शब्दात काल सुनावले. एका पक्षाची निशाणी असलेले हत्तीचे पुतळे मोठे आहेत व ते सुंदर दिसतात म्हणून झाकायचे नाहीत काय असा प्रश्‍न त्यांनी केेला.

अमेरिकेच्या संसदेत सादर करण्यात आलेल्या पायरसीविरोधी विधेयकांच्या निषेधार्थ जगातील बहुसंख्य लोकांकडून भेट दिले जाणारे ऑनलाईन माहितीकोश असलेले ‘विकिपिडीया’ हे संकेतस्थळ २४ तासांसाठी बंद ठेवण्यात आले. या कायद्यांमुळे संकेतस्थळांवर निर्बंध येणार असून भाषण स्वातंत्र्याच्या गळचेपी होणार असल्याचा आरोप ‘विकिपिडी’याने केला आहे.

आपल्याच शाळेतील विद्यार्थिनीवर बलात्कार केल्याचा आरोप दाखल करण्यात आलेला शिक्षक कन्हैय्या नाईक याला काल बाल न्यायालयाने अटक पूर्व जामीन नामंजूर केला, त्यानंतर रात्री उशीरा पोलिसांनी त्याला अटक केली.

- शंभू भाऊ बांदेकर

मराठी साहित्यात विनोदाचे आद्यपीठ श्रीपाद कृष्ण कोल्हटकर यांनी प्रथम स्थापन केले, असे इतिहास सांगतो. असे हे कोल्हटकर आपल्या विनोदी लेखनाबद्दल म्हणत कीं, ‘मला हास्यरसा इतकाच करूणरस आवडतो. पण मजकडून करूणरसात्मक लेखनाच्या मानाने हास्यरसात्मक लेखनच अधिक झाले आहे’. ही गोष्ट मात्र खरी. पुढे सांगावयाचे म्हणजे, ‘कथानक तयार करताना मी आधी वर्ष-वर्ष त्यात घालवित असतो. मात्र लेखन सुरू करण्यापूर्वीचे दोन-तीन महिने ते कथानक डोक्यात इतके घोळत राहते कीं, तद्विषयक विचारांचा भार शेवटी असह्य होऊनच लेखनास सुरूवात होते.

निवडणूक आयोगाच्या मान्यतेच्या नव्या निकषांमुळे अस्तित्वाचे संकट उभे राहिलेल्या महाराष्ट्रवादी गोमंतक पक्षापुढे आता युतीशिवाय पर्याय उरलेला नाही. स्वतःची मतसंख्या निवडणूक आयोगाच्या निकषांना उतरवायची असेल तर युतीद्वारे अधिकाधिक जागा लढवूनच ती वाढवता येणे शक्य आहे. कॉंग्रेससोबत पाच वर्षे सत्तासोबत केल्यानंतर तो पक्ष सर्वांत भ्रष्टाचारी असल्याचा साक्षात्कार मगो नेत्यांना आता निवडणूक तोंडावर असताना घडला. पण असा साक्षात्कार घडूनही या मंडळींनी शेवटच्या क्षणापर्यंत कॉंग्रेसशी पुन्हा युती करण्यासंदर्भात बोलणी का सुरू ठेवली होती या प्रश्नाचे उत्तर कोण देणार? संधिसाधूपणा हेच मगो पक्षाचे तत्त्व उरले आहे की काय? या संधिसाधूपणानेच तर मगोचे अस्तित्व जवळजवळ संपवले. गोवा मुक्तीनंतर या प्रदेशाच्या जडणघडणीचा पाया ज्या पक्षाने आणि त्याच्या द्रष्ट्या नेत्यांनी रचला, त्या पक्षाची आधी कॉंग्रेसने आणि नंतर भाजपाने वाताहत केली. ही वाताहत करण्यात वरील दोन्ही पक्षांचा जेवढा वाटा होता, त्याहून अधिक पक्षातून वेळोवेळी फुटून निघालेल्या नेत्यांचा होता.

साखळी पालिकेवर रियाज खान यांची नगराध्यक्ष म्हणून नियुक्ती झाली. निर्वाचन अधिकारी म्हणून अजित पंचवाडकर तर निवडणूक अधिकारी म्हणून पालिकेचे मुख्याधिकारी शशांक ठाकूर उपस्थित होते. त्याचप्रमाणे उपनगराध्यक्ष ब्रह्मानंद देसाई, नगरसेवक प्रा. सुनिता वेरेकर, दिलीप देसाई, आनंद नाईक, आरती नाईक, यशवंत माडकर, लक्ष्मण देसाई, पूजा डांगी हे नगरसेवक उपस्थित होते.

प्रियोळचे आमदार दीपक ढवळीकर यांनी काल कदंब महामंडळाच्या अध्यक्षपदाचा राजीनामा सादर केला.

कदंब महामंडळ हे सरकारने आपत्कालीन म्हणून जाहीर करावे, अशी मागणी ढवळीकर यांनी केली आहे. महामंडळाच्या कारभारात सुधारणा करण्यासाठी आपण बरेच प्रयत्न केले. परंतु ते फायद्यात येऊ शकत नाही.

छोट्या छोट्या भेगा पडल्याने वाहतुकीसाठी धोकादायक ठरलेल्या जुवारी पुलाच्या डागडुजीचे काम विधानसभा निवडणूक आचार संहितेमुळे अडून पडले असल्याची माहिती सार्वजनिक बांधकाम खात्यातील सूत्रांनी दिली.

सुप्रीम कोर्टात सरकारकडून ‘कॅव्हिएट’

जन्मवर्ष बदलण्यास संरक्षण मंत्रालयाने नकार दर्शविल्यानंतर लष्कर प्रमुख जनरल व्ही. के. सिंग यांनी परवा सरकारविरुद्ध सुप्रीम कोर्टात याचिका दाखल केली होती. त्यानंतर काल केंद्र सरकारने लष्कर प्रमुखांबाबत कोणताही निर्णय देण्याआधी आपले म्हणणे ऐकून घ्यावे यासाठी सर्वोच्च न्यायालयात ‘कॅव्हिएट’ सादर केले आहे.

मुंबईत १९९३ साली झालेल्या बॉम्बस्फोट मालिकेतील आरोपी व कुख्यात गुंड अबू सालेम याचे भारतातील हस्तांतर रद्द करण्याच्या लिस्बन येथील न्यायालयाच्या आदेशाविरुद्ध भारत सरकारने दाखल केलेली याचिका फेटाळली गेली आहे. त्यामुळे अबू सालेमला पोर्तुगालच्या हवाली करावे लागणार आहे. पोर्तुगालच्या सर्वोच्च न्यायालयाने भारत सरकारची ही याचिका फेटाळली.

होऊ घातलेल्या गोवा विधानसभा निवडणुकीसाठीची अचारसंहिता लागू झालेली असली तरी दरवर्षी सरकारतर्फे राज्यात आयोजित करण्यात येणारा कार्निव्हल व शिमगोत्सव आयोजित करण्यास आपणाला परवानगी द्यावी अशी मागणी करणारी दोन वेगवेगळी पत्रे (एक कार्निव्हल व दुसरे शिमगोत्सवासाठीचे) सात-आठ दिवसांपूर्वीच पर्यटन खात्याने राज्य निवडणूक आयोगाला पाठवली असल्याचे पर्यटन संचालक स्वप्नील नाईक यांनी काल या प्रतिनिधीशी बोलताना सांगितले.

भारतीय विमान वाहतूक क्षेत्रात ४९ टक्के थेट विदेशी गुंतवणुकीस मान्यता देण्याचा प्रस्ताव खाते तयार करणार असल्याचे नागरी विमान वाहतूक मंत्री अजित सिंग यांनी काल सांगितले. काल हवाई वाहतूक मंत्री व अर्थमंत्री प्रणव मुखर्जी यांच्यात झालेल्या बैठकीत एअर इंडिया कर्मचार्‍यांच्या पगाराची थकबाकी अदा करण्यासाठी १५० कोटी रु. मंजूर करण्याचे ठरविण्यात आले.

- दिलीप बोरकर

गोवा कला अकादमीच्या यंदाच्या नाट्यस्पर्धेत म्हणे फक्त चारच प्रवेशिका आलेल्या आहेत. कला अकादमीची कोकणी नाट्यस्पर्धा असो वा मराठी असो, कमीत कमी पाच प्रवेशिका स्पर्धेसाठी आल्या तरच ती स्पर्धा घेतली जाण्याचा नियम कला अकादमी राबवीत असते. त्याच्या मागील कारण म्हणजे स्पर्धेतील नाटकांतून पहिल्या तीन क्रमांकाच्या नाटकांची निवड करण्यासाठी परीक्षकांना वाव मिळायला हवा. पाच प्रवेशिका म्हणजे स्पर्धेचा निकष नसला तरी त्या पाच नाटकांतून त्यातल्या त्यात तीन नाटके निवडण्याची संधी परीक्षकांना लाभते. स्पर्धेसाठी सादर करण्यात आलेल्या पाच नाटकांतील इतर दोन नाटकांना उत्तेजनार्थ बक्षीस दिले गेले नाही तरी चालते. निदान पहिला, दुसरा आणि तिसरा क्रमांक निवडायला मिळाला तरी पुरेसा असतो. त्यामुळे कला अकादमीचा कार्यभाग अनायासाने उरकणे शक्य होऊन जाते.

एकीकडे पाकिस्तानचे लष्करप्रमुख राजकीय महत्त्वाकांक्षेने एकेक पाऊल पुढे टाकत असताना दुसरीकडे भारतात आपले लष्करप्रमुख व्ही. के. सिंग यांनी सरकारलाच न्यायालयात खेचले. लष्करप्रमुखाने सरकारलाच न्यायालयात खेचण्याची ही आगळीक वैयक्तिक कारणाखाली जरी असली, तरी त्याचे दूरगामी पडसाद उमटणे आता अटळ आहे. मुख्यतः नवे लष्करप्रमुख होऊ इच्छिणार्‍या ज्येष्ठ अधिकार्‍यांना या संघर्षाचा फटका बसणार आहे. श्री. सिंग यावर्षी ३१ मे रोजी निवृत्त झाले तर ईस्टर्न कमांडचे ले. जन. विक्रमसिंग हे भावी लष्करप्रमुख होतील. सिंग पुढील वर्षी निवृत्त होत असतील तर मात्र ले. जन. के. टी. पटनाईक हे लष्करप्रमुख होतील आणि या वर्षी ३१ मे च्या पूर्वीच जर सिंग यांनी निवृत्ती घेतली, तर ले. जन. शंकर घोष हे लष्करप्रमुख होतील. लष्करप्रमुखाचा कार्यकाल ३ वर्षे किंवा वयाची ६२ वर्षे यापैकी जे आधी असेल तिथपर्यंत असतो. त्यामुळे हा केवळ सरकार आणि लष्करप्रमुख यांच्यातील संघर्ष नाही. न्यायालयीन खटलेबाजीचे एक चक्रच यातून निर्माण होऊ शकते आणि तसे घडले तर ते भविष्यात धोकादायक ठरू शकते.

- डॉ. सीताकांत घाणेकर

हजारो वर्षांपासून शास्त्रकार सांगतात - ‘सत्य म्हणजे ईश्‍वर’. प्रत्येक मानवामध्ये देवत्व आहे. असे असताना देखील काही मानव देवत्वाकडे न वळता असे वागतात की त्यांना दानवच म्हणावे लागेल. काहीजण जन्मतःच तसे असतात. ते कसेही वागले तरी आश्‍चर्य वाटत नाही. पण सज्जन माणसे जेव्हा सत्याकडे पाठ फिरवतात तेव्हा मानवाची अधोगती निश्‍चित ठरलेली असते. सर्वनाशाची ती नांदी असते.

- प्रा. रमेश सप्रे

ते वाक्य ऐकून अंगावर आकाशातून वीज कोसळावी तशी त्यांची अवस्था झाली. एका देव व गुरू यांच्यावर पूर्ण श्रद्धा व विज्ञानावर विश्वास असलेल्या व्यक्तीकडून तसं काही ऐकावं लागेल अशी त्यांना कल्पना नव्हती. एक प्रकारचा वज्राघातच होता तो!

असं काय घडलं होतं? घडलं फार विशेष असं काही नव्हतं. एक दुसरी-तिसरीत असलेली छोटीशी मुलगी शाळेत जायला भीत होती. नव्हे जातच नव्हती. बळजबरीनं नेलं तर पांढरी फटक पडत होती. जवळजवळ बेशुद्धच. एवढी कसली भीती वाटली होती किंवा वाटत होती तिला. ती तर काही बोलायलाच तयार नव्हती. आईवडलांना खूपच काळजी लागून राहिली होती. एकुलती एक पोर ही.. कसं होणार हिचं...नि आमचंही! तसे प्रयत्न काही कमी केले नव्हते तिला शाळेत नेण्याचे. निरनिराळी आमिषं दाखवली होती. बक्षिसं देण्याची आशा दाखवली होती. धाकदपटशासुद्धा वापरून झाला होता. पण ही ढिम्म... कश्शीच शाळेत जात नव्हती. अन् घरीही काहीही हालचाल न करता, व्यवस्थित न खाता-पिता शून्यात पाहत बसत होती. शरीर म्हणजे नुसता हाडांचा सांगाडा झाला होता. आधीच अशक्त, त्यात ही अवस्था! परिस्थिती तशी बिकटच होती. पुरेशी गंभीर होती.

वेर्णा महामार्गावरील महिंद्रा शोरुमसमोर करीझ्मा मोटरसायकलची मारुती व्हॅनला धडक बसून मोटरसायकलचालक लॉयलावाडो - उतोर्डा येथील युवक सेनफोर्ड नेल्सन परेरा (२१) ठार झाला.

ठराविक लोकांच्या हातात असलेली सत्ता काढून घेण्याच्या व कॉंग्रेसला शह देण्याच्या हेतूने ३ मार्च रोजी होणार्‍या गोवा विधानसभा निवडणुकीत आघाडी स्थापन करून सात मतदारसंघांतून वेगवेगळे उमेदवार उभे करण्याचा विचार सुरू असून पुढील दोन दिवसांत संबंधितांची एक बैठकही आयोजित केल्याचे समजते.

राष्ट्रपती असिफ अली झरदारी यांच्याविरुद्ध भ्रष्टाचार प्रकरणी कारवाईस मान्यता न दिल्याप्रश्‍नी, पाकिस्तानचे पंतप्रधान युसूफ रझा गिलानी यांना पाकिस्तानच्या सुप्रीम कोर्टाने काल अवमान नोटीस जारी केली. गिलानी यांना दि. १९ रोजी व्यक्तीश: सादर होण्याचे आदेशही कोर्टाने दिले. दरम्यान, या आदेशानंतर पंतप्रधान गिलानी यांनी पद सोडण्याची तयारी दाखवली आहे.

पंजाब विधानसभेची निवडणूक जाहीर झाल्यापासून राज्यात २४ कोटींची रोकड जप्त करण्यात आली आहे अशी माहिती राज्याच्या मुख्य निवडणूक अधिकार्‍यांनी काल दिली. ही सुमारे तेवीस कोटी सात लाख रुपयांची रोख रक्कम जप्त करण्यात आली असून आयकर खात्याला अधिक चौकशी करण्यास सांगण्यात आले आहे.

भाजपच्या जनसंपर्क अभियानचा काल सकाळी पणजीतून शुभारंभ झाला. भाजपचे ज्येष्ठ नेते व राज्यसभेतील विरोधी पक्ष नेते अरुण जेटली यांनी बावटा दाखवून यात्रेचा शुभारंभ केला.

यात्रेसाठी खास सजवलेल्या गाडीतून नंतर विरोधी पक्ष नेते मनोहर पर्रीकर व उत्तर गोव्याचे खासदार श्रीपाद नाईक, भाजपचे प्रदेश अध्यक्ष लक्ष्मीकांत पार्सेकर व पैंगीणचे आमदार रमेश तवडकर यांनी वरील गाडीतून जनसंपर्क अभियानसाठी प्रयाण केले.

गोवा डेअरीच्या संचालक मंडळाच्या निवडणुकीत विद्यमान अध्यक्ष माधव सहकारी यांच्या नेतृत्वाखालील पॅनलचा पराभव झाला तर श्रीकांत नाईक यांचे पॅनल विजयी झाले. सहकारी गटाचे ५ तर नाईक गटाचे ७ संचालक निवडून आले. मतमोजणी काल सकाळी मडगाव येथील सहकारी सोसायटीच्या प्रबंधकाच्या कचेरीत झाली.

- चंद्रकांत रामा गावस

३६ वे अखिल भारतीय साने गुरुजी कथामाला अधिवेशन मुळगाव डिचोली येथे २६-२७ डिसेंबर २००३ रोजी भरले होते. पहिल्या दिवसाची रम्य संध्याकाळ. अधिवेशनाचा उद्घाटन समारंभ संपन्न होत होता. साने गुरुजींची खरा तो एकचि धर्म, जगाला प्रेम अर्पावे’ ही प्रार्थना एक निवृत्त शिक्षक व गोवा प्रदेश साने गुरुजी कथामालेचे संघटक आपल्या सुरेल स्वरात, मुलांत मूल बनून म्हणत होते. त्यांच्यामागून अधिवेशनात सहभागी झालेली शेकडो मुले त्यांच्या सुरांत सूर मिसळून गात होती. सर्वत्र आनंददायी व मंगलमय वातावरण निर्माण झाले होते. ते गीतकार होते ‘अरविंद रामचंद्र नेवगी’. डिचोली गावचे रहिवासी.

देशातील पहिल्यावहिल्या महिला प्रेस फोटोग्राफर पद्मविभूषण होमी व्यारावाला यांच्या निधनाच्या वृत्ताला राष्ट्रीय दैनिकांत कोठे तरी कोपर्‍यात जागा मिळाली असेल, परंतु या नावाशी या देशाच्या इतिहासातील एक संस्मरणीय पर्व जोडले गेलेले आहे हे विसरता येणार नाही. देशाच्या स्वातंत्र्यापासून नवभारताच्या उभारणीपर्यंतच्या त्या भारलेल्या कालखंडाच्या साक्षीदार असलेल्या होमींनी आपल्या व्यवसायाच्या निमित्ताने का होईना, ते सारे ऐतिहासिक क्षण आपल्या कॅमेर्‍यात अमर केले आणि आज आपल्यासाठी तो सारा ठेवा पाहण्या, अनुभवण्यास उपलब्ध झाला आहे. एक स्त्री असूनही प्रेस फोटोग्राफीसारख्या अत्यंत धावपळीच्या आणि जिकिरीच्या व्यवसायात उतरण्याचे धाडस दाखवणार्‍या होमींनी त्या छायाचित्रणकलेशी नेहमीच निष्ठा राखली. त्यांनी टिपलेल्या हजारो छायाचित्रांमध्ये केवळ इतिहास टिपला गेला आहे असे नव्हे, तर त्यामध्ये कमालीची कलात्मकताही दिसून येते हा होमींच्या छायाचित्रणाचा विशेष आहे. आपण पोटासाठी छायाचित्रणाकडे वळले, परंतु आता पन्नास वर्षांनंतर आपण केलेल्या कामाचे मोल कळते असे त्या म्हणत, परंतु ज्या निष्ठेने आणि झोकून देऊन त्यांनी हे सारे क्षण टिपले, त्याला तोड नाही.

गझल संमेलनाचा समारोप

मराठी गझलच्या प्रचारासाठी एकटा भीमराव पांचाळे पूरा पडणार नाही, गझल लिहिणारे खूप आहेत, मात्र गझल गायकांची परंपरा निर्माण व्हायला हवी, असे मत काल अ. भा. मराठी गझल संमेलनाच्या समारोप सोहळ्यात ‘गझल सागर’चे गझल नवाज भीमराव पांचाळे यांनी व्यक्त केले. कला अकादमीत आयोजित दोन दिवसीय ६व्या अ. भा. मराठी गझल संमेलनाच्या समारोप प्रसंगी ते बोलत होते.

कॉंग्रेस व राष्ट्रवादी कॉंग्रेस यांच्यातील युतीबाबतची पुढील बैठक आता उद्या मंगळवार दि. १७ किंवा परवा १८ रोजी होणार असल्याचे सूत्रांनी सांगितले.

राष्ट्रवादीला सोडायच्या पाच मतदारसंघाबाबत यापूर्वीच एकमत झालेले असून अन्य दोन किंवा तीन मतदारसंघाबाबत वरील बैठकीत चर्चा होणार आहे. राष्ट्रवादीने आठ जागांची मागणी केलेली असली तरी शेवटी सात जागांवर दोन्ही पक्षात समझोता होण्याची शक्यता दोन्ही पक्षातील सूत्रांनी व्यक्त केली आहे.

पोळे येथे इनोवा कार आणि दुचाकी यांच्यात झालेल्या अपघातात मारो येथील श्री निराकार विद्यालयाचे निवृत्त शिक्षक मंगलदास लोलयेकर (७०) यांना अपघाती मरण आले. १५ रोजी माड्डीतळप लोलये येथील स्मशानभूमीत त्यांच्यावर अंतिम संस्कार करण्यात आले. या अपघाताला कारणीभूत ठरलेल्या कारचालक अजरत अली याला काणकोणच्या पोलिसांनी वाहनासहित ताब्यात घेतले आहे.

रेस्टॉरंट, ६ दुचाकींनाही आग; घातपाताचा संशय

कोलवा पोलीस स्टेशनजवळ असलेल्या शोकाज या सुपर मार्केटला काल पहाटे आग लागून ते पूर्ण जळून गेले. या आगीत ३५ ते ४० लाख रुपयांची हानी झाली.

दक्षिण गोवा जिल्हा कॉंग्रेस समितीचे उपाध्यक्ष फ्रेंकी उर्फ फ्रांसिस्क सिक्वेरा यांच्या मालकीचे असून राजकीय वैमनस्यातून आग लावण्याचे घातपाती कृत्य असल्याचा दावा फ्रेंकी यांनी केला आहे. दरम्यान, या घटनेबरोबरच कोलवा व बाणावली येथे आणखी सहा गाड्यांना आग लावण्याच्या किरकोळ घटना घडल्या आहेत.

चिन्मय मिशनच्या पणजी केंद्रातर्फे सोमवार दि. १६ जानेवारीपासून पणजी जिमखाना मैदानावर हिंदीतून श्री हनुमान चालीसा महाज्ञान यज्ञाचे आयोजन करण्यात आले असल्याचे चिन्मय मिशन - पणजीचे अध्यक्ष श्रीनिवास धेंपो यांनी काल पत्रकार परिषदेत सांगितले.

अजमेर एर्नाकुलम या कोकणे रेल्वे मार्गावरून धावणार्‍या मरूसागर या जलद गाडीच्या वातानुकूलित यंत्रणेला आग लागल्याने गाडी पाझरखणी येथे थांबवून आग विझवावी लागली. त्यात सुदैवाने कोणाही प्रवाशाला इजा पोहचली नाही. गाडीचे मात्र थोडे नुकसान झाले. गाडीच्या ४ व ३ या डब्यामधील वीज वाहिनीच्या रबराच्या पट्ट्यास आग लागून सर्वत्र आगीच्या ठिणग्या व धूर येऊ लागताच प्रवाशांनी रेल्वे अधिकार्‍यांच्या निदर्शनास आणून दिले.

काल पत्रकार परिषदेत बोलत असताना बाबा रामदेव यांच्या तोंडावर एकाने काळी शाई फेकून मारली. शाई फेकणार्‍यास रामदेव यांच्या समर्थकांनी चोप देऊन नंतर पोलीसांच्या स्वाधीन केले. रामदेव यांनी काल नवी दिल्लीच्या कॉन्स्टिट्यूशनल क्लबमध्ये भ्रष्टाचार व काळे धन याविषयी पत्रकार परिषद बोलावली होती. यावेळी हा प्रकार घडला. ‘आपण असे काय केले ज्यासाठी हे लाभले’ अशी प्रतिक्रिया नंतर रामदेव यांनी दिली.

शिवसेनेच्या गोवाराज्य प्रमुखपदी रमेश नाईक यांची नियुक्ती करण्यात आली आहे. ते आतापर्यंत अस्थायी समितीच्या अध्यक्षपदी होते.

शिवसेनेचे कार्यकारी अध्यक्ष उद्धव ठाकरे यांच्या आदेशान्वये जाहीर झालेले गोवा राज्य कार्यकारिणीतील अन्य पदाधिकारी पुढीलप्रमाणे -

प्रदीप बोरकर - जिल्हाप्रमुख उत्तर गोवा, धनराज नाईक जिल्हाप्रमुख दक्षिण गोवा, शशिकांत पर्येकर - जिल्हा संपर्क प्रमुख दक्षिण गोवा.

- रमेश सावईकर

आमचा गोवा हे एक छोटे राज्य. हे राज्य आदर्श बनविण्याची राजकीय पुढार्‍यांची प्रबळ इच्छा, निस्सीम राजकारण भक्ती आणि त्याप्रति प्रीती आहे. ‘गोवा के लोग अजिब है’ असे देशाचे पहिले पंतप्रधान स्व. पं. जवाहरलाल नेहरू म्हणाले होते. एक राजकारणी आणि लेखक म्हणून नेहरू फार मोठे होते. ‘दी डिस्कव्हरी ऑफ इंडिया’ या पुस्तकातून त्यांनी भारत देशाचा, संस्कृतीचा अन् प्रांतीय विविधतेचा शोध घेतला. त्यांच्या नजरेतून गोवा सुटला नाही अन् म्हणूनच त्यांनी गोमंतकीयांना ‘अजिब‘ संबोधले असावे. महत्त्वाची बाब म्हणजे गोमंतकीय आपला अजबतेचा ठसा उमटविण्यात गेल्या ५० वर्षांत कुठेही कमी पडले नाहीत. राजकारणात तर मुळीच ‘उणे’ नाहीत! गोवा मुक्त झाल्यावर वास्तविक राष्ट्रीय पक्षाकडे राजसत्ता जा शकली असती. पण तसे न घडता मुक्त गोव्याचे राजकीय भवितव्य घडविणारा महाराष्ट्रवादी गोमंतक पक्ष सत्तेवर आला. तब्बल साडेसतरा वर्षे म. गो. पक्षाने गोव्यावर अधिराज्य केले. म. गो. पक्ष आणि यु. गो. पक्ष या प्रादेशिक पक्षांनी त्याकाळात गोव्याच्या भवितव्याचा पाया घातला. राष्ट्रीय राजकीय प्रवाहात जाण्याचे टाळून प्रादेशिक राजकीय प्रवाहाच्या प्रभावात गोमंतकीय जनतेने ‘गोयकारपण’ टिकविले. तथापि नंतर राष्ट्रीय प्रवाहात विलीन होत कॉंग्रेस पक्षाकडे सत्तेची सूत्रे गेली. भारतीय जनता पक्षाने म. गो. पक्षाच्या साहाय्याने आपली पाळेमुळे ग्रामीण भागांपर्यंत घट्ट केली. अन् कॉंग्रेस भाजप हे दोन प्रमुख पक्ष बनले. प्रादेशिक पक्षाकडून राष्ट्रीय पक्षाकडे वाटचाल करीत ५० वर्षांचा कालखंड लोटला. त्यात प्रादेशिक पक्ष म्हणून म. गो. पक्ष अजूनही आपले अस्तित्व टिकवून आहे. या खेपेस तर म. गो. पक्षाला आपले अस्तित्व टिकवून ठेवण्यासाठी किमान ३ जागा जिंकाव्या लागतील. म. गो.-भाजप युती झाल्यास ते सहज शक्य आहे. त्याचा फायदा म. गो. पक्षाला तर होईलच पण त्यापेक्षाही विरोधी भाजपला अधिक फायदा मिळण्याची शक्यता नाकारता येत नाही. सत्ताधारी कॉंग्रेस पक्षाला म. गो.-भाजप युती फिस्कटलेली हवी. राष्ट्रवादी-कॉंग्रेस युती झाल्यास कॉंग्रेस पक्षाची मते विभागली जाणार नाहीत. म्हणून ही युती होण्यात सत्ताधारी कॉंग्रेस पक्षाचे अधिक भले होईल.

फेसबुक आणि गुगलसारख्या २१ सोशल नेटवर्किंग संकेतस्थळांविरुद्ध खटले चालवण्यास अनुमती देऊन सरकारने या मुख्यत्वे विदेशी संकेतस्थळांना भारतीय न्यायव्यवस्थेसमोर हजर करण्याची तयारी चालवली आहे. ज्या खासगी याचिकेच्या आधारे न्यायालयाने या संकेतस्थळांवर खटला दाखल करून घेतला, त्यामध्ये याचिकादाराने ही संकेतस्थळे सामाजिक तेढ निर्माण करतात असा आक्षेप घेतला आहे. अश्लीलता, अपप्रचार, बदनामी यासाठी या संकेतस्थळांचा वापर होत असल्याचे याचिकादाराचे म्हणणे आहे. खरे तर नव्वदच्या दशकानंतर जसजसे माहिती तंत्रज्ञान प्रगत होत गेले, तसतसे त्याने बघता बघता त्याने जग व्यापले. इंटरनेट हा घरोघरी परवलीचा शब्द बनला. संगणकसाक्षर समाजाच्या जगण्याचा ‘गुगल’ हा अपरिहार्य भाग भाग बनून गेला. कोणताही बदल घडतो तेव्हा त्याच्यासोबत बर्‍या - वाईट गोष्टी घडतच असतात.

- सौ. पौर्णिमा केरकर

आपल्या प्राचीन संस्कृतीत माणसाच्या भाग्यविधात्या देवदेवतांची जागा पक्ष्यांनी घेतलेली आढळते. नागर असो वा आदिवासी, लोकमानसाच्या धार्मिक श्रद्धेत पक्ष्यांचे स्थान वैशिष्ट्यपूर्ण असेच आहे. राजस्थानमधील भिल्ल आदिवासी लोकांमध्येही काळ्या रंगाच्या काही पक्ष्यांना देव मानून त्यांची मनोभावे पूजा केली जाते. अशा पूजाविधीतून वैयक्तिक आणि समूहमनाच्या भावभावनांना पडताळून शकून-अपशकूनविषयी सजगता दाखविली जाते.

- सौ. लक्ष्मी नारायण जोग

जानेवारी महिना लागला की सर्वांना सर्वात आधी वेध लागतात ते संक्रांतीचे! बहुतेक वेळा संक्रांत १४ जानेवारीलाच येते. पण क्वचित ती १५ जानेवारीलाही येते. यंदा तशीच ती आली आहे. असं सांगतात की, या दिवसापासून दिवस तिळातिळाने मोठा होत जातो आणि रात्री लहान होत जातात. शेवटी रथसप्तमीच्या दिवशी दिवस व रात्र सारखे होतात. पुढे दिवस मोठा मोठा होतच जातो. उन्हाळा वाढतो. थंडीचे दिवस मार्गशीर्ष म्हणजेच डिसेंबर महिन्यापासून सुरू होतात. कडाक्याच्या थंडीत गोठल्यासारखे होते, तर सुखद थंडीत मन उत्साहित व आनंदीत होते. फळझाडांना मोहोर येऊन पुढे त्यांना फळांचा बहर येणार आहे हे सूचित होते. फुलझाडांना मात्र जास्त थंडी असली की कळ्या कमी येतात. आपल्यात संक्रांतीच्या काळाला ‘पर्वकाळ’ मानतात. म्हणजेच पवित्र काळ! भाविक लोक, साधुसंत मंगलस्नानासाठी पवित्र नद्यांच्या सान्निध्यात जातात व मंगलस्नान करतात. प्रयागसारख्या ठिकाणी कुंभमेळा भरतो. तिथल्या पवित्र भूमीला साधुसंतांचा पदस्पर्श होतो.

तोरसे पेडणे येथील राष्ट्रीय महामार्ग क्र. १७ वर टाटाटी पर व मोटरसायकल यांच्यात विचित्र अपघात होऊन बांदा येथील अमित शेटकर (३१) ठार झाला. ही घटना १३ रोजी सकाळी ८.३० वा. घडली.

अखिल गोवा खाजगी बस मालक संघटनेने येत्या विधानसभा निवडणुकीत ढवळीकर बंधूंचा पराभव करण्यासाठी कंबर कसली असून प्रियोळ मतदारसंघातून गोविंद गावडे यांना तर मडकईत रवी नाईक यांचा पुत्र रितेश नाईक यांना पाठिंबा देण्याचा निर्णय घेतला आहे.

देशाच्या एकात्मतेस धक्का पोचविणारा मजकूर प्रसारित केल्याबद्दल २१ संकेतस्थळांविरुद्ध कारवाईस काल केंद्र सरकारने मान्यता दर्शविली. या संकेतस्थळांत फेसबूक, गुगल, याहू, मायक्रोसॉफ्ट यांचा समावेश आहे.

विदेशस्थित संकेतस्थळ कंपन्यांना समन्स पाठविण्याचे निर्देश दिल्ली उच्च न्यायालयाने काल परराष्ट्र मंत्रालयाला दिले.

गेल्या आठ वर्षांपासून वाढ न करण्यात आलेल्या रेल्वेच्या तिकीट दरात यंदा वाढ करण्याचे संकेत काल केंद्रीय रेल्वे मंत्री दिनेश त्रिवेदी यांनी दिले.

शेळपे-धुळेर म्हापसा येथील प्रदीप विठ्ठल सावंत (४७) या इसमाने काल दुपारी ३.३० वाजता आपल्या राहत्या घराच्या छपराला नायलॉनच्या दोरीने वाशाला गळफास लावून आत्महत्या केली.

गझल सागर प्रतिष्ठान, मुंबई आणि गोवा कला अकादमी आयोजित सहावे अखिल भारतीय मराठी गझल संमेलन आज व उद्या पणजीत कला अकादमीत होत आहे. त्यानिमित्ताने गझलनवाज भीमराव पांचाळे यांची विशेष मुलाखत

० मराठी गजल लोकप्रिय व्हावी हा ध्यास घेऊन आजवर आपण निष्ठेने वावरलात. आजवरच्या या सर्व कार्यातून काय हाती लागले असे वाटते?

०० गेल्या चाळीस वर्षांचा हा प्रवास... सुरवातीला मी फक्त एक गायक म्हणून सुरूवात केली. गझल गायन करणे हा माझ्या जिवाभावाचा छंद होता, एक पॅशन होते. पण त्या काळी गझलचे रसिक तुलनेने कमी होते. जे होते ते खरे होते, परंतु दाद देण्याची आजच्यासारखी पद्धत तेव्हा मराठीत रुजली नव्हती. सुरेश भट यांनी मराठी गझल वाढण्यासाठी खूप प्रयत्न केले होते. मराठी गझल वाढण्यासाठी आपण काय करू शकतो याचा विचार मी तेव्हा करू लागलो. नाव, प्रसिद्धी, पैसा हे सगळे आपल्या गझल गायकीतून आपल्याला मिळेल, परंतु आपल्याकडून गझलला काय मिळणार या विचाराने मला अंतर्मुख केले. हाफ पँट घालण्याच्या वयात, चौदाव्या - पंधराव्या वर्षी मी अमरावतीत सुरेश भटांचे गझलगायन ऐकले. ऊर्दू गझल ऐकण्याचा मुळात मला शौक होताच. मुशायरे, मैफली ऐकत होतो. जे ऐकायचो ते आवडत होते, पण मराठी गझलचे गारूड जे माझ्या मनावर झाले ते सुरेश भटांमुळे. मराठी गझलसाठी आपला वाटा काय या विचाराने मला चिंतन करायला लावले. मग मी ज्या गावी मैफलीला जाईन, तेथे एक दिवस मुक्काम वाढवणे, चांगल्या कवींना, गझलकारांना जवळ आणणे, असे माझ्या परीने सुरू केले. त्यातले बहुतेक जण कविता करायचे, पण गझलचे तंत्र त्यांना माहीत नसायचे. म्हणून मग मी गझलच्या कार्यशाळा घ्यायला सुरूवात केली. त्या काळी काही प्रथितयश गझलकार होते, पण नव्या कवींना उमेद देणे तर दूरच, उलट ते त्यांना नामोहरम करीत की गझल लिहिणे सोपे नाही. पण मला वाटते की गालिबपासून सुरेश भट आणि आजच्या इलाही जमादारांपर्यंत सर्वांनी गझलचे तंत्र आत्मसात केले, तसे ते प्रत्येकाने शिकायला काय हरकत आहे?

- सुनील तांबे

उर्दू गझलेच्या दुनियेत अद्वितीय स्थान निर्माण करणारे गझल गायक मेहदी हसन यांचं नाव घेतलं जात असेल, तर मराठी गझल क्षेत्रात गझलनवाज भीमराव पांचाळे यांच्या शिवाय दुसरं नाव नाही. मराठी गझलसाठी भीमराव पांचाळे हे पर्यायवाची असच नाव आहे. गोड, मुलायम, भावनांच्या विविधांगी प्रवाहांनी ओतप्रोत भरलेला, नित्य नवा, पहाटवार्‍यासारखा ताजा, दमदार असा अस्सल बावनकशी, अमर्याद आलापांचं लेणं लेवून विजेसारखा लखलखणारा, खणखणणारा, जादूई, बुलंद असा आवाज म्हणजे गझलनवाज भीमराव पांचाळे! भीमरावांनी विकसित केलेली स्वत:ची गायन शैली, शास्त्रीय संगीताची कसून साधना केल्यानं अवघडातल्या अवघड रागांवरची हुकुमत, एक एक अक्षर वेगळं काढावं इतके स्पष्ट आणि शुद्ध शब्दोच्चार आणि पहिल्याच सुरात रसिकांना जिंकण्याच्या त्यांच्या क्षमतेनं ते मराठी गझल गायनाचे अनभिषिक्त सम्राट ठरले आहेत.

- राधा भावे

गझलचे शेर... त्यातल्या ओळी... ओळीतले शब्द, शब्दांतला आशय... कधी चाबकाच्या फटकार्‍यासारखा बसणारा, कधी खंजिरासारखा काळजात घुसणारा, कधी जणू फुलांचा पाऊस, तर कधी थुई - थुई करणारा कारंजा!! कोणाही सजग, संवेदनशील रसिक व्यक्तीच्या मनाला भिडणारा हा काव्यप्रकार... एक लोभस अभिव्यक्ती... त्यामुळे कधीही चांगली गझल, सुंदर शेर वाचनात आले की छान वाटायचं. काही क्षण मन तिथंच रेंगाळायचं... परंतु आपणही असं काही लिहावं किंवा लिहू शकू असं कधी वाटलं नव्हतं.

- जनार्दन केशव म्हात्रे

भीमराव पांचाळे हे नाव आता मराठी गझल रसिकांना अपरिचित राहिलेले नाही. भीमरावांनी आपल्या गायकीद्वारे मराठी गझल घराघरांत पोहोचविली आहे. त्यासोबतच मराठी गझल खेडोपाडी पोहोचविण्यासाठी व ती जनमानसात रुजविण्यासाठी त्यांनी घेतलेले कष्ट व त्याकरिता राबविलेले उपक्रम हे देखील मोलाचे आहेत.

मै अकेला ही चला था जानिबें मंजिल मगर

लोग साथ आते गये और कारवॉं बनता गया

भीमरावांनी मराठी गझल जनमानसात रुजविण्यासाठी गझल सागर प्रतिष्ठान या संस्थेची स्थापना केली. गझल सागर प्रतिष्ठानच्या माध्यमातून गझल मुशायरे, गझल कार्यशाळा, गझल गायन मैफली व गझल विषयक अनेक उपक्रम महाराष्ट्रभर तसेच महाराष्ट्राबाहेरही सातत्याने आयोजित केले आहेत. मराठी गझल या काव्यविधेसाठी आजवर अखिल भारतीय स्तरावरची पाच संमेलने गझल सागर प्रतिष्ठानने सुनियोजितपणे पार पाडली आहेत. सहावे संमेलन आज गोव्यात भरते आहे. गझल क्षेत्रात उल्लेखनीय कामगिरी करणार्‍या अनेक मान्यवरांचे सत्कार केले आहेत. गझल अभ्यासाच्या दृष्टीने गझल सागर हे नियतकालिक त्यांनी काढले. या उपक्रमांमध्ये सातत्य ठेवून गझल सागर प्रतिष्ठानने मराठी गझल आज घरोघरी पोहोचविली आहे. गझल सागर प्रतिष्ठानच्या या सार्‍या खटाटोपांसाठी भीमरावांनी नोकरीतून स्वेच्छानिवृत्तीसुद्धा घेतली आहे. त्यांनी आपले सर्वआय्ाुष्य गझलसाठीच अर्पण केले आहे असे म्हटल्यास ती अतिशयोक्ती ठरू नये.

माणूस शिकला सवरला, जगाच्या अधिकाधिक संपर्कात आला की त्याला सुजाण, सुसंस्कृत गणले जाते, परंतु या तथाकथित सुसंस्कृत माणसांकडूनच जेव्हा जारवांसारख्या आदिवासींचे शोषण होते, तेव्हा माणसाच्या सुसंस्कृततेविषयी सोडाच, त्याच्या माणूसपणाविषयीच प्रश्नचिन्ह उभे राहिल्यावाचून राहात नाही. अंदमानमधील या पुरातन जमातीतील निसर्गतः दिगंबरावस्थेतील स्त्रियांना पर्यटकांपुढे नंगानाच घालायला लावण्याचे जे प्रकरण उघडकीस आले आहे ते समस्त मनुष्यजातीलाच लांच्छनास्पद आहे. सदर व्हिडिओ नवा की जुना किंवा पर्यटकांपुढे त्या आदिवासी स्त्रियांना नाचायला लावणारे पोलीस होते की पर्यटक हे प्रश्नच गैर ठरतात. जो प्रकार या चित्रफीतीमध्ये दिसतो ती केवळ विकृतीच नाही, तर आधीच अस्तंगत होत चाललेल्या एका आदिम मनुष्यजातीच्या विनाशाची नांदी आहे. त्यामुळे घटनेचे गांभीर्य कितीतरी पटींनी वाढते. एखाद्या प्राणीसंग्रहालयातील प्राण्यांना पाहावे, तसे देशी - विदेशी पर्यटक अंदमानमधील जारवांना पाहायला लोटतात.

दहावीच्या विद्यार्थ्यांसाठी दुसर्‍या सत्रात होणार्‍या पूर्वतयारी परीक्षेपूर्वी (प्रिलिम्स) आणखी एक परीक्षा घेणाच्या निर्णयावर काल शालांत मंडळाने शिक्कामोर्तब केले.

शैक्षणिक वर्ष सुरू झाल्यानंतर खूप उशिरा या परीक्षेचा शालांत मंडळाने निर्णय घेतल्याचा दावा करून काही विद्यार्थी व मुख्याध्यापकानी या परीक्षेला विरोध केला होता व ही अतिरिक्त परीक्षा घेऊ नये अशी मागणी करणारी निवेदने गोवा शालांत मंडळाकडे केली होती.

गोवा विधानसभेसाठीची आचारसंहिता लागू झालेली असल्याने यंदा सरकारला राज्यात कार्निव्हल व शिमगोत्सवाचे आयोजन करण्यात येणार नसल्याचे राज्य निवडणूक आयोग कार्यालयातील सूत्रांनी सांगितले.

राष्ट्राध्यक्ष झरदारी दुबईला निसटले

लष्करप्रमुखांनी घेतली खास बैठक

पाकिस्तानात सरकार व लष्करात संबंध ताणले गेल्यानंतर लष्करी उठावाची शक्यता वर्तविण्यात येत असतानाच काल अचानकपणे पाकिस्तानच राष्ट्राध्यक्ष असिफ अली झरदारी दुबईला निघून गेले.

देशाच्या विविध भागांतील ३५० गझलकारांचा सहभाग

पणजीत गोवा कला अकादमी आणि गझलसागर प्रतिष्ठान, मुंबई यांच्या संयुक्त विद्यमाने उद्या पणजीत कला अकादमी संकुलात भरणार्‍या सहाव्या अखिल भारतीय मराठी गझल संमेलनाची जय्यत तयारी सुरू असून सुप्रसिद्ध अभिनेत्री व गायिका आशालता, ऊर्दूचे प्रख्यात शायर जनाब नसीम रिफअत ग्वालियरी, सुप्रसिद्ध सिनेदिग्दर्शक राजदत्त आदी पाहुणे गोव्यात आज व उद्या दाखल होत आहेत. या संमेलनामध्ये गोव्याच्या रसिकजनांनी सहभागी होऊन उत्तमोत्तम गझल मुशायरे आणि कार्यक्रमांचा लाभ घ्यावा, असे आवाहन गझलनवाज भीमराव पांचाळे यांनी काल पत्रकार परिषदेत केले. यावेळी कला अकादमीचे सदस्य सचिव पांडुरंग फळदेसाई हेही उपस्थित होते.

- संजीव कामत, कांदोळी गोवा.

सध्या गोवा मेडिकल कॉलेजचे डीन डॉ. जिंदाल यांच्या राजीनाम्यानंतर वृत्तपत्रांतून तसेच स्थानिक चित्रवाहिनीवर उलटसुलट प्रतिक्रिया व्यक्त होताना दिसतात. त्यांचे आरोग्यमंत्र्याबरोबरचे संबंध बिघडल्यामुळे त्यांनी हा निर्णय घेतल्याचे बोलले जाते, पण दोघांनीही त्याचा इन्कार केला आहे. विरोधी पक्षनेते श्री मनोहर पर्रीकर यांनी तर डॉ. जिंदाल याना ‘उत्कृष्ट न्यूरोसर्जन’ असल्याचे प्रमाणपत्र देताना थेट त्यांच्या प्रशासकीय क्षमतेबद्दल शंक व्यक्त केली आहे. ते पुढे म्हणतात की, डॉ. जिंदाल हे आरोग्यमंत्र्यांच्या ताटाखालचे मांजर बनल्यामुळे त्यांनी गोवा मेडिकल कॉलेजची अक्षरशः वाट लावली आहे. या उलटसुलट प्रतिक्रिया वाचताना व ऐकताना मनात काही प्रश्‍न निर्माण झाले, त्यामुळे हा लेखप्रपंच.

लष्कर, आयएसआय, सर्वोच्च न्यायालय आणि महागाईत होरपळलेली जनता यांनी चारी बाजूंनी पुरते घेरले गेलेले पाकिस्तानचे राष्ट्राध्यक्ष असीफ अली झरदारी वैयक्तिक कारणाचे निमित्त साधून काल दुबईला रवाना झाले. पाकिस्तानचा आजवरचा इतिहास लक्षात घेता लष्करी उठावाच्या भीतीने झरदारींना ग्रासलेले असणे स्वाभाविक आहे. अर्थात, स्वतःवर ही वेळ त्यांनीच आणलेली आहे आणि तिला गेल्या किमान सहा महिन्यांतील घटनाक्रमाची पार्श्वभूमी आहे. गेल्या मे महिन्यात अमेरिकेने थेट पाकिस्तानात घुसून ओसामा बिन लादेनचा खातमा केल्यानंतरच्या सार्‍या घडामोडी जर पाहिल्या, तर राष्ट्राध्यक्ष झरदारी, पंतप्रधान गिलानी आणि त्यांच्या लोकनियुक्त सरकारची एकंदर लोकप्रियता घसरणीलाच लागलेली दिसते. लादेनच्या खातम्यानंतर आपले लष्कर आणि आयएसआयकडून बंड होऊ शकते या भीतीने झरदारींनी आपले राजदूत हुसेन हक्कानी यांच्या मार्फत अमेरिकेला जे साकडे घातले, ते या प्रकरणातील मध्यस्थ असलेला व्यापारी मन्सूर इजाझने उघडकीस आणल्याने त्यांच्या पुरते अंगलट आले. त्या ‘मेमोगेट’ ची चौकशी सुरू असताना सर्वोच्च न्यायालयाने सध्याच्या लोकनियुक्त सरकारवर अत्यंत कडक ताशेरे ओढले.

सालेली येथील विश्‍वजित कृष्णराव राणे यांनी काल आपल्या सुमारे १०० समर्थकांसह भाजपात रितसर प्रवेश केला. काल येथे आयोजित एका पत्रकार परिषदेत त्यांनी आपला प्राथमिक सदस्यत्वाचा अर्ज पक्षाध्यक्ष लक्ष्मीकांत पार्सेकर यांच्याकडे सुपूर्द केला.

माजी पंचायत मंत्री बंडू देसाई यांच्या घरावर काल निवडणूक अधिकार्‍यांचा व वाळपई पोलिसांचा असे दोन छापे पडले.

आरोग्य मंत्री विश्‍वजित राणे यांनी जिल्हाधिकार्‍यांकडे देसाई हे बनावट नियुक्तीपत्रांचे वितरण करीत असल्याची तक्रार केली होती. त्यानुसार जिल्हाधिकार्‍यांनी निवडणूक अधिकारी राजू गावस यांना तपास करण्याचा आदेश दिला होता.

ट्रकचालकास जमावाकडून मारहाण

तिळारळ केपे येथे काल सकाळी ११.३० वा. झालेल्या टीपर - मोटरसायकल अपघातात मोटरसायकलच्या मागे बसलेला सावंतवाडा-काकोडा येथील ४४ वर्षीय टीपू सुलतान मुल्ला ठार झाला तर चालक प्रोद गजानन फडते हा जखमी झाला आहे.

निवडणूक आयोगाचा आदेश

२७ टक्के ओबीसी आरक्षणातून ४.५ टक्के कोटा अल्पसंख्यकांना राखीव ठेवण्याचा निर्णय विधानसभा निवडणुका असलेल्या राज्यांत स्थगित ठेवण्याचे निर्देश काल निवडणूक आयोगाने सरकारला दिले. या आरक्षणाबाबत आयोगाकडे तक्रारी आल्या होत्या.

निवडणूक यंत्रणेच्या तयारीला वेग

येत्या ३ मार्च रोजी राज्यात विधानसभा निवडणुका होऊ घातल्याच्या पार्श्‍वभूमीवर निवडणुकीसाठी तयारी जोरात सुरू असून मतदान यंत्रांची तपासणी, निवडणूक केंद्रांची दुरुस्ती, निवडणुकीसाठी लागणार्‍या लोकांचे प्रशिक्षण आदी कामे हाती घेण्याची तयारी सुरू झाली असल्याचे उत्तर गोव्याचे जिल्हाधिकारी मिहिर वर्धन यांनी काल येथे घेतलेल्या पत्रकार परिषदेतून सांगितले.

पर्यटकांसमोर अर्धनग्न स्थितीत नाचायला लावण्याचा प्रकार

अंदमान निकोबार बेटांवरील जारवा या आदिवासी जमातीतील अर्धनग्न महिलांना तेथील पोलिसांकडून पर्यटकांसमोर जबरदस्तीने नाचायला लावण्यात येत असल्याचा एक व्हिडिओ ‘गार्डियन’ या नामांकित वृत्तपत्राच्या संकेतस्थळावर जारी करण्यात आल्याने खळबळ माजली असून केंद्र सरकारने या प्रकरणाच्या चौकशीचे आदेश अंदमान व निकोबार प्रशासनाला दिले आहेत. हा व्हिडिओ जुना असल्याचे पोलिसांचे म्हणणे असले, तरी पर्यटकांकडून पैसे घेऊन जारवा स्त्रियांना त्यांच्यापुढे अर्धनग्न स्थितीत नाचायला लावण्याचा हा प्रकार करणार्‍या संबंधितांचा शोध घेण्याचे आदेश सरकारने दिले आहेत.

१ जानेवारी २०१२ रोजी ज्यांनी वयाची १८ वर्षे पूर्ण केलेली आहेत व मतदार म्हणून स्वतःची नोंदणी केलेली आहे त्यांना या विधानसभा निवडणुकीत मतदान करता येणार असल्याचे निवडणूक अधिकारी दुर्गाप्रसाद यांनी काल सांगितले. नवा मतदार म्हणून नोंदणी करण्याचा १२ जानेवारी हा शेवटचा दिवस असल्याचे त्यांनी स्पष्ट केले. १८ व १९ या वयोगटातील ज्या मतदारांनी स्वतःची नोंदणी केलेली आहे त्यांना राष्ट्रीय मतदान दिनी म्हणजेच २५ जानेवारी रोजी मतदार फोटो ओळखपत्रे देण्यात येणार असल्याचे त्यांनी स्पष्ट केले.

- शंभू भाऊ बांदेकर

रविवार दि. ८ जानेवारी रोजी पहाटे कविमित्र अवधुत कुडतरकर याचा फोन आला. तो ओक्साबोक्शी रडतच होता. मी घाबरलो, विचारले, काय झाले? तो रडतच कसाबसा म्हणाला, नरेंद्र गेला... माझ्यावर आकाश कोसळल्यासारखे झाले. माझ्यावर ‘परममित्र’ नावाची कविता लिहिणारा माझा परममित्र नरेंद्र बोडके गेली तीन वर्षे मूत्रपिंड विकाराने आजारी होता. ‘आता माझे काही खरे नाही’ असे म्हणत म्हणत दुर्दम्य आत्मविश्‍वासाने पुनश्‍च हरिओम् करीत जगत होता.

कुपोषणाची समस्या देशात गंभीर स्वरूप धारण करून आहे आणि ती राष्ट्रीय शरमेची बाब आहे असे वक्तव्य पंतप्रधान डॉ. मनमोहनसिंग यांनी नुकतेच केले. आजच्या बेशरम राजकारणाच्या जमान्यात पंतप्रधानांना शरम वाटणे ही चांगली बाब आहे, परंतु देशात ही परिस्थिती ओढवण्यास त्यांचाही वाटा आहे हे त्यांनी नाकबुल करू नये. कुपोषणासारख्या समस्या या असंतुलित विकासाची फळे असतात आणि एकीकडे देशाच्या आर्थिक विकासाचे गोडवे गाणार्‍या नेतेमंडळींनी तळागाळातल्या वास्तवाकडे सातत्याने केलेली डोळझाकच अशा समस्या उग्र रूप धारण करण्यास कारणीभूत असते. एका स्वयंसेवी संस्थेने शंभर जिल्ह्यांत केलेल्या सर्वेक्षणात ४२ टक्के मुले कुपोषित असल्याचे आढळले. यावरून ही समस्या किती गंभीर आहे आणि तरीही आजवर सरकारपासून प्रसारमाध्यमांपर्यंत सर्वांच्या नजरेच्या कक्षेबाहेर ती कशी राहिली हे दिसून येते. आपली प्राधान्ये अशा मूलभूत गोष्टींना नसतात, उलट क्षुल्लक भावनिक मुद्द्यांचाच आपण नेहमी काथ्थ्याकूट करीत असतो. विविध पक्षांकडून हाताळले जाणारे विषय आणि प्रत्यक्षात देशापुढे उभी असलेली आव्हाने यांचा ताळमेळ जुळताना क्वचितच दिसतो.

अबकारी आयुक्त पी. एस. रेड्डी यांच्या मार्गदर्शनाखाली काल अबकारी खात्याने थिवी-म्हापसा येथे एमएच ०४ जे ३१७४ क्रमांकाच्या वाहनातून ‘ओल्ड बील’ व्हिस्कीचे ८०० बॉक्स जप्त केले.

हळदोणेचे आमदार दयानंद नार्वेकर व कळंगुटचे आमदार आग्नेल फर्नांडिस यांनी निवडणूक आचारसंहितेचा भंग केल्याप्रकरणी आयोगाने म्हापशाचे उपजिल्हाधिकारी व महिला आयोगाला २४ तासांच्या आत अहवाल सादर करण्यास सांगितले आहे. संयुक्त निवडणूक आयुक्त नारायण नावती यांनी ही माहिती दिली.

टीम अण्णाचा निर्णय

पाच राज्यांतील विधानसभा निवडणुकांवेळी कुठल्याच पक्षाविरुद्ध प्रचार करणार नसल्याचे टीम अण्णाने काल जाहीर केले.

होऊ घातलेल्या विधानसभा निवडणुकीत मुस्लिमांना जर कॉंग्रेस पक्षाची उमेदवारी हवी असेल तर त्यासाठी त्यांनी अर्ज करावेत अशी प्रतिक्रिया काल सभापती प्रतापसिंह राणे यांनी दिली. मात्र, आपण सभापती असल्याचे सांगून त्यावर अधिक काही बोलण्यास त्यांनी नकार दिला. त्यांनी अर्ज केल्यास पक्षश्रेष्ठी त्यांच्या अर्जांवर सकारात्मकपणे विचार करू शकतील, असे ते म्हणाले.

फातराडे वार्का येथील केप्रिकॉन बार ऍण्ड रेस्टॉरंट या शॅकमध्ये बुधवारी पहाटे ‘जी फोर’ सुरक्षा कंपनीचा सुरक्षारक्षक राजीवकुमार (२५) याचा शॅक मालक व त्यातील चार कामगारांनी खून केल्याचा आरोप असून कोलवा पोलिसांनी शॅक मालक लुसियानो दुमिंग फुर्तादोसहीत चार कामगारांना अटक केली व मारहाणीसाठी वापरलेले सामान जप्त केले.

विधानसभा निवडणुका लढवणार

तृणमूल कॉंग्रेसच्या पाठोपाठ लोक जनशक्ती पार्टीनेही गोव्यात प्रवेश केला असून ३ मार्च रोजी होणार्‍या गोवा विधानसभा निवडणुकीत किमान २५ मतदारसंघात निवडणूक लढविण्याची माहिती पक्षाचे गोवा निरीक्षक मुकेश गुज्जर व लोकजनशक्ती पार्टीचे प्रदेश अध्यक्ष गजेंद्रनाथ उसगावकर यांनी काल पत्रकार परिषदेत दिली.

निवडणूक आयोगाच्या फर्मानानुसार कार्यवाही सुरू

उत्तर प्रदेशच्या मुख्यमंत्री मायावती यांनी सरकारी पैशातून उभारलेले स्वतःचे तसेच बहुजन समाज पक्षाचे पुतळे निवडणूक काळात झाकण्याचे आदेश निवडणूक आयोगाने दिले असले, तरी केवळ हे पुतळे झाकण्यासाठी तब्बल एक कोटी रुपये खर्च येणार आहे.

गोव्याचे ५५ टक्के आमदार कोट्यधीश

बहुजन समाज पक्षाच्या नेत्या व उत्तर प्रदेशच्या मुख्यमंत्री मायावती या देशातील सध्याच्या सर्वांत श्रीमंत मुख्यमंत्री ठरल्या आहेत. त्यांची एकूण संपत्ती देशातील इतर प्रमुख १० मुख्यमंत्र्यांच्या एकूण संपत्तीहूनही जास्त आहे. मायावती यांनी आपली संपत्ती ८७ कोटी २७ लाख रुपये असल्याचे जाहीर केले असून आपल्याला ही सर्व संपत्ती आपल्या अनुयायांनी दान केलेली असल्याचा दावा त्यांनी केला आहे.

- दिलीप बोरकर

आगामी निवडणूक काळात गोवा, पंजाब आणि उत्तरप्रदेश या राज्यांत पैशांचा मोठ्या प्रमाणावर वापर होईल अशी चिंता मुख्य निवडणूक आयुक्त एस्. वाय्. कुरेशी यांनी व्यक्त केली आहे. पैशांच्या जोरावर मतें विकत घेतली जाऊ नयेत आणि लोकशाहीत प्रत्येक मतदाराने आपल्या सद्सद्विवेकबुद्धीला स्मरून मतदान करावे आणि योग्य व आदर्श उमेदवाराचीच निवड करून विधानसभेसारख्या लोकशाहीच्या पवित्र मंदिरात आपले प्रतिनिधित्व करावे अशी भावना बहुतेक मुख्य निवडणूक आयुक्तांची असावी.

पदव्युत्तर वैद्यकीय प्रवेश परीक्षेत अत्याधुनिक तंत्रज्ञानाचा वापर करून झालेली पेपरफोडीची घटना अशा प्रकारच्या परीक्षांच्या विश्वासार्हतेवरच प्रश्नचिन्ह उपस्थित करते आहे. पेपरफोडीचे प्रकार अशा देशव्यापी परीक्षांमध्ये नवे नसले, तरी यावेळी त्यासाठी घेतली गेलेली अत्याधुनिक तंत्रज्ञानाची मदत मात्र नवी आहे. पदव्युत्तर वैद्यकीय शिक्षणासाठी प्रवेश मिळवू इच्छिणार्‍यांकडून तीस ते चाळीस लाख रुपये घेऊन त्यांना परीक्षा सुरू असताना उत्तरे सांगण्याचा हा एकंदर प्रकार धक्कादायक तर आहेच, परंतु पदव्युत्तर अभ्यासक्रमासाठी प्रवेश घेऊ इच्छिणार्‍या देशभरातील हजारो विद्यार्थ्यांवर अन्याय करणारा आहे. म्हणूनच पकडल्या गेलेल्या या टोळीवर अत्यंत कठोर कारवाई होणे आवश्यक आहे. या टोळीने पेपरफोडीसाठी वापरलेले तंत्र त्यांच्या सराईतपणाकडे अंगुलीनिर्देश करते. एमबीएच्या दोघा विद्यार्थ्यांनी ही परीक्षा घेणार्‍या अखिल भारतीय आयुर्विज्ञान संस्थानच्या संकेतस्थळावर बनावट नोंदणी क्रमांकांद्वारे परीक्षार्थी म्हणून स्वतःची नोंदणी केली. तिच्या आधारे प्रत्यक्ष परीक्षागृहात प्रवेश मिळवला.

डॉ. सीताकांत घाणेकर

सत्य - एक श्रेष्ठ तत्त्व - मानवविकासासाठी अत्यंत आवश्यक आहे. प्रत्येक माणसाप्रमाणे, परिस्थितीवश, किंवा इतर कारणांमुळे सत्याचा वेगवेगळा अर्थ केला जातो. दोन माणसांच्या विचारांमध्ये जमीन-अस्मानाचा फरक असू शकतो. आज आपल्या राज्यात किंवा देशात जी परिस्थिती आहे तिथे नजर टाकली तर अनेक मते दर विषयांवर दिसतात. मग ती लोकसभा असो अथवा राज्यसभा असो. जास्त करून भयानक मतभेदच दृष्टिक्षेपात येतात. पुष्कळ वेळा स्वतःचा स्वार्थ सत्याच्या आड येतो. तर काही वेळा व्यक्तीचा काही कारणांमुळे झालेला अपमान देखील. आणि ही गोष्ट आजचीच नाही तर इतिहासात अशा अनेक घटना वारंवार दिसतात.

- प्रा. रमेश सप्रे

त्याची ती एखाद्या मोठ्या माणसासारखी खांदे उडवत, हात जमिनीला समांतर हलवत बोलण्याची शैली लक्षात राहण्यासारखीच होती. टेबलापेक्षा थोड्या जास्त उंचीची एक आकृती काचेच्या दारामागे टकटक करत उभी होती. आत पाऊल टाकल्यापासून ती बोलू लागली, शाळेत येऊन अजून पंधरा दिवसही झाले नव्हते. पण धाडस बघा. इयत्ता पाचवीतला हा मुलगा मुख्याध्यापकांना विचारत होता, ‘काय सर, शाळा सुरू होऊन इतके दिवस झाले पण अजून टाइमटेबल नाही? कुठला तास, कोणता शिक्षक, काय विषय काहीही कळत नाही. आम्ही आमचा मौल्यवान वेळ (प्रेशस टाइम) वाया घालवतोय सर!’

मडगाव अर्बन बँकेच्या निवडणुकीत माजी अध्यक्ष रमाकांत सोयरू आंगले गटातील ९ ही उमेदवार प्रचंड मतानी निवडून आले. विरोधी गटातील म्हाळू नाईक यांना १००३ मते पडली.

पणजी पोलीस स्थानकातील कोठडीत सिप्रियानो फर्नांडिस याला मृत्यू आला त्या घटनेला एक वर्ष पूर्ण होऊनही अद्याप त्याच्या मृत्यूस जबाबदार असलेल्या पोलिसांना अटक करण्यात येत नसल्याबद्दल काल येथील आझाद मैदानावर आयोजित करण्यात आलेल्या सभेतून नाराजी व्यक्त करण्यात आली.

पाच जणांना दिल्लीत अटक

अखिल भारतीय आयुर्विज्ञान संस्थेतर्फे घेतल्या जाणार्‍या पदव्युत्तर वैद्यकीय अभ्यासक्रमासाठीच्या महत्त्वपूर्ण परीक्षांचे पेपर फोडणार्‍या एका टोळीचा पर्दाफाश काल दिल्ली पोलिसांनी केला. यासंदर्भात पाच जणांना अटक करण्यात आली असून परीक्षार्थींकडून भरमसाट पैसे घेऊन त्यांना पेपर सोडवण्यास हे टोळके मदत करीत होते असे आढळून आले आहे. अटक झालेल्यांमध्ये एक डॉक्टर व चौघे इतर असून आणखी अनेकांना अटक होण्याची शक्यता आहे.

केसरव्हाळ येथील एका हॉटेलात मृत्यू पावलेल्या सर्जे घुमा चॅको या रशियन महिलेचा मृत्यू अतिमद्यप्राशन व न्युमोनियाने झाल्याचे शवचिकित्सने सिद्ध झाले आहे.

पणजीतील एका विद्यालयाचा शिक्षक कन्हैय्या नाईक याच्याविरुद्ध पणजी पोलिसांनी आता विद्यार्थिनीवर बलात्कार केल्याचा गुन्हा नोंद केला आहे. सदर विद्यार्थिनीच्या वैद्यकीय तपासणीत लैंगीत अत्याचार झाल्याचे उघड झाल्यानंतर हा गुन्हा नोंदविण्यात आला आहे. याआधी त्याच्याविरुद्ध विनयभंग केल्याचा गुन्हा नोंद करण्यात आला होता.

बेळगाव आंतरराष्ट्रीय पतंग महोत्सव यंदा १५ व १६ जानेवारी रोजी होणार असल्याचे महोत्सवाचे संयोजक चैतन्य कुलकर्णी यांनी काल येथे घेतलेल्या पत्रकार परिषदेत सांगितले. पतंग उडवण्यात तरबेज असलेले ६२ संघ या महोत्सवात भाग घेणार असल्याची माहिती त्यांनी दिली.

शारदा व्याख्यानमालेत आफळे यांची माहिती

गोमंतकाने पानिपतच्या युद्धासाठी योगदान दिल्याचे कागदोपत्री पुरावे आहेत, असे प्रसिद्ध कीर्तनकार चारुदत्त आफळे यांनी शारदा व्याख्यानमालेच्या दुसर्‍या दिवशी बोलताना सांगितले.

येथील विद्याप्रबोधिनी संकुलात आयोजित या तीन दिवसीय व्याख्यानमालेचे आयोजन भारत विकास परिषद आणि जनहित मंडळ, पर्वरी यांच्या संयुक्त विद्यमाने करण्यात आले आहे.

- मनोहर काशीनाथ पेडणेकर, मधलामाज, मांद्रे

‘‘आजकालवेगळेच वातावरण अनुभवायला येते. पावसाळ्यात सुध्दा उकाडा जाणवतो. थंडीच्या दिवसात तर कडाक्याची थंडी केव्हा आली? केव्हा येणार? याची स्मृती जागवावी लागते. उन्हाळा हा बारमाही बाराखडीसारखा असतो. घाम आणि तहान ही तर नित्याचीच चिंता मानवी जीवनाला त्रस्त करीत असते, सतावीत असते, व्याकूळ करीत असते’’ (घामाला अपवाद अर्थात् वातानुकूल बंदिस्ती!) असे सूर, असे व्यथित सूर, असे प्रतिकूलतेचा कंठशोष करणारे सूर जीवन व्यथित करतात. कोणते बरे कारण असेल या व्याकूळतेला? मानवनिर्मित कृतघ्नतेला? जीवनाचे विधायक गणित हे परिश्रमाच्या बेरजेवर, दुष्टपणाच्या शुन्यातील वजाबाकीवर, संपन्नतेच्या गुणाकारावर आणि संकुचित वृत्तीच्या भागाकारावर अवलंबून असते. गणितातील जर ‘कॅलक्युरेटर’ कसाही हाताळला गेला तर, ‘अचूक उत्तराची’ अपेक्षा कशी बरे करावी?

निवडणुका जिंकण्यासाठी गैरमार्गांचा वापर होऊ नये यासाठी नाना तर्‍हेने उपाययोजना करीत आलेल्या निवडणूक आयोगाने गोव्याच्या निवडणुकीत पैशाचा मोठ्या प्रमाणावर वापर होण्याची शक्यता नुकतीच व्यक्त केली आहे. अर्थात, अशा प्रकारे पैशाचा वापर होणे हे उघड गुपीतच म्हणायला हवे. गेल्या अनेक निवडणुकांमधून मतदारांना शेवटच्या क्षणी आपल्याकडे वळवण्यासाठी पैशाचा वापर होत आला आहे आणि दिवसेंदिवस त्याचे स्वरूप अधिकाधिक भयावह होत चालले आहे. काही वर्षांपूर्वी अनेक मतदारसंघांमध्ये मतदारांना साड्या वाटल्या गेल्या तरी मते पालटायची. आज चित्र कितीतरी पटींनी बदलले आहे. मतदारांना प्रत्येक उमेदवाराकडून नानाविध आमिषे दाखविली जात आहेत आणि पैसा तर पाण्यासारखा ओतला जातो आहे. काही इच्छुक उमेदवार तर गेली दोन वर्षे गुडघ्याला बाशिंग बांधून बसले आहेत आणि मतदारांवर नानाविध गोष्टींची खैरात करून जिंकून येण्याची स्वप्ने पाहात आहेत. धान्यवाटप करण्यापासून महागड्या वस्तू भेट देण्यापर्यंत काहीही कमी ठेवले गेलेले नाही.

जंतूसंसर्गामुळे उद्भवलेल्या आजाराच्या कारणाने गेला आठवडाभर येथील इस्पितळात उपचार घेणारे अण्णा हजारे यांना काल डिस्चार्ज देण्यात आला. दरम्यान, अजूनही आपल्या अशक्त वाटत असल्याने महिनाभर आराम करणार असून त्यानंतर भ्रष्टाचारविरोधी आंदोलनाच्या पुढच्या तयारीस लागणार असल्याचे त्यांनी स्पष्ट केले. डॉक्टरांच्या सल्ल्यामुळे विधानसभा निवडणुका होत असलेल्या राज्यांत दौरा करणे असंभव असल्याचेही ते म्हणाले.

तुये (पेडणे) येथील फेरीधक्क्यापासून शंभर मीटर अंतरावर २० ते २५ वयोगटातील अज्ञात युवकाचा सुर्‍याने भोसकलेल्या अवस्थेतील मृतदेह आढळून आला. हा मृतदेह सडलेल्या अवस्थे होता.

बनावट डेबिट आणि क्रेडिट कार्डचा वापर करून पणजीतील ‘प्राइड’ या तरंगत्या कॅसिनोला सुमारे ३९ लाख १९ हजार रु. गंडा घातल्या प्रकरणी अटक करण्यात आलेल्या १२ जणांच्या टोळीला सहा दिवसांच्या पोलीस कोठडीचा रिमांड देण्यात आला असल्याचे पणजी पोलिसांनी सांगितले.

काळा पैसा व दारूवर लक्ष

होऊ घातलेल्या विधानसभा निवडणुकीच्या दरम्यान काळा पैसा व दारू याचा मोठ्या प्रमाणात वापर होण्याची शक्यता राज्य निवडणूक आयोगाने व्यक्त केलेली असून या पार्श्‍वभूमीवर विमानतळ, रेल्वे व आंतरराज्य बस टर्मिनसवर खास लक्ष केंद्रित करण्यात येणार असल्याचे आयोगातील सूत्रानी स्पष्ट केले. आयोगाच्या भरारी पथकाने आतापर्यंत दोन ठिकाणी छापे मारून एके ठिकाणी मतदारांना वितरीत केल्या जाणार्‍या पाण्याच्या टाक्या (नुवें मतदारसंघ) हस्तगत केल्याचे तसेच आरोग्य संचालनालयात टाकलेल्या छाप्यात नोकरीसाठीच्या उमेदवारांची स्वीकृतीपत्रे हस्तगत करण्यात आल्याचे सूत्रांनी स्पष्ट केले.

जिल्हाधिकारी तथा जिल्हा निवडणूक अधिकार्‍यांमार्फत उत्तर गोव्यातील २३ मतदार संघांसाठी निवडणूकविषयक तक्रारी स्वीकारण्याकरिता ठिकठिकाणी नियंत्रण कक्ष सुरू करण्यात आले आहेत. पणजी, फोंडा, डिचोली, म्हापसा, पेडणे, वाळपई याठिकाणी हे नियंत्रण कक्ष उघडण्यात आले आहेत.

शारदा व्याख्यानमालेचे पर्वरीत उद्घाटन

परकीयांचा पाय आमच्या देशाला लागला तो आमच्या चुकीमुळेच लागला. भारताचा गत इतिहास म्हणजे आक्रमणांचाच इतिहास होय. ग्रीक, कुशाण, शक, हुंड, सिध्दी, पोर्तुगिज आणि इंग्रजांनी आपल्या देशावर आक्रमणे केली. त्यात इंग्रजांनी आपला ठसा उमटवला. इंग्रजांनी दिडशे वर्षात आपली शिक्षण प्रणाली राबवली तोच पायंडा आजपर्यंत आपण टिकवून आहोत. आपला वैभवशाली इतिहास आपल्या मुलांपर्यंत पोहोचविणे काळाची गरज आहे असे उद्गार पुणे येथील प्रसिध्द किर्तनकार चारुदत्त आफळे यांनी काल भारत विकास परिषद आणि जनहित मंडळ, पर्वरी यांनी आयोजित केलेल्या शारदा व्याख्यानमालेत काढले.

१० उमेदवार रिंगणात

मडगाव अर्बन बँकेची निवडणूक आज रविवारी ८ जानेवारी रोजी होणार असून निवडणूक रिंगणात १० उमेदवार आहेत. त्यातून ९ जणांची निवड करावयाची आहे. या निवडणुकीवर १ उमेदवार म्हाळू नाईक यांनी मुंबई उच्च न्यायालयाच्या गोवा खंडपिठात स्थगिती मागितली होती. ती फेटाळून लावली गेली व निर्वाचन अधिकारी शिवानी बोरकर यांनी घातलेल्या गोंधळाबद्दल ५ हजार रुपयांचा दंड ठोठावला व तो दंड चार आठवड्यांच्या आत भरावा व त्यानंतर याचिकादारानी अर्ज करून त्यावर दावा करावा असे म्हटले होते.

प्रसिद्ध गोमंतकीय कवी व पत्रकार नरेंद्र बोडके यांचे काल पहाटे पावणे पाचच्या सुमारास पुण्यातील सह्याद्री इस्पितळात प्रदीर्घ आजाराने निधन झाले. क्रॉनिक रिनल फेल्युअरचा आजार असलेल्या बोडके यांना आठवड्यातून तीनवेळा डायलिसिस घ्यावे लागत असे. प्रदीर्घ काळ त्यांची आजाराशी झुंज सुरू होती. अखेर काल पहाटे त्यांची प्राणज्योत मालवली.

राष्ट्रवादी कॉंग्रेससाठी आपण प्रामाणिकपणे व अथकपणे काम करीत असतानाही पक्षातील काही स्थानिक नेते व पदाधिकार्‍यांनी आपणाविरुध्द मोहीम सुरू केली असल्याचा आरोप राष्ट्रवादी पक्षाचे उपाध्यक्ष ट्रॉजन डिमेलो यांनी काल येथे घेतलेल्या पत्रकार परिषदेत केला.

गोवा शासनाचे कला आणि सांस्कृतिक संचालनालय, पश्‍चिम क्षेत्र सांस्कृतिक केंद्र, उदयपूर, कला अकादमी गोवा आणि गोवा क्रीडा प्राधिकरण यांच्या संयुक्त विद्यमाने कला अकादमीच्या दर्यासंगमावर आयोजित करण्यात आलेल्या ‘लोकोत्सव-२०१२’चे काल शानदार उद्घाटन झाले.

- रुद्राजी जगन्नाथ शे. केंकरे

भारत सरकारने अलीकडेच अमेरिकेबरोबर अणुकरार केला असून परराष्ट्रमंत्री प्रणब मुखर्जी यांनी भारत सरकारच्या वतीने स्वाक्षरी करून त्यावर शिक्कामोर्तब केले आहे. या अणुकराराची मूळ संकल्पना पूर्व पंतप्रधान श्री. अटल बिहारी वाजपेयी यांची होती. इंदिरा गांधींच्या कारकिर्दीत आणि तद्नंतर भाजपच्या कारकिर्दीत जे अणुस्फोट करण्यात आले, त्यामुळे जागतिक संघटनांनी धास्ती घेऊन अणुबॉम्ब बनविण्यास लागणारा अतिमहत्त्वाचा युरेनिअम धातू, त्याचप्रमाणे अतिशय महत्त्वाची अशी तांत्रिक उपकरणे भारतात उपलब्ध होऊ नयेत म्हणून कोणत्याही देशाने हे अतिशय महत्त्वाचे घटक भारतास देऊ नयेत अशा प्रकारची जागतिक बंदी घातली.

- रमेश सावईकर

गोवा राज्य विधानसभेच्या निवडणुकीची तारीख घोषित झाल्यानंतर राजकारण ढवळून निघत आहे. निवडणुकीची चाहूल सर्वच राजकीय पक्षांना होती, तथापि सध्या निर्माण झालेली राजकीय पक्षांची गोची (विशेष करून सत्ताधारी कॉंग्रेस पक्ष) पाहता, निवडणूक आयोगाने त्यांना चपराक दिली आहे, असेच म्हणावे लागेल.

डायलेसिसच्या खाटेभोवती

जाणवतो मृत्यू - पिकल्या केसांचा

पांढुरक्या चेहर्‍याचा

हा कुठे मित्र आहे?

हा भिववतो...

अखेर दीर्घकाळ भेडसावत आलेल्या या मित्राने बोडकेंना गाठले. एका कवीचा निर्दय बळी घेतला. ‘एका कवीच्या किडनीत पीड.. खाली मान घालून तू हा वार केलास. मरणा, भेदरटा..’ म्हणत बोडके मृत्यूला सामोरे गेले. गोमंतकीय मराठी कवितेची पताका बोरकर - रामाणींनंतर डौलाने फडकत ठेवणार्‍या नरेंद्र बोडकेंचे नाव घेतल्याखेरीज साठोत्तर मराठी कवितेचा इतिहास पूर्ण होऊ शकत नाही. ‘पंखपैल’ पासून परवाच्या ‘तन्मुख’पर्यंत बोडकेंनी कवितेतून स्वतःला व्यक्त केले. आपली सुख दुःखे मोकळेपणाने मांडली. एम. ए. मध्ये सुवर्णपदक मिळवलेला हा जिनियस पत्रकारितेच्या अस्थिर प्रांतात उतरला आणि मूळच्या कलंदरवृत्तीने त्याची तेथे फरपट केली. चाकोरीतले सुस्थिर आयुष्य जगणे नशिबात नसावेच. त्यात कवितेने झपाटलेले. हे कमी म्हणून की काय आयुष्याच्या उत्तरार्धात जिवघेण्या दुखण्याने गाठले. शंकर रामाणी ‘तीन उन्हाचे दगड ठेवुनी आज रांधले जिणे’ म्हणतात, तसे बोडकेंचे आयुष्य होते. ते त्यांच्या कवितेत पुरेपूर उतरले आहे. माझ्या एकाएका कवितेच्या चोचीत मी आयुष्याच्या एकेका कालखंडाचा घास दिलेला आहे असे बोडके सांगत ते खोटे नाही. कवितेच्या प्रांतात नव्यानेच शिरणार्‍या बोडकेंच्या कविता त्या काळी ‘नवप्रभा’ने छापल्या.

- सौ. देवकी राजेश नाईक

आ ठवणींचा अगणित ठेवा उराशी कवटाळून प्रत्येकजण जगत असतो. कधीतरी तिन्हीसांजेला मनकप्प्यातील आठवणींचा ठेवा वर उफाळून येतो अन् मन भूतकाळात डोकावते. आपलं बालपण प्रत्येकाला हवहवसं वाटणारं अन्, आजच्या फेसबुकच्या जमान्यात तर सर्वच पालकांना ते तीव्रतेने हवहवसं वाटणारं! नाताळाची सुटी पडली अन् आमचे चिरंजीव पहिल्याच दिवशी कंटाळा येतो ही रट लावून बसलेला. खरं सांगू? खूपच दया येते मला आजच्या मुलांची. आमच्या बालपणात आम्ही जे बालपण उपभोगलंय त्याच्या निम्यातसुद्धा ही मुलं उपभोगत नाहीत. मोबाइलवरची गाणी, टी. व्ही. वरचे कार्यक्रम, कॉप्म्युटर, लॅपटॉप, फेसबुक हेच आजच्या मुलांचं जणू विश्‍व झालंय.

- लाडोजी परब

वेदकाळातील वाङ्‌मयात खेड्यांचे महत्त्व वर्णिले आहे. प्राचीन काळात खेडी गावांपेक्षाही महत्त्वाची मानली जात. वेदांमध्ये खेड्यांचा उल्लेख वारंवार आढळतो. इ. स. पूर्व चौथ्या व पाचव्या शतकातील बहुतांशी कथांत प्राचीन खेड्यांच्या सामाजिक, आर्थिक व राजकीय जीवनाचे वर्णन आढळते. खेड्यांचा इतिहास अभंग आहे, तसेच येथील चालीरीती आणि परंपरेच्या वाटा कलात्मक आणि अद्भुत, अगम्य संस्कृतीच्या दिशेने जातात. काही परंपरा अशा आहेत की त्याची उत्तरेही सापडत नाहीत. त्याला अंध:श्रद्धाही म्हणू शकत नाही. कारण त्यातून निर्माण होणार्‍या परिणामांचे दाखले वेळोवेळी मिळतात. ग्रामीण भाग रूढी, परंपरांनी जखडलाय ही बाब काही अंशी खरी असली तरी त्या संस्कृतीतून संस्कारांचे बीज गावागावांत पेरले गेले आहे. तिथे अद्भुतता आहे. अगम्यता आहे. आणि समाजमन त्या घटनांशी बांधील आहे. अशाच काही घटना आणि संस्कृतीशी नाळ असलेल्या गोष्टींची या सदराद्वारे ओळख करून देत आहोत.

कोकणातील मंदिरे म्हणजे तेथील जनतेची भक्ती आणि भावनांशी जोडलेला जिव्हाळ्याचा संबंध! प्रत्येक देवस्थानात वैविध्यता आहे. गूढता आहे. ती गूढता विज्ञानाच्या दुर्बिणीतून शोधणेही शक्य नाही. कलियुगात ‘चमत्कार’ होत नाहीत, पण या गूढतेलाच ‘नमस्कार’ केल्यावाचून पर्याय नाही. कोकणातील देवस्थाने तेथील स्थानिक लोकांच्या भावनेशी आणि श्रद्धेशी निगडीत असल्याने त्या श्रद्धेवरच वर्षानुवर्षे लोक जगत आले आहेत. श्रद्धा डोळस असावी, असा सल्ला तज्ज्ञ देतात. पण या श्रद्धेतून चांगलेच होणार असेल तर ती श्रद्धा बाळगण्यामागे गैर काय? अंगारा, लिंबू, टाचणी, बळी देण्यासाठी कोंबडे या गोष्टी गैर मानणे साहजिकच आहे. अशा गोष्टींसाठी अंध:श्रद्धा निर्मूलन समितीने कडाडून विरोध केला आहे. गावातील उत्सव हे देवस्थानांशी निगडीत असतात. उत्सवांतून अनेक धार्मिक, सामाजिक हितसंबंध दृढ होतात. या हितसंबंधांमुळे गावातील एकोपा आजही टिकून आहे. हा एकोपा निर्माण होण्यामागे गावची श्रद्धास्थाने आणि तेथील परंपरा यांचा घनिष्ठ संबंध आहे.

भरारी पथकाची कामगिरी

कारवट लोटली येथील सॅबी वाज यांच्या घरावर उपजिल्हाधिकारी रेडकर यांच्या भरारी पथकाने धाड घालून २० पाण्याच्या टाक्या जप्त केल्या. आचारसंहिता चालू असताना मतदारांना खूष करण्यासाठी टाक्या वाटत असल्याची तक्रार केल्यानंतर ही कारवाई झाल्याचे कळते.

तस्करीच्या आरोपावरून चीनमध्ये अटकेत असलेल्या २२ भारतीय हिरे व्यापार्‍यांपैकी बाराजण काल मायदेशी परतले. चिनी न्यायालयाने त्यांच्या हस्तांतरणाचे आदेश दिल्यानंतर त्यांची सुटका झाली.

वाळपई पालिकेच्या प्रशासकीय इमारतीला लावण्यात आलेल्या फलकास वाळपईतील मराठी-कोकणी भाषाप्रेमींनी विरोध दर्शविला आहे. त्यासाठी भाषाप्रेमींनी नामफलक बदलण्याची मागणी केली आहे.

१९९३ मधील गाजलेल्या दूरसंचार घोटाळ्यातील आरोपी व माजी केंद्रीय दूरसंचारमंत्री सुखराम हे अत्यवस्थ असून ‘कोमा’त गेले आहेत, अशी माहिती त्यांच्या वकिलाने काल न्यायालयात दिली. त्यामुळे त्यांच्याविरुद्धची सुनावणी शनिवारपर्यंत पुढे ढकलण्यात आली. सुखराम ‘कोमा’त आहेत. ते इस्पितळाबाहेर पडू शकत नाहीत असे त्यांच्या वकिलाने विशेष सीबीआय न्यायाधीश धर्मेश शर्मा यांना सांगितले. सध्या ८६ वर्षांचे असलेल्या सुखराम यांना न्यायालयासमोर शरणागती पत्करण्याचे आदेश सर्वोच्च न्यायालयाने दिले होते. मात्र, सुखराम यांनी वैद्यकीय कारण पुढे करून आजवर ते टाळले होते.

नोएडातील आरुषी तलवार हत्या प्रकरणी सर्वोच्च न्यायालयाने तिच्या पालकांविरुद्धची सुनावणी पुढे सुरू ठेवण्याचे आदेश दिले आहेत. आरुषीची हत्या तिच्या आईवडिलांनीच केली असावी असा संशय सीबीआयने यापूर्वी व्यक्त केलेला आहे. आपल्याविरुद्धच्या सुनावणीस स्थगिती मिळावी यासाठी तलवार दांपत्याने अलाहबाद उच्च न्यायालयात धाव घेतली होती. परंतु अलाहाबाद उच्च न्यायालयाने सुनावणी थांबवण्यास नकार दिला होता, त्यामुळे गेल्या मार्चमध्ये तलवार कुटुंबाने सर्वोच्च न्यायालयात धाव घेतली होती. गेल्या वर्षी १९ मार्च रोजी सर्वोच्च न्यायालयाने तलवार दांपत्याविरुद्ध गाझियाबाद न्यायालयाने बजावलेल्या अटक वॉरंटसह त्यांना न्यायालयात बोलावण्यासही स्थगिती दिली होती.

- विजय प्रभू पार्सेकर-देसाई, पेडणे.

मराठीत एक म्हण आहे, ‘मोर नाचतो म्हणून लांडोर नाचते’. पणजीच्या महापौरांना ती म्हण तंतोतंत लागू पडते. मुंबई महानगरपालिका ही दि मुंबई म्युनिसिपल कॉर्पोरेशन ऍक्ट १८८८ (बॉम्बे कायदा ३/१८८८) नुसार अस्तित्वात आली. पूर्वी ती बॉम्बे महानगरपालिका होती. नंतर कायदा क्रमांक २५/ १९९६ नुसार ती ग्रेटर बॉम्बे महानगरपालिका झाली. १९८८ मध्ये बॉम्बे महानगरपालिकेने आपली शताब्दी साजरी केली. लवकरच सदर पालिका शतकोत्तर रौप्यमहोत्सव साजरा करणार आहे. बॉम्बे, कलकत्ता, मद्रास या महानगरपालिका १९८८ मध्येच अस्तित्वात आल्या. पूर्वी त्या नगरपालिका होत्या. नंतर अनेक महानगरपालिका अस्तित्वात आल्या. काहींनी हीरक महोत्सव तर इतरांनी रौप्यमहोत्सव साजरे केले.

संयुक्त पुरोगामी आघाडीतील कॉंग्रेसचा महत्त्वाचा साथी असलेला तृणमूल कॉंग्रेस पक्ष आता दिवसेंदिवस त्या पक्षाला दुरावत चालला आहे असे दिसते. लोकपालच्या सरकारी मसुद्यास तृणमूलने संसदेत कडाडून केलेला विरोध, किरकोळ विक्री क्षेत्रातील थेट विदेशी गुंतवणुकीविरुद्ध सरकारविरुद्ध उघडउघड ठोकलेला शड्डू, बांगलादेशला तीस्ता नदीचे पाणी देण्यास विरोध दर्शवून खुद्द पंतप्रधान डॉ. मनमोहनसिंग यांच्यापुढे निर्माण केलेला पेच अशा प्रकारे सातत्याने ममता बॅनर्जी कॉंग्रेसला अडचणीत आणणारी भूमिका जाणूनबुजून घेत आल्या आहेत. ज्या बंगालमध्ये कॉंग्रेसच्या साथीने त्या गेले सात महिने सत्ता उपभोगत आहेत, तिथेही आपल्या वाढलेल्या सामर्थ्याच्या बळावर त्या कॉंग्रेसला झटकून देण्याच्या हालचाली करू लागल्या आहेत असे एकंदर घडामोडींवरून दिसते. खरे तर तृणमूल कॉंग्रेसची सत्तेच्या दिशेने झालेली वाटचाल कॉंग्रेसच्या साथीनेच आजवर झाली. सन २००१ च्या विधानसभा निवडणुकीत कॉंग्रेस - तृणमूल युतीने साठ जागा जिंकल्या होत्या, तेव्हापासून सन २०११ च्या विधानसभा निवडणुकीतील विजयापर्यंतची यशाची चढती कमान कॉंग्रेसच्याच साथीने सर केली आहे.

उत्तर गोव्याचे खासदार श्रीपाद नाईकांची गोवा विधानसभेत गरज असल्याने सहा महिन्यांपूर्वी पक्षाचा केंद्रीय निवडणूक समितीकडे विधानसभा निवडणुकीतील उमेदवार म्हणून त्यांच्या नावाची शिफारस केली आहे. परंतु त्यावर निर्णय घेण्याचा अधिकार केंद्रीय नेत्यांचा असल्याचे विरोधी नेते मनोहर पर्रीकर यांनी काल सांगितले.

आगामी निवडणुकांच्या पार्श्वभूमीवर पाचही राज्यांत अण्णा हजारे लोकपाल विषयावर जागृतीसाठी प्रचार दौरा करणार होते, मात्र हजारे यांची प्रकृती बिघडल्याने हा दौरा रद्द करण्यात आला असल्याची माहिती किरण बेदी यांनी काल दिली.

‘रॉकस्ट्रीट’ या संगीतविषयक नियतकालिकाचे संस्थापक तसेच संपादक अमित सहगल (४७) यांचा काल बोगमाळो येथे समुद्रात बुडून मृत्यू झाला.

काल श्री. सहगल अन्य मित्रांसोबत तसेच मुलीबरोबर छोट्या बोटीतून मांद्रे येथून समुद्र सफारीसाठी निघाले होते. ते बोटीने बोगमाळो येथील समुद्रापर्यंत दुपारी २.३० वा. पोचले. बोट किनार्‍याजवळ आली तशी सहगल यांनी समुद्रात पोहण्याच्या इराद्याने उडी टाकली. मात्र काही वेळातच ते पाण्यावर तरंगताना आढळून आले. त्यांना लगेच किनार्‍यापर्यंत आणून इस्पितळात नेण्यात आले मात्र आधीच त्यांचा मृत्यू झाला होता. दरम्यान, उडी टाकल्यावर त्यांना ह्रदयविकाराचा झटका आला असावा, असा कयास पोलिसांनी वर्तविला आहे.

पणजी शहरातील पाणीपुरवठा व्यवस्थेत सुधारणा घडवून आणण्यासाठी पणजी महापालिकेला जवाहरलाल नेहरू शहर विकास योजनेखाली ७० कोटी रु. एवढा निधी उपलब्ध होणार असल्याचे महापालिकेतील सूत्रानी सांगितले. महापालिकेच्या वरील प्रस्तावाला तत्त्वतः मान्यता मिळाली असल्याचे सूत्रांनी सांगितले.

सोन्याची शुद्धता तपासण्यासाठी हॉलमार्किंग सक्तीचे करण्याचा महत्त्वपूर्ण निर्णय केंद्रीय मंत्रिमंडळाने नुकताच घेतला आहे. आजवर अशा प्रकारचे हॉलमार्किंग ऐच्छिक होते आणि ते सक्तीचे करण्याचा निर्णयही पुरेशा हॉलमार्किंग सुविधांअभावी जवळजवळ तीन वर्षे लांबणीवर टाकला गेला होता. आता त्याची सक्ती केली गेल्याने देशभरातील लक्षावधी ग्राहकांना फार मोठा दिलासा लाभणार आहे. सोन्याची शुद्धता हा ग्राहकांसाठी नेहमीच चिंतेचा विषय राहिला आहे. २२ कॅरेटचे म्हणून विकले जाणारे दागिने खरोखरच २२ कॅरेटचे असतील याची कोणतीही खात्री नसल्याने केवळ दैवावर भरवसा ठेवूनच अशा प्रकारे खरेदी आजवर होत आली. अर्थातच सोने खरेदीत फसवणूकही मोठ्या प्रमाणावर होत असे कारण त्याची शुद्धता तपासण्याचे कोणतेही साधन ग्राहकापाशी नसते आणि तांत्रिक चाचण्या केल्याखेरीज त्याची शुद्धता वरपांगी आजमावताही येत नाही. आता सरकारच्या या निर्णयामुळे या भगवान भरोसे कारभाराला थोडा आळा बसेल अशी अपेक्षा आहे.

- संजीव कामत, कांदोळी - बार्देश

गेल्या १९ डिसेंबर रोजी गोवा मुक्तीच्या सुवर्णमहोत्सवानिमित्त पणजीत मुख्यमंत्री दिगंबर कामत यांनी ध्वजारोहणानंतर केलेल्या भाषणात ‘क’ आणि ‘ड’ वर्गात येणार्‍या सरकारी कर्मचार्‍यांना व सेवानिवृत्त कर्मचार्‍यांना सरसकट पाच हजार रूपयांचा बोनस देण्याचा निर्णय ऐकवला. सरकारचा हा निर्णय म्हणजे ङ्गक्त मुख्यमंत्री व अन्य काही मंत्र्यांचा असावा असे वाटते. सर्वसाधारणपणे कुठलाही निर्णय घेण्याच्या अगोदर गोव्यातील विचारवंत व अन्य वरिष्ठ सरकारी अधिकार्‍यांची मते जाणून घेतली जावीत अशी अपेक्षा असते, व ती जरूर असावीच. पण सध्या विविध खात्यांतर्ङ्गे असले निर्णय जे घेतले जातात, ते बघितल्यावर हे निर्णय एकांगी तर घेतले जात नाहीत ना अशी शंका येते. या वैचारिक दिवाळखोरीच्या पंचनाम्यासाठीच हा पत्रप्रपंच!

सिंगापूर व केनिया देशांत भरपगारी नोकरी देण्याचे आमिष दाखवून १०० बेरोजगार तरुणांना फसविलेल्या दिल्ली येथील राजकुमार श्यामलाल व अरुण गोवर्धन शर्मा यांना चंडिगढ येथे मडगाव पोलिसांनी ताब्यात घेतले असून मडगावात येण्यास निघाले आहेत.

केंद्रीय निवडणूक आयोगाने जारी केलेल्या आदेशानुसार राज्यातील एकूण चाळीस मतदारसंघांपैकी १४ मतदारसंघ खर्चाच्या दृष्टीकोनातून संवेदनशील म्हणून जाहीर करण्यात आले आहेत. त्यामुळे या मतदारसंघात आयोजित करण्यात येणार्‍या प्रत्येक कार्यक्रमांवर निरीक्षक अधिक लक्ष केंद्रित करतील, अशी माहिती संयुक्त मुख्य निवडणूक अधिकारी नारायण नावती यांनी दिली.

येथील शिक्षण प्रशिक्षण केंद्राच्या आवारातील झोपड्या काल मोडून टाकण्यात आल्या.

दवर्ली येथे ईश्वर दांडी याच्या कारमधून अज्ञात चोरट्यांनी दोन लाख रुपयांचे दागिने पळविल्याची तक्रार मायणा कुडतरी पोलीस स्टेशनवर नोंदविली आहे.

ईश्वर दांडी व कुटुंबीय नातेवाईकाचा मृत्यू झाल्यामुळे आंध्रप्रदेशमध्ये गेले होते. ते रात्री परतले. रिवाजानुसार घरात देवकाम करून सामान आत नेण्यास पुरोहिताने सांगितले.

नदी परिवहन खात्याला जानेवारी महिन्याच्या अखेरीस मिळणार असलेल्या चार फेरीबोटींचे बांधकाम सध्या मंद गतीने चालू असल्याने आता सदर फेरीबोटी फेब्रुवारी महिन्यातच उपलब्ध होऊ शकणार असल्याचे खात्यातील सूत्रांनी सांगितले.

डिझायनर्स ज्वेलर्स या सोन्याच्या दुकानातून दोन अज्ञात महिलांनी सोने खरेदी करण्याच्या बहाणा वरून सत्तर हजार रुपये किंमतीची सोन्याची चेन (१६ ग्रॅम) लंपास केली.

काल बाजाराच्या दिवशी दुपारी २ महिला सदर दुकानात आला व चेन दाखवण्याची विनंती केली याच दरम्यान दुसर्‍या महिलेने गोष्टी करत असताना एक चेन बॅगेत टाकली व थोड्या वेळाने दोघेही दुकानातून निघून गेल्या.

अर्थमंत्री प्रणव मुखर्जी यांना निवेदन सादर

लोहखनिज निर्यातीवरील निर्यात करात केंद्र सरकारने केलेल्या दहा टक्के दरवाढीस गोवा चेंबर ऑफ कॉमर्स अँड इंडस्ट्रीजने विरोध दर्शवला असून संघटनेचे अध्यक्ष मांगीरिश पै रायकर यांनी यासंदर्भात अर्थमंत्री प्रणव मुखर्जी यांना एक निवेदन पाठविले आहे.

वोडाफोनचे आवाहन

आंतरराष्ट्रीय क्रमांकांवरून तुम्हाला जर मिस्‌ड कॉल आला असेल तर पुन्हा त्या क्रमांकाशी संपर्क करताना सावधगिरी बाळगा असे आवाहन वोडाफोनकडून करण्यात आले आहे.

वोडाफोन ग्राहकांनी केलेल्या तक्रारींनुसार त्यांना आंतरराष्ट्रीय क्रमांकावरून मिस्‌ड कॉल्स येत असून त्या क्रमांकाशी पुन्हा संपर्क केला असता भरमसाठ भाडे आकारले जात आहे. यासाठी ग्राहकांनी सावधानता बाळगावी असे आवाहन करण्यात आले आहे.

- भास्कर वासुदेव जोशी, कारापूर - तिस्क, साखळी.

पाकिस्तानमधील २७ कुटुंबे भारतात तीर्थयात्रेसाठी आली आहेत. त्यापैकी १४० सदस्यांनी आपल्याला भारतात राहू द्यावे अशी विनंती केंद्र सरकारला केली होती. मात्र, त्यांची ही विनंती ङ्गेटाळणार असल्याचे केंद्रीय गृहराज्यमंत्र्यांनी लोकसभेत एका प्रश्‍नावरील उत्तरात सांगितले. आता यावर त्यात काय चूक आहे, असे वर वर विचार करता वाटेल. परंतु त्यांना पाकमधून भारतात का येऊन रहावे असे वाटले याचा विचार केला, तर त्याचे उत्तर मिळते.

वैज्ञानिक संशोधनाच्या क्षेत्रात भारताची पीछेहाट होत असून चीनने भारतापेक्षा पुढे मजल मारली आहे, अशी स्पष्ट कबुली पंतप्रधान डॉ. मनमोहनसिंग यांनी नुकतीच भुवनेश्वरला सुरू असलेल्या ९९ व्या राष्ट्रीय विज्ञान कॉंग्रेसमध्ये दिली. वैज्ञानिक संशोधन आणि विकास यासंदर्भातील सरकारी अर्थसहाय्यात येत्या बाराव्या पंचवार्षिक योजनेत वाढीव तरतूद करण्याची ग्वाहीही त्यांनी दिली आहे. विज्ञान क्षेत्रातील भारताची पीछेहाट हे काही गुपीत नव्हे. गेल्या काही वर्षांमध्ये चीनच नव्हे, तर अगदी ब्राझीलसारख्या देशानेही भारताला मागे टाकले आहे आणि सरकारने आणि आपल्या औद्योगिक विश्वाने परस्पर सहकार्याने काही ठोस पावले उचलली नाहीत, तर येत्या काही वर्षांतच भारत आणखी पिछाडीवर जाणे हे अटळ आहे. एकेकाळी वैज्ञानिक संशोधनक्षेत्रात रशिया आघाडीवर होता, परंतु विघटनानंतर त्याची झपाट्याने पीछेहाट झाली. भारतीय विज्ञान क्षेत्रही त्याच वाटेने चालले आहे. ती रोखण्यासाठी केवळ वैज्ञानिक संशोधनासाठीची अर्थसंकल्पीय तरतूद राष्ट्रीय उत्पन्नाच्या सध्याच्या ०.०९ टक्क्यांवरून २ टक्क्यांवर नेणेच पुरेसे ठरणार नाही. त्याच्या जोडीनेच चीनप्रमाणे आणखीही गोष्टी घडणे आवश्यक असेल.

मोबाईल क्रमांक आणि आरोग्य विम्याच्या धर्तीवर आता बचत खाते क्रमांकांचे हस्तांतरण करण्याच्या प्रस्तावावर अर्थ मंत्रालय विचार करीत आहे. त्याला मान्यता मिळाल्यास कोणत्याही ग्राहकाला आपला खाते क्रमांक न गमावता बँक बदलता येऊ शकेल. या प्रक्रियेत कोणत्या तांत्रिक अडचणी आहेत त्याचा अभ्यास सुरू असून त्यावर मात केली जाईल असे अर्थ सेवा सचिव डी. के. मित्तल यांनी काल पत्रकारांना सांगितले.

विद्यमान कॉंग्रेस सरकारने भारतीय संस्कृती, भाषा, गोव्याची अस्मिता नष्ट करण्याचा प्रयत्न केलेला असून आगामी विधानसभा निवडणुकीत कॉंग्रेसला सत्तेवरून खाली खेचण्यासाठी भारतीय भाषा सुरक्षा मंच अभिनव अभियान राबवणार आहे, असे मंचच्या निमंत्रक शशिकलाताई काकोडकर यांनी सांगितले. मंच कॉंग्रेच्या विरोधात पूर्ण शक्तीनिशी प्रचार करणार असल्याचे त्या म्हणाल्या.

कुचेली-म्हापसा येथील मेल्विन डिसोझा यांच्या घरात अज्ञात चोरट्यांनी प्रवेश करून रोकड व सोन्याच्या वस्तू मिळून २ लाख रुपयांचा ऐवज लंपास केला.

लष्कर ए तोयबा ही दहशतवादी संघटना सध्या पाकव्याप्त काश्मीरातील तळावर २१ महिला दहशतवाद्यांना प्रशिक्षण देत असल्याची माहिती लष्कर सूत्रांच्या हाती लागली आहे.

तेंबवाडा मोरजी समुद्रकिनारी रशिया व इंग्लंडच्या मिळून ५ विदेशी पर्यटकांना समुद्रात बुडता बुडता जीवरक्षकांनी वाचवले.

मोरजी समुद्रात ११.१५ वाजता गॅलीलोवा कामीला (४०), ऍलेसीस कॅमरॉन (३५), कॉन्टन्नी डॅडस्व्हॅल (१५) या विदेशी महिला पर्यटक तसेच आल्तिनो पालूला (३०) व मुख्खावेट सीनलेवर (४५) हे रशियन्स समुद्रात आंघोळीसाठी गेले होते. अचानक १२.१५ वाजता ज्या ठिकाणी शापोरा नदीचे व अरबी समुद्राचे मीलन होते त्याठिकाणी पाण्याचा भोवर्‍यात ते सापडले.

केंद्रातील संयुक्त पुरोगामी आघाडीचा घटक पक्ष असलेल्या तृणमूल कॉंग्रेसने गोवा आणि मणिपूर विधानसभा निवडणूक लढवण्याची तयारी केल्याच्या पार्श्वभूमीवर त्यांनी तसे केले तरी काही फरक पडत नाही, अशी प्रतिक्रिया कॉंग्रेसने काल दिली.

जीवे मारण्याच्या धमकी प्रकरणात आरोग्यमंत्री विश्‍वजित राणे यांच्या विरोधात ऍड. आयरिश रॉड्रिग्ज यांनी सर्वोच्च न्यायालयात दाखल केलेल्या स्पेशल लिव्ह पिटिशनला सर्वोच्च न्यायालयाचे न्यायमूर्ती अल्तमास कबीर व न्यायमूर्ती सुरींदर सिंग निज्जार यांनी आज २२ फेब्रुवारीपर्यंत तहकूबी दिली असून त्याच दिवशी या याचिकेवर अंतिम सुनावणी होणार आहे.

३५ कि. मी. प्रतिलिटर धावणार असल्याचा दावा

दुचाकी उत्पादनात भारतात दुसर्‍या क्रमांकावर असलेल्या बजाज ऑटोने आपले पहिलेच चारचाकी उत्पादन काल बाजारात दाखल केले. कमी किमतीची कार असलेली ‘आरई ६०’ प्रति लिटर ३५ किलोमिटर चारलणार असल्याचा दावाही कंपनीने केला आहे. या गाडीची किंमत अधिकृतरित्या कंपनीने जाहीर केली नसली तरी ती साधारण १.२५ लाखांच्या आसपास असेल असे समजते. सध्या जगातील सर्वात स्वस्त कार असलेल्या नॅनोला ‘आरई ६०’ आव्हान ठरण्याची शक्यता व्यक्त होत आहे.

प्रादेशिक दूरचित्रवाणी वाहिन्यांच्या क्षेत्रात प्रचंड लोकप्रिय ठरलेल्या ईटीव्ही नेटवर्कची मालकी लवकरच नेटवर्क १८ व टीव्ही १८ समूहाकडे जाणार असून २१०० कोटी रुपयांना हा विक्री व्यवहार झाला आहे. राघव बहल यांच्यापाशी नेटवर्क १८ व टीव्ही १८ या दोन्ही कंपन्यांचे ५१ टक्के भागभांडवल राहणार असून आरआयएलच्या ४ जी ब्रॉडबँड डिजिटल प्लॅटफॉर्म असलेल्या ‘इन्फोटेल’चाही ताबा या कंपन्यांकडे येणार आहे.

- दिलीप बोरकर

पुण्याच्या अनुज बिडवेची हत्या ही व्यक्तिगत द्वेषापोटी केली गेली की वर्णद्वेषापोटी हे अद्याप स्पष्ट झालेले नसले, तरी विदेशस्थ भारतीय विद्यार्थ्यांच्या सुरक्षिततेचा प्रश्न पुन्हा ऐरणीवर आला आहे. यापूर्वी ऑस्ट्रेलियातील भारतीय विद्यार्थ्यांवर अशा प्रकारे निर्घृण हल्ले झाले आणि आता तर हे लोण अनेक प्रगत राष्ट्रां’ध्ये पसरल्याचे दिसून येत आहे. ख्रिस’सच्या रात्री अ’ेरिकेत आलोक गुप्ता या तरुणाची हत्या झाली. निरपराध भारतीय विद्यार्थ्यांना ’ाथेफिरूंकडून असे अकारण लक्ष्य केले जात असूनही भारत सरकार केवळ शाब्दिक इशारे दिले म्हणजे आपले कर्तव्य संपले असे मानून स्वस्थ बसले आहे. चिनी व्यापार्‍यांनी भारतीय मुत्सद्द्याला जी अपमानास्पद वागणूक दिली त्याचा निषेध चिनी मुत्सद्द्याला पाचारण करून लगोलग नोंदवण्यातील तत्परता आणि कणखरता ऑस्ट्रेलिया, ब्रिटन आणि अमेरिकेच्या बाबतीत मात्र दाखवली गेलेली दिसली नाही. उच्च शिक्षणासाठी आपल्या कुटुंबियांपासून लांब दूरदेशी जाणार्‍या हजारो भारतीय विद्यार्थ्यांच्या सुरक्षिततेसाठी भारत सरकारने आजवर काय केले हा विचार करण्यासारखा प्रश्न आहे.

- डॉ. सीताकांत घाणेकर

भगवंताने रचलेल्या या विश्‍वात विविध तर्‍हेचे लोक आहेत. तरुण-वृद्ध, सुशिक्षित-अशिक्षित, ज्ञानी-अज्ञानी... प्रत्येक जण आपल्या परीने वागतो. बहुतकरून वृद्ध, सुशिक्षित, ज्ञानी जनांकडून किमान अपेक्षा असते ती चांगुलपणाची. पण काही वेळा हे लोक असे वागतात की सामान्य जनता भांबावून जाते; आणि ज्यावेळी कुणा एका व्यक्तीवर जास्त करून स्त्रीवर अत्याचार होतात तेव्हा सगळीकडे अंधःकार दिसतो.

- प्रा. रमेश सप्रे

‘आनंद नाव ना रे तुझं? मग तुझा चेहरा फुललेल्या गुलाबासारखा नको का? असा कोमेजलेला का असतो नेहमी? हस पाहू जरा ... एक ... दोन ... तीन!’ माझा हाही प्रयत्न फसला होता. आनंद काही हसायला तयार नव्हता. याच वर्षी तो दुसर्‍या शाळेतून आला होता. वर्गशिक्षिकेला जरा या गोड पण दुःखी मुलाची कौटुंबिक पार्श्‍वभूमी जाणून घ्यायला सांगितल्यावर तिनं प्रासंगिक नोंदीची वहीच (ऍनेक्डोटल रेकॉर्ड) दाखवली.