27.6 C
Panjim
Saturday, August 15, 2020

स्त्री अजूनही अनभिज्ञच…!

– सौ. नीता शि. फळदेसाई, पर्वरी 

मागच्या आठवड्यात जागतिक महिला दिन साजरा केला गेला. आपल्या आईच्या स्मृतीसाठी लेकीने चालविलेल्या लढ्याला एक दिन म्हणून साजरा करण्याचा सन्मान या दिनाला मिळाला व तेव्हापासून स्त्रियांमध्ये असलेल्या अनेक गुणांचा महिमा वर्णिला जातो. अगदी पुरातन काळापासून ते आजच्या प्रगत युगात स्त्रीशक्तीविषयी सार्थ अभिमान बाळगून स्त्रियांबद्दल गौरवोद्गार काढले जातात. स्त्रीला वंदनीय मानले जाते. आई, बहीण, पत्नी, कन्या या चार प्रमुख भूमिकांमधली स्त्री समजून उमजून तिच्या कर्तृत्वाची दखल घेतली जाते. प्रत्येक घरात स्त्रीची भूमिका अतुलनीय आहे. घर फक्त घर न राहता, चार भिंती न राहता ते शांती, सुख, मानवी मूल्यांना जोपासणारे मंदिर करण्यास स्त्रीचा वाटा महत्त्वाचा आहे.परमेश्‍वराने स्त्रीला अतिशय हुशारीने सावकाश सवडीने, मोठ्या निगराणीने घडविले जेणेकरून कुठे कसर राहू नये. स्त्री कर्तबगारीमध्ये कुणाच्याही पेक्षा कमी नाही. आपल्या दोन हातांनी जगाशी भांडण्याची ताकद असणारी स्त्री दोन हातांचा पाळणा करून आपल्या तान्हुल्याला जोजविताना कमालीची हळवी होत असते.
अगदी पराकोटीचा संयम ठेवणार्‍या स्त्रीला आपल्यावर होणार्‍या अन्यायाशी मुकाबला करण्यास अजिबात वेळ लागत नाही. ईश्‍वराने स्त्रीची अद्वितीय अशी रचना करून तिला प्रत्येक क्षेत्रात टिकून राहण्यासाठी हवी असलेली जाण, संयम, धीर, हुशारी, समयसूचकता, दक्षता प्रदान केलेली आहे. दिवसा अठरा तास काम करण्याची अपूर्व शक्ती, दोन हातांनी अनेक कामे लीलया झेलण्याची किमया स्त्रीमध्ये आहे. स्त्री विचाराने, आचाराने प्रगल्भ आहे. बर्‍यावाइटाची पारख करण्याची नैसर्गिक शक्ती स्त्रीमध्ये आहे.
कणखर मनाची स्त्री एखाद्या छोट्याशा भावनिक प्रसंगाने वितळून जाते. प्रेमात, ममतेत सर्वस्व ओतणारी स्त्री विश्‍वासघात, प्रतारणा, वंचना मात्र सहन न करता अगदी दुर्गामातेच्या आवेशाने आपल्या झुंजार व्यक्तिमत्त्वाची छाप पण पाडू शकते. स्त्रीचे प्रेम निरपेक्ष असते. त्यागाची भावना अभिजात असते. छिन्नविच्छिन्न झालेल्या तिच्या हृदयातूनसुद्धा दुसर्‍याच क्षणी मायेचा झरा वाहत असतो. स्त्री अतुलनीय, अमूल्य वंदनीय आहे. स्त्रीच्या प्रत्येक कामगिरीतून तिच्या कर्तृत्वाची छाया दिसते. स्त्री आनंद निर्माण करते. एखाद्या रणरणत्या, भयाण आयुष्यात प्रेमाचा शीतल शिडकावा करून त्याचे जीवन पल्लवित करू शकते. पण मग एवढ्या सर्व जबाबदार्‍या यशस्वीपणे पार पाडणारी स्त्री अबला कशी? कारण मला वाटते देवाने सगळंकाही स्त्रीला दिले. कणखरपणा, दिलदारपणा, इमान, नेकी, सचोटी, कर्तृत्व, संयम, सहनशीलता… पण एक गोष्ट मात्र देव द्यायला विसरला असावा ती म्हणजे स्त्रीला स्वतःचीच ओळख, जाण. आपल्या कर्तृत्वाबद्दलची भरारी कदाचित स्त्री विसरली असावी व त्यामुळेच अजूनही एक अबला म्हणून अत्याचार, बलात्कार, हुंडाबळीच्या यज्ञात स्वाहा होते आहे. ज्या दिवशी तिला तिच्या स्वत्वाची ओळख होईल तोच दिवस तिच्या जीवनातला खरा ‘महिला दिन’ असेल!!

STAY CONNECTED

850FansLike
8,000SubscribersSubscribe

TOP STORIES TODAY

अजून खूप जायचे आहे पुढे…

प्रिय वाचकहो, नमस्कार!आपल्या सर्वांचे लाडके दैनिक नवप्रभा आज ५० वर्षांची सुवर्णमहोत्सवी वाटचाल यशस्वीपणे पूर्ण करून हीरक महोत्सवाच्या दिशेने पहिले पाऊल टाकत आहे....

राज्यात ४७६ नवे कोरोना रुग्ण

>> दोघांचा मृत्यू, बळींची संख्या ९३, एकूण रुग्णसंख्या १०,९७० राज्यात कोरोना पॉझिटिव्ह रुग्णांची संख्या वाढत असून काल नवे ४७६...

प्लाझ्मा उपचारामुळे दोघे कोरोनामुक्त

>> गंभीर कोरोनाबाधितांवर गोमेकॉत उपचार ः आरोग्यमंत्री विश्‍वजित राणे यांची माहिती प्लाझ्मा थेरपी करण्यात आलेले दोन कोरोना पॉझिटिव्ह रुग्ण...

पहिल्या मानवी चाचणीत भारतीय लस सुरक्षित

कोरोनासंबंधी भारत बायोटेक आणि आयसीएमआर विकसित करत असलेल्या कोवॅक्सीन ही लस देशातील १२ शहरांतील ३७५ स्वयंसेवकांना देण्यात आली होती. या लसीच्या पहिल्या...

ALSO IN THIS SECTION

भिन्न विचारसरणी ः यशाचे गमक

-   प्रा. प्रदीप मसुरकर (मुख्याध्यापक, जीएसएच नामोशी-गिरी) सध्या कोरोनामुळे मुलं आपल्या घरी असतील. त्यांच्याशी सुसंवाद साधा. त्यांच्या विचारांना चालना द्या, त्यांच्याबरोबर विविध खेळ खेळा व...

चातुर्मास ः एक आनंददायी पर्व

 नारायणबुवा बर्वे (वाळपई) कोरोना महामारी घालवण्यासाठी भारतासह जगामध्ये हेच भारतीयत्व वापरणे सुरू आहे. शरीर, मन, परिसर स्वच्छ राखणे आणि चातुर्मास पाळणे हेच आहे सोवळे-ओवळे म्हणजेच...

शिक्षण ः अखंड तेवणारा नंदादीप

 सौ. नीता महाजन शाळेतला फळा, खडू, पुस्तक हेच केवळ शिकवण्याचे साधन नाही तर आजच्या या परिस्थितीत मोबाईल, टीव्ही, रेडिओ ही माध्यमे खूप चांगल्या पद्धतीने...

उंच माझा झोका

अक्षता छत्रे कलाकारांचे परिश्रम, त्यांची वेशभूषा, रंगभूषा अशा छोट्या-मोठ्या गोष्टींचा अधिक सखोलपणे केला गेलेला अभ्यास, तसेच विक्रम गायकवाड व स्पृहा जोशी यांच्या परिश्रमातून सुरेख...

पत्रकार टिळक ः एक कटाक्ष

 प्रा. रमेश सप्रे ‘१ ऑगस्ट’ नियमितपणे येतो नि जागवल्या जातात पत्रकार, लोकनेते, संशोधक असलेल्या लो. टिळकांच्या आठवणी ज्यात प्रामुख्यानं लहानपणच्या शेंगांच्या टरफलांची गोष्ट, नंतरची...