27.6 C
Panjim
Saturday, August 15, 2020

पहिले राफेल विमान भारताच्या ताब्यात

फ्रान्सने काल एका विशेष सोहळ्यात बहुप्रतीक्षित पहिले राफेल जेट लढाऊ विमान भारताला सुपूर्द केले. हे विमान अधिकृतपणे स्वीकारण्यासाठी तेथे गेलेले भारताचे संरक्षणमंत्री राजनाथ सिंह यांनी हे विमान स्वीकारल्यानंतर या विमानाची पूजा केली. या सोहळ्यावेळी फ्रान्सच्या संरक्षणमंत्री फ्लोरेन्स पार्ली याही उपस्थित होत्या. भारताने ३६ राफेल विमाने खरीदण्यासाठी ५९ हजार कोटी रुपये व्यवहाराची ऑर्डर २०१६ साली दिली होती. ३६ पैकी चार विमाने मे २०२० पर्यंत भारताला मिळणार आहेत.
यावेळी विमानावर ओम रेखाटून विमानावर नारळ ठेवून राजनाथ सिंह यांनी पूजा केली. या विमानाची निर्मिती डसॉल्ट ऍविएशन या फ्रेंच कंपनीने केली असून त्यावर मिटिऑर व स्काल्प क्षेपणास्त्रे तैनात करण्यात आली आहेत.

३६ विमाने टप्प्याटप्प्याने मिळणार
टप्प्याटप्प्याने भारताला एकूण ३६ राफेल जेट विमाने मिळणार आहेत. राफेल लढाऊ विमानांचा पूर्ण ताफा मिळाल्यानंतर भारतीय हवाई दलाची ताकद अनेक पटींनी वाढणार आहे असे सांगून भारतीय हवाई दल हे जगातील सर्वात मोठे चौथ्या क्रमांकाचे हवाई दल आहे याकडे राजनाथ सिंह यांनी यावेळी उपस्थितांचे लक्ष वेधले.
विद्यमान हवाई दल प्रमुख राकेश भदुरिया हे हवाई दलाचे उपप्रमुख असताना राफेल विमान खरेदी प्रक्रियेत त्यांची महत्त्वाची भूमिका असल्याने या पहिल्या विमानावर त्यांची आद्याक्षरे असलेले आरबी ००१ राफेल असा उल्लेख विमानावर करण्यात आला आहे.

राजनाथ सिंह यांचे राफेलमधून उड्डाण
पहिल्याच राफेल जेट विमानातून राजनाथ सिंह यांनी उड्डाणही केले. या विमानातून उड्डाण करण्याची संधी मिळणे हा आपला मोठा सन्मान असल्याची प्रतिक्रिया त्यांनी व्यक्त केली. यावेळी त्यांच्या समवेत एअर मार्शल हरजित सिंग अरोरा हे उपस्थित होते.

ऐतिहासिक दिवस
आजचा दिवस भारत-फ्रान्स यांच्यातील द्विपक्षीय सामरीक सहकार्य क्षेत्रातील एक मैलाचा दगड ठरणार असल्याचे मत राजनाथ सिंह यांनी व्यक्त केले. तसेच आजचा दिवस भारतीय संरक्षण दलांसाठी ऐतिहासिक दिवस असल्याचेही ते म्हणाले. हा दिवस विजयादशमीचा आणि भारतीय हवाई दल दिवसही असल्याने अनेक दृष्टीकोनातूनही या दिवसाला आगळे महत्त्व आहे असे त्यांनी स्पष्ट केले.

STAY CONNECTED

850FansLike
8,000SubscribersSubscribe

TOP STORIES TODAY

अजून खूप जायचे आहे पुढे…

प्रिय वाचकहो, नमस्कार!आपल्या सर्वांचे लाडके दैनिक नवप्रभा आज ५० वर्षांची सुवर्णमहोत्सवी वाटचाल यशस्वीपणे पूर्ण करून हीरक महोत्सवाच्या दिशेने पहिले पाऊल टाकत आहे....

राज्यात ४७६ नवे कोरोना रुग्ण

>> दोघांचा मृत्यू, बळींची संख्या ९३, एकूण रुग्णसंख्या १०,९७० राज्यात कोरोना पॉझिटिव्ह रुग्णांची संख्या वाढत असून काल नवे ४७६...

प्लाझ्मा उपचारामुळे दोघे कोरोनामुक्त

>> गंभीर कोरोनाबाधितांवर गोमेकॉत उपचार ः आरोग्यमंत्री विश्‍वजित राणे यांची माहिती प्लाझ्मा थेरपी करण्यात आलेले दोन कोरोना पॉझिटिव्ह रुग्ण...

पहिल्या मानवी चाचणीत भारतीय लस सुरक्षित

कोरोनासंबंधी भारत बायोटेक आणि आयसीएमआर विकसित करत असलेल्या कोवॅक्सीन ही लस देशातील १२ शहरांतील ३७५ स्वयंसेवकांना देण्यात आली होती. या लसीच्या पहिल्या...

ALSO IN THIS SECTION

राज्यात ४७६ नवे कोरोना रुग्ण

>> दोघांचा मृत्यू, बळींची संख्या ९३, एकूण रुग्णसंख्या १०,९७० राज्यात कोरोना पॉझिटिव्ह रुग्णांची संख्या वाढत असून काल नवे ४७६...

प्लाझ्मा उपचारामुळे दोघे कोरोनामुक्त

>> गंभीर कोरोनाबाधितांवर गोमेकॉत उपचार ः आरोग्यमंत्री विश्‍वजित राणे यांची माहिती प्लाझ्मा थेरपी करण्यात आलेले दोन कोरोना पॉझिटिव्ह रुग्ण...

पहिल्या मानवी चाचणीत भारतीय लस सुरक्षित

कोरोनासंबंधी भारत बायोटेक आणि आयसीएमआर विकसित करत असलेल्या कोवॅक्सीन ही लस देशातील १२ शहरांतील ३७५ स्वयंसेवकांना देण्यात आली होती. या लसीच्या पहिल्या...

अशांतता पसरवल्यास योग्य प्रत्त्युत्तर ः राष्ट्रपती

जर कोणीही अशांतता परसवण्याचा प्रयत्न केला तर त्याला योग्य ते प्रत्युत्तर दिले जाईल असा कठोर संदेश चीनचे नाव न घेता स्वातंत्र्यदिनाच्या पूर्वसंध्येला...